Geiq Luqdwz 4:6 - Gij Baujcingq Moq Caeuq Geij Bonj Gij Baujcingq Daeuzdaeuz

⁶ Boh'ahswh gangj daengz dineix le, boux beixnuengx mwnq couh naeuz: “Hauhnaeuz yienghneix nex, gou couh mbouj cawx lo. Gou mbouj siengj vihliux cawx gij dieg neix hwj dauq doiq bonjfaenh gou mbouj ndei. Gou vanzlij dwg nyiengh hawj mwngz cawx sat lo; mwngz cawx bax.”

Geiq Luqdwz 4:6 ပူးပေါင်းရင်းမြစ်များ

Geiq Luqdwz 3:13

Yienghneix bax, haemhneix mwngz couh youq dineix youq. Daengj ngoenzcog gou menh bae yawjyawj boux mwnq caen mbouj caensim doiq mwngz, baujhuq mwngz. Hauhnaeuz de haenj nex, sien nyiengh hawj de gaxgonq; hauhnaeuz de mbouj haenj nex, gou gamj yiengq seiqseiz lix dih Yehhozvaz baujcingq, gou caensim fuqswz aeu mwngz. Seizneix mwngz coengqsim ninz daengz ranzrongh bax.”

Lizsij dih Gaihcij 38:8

Gajlaeng, Youzdaq doiq Ngoznamz naeuz: “Mwngz bae caeuq beixsauj mwngz bax, caeuq de ninz, bang daeggo mwngz, hawj de miz lwg miz lan, hawj de gajlaeng mbouj ngaiz cied. Gij neix dwg mwngz guh nuengxau dih swzyimq.”

Geiq Luqdwz 2:20

Nazngozmij dingq le, naeuz: “Ox! Muengh Yehhozvaz soengq fuk hawj de! Yehhozvaz doiq ndaw ranz raeuz baenxlai ndei; mboujguenj boux rai boux lix, de cungj dwg yungjyenj aiq.” De vanzlij caiq naeuz: “Boh'ahswh dwg ndaw cuz raeuz dih boux beixnuengx caemh nginz caemh rag he; de miz swzyimq goqhoh raeuz!”

Geiq Luqdwz 3:9

De raen yienghneix le, couh naeuz: “Veix! Mwngz dwg bouxlaw?” Gajlaeng Luqdwz couh han naeuz: “Ox, gou dwg bouxhoiq mwngz dih Luqdwz. Cingj mwngz aeu gok denz mwngz ma goemqgoemq gou bax, aenvih mwngz youq ndaw cuz raeuz dwg boux beixnuengx caemh nginz caemh rag he, miz swzyimq goqhoh gou he.”