Bijdwz Ngeih 3:16 - Gij Baujcingq Moq Caeuq Geij Bonj Gij Baujcingq Daeuzdaeuz

¹⁶ De sij dih moix it fung saenq cungj dwen daengz gij saeh neix. Ndaw saenq de miz hih hoj rox, yiengq doenghheij vunz mbouj miz ciqsiz geijlai he simfouz he lijgaij goq daixlingh gok bae he, cingq luj gyoengqde luenh lijgaij Singqgingh dih gizdah mwnq ityiengh. Doengh cungj vunz neix couh dwg gag ra rai he.

Bijdwz Ngeih 3:16 ပူးပေါင်းရင်းမြစ်များ

Majdaiq Saw 15:6

faenhsou couh naeuz mboujyungh ciengx bohmeh lo. Faenhsou couh yungh gij laehbeih neix ma cawz gij mingqlingq Cangqdiq lo.

Hihbwzlaiz Saw 5:11

Gangj daengz gvanhhih Yehsuh Gihduz guh goengjsae dajbwiz luj Mwzgihsijdwz yienghmwnq hih gij saeh neix, raeuz vanzlij miz haujlai vah ij gangj haem, hoeng, hoj gaijyiz naeuz faenhsou ni lo, aenvih faenhsou seizneix bienq sim lo, dingq mbouj haeuj rwz lo.

Bijdwz Ngeih 2:14

Cehra gyoengqde cenmonz yawj haeuj laeng lauxgawj bae, ndaengndwet siengjmuengh, siengzseiz famh coih mbouj dingz goq. Gyoengqde yaeuh longx doenghgij vunz sim fouz mbouj dingh he; gyoengqde damsim gvenq lo. Doengh cungj vunz neix cungj dwg ngaiz Cangqdiq mang he.

Feihlizbij Saw 3:19

Gou naeuz doengh cungj vunz neix, gyoengqde cungj dwg yawjnaek aen dungx bonjfaenh, yawj aen dungx bonjfaenh dangq caencwnz, dawz saetnaj saetnyaenq ma dangq najrongh, siengj hih cungj dwg aen seiqgyaiq neix hih saeh. Gyoengqde baezneix gaengjdingq ij ngaiz satsoq.

Bijdwz It 2:8

Ndaw de vanzlij caiq sij naeuz: Ngauq rin neix dwg hawj vunz daemjndoet he, caemh dwg hawj vunz daemjndoet laemx he. Gij vunz daemjndoet laemx dwg aenvih gyoengqde mbouj sinq gij vah Cangqdiq; gij neix dwg Cangqdiq dih cawjeiq hih.

Majdaiq Saw 22:29

Yehsuh dingq le, han gyoengqde naeuz: “Faenhsou loek lo, aenvih faenhsou mbouj rox ndaw Singqgingh soj sij hih dwg gijmaz, caemh mbouj rox Cangqdiq dih gienzveih.

Youzdaq Saw 1:4

Gou yienghneix naeuz dwg aenvih miz gij vunz mbouj yawjnaek Cangqdiq he gaenq caegcaeg ndonj haeuj faenhsou mwnq bae lo. Gyoengqde dawz Cangqdiq dih haijliengh ma dangq dwg ndaej seizbienh siengj guh gijmaz couh guh gijmaz, guh doenghgij mij'z naj ndaej gangj ok bak he; gyoengqde mbouj nginh bouxcawj raeuz Yehsuh Gihduz caenhgag de cij ndaej guenjciq gyoengqraeuz he. Luj cungj vunz neix ndaw Singqgingh gaenq senqsi cix sij naeuz gyoengqde ij ngaiz dingh miz coih lo.

Bijdwz Ngeih 2:1

Doenghbaez youq Hijswzlez miz boux gyaj hih boux cenz gij vah Cangqdiq; caemh doxdoengz, baezneix faenhsou ndaw de caemh ij miz boux gyaj hih gyauqveiq lauxsae he ok daeuj, gangj gij vah coemx vunz he, daeuj gangj gij caeuq gij saedsaeh Cangqdiq doxngig he, hawj vunz satsoq he. Gyoengqde mbouj nginh gouq gyoengqde dih bouxcawj mwnq; couh vih yienghneix, sawjhawj gyoengqde satsoq engqgya vaiq.

Majdaiq Saw 15:3

Gajlaeng, Yehsuh han gyoengqde naeuz: “Yiengq faenhsou caemh ij vihmaz caenh ij ciuq gij laehbeih faenhsou hwj veizfanj Cangqdiq dih mingqlingq nej?

Bijdwz It 1:1

Cinhngaiq dih gak boux beixnuengx hax, gou dwg Bijdwz, dwg Yehsuh Gihduz dih boux dwzbaijyienz he. Gou sij saenq hawj doenghheij Cangqdiq senj okdaeuj hih vih deuznanh hwj faensanq bae daengz Baenjduh hah, Gyahlahdaiq hah, Gyahbaqdohgyah hah, Yaqsiqyaq hah, Biqdeihniz hah doenghheij aen saengj neix doz youq hih lwgsae.

Ok Ngaihgiz 23:6

“Youq gwnz fazdingz, mbouj ndaej hawj vunz gungz rap vuengj.

Ok Ngaihgiz 23:2

“Mbouj ndaej vunz guh vaihsaeh, mwngz caemh gaen guh vaihsaeh. Mbouj ndaej raen vunzlai naeuz deng mwngz caemh gaen naeuz deng, vunz naeuz mbouj deng mwngz caemh gaen naeuz mbouj deng, yienghmwnq ma boqvaiq saedsaeh.

Lizsij dih Gaihcij 49:4

Hoeng, mwngz luj raemxrongz yienghmwnq fan loedloed, Mbouj ndaej gungjciq bonjfaenh, couh mbouj ndaej baiz daixdaeuz lo, Aenvih mwngz caeuq yahnoix boh mwngz ninz, loengh uq aen congz boh mwngz.

Bijdwz Ngeih 3:2

hawj faenhsou ndaejgeiq boux cenz gij vah Cangqdiq sien rox sien gangj goq hih vah caeuq gij mingqlingq bouxcawj gouq vunz hawj dwzbaijyienz cenz hawj faenhsou he.

Bijdwz Ngeih 3:14

Sojhij cinhngaiq dih gak boux beixnuengx hax, giqyienz faenhsou muengh daengj doenghgij saeh neix, couh ij wnggai roengzrengz hawj faenhsou mij maz loek, mij maz ndaej diudik he, mij naeuz mboujeiqseiq he hwj caeuq Cangqdiq doxhuz.