Bijdwz Ngeih 3:8 - Gij Baujcingq Moq Caeuq Geij Bonj Gij Baujcingq Daeuzdaeuz

⁸ Hoeng, cinhngaiq dih gak boux beixnuengx hax, faenhsou gaejyungh lau doenghgij vunz mwnq lengxriu naeuz bouxcawj raeuz mijyaengz dauq daeuj; miz gienh saeh he faenhsou ijaeu ndaejgeiq, couh dwg: aeu bouxcawj raeuz ma yawj, ngoenz he couh dangq luj cien bi, cien bi couh dangq luj ngoenz he.

Bijdwz Ngeih 3:8 ပူးပေါင်းရင်းမြစ်များ

Lozmaj Saw 11:25

Gak boux beixnuengx hah, gou muengh faenhsou rox gij saeh nanz neix, mienxndaej faenhsou cungj gag naemqnaeuz bonjfaenh rem raixcaix. Gij saeh nanz neix couh dwg: Miz mbangj hih Hijswzlez vunz simgyeng nga'ngangq, hoeng, daengj daengz gij vunz linghvaih minzcuz Cangqdiq soj senj hih vunz cungj ndaej gaep haeuj aen guek de le,

Gohlimzdoh It 12:1

Gak boux beixnuengx hax, gangj daengz Hoenzsaenz Cangqdiq nyok hawj vunz dih bonjsaeh, gou muengh faenhsou rox cingsuj.

Gohlimzdoh It 10:1

Gak boux beixnuengx hax, faenhsou ijaeu ndaejgeiq, doenghbaez gij cojgoeng raeuz deuz ok Ngaihgiz ma hih mwhde, Cangqdiq yienh youq ndaw fwj hwj daiq gyoengqde sojmiz hih byaij goq rogndoi, caiq hawj raemx haij faen song mbiengj hwj, hawj gyoengqde sojmiz hih byaij goq mwnq hawq he, goq haij ma,

Bijdwz Ngeih 3:1

Cinhngaiq dih gak boux beixnuengx hax, gou seizneix sij daixngeih fung saenq hawj faenhsou. Gou sij hih song fung saenq cungj dwg daezsingj faenhsou, gujliq faenhsou, hawj faenhsou swhsiengj gyenqgangh,