Bijdwz Ngeih 3:18 - Gij Baujcingq Moq Caeuq Geij Bonj Gij Baujcingq Daeuzdaeuz

¹⁸ Dauqfanj faenhsou dauq ij yied ngoenz yied luj bouxcawj gouq raeuz Yehsuh Gihduz yienghmwnq haijliengh, caemh ij yied ngoenz yied rox de. Muengh de yungjyenj najrongh! Ahmaenz.

Bijdwz Ngeih 3:18 ပူးပေါင်းရင်းမြစ်များ

Gohlozsih Saw 1:10

Yienghneix, sawjhawj faenhsou guh saeh doiq vunz cungj doiq ndaej hwnj bouxcawj raeuz, hawj faenhsou soj guh hih cungj ndaej hawj de haenjheiq, caemh vanzlij ndaej hawj faenhsou guh gij saeh doiq vunz miz ik he, caeuq ndaej hawj faenhsou engqgya lai rox Cangqdiq.

Hijfuzsoj Saw 4:15

Dauqfanj, gyoengqraeuz ij wnggai miz aen sim aiq vunz he hwj gangj lauxsaed vah he; mboujguenj guh gijmaz, cungj ij yied guh yied ndei hwj ndaej luj Gihduz, gyauqveiq dih daeuzdaeuz.

Feihlizbij Saw 3:8

Mbouj danhcij naeuz yienghneix, gou vanzlij vih Gihduz hwj dawz sojmiz hih cungj dangq dwg coem mij yungh he, aenvih gou dawz rox bouxcawj raeuz Yehsuh Gihduz ma dangq dwg ceiq dijbauj hih. [8c]Vih ij ndaej Gihduz [9a]caeuq ndaej hawj vunz rox gou dwg gaep haeuj de hwj [8b]gou dawz sojmiz hih cungj dangq dwg lahgiz vwt deuz liux. [9b]Gou seizneix ndaej gaep haeuj de, mbouj dwg baengh soenhsouj Mohsih dih fazliz hwj gag ndaej bienqbaenz mij coih hih nej, dauq dwg baengh sinq Gihduz hwj ndaej youq ndaw lwgra Cangqdiq suenq dwg mij'z coih hih lah.

Hijfuzsoj Saw 1:17

gouz bouxcawj raeuz Yehsuh Gihduz dih Cangqdiq, najrongh dih Bohmbwn, soengq gij Hoenzsaenz hawj faenhsou ndaej coengjmingz caeuq ndaej miz ciqsiz he hwj hawj faenhsou ndaej engqgya rox de.

Gohlozsih Saw 3:10

gaenq guh boux vunz moq he luj daenj buh moq yienghmwnq lo. Boux vunz moq neix yied ndaej gaijbienq luj boux cauh de he, couh yied rox boux cauh de he.

Bijdwz Ngeih 1:3

Cangqdiq yungh gij akak rengzrengz de ma dawz gyoengqraeuz ij goq cungj saenghhoz hab'eiq habhoz de he soj yungh hih nyok hawj gyoengqraeuz lo. Gyoengqraeuz soj ndaej hih dwg vih gyoengqraeuz rox de, boux senj gyoengqraeuz daeuj hawj gyoengqraeuz ndaej miz faenh gij najrongh de caeuq ndaej yangjcouq gij haijliengh de dih Cangqdiq.

Gohlimzdoh Ngeih 4:6

aenvih boux naeuz: “Rongh! Daj ndaw laep ciuq okdaeuj!” dih Cangqdiq, de gaenq dawz gij rongh de ciuq haeuj ndaw sim gyoengqraeuz daeuj lo, hawj gyoengqraeuz ndaej rox gij rongh Cangqdiq dih veijdaq lo. Gij rongh neix dwg yienh youq baj naj Gihduz he.

Dizmohdaiq Ngeih 4:18

Gou sinq Cangqdiq gaengjdingq gouq gou, hawj gou ndaej duet ok sojmiz doegsieb he, daiq gou hwnj gwnzmbwn aen guek de bae. Muengh najrongh yungjyenj cungj gvi hawj de! Ahmaenz.

Yozhanq Saw 17:3

Gij seiqseiz lix neix couh dwg ndaej rox mwngz—caenhgag mwngz cij dwg caen hih cwnz he—caeuq rox gou, Yehsuh Gihduz, mwngz baij daeuj hih.

Dezsajloznizgyah Ngeih 1:3

Gak boux beixnuengx hax, gyoengqraeuz wnggai siengzseiz vih faenhsou hwj docih Cangqdiq, aenvih faenhsou sinq Cangqdiq yied ngoenz yied giengz, caemh yied ngoenz yied doxaiq.

Lozmaj Saw 11:36

Aenvih sojmiz hih cungj dwg daj de daeuj, baengh de, gvi haeuj de. Muengh najrongh yungjyenj gvi hawj Cangqdiq! Ahmaenz.

Gihduz Hawj Vunz Rox 1:6

de hawj gyoengqraeuz ndaej laeb baenz aen guek he, hawj raeuz ndaej guh boux goengjsae dajbwiz daxboh de, Cangqdiq. Muengh najrongh caeuq gienzveih cungj yungjyungj yenjyenj gvi hawj de! Ahmaenz.

Bijdwz Ngeih 1:11

Mbouj danhcij yienghneix, faenhsou vanzlij ndaej miz gienz ndaej gaep haeuj aen guek bouxcawj gouq raeuz Yehsuh Gihduz mbouj rox cied he, caemh dwg ndaej daengz vuenhringz raixcaix he.

Bijdwz Ngeih 2:20

Yiengq, hauhnaeuz vunz rox bouxcawj raeuz, gouq vunz dih Yehsuh Gihduz hwj ndaej duet ok aen seiqgyaiq neix hih yalw lo, hoeng, gajlaeng caiq ngaiz aen seiqgyaiq neix hih yalw geuj dawz, gaemhanh boiz, luj yienghneix hih vunz daengz gajlaeng beij gaxgonq de engqgya camj.

Bijdwz Ngeih 1:8

Hauhnaeuz faenhsou miz doenghgij byimjdwz neix lo, caiq gyacangq mbouj dingz hih gyahgyangz roengzbae lo, yienghneix faenhsou rox bouxcawj raeuz Yehsuh Gihduz cij miz yungh, cij ndaej hawj faenhsou guh ndeisaeh.

Majdaiq Saw 28:20

Famz gou soj raengq faenhsou hih, faenhsou cungj ij son gyoengqde, hawj gyoengqde soenhsouj. Faenhsou wnggai rox, gou siengzseiz caeuq sou youq, itcig daengz ciqgyaiq dih ngoenz gatsat de.”

Majdaiq Saw 6:13

Caemh muengh raeuz mbouj ngaiz yungx bae guh vaihsaeh; Gouq gyoengqraeuz duet ok boux simdoeg simsieb mwnq. [Aenvih caenhgag mwngz cij dwg vuengz, cij miz gienz, cij boiqndaej vunz haenh, yungjyenj haenh roengzbae. Ahmaenz.]

Yozhanq Saw 5:23

hawj vunz soenhgingq daeglwg de caemh luj soenhgingq boh ityiengh. Mbouj soenhgingq lwg hih, caemh mbouj soenhgingq baij daeglwg de daeuj hih boh lo.”

Bijdwz Ngeih 1:2

Muengh faenhsou yied rox Cangqdiq caeuq bouxcawj raeuz Yehsuh, faenhsou couh yied ndaej daengz de doiq faenhsou haijliengh caeuq ndaej bingzan!