Bijdwz Ngeih 3:7 - Gij Baujcingq Moq Caeuq Geij Bonj Gij Baujcingq Daeuzdaeuz

⁷ Hoeng, gyoengqde wnggai rox, seizneix dih mbwn deih caemh dwg baengh gij vah Cangqdiq hwj ndaej louz daengz seizneix. Daengj daengz doenghgij vunz mbouj yawjnaek Cangqdiq he ngaiz saemjbuenq, ngaiz byaeu hih ngoenz mwnq, mbwn deih couh ij ngaiz feiz gyemz byaeu liux bae.

Bijdwz Ngeih 3:7 ပူးပေါင်းရင်းမြစ်များ

Bijdwz Ngeih 3:10

Mboujgoq, bouxcawj raeuz dauq daeuj hih ngoenz mwnq, couh luj bouxcaeg sawqmwh daeuj daengz yienghmwnq. Mwhde aen mbwn couh yiengj ndaek sing hung he couh byaeu liux, gwnzmbwn sojmiz hih cungj ngaiz feiz coemh siu liux. Diqgiuz caeuq gwnz diqgiuz sojmiz hih cungj ngaiz feiz coemh byaeu liux.

Bijdwz Ngeih 3:12

muengh daengj daengz ngoenz Cangqdiq dingh hih ngoenz mwnq, aenvih ngoenz mwnq Cangqdiq gaengjdingq ij hawj aen mbwn daiqlienz aen mbwn gwnz de sojmiz hih cungj ij ngaiz feiz gyemz byaeu liux yungz liux siu liux.

Gihduz Hawj Vunz Rox 21:1

Gajlaeng gou caiq luj fangxngwnzloq yienghmwnq yawjraen aen mbwn moq he caeuq deih moq. Yienzlaiz hih mbwn caeuq deih gaenq mij raen lo, haij caemh mij lo.

Majdaiq Saw 24:35

Daengz mwhmwnq, mbwnmbwn deihdeih cungj cawzraeg liux bae, hoeng, gij vah gou yungjyenj mbouj rox raeg.”

Bijdwz Ngeih 2:9

Couh vih yienghneix hwj couh ndaej cingqmingz Cangqdiq rox baenzlaw gouq doengh boux yawjnaek de he duet ok nanh, de caemh rox baenzlaw dawz doenghheij vunz vaih he gven haeuj ndaw fad vunz mwnq bae, hawj gyoengqde youq mwnq ngaiz souh daengz mbouj dingz hih fad hwj daengj daengz ngoenz saemjbuenq.

Majdaiq Saw 25:41

“Gajlaeng, goengjvuengz caiq doiq gyoengq youq baihswix de naeuz: ‘Deuz, doenghheij ngaiz Cangqdiq mang hih faenhsou hax! Ndaenj haeuj mwnq feiz dawz mbouj rox maet he Cangqdiq cwnjbiq fad fangzvuengz caeuq gyoengq cai de he mwnq bae bax!

Gihduz Hawj Vunz Rox 20:11

Gajlaeng, gou caiq yawjraen miz boux he naengh youq aen lungzeij bieg hunghung he; mbwn caeuq dieg cungj daj dangqnaj de deuz hwj maetlaenq bae, mij raen ingj haem lo.

Majdaiq Saw 12:36

Hoeng, gou naeuz sou ni, daengz ngoenz saemjbuenq hih ngoenz mwnq, famz luenh gangj vah hwj daekcoih dawz vunz hih couh ij yiengq Cangqdiq gyauhdaiq,

Youzdaq Saw 1:7

Vanzlij miz yiengh haem, faenhsou caemh ijaeu ndaejgeiq, mbouj ndaej lumz, couh dwg Sojdohmaj caeuq Ngozmohlah caeuq doenghheij seiqhenz singz de hih vunz, caemh luj doenghheij bouxcai mwnq, gyoengqde haenj guh gijmaz couh guh gijmaz, guh doenghgij ndaengndwet, yalw he, daengz gajlaeng ngaiz feiz gyemz byaeu liux. Gij neix couh dwg gingjgauq daezsingj gyoengqraeuz.

Dizmohdaiq It 6:9

Siengj fatcaiz hih vunz cungj dwg ngaiz yamq haeuj famh coih hih diuz roen neix, simqciq vih bonjfaenh ngawzngad miz haih dih siengjmuengh hwj ngaiz gaemhanh dawz, guh hwj gajlaeng gag haex rih haeuj guengq, caemh satsoq lo.

Yozhanq It 4:17

Yienghneix, aiq youq ndaw sim gyoengqraeuz ndaej fazveih, hawj gyoengqraeuz ndaej youq ngoenz saemjbuenq mwnq mbouj you mbouj heiq, aenvih Cangqdiq dwg yienghlawz aiq vunz, gyoengqraeuz youq lajmbwn caemh dwg yienghlawz aiq vunz.

Dezsajloznizgyah Ngeih 2:3

Mboujguenj vunz baenzlawz yaeuh faenhsou, faenhsou cungj mbouj ndaej sinq, aenvih ngoenz bouxcawj raeuz dauq daeuj cihsenz gaengjdingq ij miz vunz yiem Cangqdiq, caemh ij miz boux doegdoeg siebsieb, lwg satsoq mwnq ok daeuj.

Lozmaj Saw 2:5

Hoeng, mwngz simgyeng nga'ngangq, yiengq Cangqdiq couh yied ngoenz yied aeuqheiq, guh hwj daengz ngoenz de gunghgaih gunghbingz saemjbuenq hih ngoenz mwnq, mwngz engqgya ngaiz fad naek ndaej lai,

Majgoj Saw 6:11

Hauhnaeuz miz dieglawz hih vunz mbouj vuenhringz faenhsou caemh mbouj dingq gij vah faenhsou hih, faenhsou couh mbouj youq dieg mwnq youq. Yiengq faenhsou ok ma hih mwhde, couh ij saemq din hawj gij boenqcingh gwnz din doek youq mwnq, caemhdangq naeuz gingjgauq gyoengqde.”

Majdaiq Saw 11:24

Gou naeuz sou hax, cungjsuenq naeuz ij fad aen singz neix hwjx, hoeng, daengz ngoenz saemjbuenq hih ngoenz mwnq, caemh fad mbouj ndaej naek luj sou law!”

Majdaiq Saw 11:22

Sojhij gou saedsaeh naeuz sou ni, daengz ngoenz saemjbuenq hih ngoenz mwnq, faenhsou souh daengz hih fad ij beij Daiqwj caeuq Sihdoenq song aen singz neix hih vunz camj ndaej lai.

Majdaiq Saw 10:15

Gou saedsaeh naeuz sou ni, daengz mwh saemjbuenq hih mwhmwnq, mwnq hih vunz ij souh daengz fad hih ij camj goq gij vunz aen singz Sojdohmaj caeuq Ngozmohlah bae.”

Gihduz Hawj Vunz Rox 17:11

Yiengq duz gaxgonq lix goq seizneix gaenq rai hih duz nyaen mwnq couh dwg daixbet goengjvuengz lo; goeng de caemh caeuq caet goeng mwnq doxdoengz, caemh dwg yamq haeuj gij satsoq he bae.

Gihduz Hawj Vunz Rox 17:8

Mwngz yawjraen hih duz nyaen neix doenghbaez dwg lix hih, hoeng, seizneix gaenq rai lo. Duz de couh ij daj ndaw vaengz he hwnj daeuj, gajlaeng caiq byaij haeuj gij satsoq he bae. Lajmbwn doenghheij dajlwh cauh mbwn cauh deih doxdaeuj gij coh mij ndaej daengh haeuj ndaw bonjbouh miz mingh he bae hih vunz raen duz doenghbaez lix, seizneix rai, gajlaeng caiq dauqlix hih duz nyaen mwnq cungj geizheih ij rai.

Yozhanq Saw 12:48

Doengh boux yiem gou, mbouj nginh gou hih, mbouj siengj dingq gij vah gou hih, couh ij ngaiz saemjbuenq; gou soj gangj hih vah, daengz ngoenz gatsat, couh ndaej cingqmingz de miz coih,

Gohlimzdoh It 3:13

daengz mwhde swhmboujyienz loh okdaeuj, aenvih daengz ngoenz saemjbuenq vunz lajmbwn hih ngoenz mwnq dwg daiq miz feiz he; gij feiz neix dwg ndaej yienh ok gak vunz soj dab guh hwnq hwnjbae hih dauqdaej dwg baenzlaw yiengh.

Hihbwzlaiz Saw 12:29

Aenvih gyoengqraeuz dih Cangqdiq dwg dangq gij feiz remrem ndaej coemh sojmiz he.