Gihduz Hawj Vunz Rox 11:18 - Gij Baujcingq Moq Caeuq Geij Bonj Gij Baujcingq Daeuzdaeuz

¹⁸ Lajmbwn hih vunz cungj fatheiq, hoeng, mwngz caemh fatheiq lo. Mwngz saemjbuenq vunzrai hih mwhde caemh daengz lo. Mwngz cungj cangjliq hawj doengh boux cenz gij vah mwngz hih bouxhoiq mwngz, caeuq gij vunz mwngz yawjnaek mwngz hih; mboujguenj dang ak cixnaeuz yaqyuij, mwngz cungj cangj hawj. Mwngz caemh ij hawj doenghheij boqvaiq ciqgyaiq hih vunz satsoq lo!”

Gihduz Hawj Vunz Rox 11:18 ပူးပေါင်းရင်းမြစ်များ

Gihduz Hawj Vunz Rox 20:12

Gajlaeng, gou caiq yawjraen miz vunzrai, mboujguenj boux dang ak, cixnaeuz boux mij dang saek yiengh yaqyuij he, cungj ndwn youq dangqnaj aen lungzeij mwnq, caemh raen miz geij gienj saw hoi hwj, caemhcaiq raen miz daixlingh gienj ndaw de sij miz gij coh doengh boux ndaej lix he, dwg bonjbouh miz mingh he; gienj de caemh hoi hwj. Yiengq gij vunz gaenq rai he hih gij vunz neix, Cangqdiq cungj ciuq gyoengqde soj guh hih sij youq ndaw gienj saw hih ma saemjbuenq gyoengqde.

Gihduz Hawj Vunz Rox 19:5

Couh youq mwhneix, miz sing daj aen lungzeij mwnq gangj vah okdaeuj naeuz: “Sojmiz Cangqdiq dih hoiq, famz yawjnaek de hih, mboujguenj dang ak cixnaeuz mij dang saek yiengh, yaqyuij hih vunz, cungj ij haenh raeuz dih Cangqdiq!”

Gihduz Hawj Vunz Rox 13:10

Ij ngaiz gaemh dawz hih vunz gaengjdingq ngaiz gaemh dawz; ij ngaiz giemq ndaemq rai hih gaengjdingq ij ngaiz rai youq bakgyiemq. Sojhij naeuz dwg gij vunz Cangqdiq hih ijaeu miz naenxsim caeuq miz sinqsim.

Gihduz Hawj Vunz Rox 22:12

Youq ndaw loq gou, gou caiq dingqri Yehsuh naeuz: “Yawj bax, gou couh ij daeuj lo! Daengz mwhde, gou ij ciuq gak vunz soj guh hih ma bauqwngq gak vunz.

Gihduz Hawj Vunz Rox 15:7

Yiengq seiq duz doenghduz mwnq hih duz he dawz caet aen vanj gim hawj caet boux bouxcai mwnq; aen'aen vanj gim cungj coux rim seiqseiz lix dih Cangqdiq dih gij aeuqheiq de.

Gihduz Hawj Vunz Rox 15:1

Gajlaeng, gou caiq luj fangxngwnzloq yienghmwnq yawjraen gwnzmbwn miz daixlingh gij gingjdoengh. Gij gingjdoengh neix cix hung cix geizheih, couh dwg caet boux bouxcai Cangqdiq cangjguenj caet gij nanh gatsat mwnq, aenvih Cangqdiq sojmiz hih fatheiq cungj dwg fat youq ndaw caet gij nanh neix.

Gihduz Hawj Vunz Rox 14:10

caemh ij ngaiz gw gij laeuj get Cangqdiq lo; gij laeuj neix dwg caem youq aen cenj coux Cangqdiq aeuqheiq he. Mbouj danhcij yienghneix, vanzlij ij youq dangqnaj boux bouxcai Cangqdiq caeuq youq dangqnaj duz yiengzlwg ngaiz souh daengz feiz caeuq liuzvangz gyemz dawz.

Hihbwzlaiz Saw 9:27

Yiengq vunz gannaeuz caemh dwg cijngamq rai mbat dog lah, hoeng, vunz rai le ij ngaiz souh daengz saemjbuenq;

Luqgyah Saw 1:50

De hojsik gij vunz gingqcungh de, mboujguenj daihlawz hih vunz.

Majdaiq Saw 5:12

Faenhsou wnggai riuriu angqangq, aenvih youq gwnzmbwn Cangqdiq ij miz haujlai cangj hawj faenhsou, caemh aenvih youq dangq gaxgonq faenhsou caemh miz boux cenz gij vah Cangqdiq caemh yienghneix ngaiz vunz haih goq.”

Gihduz Hawj Vunz Rox 20:15

Famz gij coh byawz mij daengh youq ndaw bonjbouh miz mingh hih cungj ngaiz gveng haeuj mwnq feiz dawz mwnq bae.

Gihduz Hawj Vunz Rox 18:6

De baenzlaw doiq vunz, faenhsou caemh ij baenzlaw doiq de; ciuq de soj guh hih, gya boix bauqwngq hawj de. Yungh aen cenj boiq laeuj de gya boix boiq hawj de gw.

Gihduz Hawj Vunz Rox 11:2

Hoeng, mboujyungh rau baixrog aen laeuz gunghdenq baixndaw veizciengz mwnq hoengq mwnq lo, aenvih mwnq gaenq hawj doenghheij mbouj dwg gij vunz Cangqdiq he lo. Doenghheij vunz mwnq boqvaiq aen singz gvi hawj Cangqdiq seiqcib ngeih ndwen.

Gihduz Hawj Vunz Rox 19:15

Conghbak de hamz miz fag giemq raeh rwdrwd he, gij byai giemq de dwg yiengq doxok he. De dwg yungh fag giemq neix ma hoenxhingz lajmbwn sojmiz hih guek, yungh mbaenq diet ma guenjciq gyoengqde, caemh caij benj gij buzdauz ndaw ciz, yienghneix ndaej yienh ok akak rengzrengz gaiqgaiq cungj ndaej guh daengz dih Cangqdiq dih aeuqheiq.

Gihduz Hawj Vunz Rox 10:7

Daengj daixcaet boux bouxcai boq gywnhhauh mwhde, Cangqdiq dih giqvaq miqmiz couh ij doiqyienh lo, couh dwg de doiq bouxhoiq de, gyoengq boux cenz gij vah de, gangj goq hih gij giqvaq miqmiz mwnq.”

Gihduz Hawj Vunz Rox 13:16

Duz de vanzlij ep sojmiz hih vunz, mboujguenj dang ak cixnaeuz mij dang saek yiengh yaqyuij he, mboujguenj fouq cixnaeuz gungz, mboujguenj swqyouz cixnaeuz guh hoiq hih, cungj ij youq fawz gvaz cixnaeuz youq najbyak yaenq aen yaenq he guh geiqhauh.

Gihduz Hawj Vunz Rox 19:18

bae gw gij noh lajmbwn hih vuengz, caeuq gw gij noh canghgywnh hah, binggyep hah, caeuq gw gij noh max caeuq boux gwih duz max de, caeuq gij noh sojmiz hih swqyouz vunz caeuq guh hoiq hih vunz, caeuq mboujguenj dang ak cixnaeuz yaqyuij hih vunz he.”