Gihduz Hawj Vunz Rox 1:1 - Gij Baujcingq Moq Caeuq Geij Bonj Gij Baujcingq Daeuzdaeuz

¹ Laj neix dwg Cangqdiq hawj Yehsuh Gihduz dawz gij saeh ijvanh fatseng he gangj naeuz doengh bouxhoiq de ni. Couh vih yienghneix, Yehsuh Gihduz couh baij bouxcai de daeuj naeuz gou, Yozhanq bouxhoiq de ni.

Gihduz Hawj Vunz Rox 1:1 ပူးပေါင်းရင်းမြစ်များ

Gihduz Hawj Vunz Rox 22:16

“Gou, Yehsuh, baij bouxcai gou bae daengz gak gyauqveiq bae naeuz faenhsou ni doenghgij saeh neix, couh dwg gou, Yehsuh, dwg Daqveiq dih doengh daih gajlaeng de, dwg aen ndauhaet rongh sagsag mwnq.”

Gihduz Hawj Vunz Rox 22:6

Gajlaeng bouxcai doiq gou gangj vah mwnq caiq doiq gou naeuz: “Sojmiz mwngz luj fangxngwnzloq yienghmwnq soj yawjraen soj dingqri hih doenghgij saeh neix cungj dwg saedsaeh hih, sinq ndaej goq hih. Couh dwg boux soengq Hoenzsaenz hawj doenghheij boux cenz gij vah Cangqdiq he dih boux Cangqdiq neix hawj bouxcai de daeuj naeuz bouxhoiq de ni gij saeh ijvanh fatseng he.”

Gyahlahdaiq Saw 1:12

Gij ndei siuhsiz neix mbouj dwg vunz cenz hawj gou hih, caemh mbouj dwg vunz son gou hih, dauq dwg Yehsuh Gihduz hawj gou rox hih lah.

Hijfuzsoj Saw 3:3

De naeuz gou ni, hawj gou rox de dih giqvaq miqmiz; gou gwnz neix gaenq sij di he dwen naeuz sou ni lo.

Gihduz Hawj Vunz Rox 1:19

Sojhij, gou naeuz mwngz, mwngz ij dawz mwngz soj yawjraen hih, couh dwg seizneix caeuq baezneix ij fatseng hih, cungj ij sij geiq hwnjdaeuj.

Gihduz Hawj Vunz Rox 1:9

Gou dwg Yozhanq, dwg caeuq faenhsou doxdoengz vih Yehsuh Gihduz hwj souh nanh, doxdoengz ndaej youq ndaw guek Cangqdiq yangjfuk, doxdoengz naenxsim mbouj doeknaiq hih beixnuengx. Caemh dwg vih ij cenz gij vah Cangqdiq caeuq vih ij guh Yehsuh dih cingqyinz hwj ngaiz boenq bae daengz aen dauj heuh Bazmoh he youq he.

Yozhanq Saw 3:32

De ij dawz de soj dingq soj raen hih gangj naeuz vunz ni, hoeng, vunz mbouj dingq de gangj.

Yozhanq Saw 15:15

Gou mbouj caiq dawz faenhsou dangqbaenz bouxhoiq gou lo, aenvih bouxhoiq mbouj rox bouxcawj soj guh hih saeh; gou naeuz faenhsou dwg baengzyoux gou dwg aenvih gou dawz dajlaeng boh gou mwnq soj dingq daengz hih cungj gangj naeuz sou ni liux lo.

Gihduz Hawj Vunz Rox 4:1

Boux de gangj sat doenghgij vah neix le, gajlaeng gou caiq yawjraen gwnzmbwn miz aen dou he hoi hwj. Gaxgonq gou dingqri goq hih gij sing gog saxsax luj boq gywnhhauh mwnq caiq doiq gou naeuz: “Mwngz hwnj dineix daeuj; gou ij naeuz mwngz ni baezneix gaengjdingq ij fatseng hih saeh.”

Yozhanq Saw 12:49

aenvih gou mbouj dwg ciuq gij cawjeiq gou ma gangj hih; dwg baij gou daeuj hih daxboh hawj gou naeuz gijmaz gou couh naeuz gijmaz. De hawj gou baenzlaw gangj gou couh baenzlaw gangj.

Yozhanq Saw 8:26

Gangj daengz faenhsou, gou miz haujlai saeh ij naeuz faenhsou, ij saemjbuenq faenhsou, hoeng, mboujguenj baenzlaw, baij gou daeuj hih boux mwnq dwg sinq ndaej goq hih; gou soj gangj hih cungj dwg dajlaeng de dingq hih.”

Gihduz Hawj Vunz Rox 21:2

Gajlaeng gou caiq raen aen singz Cangqdiq, couh dwg Yehluqsajlaengj Singz moq daj gwnzmbwn Cangqdiq mwnq roengz daeuj. Aen de cang hwj gyaeu gywtgywt, luj bawxmoq cang gyaeu hwj daengj gojyez moq yienghmwnq.

Lozmaj Saw 16:25

Cangqdiq ndaej yungh gou soj cenzgangj hih gvanhhih Yehsuh Gihduz dih ndei siuhsiz hwj hawj faenhsou ndaej sinqsim gyenhdingq. Gij ndei siuhsiz neix coengzlaiz cungj mij'z vunz rox goq,

Yozhanq Saw 17:8

aenvih mwngz gangj naeuz gou ni hih, gou caemh gangj naeuz gyoengqde ni lo. Gyoengqde caemh dingq hwj, gyoengqde caemhcaiq rox cingsuj gou dwg dajlaeng mwngz mwnq daeuj he, sinq gou dwg mwngz baij gou daeuj he.

Dizdoh Saw 1:1

Vih doxdoengz sinq cungj he hwj ndaej guh caen lwg gou hih Dizdoh: [1]Gou dwg Baujloz, dwg bouxhoiq Cangqdiq caeuq boux dwzbaijyienz Yehsuh Gihduz he, dwg Cangqdiq baij daeuj bang gij vunz de senj okdaeuj he, hawj gyoengqde sinqsim gyenhdingq, mbouj doeknaiq, hawj gyoengqde rox gij saedsaeh Cangqdiq—gij saedsaeh neix dwg ndaej hawj vunz guh daengz hab'eiq habhoz Cangqdiq he [2]caeuq ndaej hawj vunz rox ndaej seiqseiz lix he. Gij seiqseiz lix neix dwg coengz boux gangj vah saedsaeh he dih Cangqdiq daj senqsi cix dapwngq le [3]caiq youq mwh hab de hih mwhde, dunghgoq cenzgangj gij ndei siuhsiz hwj ndaej hawj vunz rox he. Gou couh dwg ciuq boux gouq raeuz dih Cangqdiq dih mingqlingq bae guh gij hong cenzgangj Cangqdiq dih ndei siuhsiz he. [4b]Muengh Cangqdiq Bohmbwn caeuq boux gouq raeuz dih Yehsuh Gihduz doiq mwngz haijliengh, hawj mwngz bingzan!

Gihduz Hawj Vunz Rox 5:7

Duz yiengzlwg mwnq byaij goqbae, daj ndaw fawz gvaz boux naengh youq aen lungzeij mwnq aeu gienj saw mwnq ma.

Gihduz Hawj Vunz Rox 17:1

Gajlaeng ndaw caet boux bouxcai dawz vanj mwnq hih boux he daeuj doiq gou naeuz: “Mwngz dineix daeuj, gou ij hawj mwngz yawj boux lauxgawj geq naengh youq geij diuz dah mwnq soj souh daengz hih fad.

Gihduz Hawj Vunz Rox 19:9

Gajlaeng, bouxcai Cangqdiq doiq gou naeuz: “Mwngz ij sij gawq vah neix hwnjdaeuj, couh dwg: ‘Famz ndaej cingj daeuj camhgyah gw gij laeuj duz yiengzlwg gyezvwnh hih miz fuk lo!’” Gajlaeng bouxcai caiq naeuz: “Gawq vah neix dwg gij vah Cangqdiq he, caemh dwg saedsaeh hih.”

Gihduz Hawj Vunz Rox 19:10

Gou dingq daengz yienghneix le, couh gvih bomz roengz dangqnaj bouxcai mwnq bae ij baiqsax de lo, hoeng, de dauq naeuz: “Ciengeiz mbouj ndaej! Mwngz caeuq gou caeuq doenghheij sojmiz vih Yehsuh hwj guh cingqyinz hih doenghheij beixbeix nuengxnuengx cungj dwg doxdoengz dwg bouxhoiq Cangqdiq hih. Mwngz ij gvih ij baiq wngdang gvih baiq Cangqdiq, aenvih boux cenz gij vah Cangqdiq soj gangj hih vah, cungj dwg gvanhhih Yehsuh he.”

Gihduz Hawj Vunz Rox 21:9

Gajlaeng caet boux bouxcai dawz vanj gim coux rim caet gij nanh mwnq hih boux he doiq gou naeuz: “Daeuj, gou ij hawj mwngz yawj boux bawxmoq mwnq, couh dwg mehyah duz yiengzlwg.”

Gihduz Hawj Vunz Rox 22:1

Gajlaeng, bouxcai mwnq caiq hawj gou raen [2a]doenghheij diuz gai ndaw singz mwnq hih [1b]diuz he dih cungqgyan de miz diuz dah miz mingh he. Diuz dah neix dwg daj aen lungzeij Cangqdiq caeuq duz yiengzlwg mwnq riuz okdaeuj he. Gij raemx de cingx luj ceijsingh nwih. [2b]Song hamq dah de cungj miz go faex hawj vunz ndaej miz mingh he. Go de binaengz cungj dawz cibngeih dangq mak, it ndwen it dangq. Gij mbaw de ndaej guh yw hwj, ndaej yw lajmbwn sojmiz minzcuz hih vunz.

Gihduz Hawj Vunz Rox 22:8

Gwnz neix sojmiz hih cungj dwg gou, Yozhanq, luj fangxngwnzloq yienghmwnq caenra raen, caenrwz dingqri he. Gou caenra raen caenrwz dingqri doenghgij neix le, couh bomz roengz dangqnaj bouxcai naeuz gou ni doenghgij saeh neix hih bae, ij baiq de.

Gihduz Hawj Vunz Rox 22:9

Hoeng, de engq doiq gou naeuz: “Ciengeiz mbouj ndaej yienghneix! Mwngz caeuq gou caeuq doenghheij beixnuengx, couh dwg doenghheij boux cenz gij vah Cangqdiq he caeuq doenghheij ciuq gij vah mwngz soj sij hwnjdaeuj hih bae guh hih, cungj dwg doxdoengz dwg bouxhoiq Cangqdiq. Mwngz ij baiq ij sax, wnggai baiqsax Cangqdiq!”