Gihduz Hawj Vunz Rox 1:18 - Gij Baujcingq Moq Caeuq Geij Bonj Gij Baujcingq Daeuzdaeuz

¹⁸ Gou dwg seiqseiz lix hih. Gou rai goq, hoeng gou seizneix dwg lix hih; mbouj danhcij naeuz dwg lix, vanzlij dwg yungjyungj yenjyenj lix, caemh dwg cangjguenj rai caeuq ndawlaep hih seiz dou.

Gihduz Hawj Vunz Rox 1:18 ပူးပေါင်းရင်းမြစ်များ

Lozmaj Saw 6:9

aenvih gyoengqraeuz rox, Gihduz gaenq daj rai ndaej dauqlix lo. De couh mbouj caiq ngaiz rai haem lo; rai caemh mbouj caiq ndaej guenjciq de haem lo.

Hihbwzlaiz Saw 7:25

Sojhij, famz baengh de hwj ndaej bae daengz Cangqdiq mwnq hih vunz, de cungj ndaej gouq gyoengqde, hawj gyoengqde yungjyenj ndaej gouq, aenvih Yehsuh dwg seiqseiz lix hih, ndaej bang gyoengqde gouz Cangqdiq hih.

Gihduz Hawj Vunz Rox 3:7

Boux de vanzlij caiq naeuz: “Mwngz ij sij saenq hawj bouxcai Feihlahdezfeih gyauqveiq; mwngz ij yienghneix sij naeuz: Boux gvi haeuj Cangqdiq, sinq ndaej goq he, dawz gij seiz Daqveiq goengjvuengz neix he, caemh hoi dou le mij'z vunz ndaej haep he, haep le caemh mij'z vunz ndaej hoi he hih boux mwnq naeuz:

Hihbwzlaiz Saw 12:2

Gyoengqraeuz caemh wnggai dawz singjsaenz coengq youq gwnz ndang Yehsuh, aenvih de dwg daiq daeuz hawj gyoengqraeuz sinq he, caeuq hawj gyoengqraeuz ndaej gyenhciz sinq raixcaix he. De vih miz gij engqgya angq he hwj daengj de he, de couh naenxsim mbouj dawz de ngaiz ding hwnj gwnz gyaq cixcib bae rai hih dangqbaenz dwg gij saetnaj saetnyaenq he. Seizneix de gaenq ndaej naengh youq baixgvaz Cangqdiq lo.

Majdaiq Saw 16:19

Gou vanzlij ij dawz guek Cangqdiq hih seiz gyau hawj mwngz. Famz dwg mwngz youq lajdeih soj gimqcij hih, caemh dwg Cangqdiq youq gwnzmbwn gaenq gimqcij hih; mwngz youq lajdeih soj hawj hih, caemh dwg Cangqdiq youq gwnzmbwn gaenq hawj hih.”

Gihduz Hawj Vunz Rox 20:14

Gajlaeng, rai caeuq ndawlaep cungj ngaiz gveng haeuj mwnq feiz dawz mwnq bae. Gij feiz neix couh dwg daixngeih mbat rai.

Hihbwzlaiz Saw 1:3

Caemh dwg daeglwg de ndaej yienh ok Cangqdiq dih najrongh caeuq veijdaq, caemh ndaej yienh ok Cangqdiq bonjfaenh de sojmiz hih. De yungh gij akak rengzrengz bonjfaenh de daiq miz rengz hih vah ma cangjguenj sojmiz hih. De cawz coih le, couh naengh youq gwnzmbwn baixgvaz gienz akak rengzrengz dih Cangqdiq.

Gyahlahdaiq Saw 2:20

Ciuq yienghneix ma gangj, gou gaenq caeuq Gihduz caez ding youq gwnz gyaq cixcib rai lo; seizneix hih gou gaenq mij dwg yienzlaiz hih gou lo, dauq dwg dauqlix dih Gihduz doz youq gwnz ndang gou lah. Sojhij gou seizneix dwg baengh sinq daeglwg Cangqdiq hwj saenghhoz he, aenvih de aiq gou, simqciq sijndaej diuz mingh bonjfaenh de.

Gihduz Hawj Vunz Rox 4:9

Moix it mbat roeb daengz seiq duz mwnq haenh najrongh ing'yungz docih cungj dwg gvi hawj boux seiqseiz lix hih boux naengh youq aen lungzeij mwnq hih mwhde,

Hihbwzlaiz Saw 7:16

De, Yehsuh, ndaej guh goengjsae dajbwiz gaenhbaenj mbouj dwg baengh gij gveihdingq naeuz ij dwg guxmaz guxmaz cuz hwj cij ndaej guh hih, dauq dwg baengh akak rengzrengz mbouj rox rai hih mingh hwj ndaej guh hih lah,

Gohlimzdoh Ngeih 13:4

Yiengq, gannaeuz Gihduz ngaiz vunz ding hwnj gwnz gyaq cixcib bae haihrai hih mwhde, de dwg mij banqfaz, mij'z rengz hih, hoeng, de ndaej baengh Cangqdiq dih rengz hwj vanzlij ndaej lix. Gyoengqraeuz caemh caeuq de doxdoengz: yawj hwnjdaeuj dwg mij'z rengz, mij banqfaz hih, hoeng, gyoengqraeuz caemh ndaej baengh Cangqdiq dih rengz hwj ndaej caeuq de itheij lix, ndaej bang faenhsou.

Gihduz Hawj Vunz Rox 9:1

Yiengq daengz daixhaj bouxcai boq, gou couh yawjraen miz aen ndaundeiq daj gwnzmbwn doek roengz lajmbwn bae he. Doek roengzbae le, aen de couh ciep aeu gij seiz aen vaengz he.

Yozhanq Saw 14:19

Goq mbouj geijlwh caez, gij vunz mbouj caiq raen gou haem lo, hoeng, faenhsou dauq ndaej raen gou, aenvih gou ij dauqlix, faenhsou caemh ij ndaej dauqlix.

Gohlozsih Saw 3:3

aenvih haeuj aen seiqgyaiq neix hih faenhsou hih mingh gaenq rai lo. Faenhsou sinq Gihduz le, saen hih mingh gaenq caeuq Gihduz itheij yo youq Cangqdiq mwnq lo.

Gihduz Hawj Vunz Rox 5:14

Gyoengqde yienghneix naeuz sat le, seiq duz doenghduz mwnq couh naeuz: “Ahmaenz!” Gyoengq doengh boux gangj vah couh baenz mwnq caemh bomz roengzbae sax.

Majdaiq Saw 11:23

“Vanzlij miz Gyahbwznungz aen singz neix. Mwngz naemqnaeuz mwngz ndaej baux hwnj mbwn bae hajx! Mij ndaej law nwjx! Mwngz ij ngaiz doek roengz vaengz bae lah. Gou youq faenhsou mwnq soj guh hih geizmiuj hih saeh, hauhnaeuz dwg youq Sojdohmaj Singz guh nex, gij vunz mwnqde gaengjdingq nginh loek gaijgoq, aen singz mwnq caemh gaengjdingq mbouj ngaiz byaeu, gaengjdingq vanzlij miz daengz seizneix.

Luqgyah Saw 24:5

guh hwj gyoengqde cungj lau hwj ij rai bae, couh vaiqdi bomz roengz doem bae. Gajlaeng song boux mwnq couh doiq gyoengqde naeuz: “Faenhsou vihmaz ij youq ndaw vunzrai cimh vunzlix nej?

Yozhanq Saw 11:25

Gajlaeng, Yehsuh caiq naeuz: “Gou couh dwg dauqlix, couh dwg doenj mingh; sinq gou hih vunz, gannaeuz rai hoh lah, hoeng, cungj vanzlij ndaej dauqlix.

Gihduz Hawj Vunz Rox 2:8

Boux de vanzlij caiq naeuz: “Mwngz caemh ij sij saenq hawj bouxcai Swqmeijnaz gyauqveiq; mwngz ij yienghneix sij naeuz: Boux gaihcij caeuq gatsat caemh dwg rai le dauqlix he yienghneix naeuz:

Gihduz Hawj Vunz Rox 6:8

Gajlaeng, gou couh yawjraen miz duz max mong he; boux gwih duz de mwnq gij coh de heuh ‘Rai,’ gaen youq gajlaeng de hih couh dwg ‘Ndawlaep.’ Gyoengqde miz gienz ndaej aeu giemq aeu iekvangh aeu binghraq caeuq aeu duz nyaen yak ma byaeu gij vunz lajmbwn dih seiq faenh cih it.

Gihduz Hawj Vunz Rox 10:6

yinx laeng boux cauh mbwn cauh deih, cauh haij caeuq cauh sojmiz hih seiqseiz lix dih Cangqdiq bae fazsiq baujcingq naeuz: “Cizgyenh daengz lo!

Gihduz Hawj Vunz Rox 15:7

Yiengq seiq duz doenghduz mwnq hih duz he dawz caet aen vanj gim hawj caet boux bouxcai mwnq; aen'aen vanj gim cungj coux rim seiqseiz lix dih Cangqdiq dih gij aeuqheiq de.

Gihduz Hawj Vunz Rox 20:13

Daiqlienz ndaw haij hah, ndaw moh hah, ndaw laep hah, cungj coengq doenghheij vunzrai he okdaeuj. Gyoengqde cungj caemh ngaiz ciuq gyoengqde soj guh hih ma souh daengz saemjbuenq.