Gihduz Hawj Vunz Rox 1:8 - Gij Baujcingq Moq Caeuq Geij Bonj Gij Baujcingq Daeuzdaeuz

⁸ Bouxcawj raeuz Cangqdiq naeuz: “Gou dwg Ahlahfaz, gou dwg Ngozmeizgyaz; gou dwg boux gaxgonq seizneix baezneix yungjyenj miz dih akak rengzrengz gaiqgaiq cungj ndaej guh daengz dih Cangqdiq.”

Gihduz Hawj Vunz Rox 1:8 ပူးပေါင်းရင်းမြစ်များ

Gihduz Hawj Vunz Rox 22:13

Gou dwg Ahlahfaz, gou dwg Ngozmeizgyaz; gou dwg daixdaeuz caemh dwg gatyet; gou dwg gaihcij, caemh dwg gatsat.

Gihduz Hawj Vunz Rox 21:6

Gajlaeng de vanzlij doiq gou naeuz: “Guh sat lo! Gou dwg Ahlahfaz, gou dwg Ngozmeizgyaz; gou dwg gaihcij, gou dwg gatsat. Gou ij dawz gij raemx mboq miz mingh he begbeg soengq hawj gij vunz hozhawq he gw.

Gihduz Hawj Vunz Rox 1:4

Gou, Yozhanq, sij saenq hawj Yaqsiqyaq Saengj caet aen gyauqveiq. Muengh boux gaxgonq seizneix baezneix yungjyenj miz dih Cangqdiq caeuq youq dangqnaj aen lungzeij de hih caet gij hoenzsaenz

Gihduz Hawj Vunz Rox 11:17

naeuz: “Gaxgonq, seizneix dih Cangqdiq, akak rengzrengz gaiqgaiq cungj ndaej guh daengz dih Cangqdiq bouxcawj, gyoengqraeuz docih mwngz, aenvih mwngz guh vuengz gaem gienz.

Gihduz Hawj Vunz Rox 1:17

Gou baex yawjraen he, couh lau hwj laemxdengx youq dangqnaj de, iet sohsangh luj vunzrai nwih. De raen yienghneix le, couh aeu fawz gvaz de ma oemj gwnz ndang gou doiq gou naeuz: “Gaej lau, gaej lau! Gou dwg gaihcij, gou dwg gatsat lah.

Gihduz Hawj Vunz Rox 2:8

Boux de vanzlij caiq naeuz: “Mwngz caemh ij sij saenq hawj bouxcai Swqmeijnaz gyauqveiq; mwngz ij yienghneix sij naeuz: Boux gaihcij caeuq gatsat caemh dwg rai le dauqlix he yienghneix naeuz:

Gihduz Hawj Vunz Rox 4:8

Seiq doenghduz neix duzduz cungj miz roek gij fwed, baixndaw baixrog cungj miz ra hwj rim bae. Gyoengqde ngwnzngoenz cungj mbouj dingz hih haenh naeuz: Singq hwx! Singq hwx! Singq hwx! Bouxcawj raeuz Cangqdiq, gaxgonq seizneix baezneix yungjyungj yenjyenj miz dih akak rengzrengz gaiqgaiq cungj ndaej guh daengz dih Cangqdiq! Singq hwx!

Gohlimzdoh Ngeih 6:18

Gou ij guh daxboh faenhsou, faenhsou caemh ij guh gij lwg gou. Gij vah neix dwg gou, akak rengzrengz dih Cangqdiq gangj hih.

Lizsij dih Gaihcij 49:25

Baujcuk baujyouh daxboh mwngz dih Cangqdiq bang mwngz; Akak rengzrengz gaiqgaiq cungj ndaej guh daengz dih Cangqdiq soengq fuk hawj mwngz. De ij dawz sojmiz dih gwnzmbwn lajdeih dih fuk soengq hawj mwngz, Hawj gij vunz mwngz hwngqhwngq seiqseiq, Cwzcwz yiengzyiengz baenx gyoengq baenx gyoengq.

Gihduz Hawj Vunz Rox 19:15

Conghbak de hamz miz fag giemq raeh rwdrwd he, gij byai giemq de dwg yiengq doxok he. De dwg yungh fag giemq neix ma hoenxhingz lajmbwn sojmiz hih guek, yungh mbaenq diet ma guenjciq gyoengqde, caemh caij benj gij buzdauz ndaw ciz, yienghneix ndaej yienh ok akak rengzrengz gaiqgaiq cungj ndaej guh daengz dih Cangqdiq dih aeuqheiq.

Gihduz Hawj Vunz Rox 16:14

Doenghheij fangz mwnq rox doeng loengh sae loengh doenghgij geizmiuj he. Gyoengqde ok bae cimh lajmbwn sojmiz hih vuengz, cimh gyoengqde hawj gyoengqde doxcomz hwj cwnjbiq daengz ngoenz akak rengzrengz gaiqgaiq cungj ndaej guh daengz hih Cangqdiq saemjbuenq vunz lajmbwn hih ngoenz dwzbez mwnq doxhoenx.

Gihduz Hawj Vunz Rox 21:22

Hoeng, gou mij yawjraen ndaw singz neix miz cangqbungz Cangqdiq, aenvih akak rengzrengz gaiqgaiq cungj ndaej guh daengz dih Cangqdiq bouxcawj caeuq duz yiengzlwg couh dangq dwg aen cangqbungz lo.

Ok Ngaihgiz 6:3

Gou doenghbaez yienh hawj Yaqbwzlahhanj, Hijsaj caeuq Yajgoz raen hih cungj dwg akak rengzrengz gaiqgaiq cungj ndaej guh daengz dih Cangqdiq, hoeng, gij coh Yehhozvaz gou, gou cungj mij hawj gyoengqde rox goq.

Gihduz Hawj Vunz Rox 1:11

“Mwngz ij dawz mwngz soj yawjraen hih sij hwnjdaeuj, fak bae hawj Hijfuzsoj Singz hih gyauqveiq hah, Swqmeijnaz Singz hih gyauqveiq hah, Bezgyahmoh Singz hih gyauqveiq hah, Deihyajdeihlah Singz hih gyauqveiq hah, Sajdiz Singz hih gyauqveiq hah, Feihlahdezfeih Singz hih gyauqveiq hah, Laujdijgyah Singz hih gyauqveiq hah, caet aen gyauqveiq neix.”

Lizsij dih Gaihcij 35:11

Cangqdiq caiq doiq de naeuz: “Gou dwg akak rengzrengz gaiqgaiq cungj ndaej guh daengz dih Cangqdiq. Mwngz ij miz lwglwg lanlan; doengh daih lwglan gajlaeng mwngz ij bienqbaenz aen guekgya he, gajlaeng, vanzlij caiq bienqbaenz haujlai haujlai aen guekgya. Gij lwglan mwngz caemh miz haujlai vunz ndaej dang vuengz.

Lizsij dih Gaihcij 28:3

Muengh akak rengzrengz gaiqgaiq cungj ndaej guh daengz dih Cangqdiq soengq fuk hawj mwngz, sawjhawj mwngz miz lwglwg lanlan hwngqhwngq seiqseiq, bienqbaenz aen minzcuz hunghung he.

Lizsij dih Gaihcij 17:1

Yaqbwzlanz ndaej goujcib gouj bi mwhde, Yehhozvaz yienh hawj de raen, doiq de naeuz: “Gou dwg akak rengzrengz cauh gwnzmbwn caeuq lajdeih sojmiz hih gaiqgaiq cungj ndaej guh daengz dih Cangqdiq. Mwngz ijaeu dingq gou gaen gou, ij guh boux vunz cix soh cix lauxsaed he.

Lizsij dih Gaihcij 43:14

Muengh Cangqdiq, couh dwg akak rengzrengz gaiqgaiq cungj ndaej guh daengz dih Cangqdiq, sawjhawj de sim'unq le, ndaej hawj Benqyajminj caeuq Sihmenj gaen faenhsou ma. Hauhnaeuz yienghneix cungj lij ij hawj gou baih lwg nex, gou caemh gauqswz lo, cungj caenhbouh liux lo, mij banqfaz laem lo, suenq lo.”

Lizsij dih Gaihcij 48:3

doiq Yozswz naeuz: “Mwh gou youq dieg Gyahnamz dep aen haw Luqswh mwnq, akak rengzrengz gaiqgaiq cungj ndaej guh daengz dih Cangqdiq yienh hawj gou raen goq, vanzlij hoh fuk hawj gou.

Ok Ngaihgiz 3:14

Yiengq Cangqdiq han naeuz: “Gou couh dwg boux gag miz seiqseiz miz he.” De caiq doiq Mohsih naeuz: “Mwngz ij yienghneix doiq gij vunz Hijswzlez naeuz: ‘Boux gag miz mwnq baij gou daeuj laeng faenhsou dineix lah.’”

Gihduz Hawj Vunz Rox 15:3

ciengq gij go Mohsih bouxhoiq Cangqdiq caeuq gij go duz yiengzlwg. Gyoengqde ciengq naeuz: Akak rengzrengz gaiqgaiq cungj ndaej guh daengz dih Cangqdiq bouxcawj hax! Mwngz soj guh hih cix veijdaq cix geizmiuj! Fanh guek dih vuengz hax! Mwngz dih guhfap cix deng cix saedsaeh!

Gihduz Hawj Vunz Rox 16:7

Gajlaeng gou caiq dingqri miz sing daj aen luz dajbwiz han naeuz: “Deng lo! Akak rengzrengz gaiqgaiq cungj ndaej guh daengz dih Cangqdiq bouxcawj hax, mwngz dih saemjbuenq dwg goengbingz hih, dwg saedsaeh hih!”

Gihduz Hawj Vunz Rox 19:6

Gajlaeng, gou caiq dingqri lujnaeuz baenxbienh vunz cix lujnaeuz raemxfai biu cix lujnaeuz byajraez yienghmwnq gog saxsax hemq naeuz: “Hahliqluqyaq! Bouxcawj raeuz akak rengzrengz gaiqgaiq cungj ndaej guh daengz dih Cangqdiq guh vuengz lux!