Gihduz Hawj Vunz Rox 1:7 - Gij Baujcingq Moq Caeuq Geij Bonj Gij Baujcingq Daeuzdaeuz

⁷ Gou naeuz sou ni, cenz lajmbwn sojmiz hih vunz cungj ij yawjraen de caeuq gij fwj daj gwnzmbwn roengz daeuj, daiqlienz ndaemq de hih vunz cungj ij yawjraen de. De daeuj hih mwhde, lajmbwn sojmiz hih minzcuz cungj siengsim gikheiq hwj daej. Doenghgij saeh neix gaengjdingq ij fatseng. Ahmaenz.

Gihduz Hawj Vunz Rox 1:7 ပူးပေါင်းရင်းမြစ်များ

Majdaiq Saw 24:30

Daengz mwhmwnq, vunz ij raen gou, Vunz dih Daiqbiuj, ij dauq daeuj dih gij gingjdoengh he yienh youq gwnzmbwn; lajmbwn gij vunz ij daej ngwdngwd. Gajlaeng, gyoengqde caemh ij raen gou, Vunz dih Daiqbiuj, rongh sagsag myig myiengzmyiengz, cienfanh miz vi miz rengz he hwj caeuq gij fwj daj gwnzmbwn roengz daeuj.

Yozhanq Saw 19:37

Ndaw de caemh vanzlij caiq sij miz gawq he: Gyoengqde ij yawj boux ngaiz bonjfaenh gyoengqde ndaemq hih vunz.

Majgoj Saw 14:62

Yehsuh dingq le, han naeuz: “Dwg hah, gou couh dwg. Baezneix faenhsou gaengjdingq ij yawjraen Vunz dih Daiqbiuj naengh youq baixgvaz gienz akak rengzrengz dih Cangqdiq, caemh ij yawjraen de caeuq gij fwj daj gwnzmbwn roengz daeuj.”

Luqgyah Saw 21:27

Daengz mwhmwnq, gij vunz ij raen gou, Vunz dih Daiqbiuj, rongh sagsag myig mywngzmywngz cienfanh miz vi miz rengz he, caeuq gij fwj daj gwnzmbwn roengz daeuj.

Dezsajloznizgyah It 4:17

Gajlaeng, gyoengqraeuz doenghheij lij lix hih vunz gaengjdingq ij caeuq gyoengqde itheij ndaej ciep haeuj ndaw fwj bae, ndaej youq gwnzmbwn raen bouxcawj raeuz, vanzlij ndaej yungjyenj caeuq de youq itheij.

Dezsajloznizgyah It 1:10

Gij vunz caemh cenz naeuz faenhsou haenj daengj daeglwg de daj gwnzmbwn roengz daeuj, couh dwg de hawj de daj rai ndaej dauqlix hih, ij gouq gyoengqraeuz duet ok Cangqdiq fad vunz dih boux Yehsuh neix lo.

Majgoj Saw 13:26

Daengz mwhmwnq, gij vunz ij yawjraen Vunz dih Daiqbiuj rongh sagsag myig myiengzmyiengz cienfanh miz vi miz rengz he caeuq gij fwj daj gwnzmbwn roengz daeuj.

Youzdaq Saw 1:14

Doengh cungj vunz neix, Yaqdangh dih daixcaet daih lan, Hijnoz, gaenq cenz gij vah Cangqdiq naeuz goq naeuz: Yawj veiq, bouxcawj daiq ciencien fanhfanh bouxcai de caeuq de itheij daeuj!

Majdaiq Saw 26:64

Yehsuh dingq le, han naeuz: “Mwngz naeuz ndaej deng lo. Hoeng, gou naeuz mwngz ni, baezneix mwngz ij yawjraen gou, Vunz dih Daiqbiuj, naengh youq gienz akak rengzrengz dih Cangqdiq dih baixgvaz de hwj caeuq gij fwj daj gwnzmbwn roengz daeuj!”

Gihduz Hawj Vunz Rox 22:20

Boux cingqmingz doenghgij saeh neix hih boux mwnq caiq naeuz: “Deng lo, gou couh ij daeuj lo.” Ahmaenz! Yehsuh bouxcawj raeuz hax, gou muengh mwngz daeuj!

Yozhanq It 3:2

Cinhngaiq dih baengzyoux hax, seizneix gyoengqraeuz gaenq dwg lwg Cangqdiq lo, hoeng gyoengqraeuz lij mbouj rox guh lwg de ij baenzlaw yiengh; caenhgag rox daengj daengz mwh he, gyoengqraeuz couh ndaej luj de baenx ndei, aenvih gyoengqraeuz gaengjdingq ndaej raen de cingsuj.

Hihbwzlaiz Saw 10:29

Yiengq, ciuq luj yienghneix ma yawj, doenghheij dawz daeglwg Cangqdiq ma caij youq laj din, yawj mbouj hwnj gij lwed Cangqdiq aeu ma dinghlaeb saen dih baujcingq lienz diuzgyenq hwj hawj vunz ndaej mienx coih hih, caiq yawj doiq vunz haijliengh dih Hoenzsaenz Cangqdiq ngawz hih doenghheij vunz mwnq, mbouj engqgya haz?

Yozhanq Saw 19:34

Hoeng, miz boux binggyep he engq aeu hungzinghcangh ma ndaemq famhdungx de, ndaemq hwj famhdungx de couh doq ok lwed ok raemx okdaeuj.

Gihduz Hawj Vunz Rox 22:4

caemh ndaej yawjraen de, gij coh de caemh gaengjdingq yaenq youq najbyak gyoengqde.

Hihbwzlaiz Saw 6:6

hih doengh cungj vunz neix, hauhnaeuz gyoengqde yiem Gihduz nex, couh hoj nginh loek gaijgoq dauq nginh Gihduz lo, aenvih gyoengqde couh dangq caenfawz dawz daeglwg Cangqdiq caiq ding hwnj gwnz gyaq cixcib bae sai de lo.

Majdaiq Saw 16:27

Gou naeuz sou ni hax, baezneix gou, Vunz dih Daiqbiuj, ij luj Bohmbwn gou yienghmwnq najrongh sagsag hwj caeuq bouxcai de itheij daeuj. Daengz mwhmwnq, gou couh ciuq gak vunz soj guh hih, ndei hih hawj vunz ndei, rwix hih bauqwngq hawj vunz.

Majdaiq Saw 16:28

Gou caiq naeuz sou ni, faenhsou ndaw neix hih vunz miz mbangj hih vunz youq de lij lix hih mwhde gaengjdingq ndaej raen Vunz dih Daiqbiuj daeuj dang vuengz.”

Majdaiq Saw 25:31

Yehsuh gangj sat doenghgij saeh neix le, caiq naeuz: “Mwh Vunz dih Daiqbiuj youq ndaw rongh sagsag myig myiengzmyiengz caeuq sojmiz hih bouxcai Cangqdiq daeuj hih mwhde, dwg naengh youq aen lungzeij rongh sagsag he.