Gihduz Hawj Vunz Rox 1:4 - Gij Baujcingq Moq Caeuq Geij Bonj Gij Baujcingq Daeuzdaeuz

⁴ Gou, Yozhanq, sij saenq hawj Yaqsiqyaq Saengj caet aen gyauqveiq. Muengh boux gaxgonq seizneix baezneix yungjyenj miz dih Cangqdiq caeuq youq dangqnaj aen lungzeij de hih caet gij hoenzsaenz

Gihduz Hawj Vunz Rox 1:4 ပူးပေါင်းရင်းမြစ်များ

Hihbwzlaiz Saw 13:8

Dwzbez dwg Yehsuh Gihduz; de mboujguenj seizlawz, ngoenzlwenz cixnaeuz ngoenzneix cixnaeuz daengz yungjyenj, cungj dwg doxdoengz.

Yozhanq Saw 1:1

Daj gaihcij mijyaengz cauh mbwn cauh deih haem, cix miz gij vah Cangqdiq lo. Miz Cangqdiq caemh miz gij vah de; gij vah de couh dangq dwg Cangqdiq lo.

Gihduz Hawj Vunz Rox 5:6

Gajlaeng gou caiq yawjraen duz yiengzlwg luj ngaiz vunz gaj goq he ndwn youq gaenh aen lungzeij baixndaw seiq duz doenghduz mwnq; gwnz ndang de miz caet gij gok caeuq caet cehra, couh dwg baij bae daengz ciqgyaiq gak dieg dih caet gij Hoenzsaenz Cangqdiq he.

Gihduz Hawj Vunz Rox 4:5

Aen lungzeij mwnq miz byajmyig byajraez, miz sing yiengj rumxrumx. Dangqnaj aen lungzeij mwnq diemj miz caet aen daeng; caet aen daeng neix couh dwg caet gij Hoenzsaenz Cangqdiq.

Gihduz Hawj Vunz Rox 1:8

Bouxcawj raeuz Cangqdiq naeuz: “Gou dwg Ahlahfaz, gou dwg Ngozmeizgyaz; gou dwg boux gaxgonq seizneix baezneix yungjyenj miz dih akak rengzrengz gaiqgaiq cungj ndaej guh daengz dih Cangqdiq.”

Gihduz Hawj Vunz Rox 3:1

Boux de vanzlij caiq naeuz: “Mwngz ij sij saenq hawj bouxcai Sajdiz gyauqveiq; mwngz ij yienghneix sij naeuz: Boux miz caet gij Hoenzsaenz Cangqdiq caeuq miz caet aen ndaundeiq hih naeuz: Gou rox mwngz soj guh hih; gou caemh rox, gannaeuz miz vunz naeuz mwngz dwg lix hih, hoeng, gizsaed mwngz dauq dwg rai hih!

Yajgoz Saw 1:17

Cauh rongh dih Cangqdiq, de mbouj yaeuh vunz. De caenhrox daj gwnzmbwn soengq gak cungj gak yiengh ndei ndwtndwt he roengzdaeuj lah; de yungjyenj mbouj bienq, cungj dwg doxdoengz hih.

Ok Ngaihgiz 3:14

Yiengq Cangqdiq han naeuz: “Gou couh dwg boux gag miz seiqseiz miz he.” De caiq doiq Mohsih naeuz: “Mwngz ij yienghneix doiq gij vunz Hijswzlez naeuz: ‘Boux gag miz mwnq baij gou daeuj laeng faenhsou dineix lah.’”

Gihduz Hawj Vunz Rox 4:8

Seiq doenghduz neix duzduz cungj miz roek gij fwed, baixndaw baixrog cungj miz ra hwj rim bae. Gyoengqde ngwnzngoenz cungj mbouj dingz hih haenh naeuz: Singq hwx! Singq hwx! Singq hwx! Bouxcawj raeuz Cangqdiq, gaxgonq seizneix baezneix yungjyungj yenjyenj miz dih akak rengzrengz gaiqgaiq cungj ndaej guh daengz dih Cangqdiq! Singq hwx!

Gihduz Hawj Vunz Rox 3:7

Boux de vanzlij caiq naeuz: “Mwngz ij sij saenq hawj bouxcai Feihlahdezfeih gyauqveiq; mwngz ij yienghneix sij naeuz: Boux gvi haeuj Cangqdiq, sinq ndaej goq he, dawz gij seiz Daqveiq goengjvuengz neix he, caemh hoi dou le mij'z vunz ndaej haep he, haep le caemh mij'z vunz ndaej hoi he hih boux mwnq naeuz:

Lozmaj Saw 1:7

Gou sij fung saenq neix dwg sij hawj gij vunz faenhsou youq Lozmaj Cangqdiq aiq he, caemh dwg Cangqdiq senj ma guh gij vunz de he. Muengh daxboh raeuz Cangqdiq caeuq bouxcawj raeuz Yehsuh Gihduz doiq faenhsou haijliengh, soengq bingzan hawj faenhsou!

Gihduz Hawj Vunz Rox 2:8

Boux de vanzlij caiq naeuz: “Mwngz caemh ij sij saenq hawj bouxcai Swqmeijnaz gyauqveiq; mwngz ij yienghneix sij naeuz: Boux gaihcij caeuq gatsat caemh dwg rai le dauqlix he yienghneix naeuz:

Gihduz Hawj Vunz Rox 1:20

Gangj daengz mwngz soj yawjraen hih, couh dwg fawz gvaz gou dawz caet aen ndaundeiq caeuq caet aen gyaqdaeng gim, gij iqswh de dwg naeuz: caet aen ndaundeiq dwg daiqbiuj caet aen gyauqveiq dih caet bouxcai; caet aen gyaqdaeng gim couh dwg daiqbiuj caet aen gyauqveiq.”

Gihduz Hawj Vunz Rox 1:11

“Mwngz ij dawz mwngz soj yawjraen hih sij hwnjdaeuj, fak bae hawj Hijfuzsoj Singz hih gyauqveiq hah, Swqmeijnaz Singz hih gyauqveiq hah, Bezgyahmoh Singz hih gyauqveiq hah, Deihyajdeihlah Singz hih gyauqveiq hah, Sajdiz Singz hih gyauqveiq hah, Feihlahdezfeih Singz hih gyauqveiq hah, Laujdijgyah Singz hih gyauqveiq hah, caet aen gyauqveiq neix.”

Gohlimzdoh Ngeih 1:2

Muengh daxboh raeuz Cangqdiq caeuq bouxcawj raeuz Yehsuh Gihduz doiq faenhsou haijliengh, hawj faenhsou bingzan!

Gohlimzdoh It 1:3

Muengh daxboh raeuz Cangqdiq caeuq bouxcawj raeuz Yehsuh Gihduz doiq faenhsou haijliengh, hawj faenhsou bingzan!

Gihduz Hawj Vunz Rox 3:14

Boux de vanzlij caiq naeuz: “Mwngz ij sij saenq hawj bouxcai Laujdijgyah gyauqveiq; mwngz ij yienghneix sij naeuz: Boux ahmaenz, couh dwg boux lauxsaed sinq ndaej goq dih cingqyinz, boux Cangqdiq cauh sojmiz hih doenj he, de yienghneix naeuz:

Gihduz Hawj Vunz Rox 2:18

Boux de vanzlij caiq naeuz: “Mwngz ij sij saenq hawj bouxcai Deihyajdeihlah gyauqveiq; mwngz ij yienghneix sij naeuz: Daeglwg Cangqdiq, couh dwg boux cehra de ronghndongq luj duj feiz, gij ha de myig luj doengz he, de yienghneix naeuz:

Gihduz Hawj Vunz Rox 2:12

Boux de vanzlij caiq naeuz: “Mwngz ij sij saenq hawj bouxcai Bezgyahmoh gyauqveiq; mwngz ij yienghneix sij naeuz: Boux miz fag giemq bak giemq huz giemq cungj raeh he yienghneix naeuz:

Gihduz Hawj Vunz Rox 1:1

Laj neix dwg Cangqdiq hawj Yehsuh Gihduz dawz gij saeh ijvanh fatseng he gangj naeuz doengh bouxhoiq de ni. Couh vih yienghneix, Yehsuh Gihduz couh baij bouxcai de daeuj naeuz gou, Yozhanq bouxhoiq de ni.

Geiq Dwzbaijyienz 19:10

Baujloz bijlienz yienghneix guh song bi baenxlai caez, hawj sojmiz youq Yaqsiqyaq hih vunz, mboujguenj vunz Youzdaiq haj cixnaeuz vunz Hihlaz, cungj ndaej dingq daengz Cangqdiq dih ndei siuhsiz.

Geiq Dwzbaijyienz 2:9

Gyoengqraeuz dineix miz Baqdizyaq vunz, Majdaiq vunz, Hijlanz vunz, caeuq youq Meijsojbuqdazmijyaq hah, youq Youzdaiq hah, youq Gyahbaqdohgyah hah, youq Baenjduh hah, youq Yaqsiqyaq hah,

Gihduz Hawj Vunz Rox 1:9

Gou dwg Yozhanq, dwg caeuq faenhsou doxdoengz vih Yehsuh Gihduz hwj souh nanh, doxdoengz ndaej youq ndaw guek Cangqdiq yangjfuk, doxdoengz naenxsim mbouj doeknaiq hih beixnuengx. Caemh dwg vih ij cenz gij vah Cangqdiq caeuq vih ij guh Yehsuh dih cingqyinz hwj ngaiz boenq bae daengz aen dauj heuh Bazmoh he youq he.

Gihduz Hawj Vunz Rox 1:17

Gou baex yawjraen he, couh lau hwj laemxdengx youq dangqnaj de, iet sohsangh luj vunzrai nwih. De raen yienghneix le, couh aeu fawz gvaz de ma oemj gwnz ndang gou doiq gou naeuz: “Gaej lau, gaej lau! Gou dwg gaihcij, gou dwg gatsat lah.

Gihduz Hawj Vunz Rox 8:2

Gajlaeng, gou yawjraen ndwn youq dangqnaj Cangqdiq hih caet boux bouxcai mwnq ciep aeu caet aen gywnhhauh.

Gihduz Hawj Vunz Rox 16:5

Gajlaeng gou dingqri boux guenj raemx hih bouxcai naeuz: “Gaxgonq, seizneix, gag mwngz cij dwg Cangqdiq hih hax, mwngz soj fad hih doenghgij neix dwg goengbingz hih,

Gihduz Hawj Vunz Rox 22:8

Gwnz neix sojmiz hih cungj dwg gou, Yozhanq, luj fangxngwnzloq yienghmwnq caenra raen, caenrwz dingqri he. Gou caenra raen caenrwz dingqri doenghgij neix le, couh bomz roengz dangqnaj bouxcai naeuz gou ni doenghgij saeh neix hih bae, ij baiq de.

Gihduz Hawj Vunz Rox 22:16

“Gou, Yehsuh, baij bouxcai gou bae daengz gak gyauqveiq bae naeuz faenhsou ni doenghgij saeh neix, couh dwg gou, Yehsuh, dwg Daqveiq dih doengh daih gajlaeng de, dwg aen ndauhaet rongh sagsag mwnq.”