Bijdwz Ngeih 3:14 - Gij Baujcingq Moq Caeuq Geij Bonj Gij Baujcingq Daeuzdaeuz

¹⁴ Sojhij cinhngaiq dih gak boux beixnuengx hax, giqyienz faenhsou muengh daengj doenghgij saeh neix, couh ij wnggai roengzrengz hawj faenhsou mij maz loek, mij maz ndaej diudik he, mij naeuz mboujeiqseiq he hwj caeuq Cangqdiq doxhuz.

Bijdwz Ngeih 3:14 ပူးပေါင်းရင်းမြစ်များ

Dezsajloznizgyah It 5:23

Muengh hawj vunz bingzan dih Cangqdiq hawj faenhsou ndaej hab'eiq habhoz de liuxliux! Caemh muengh Cangqdiq baux aen sim faenhsou baux hoenzsaenz faenhsou baux ndangdaej faenhsou, hawj faenhsou ndaej youq bouxcawj raeuz Yehsuh Gihduz dauq daeuj hih mwhde mij gijmaz ndaej diudik.

Dezsajloznizgyah It 3:13

Yiengq faenhsou miz luj cungj aiq neix le, couh ndaej hawj faenhsou sinq Gihduz gyenhdingq, ndaej hawj faenhsou youq mwh bouxcawj raeuz Yehsuh caeuq gyoengq vunz Cangqdiq dauq daeuj hih mwhde ndaej youq ndaw lwgra Cangqdiq Bohmbwn bienqbaenz hab'eiq habhoz mij maz ndaej diudik he.

Feihlizbij Saw 1:10

sawjhawj faenhsou ndaej faenbied ndei caeuq yak he. Yienghneix couh ndaej youq ngoenz Gihduz dauq daeuj hih mwhde, faenhsou couh ndaej bienqbaenz boux lauxsaed mij maz ndaej diudik he.

Gohlimzdoh It 15:58

Sojhij, cinhngaiq dih gak boux beixnuengx hax, faenhsou wnggai gyenhdingq mbouj doeknaiq, ij mbouj lau dwgrengz sinhoj hwj guh gij hong bouxcawj raeuz, aenvih faenhsou rox, guh gij hong bouxcawj raeuz mbouj dwg mij'z yungh law.

Yozhanq It 3:3

Famz muengh ijsiengj luj de hih vunz cungj dwg gag gaij ndei, gaij luj de yienghmwnq ndei.

Gohlimzdoh It 1:8

De caemh gaengjdingq bang faenhsou hawj faenhsou gyenhgyangz roengzbae, hawj faenhsou ndaej youq mwh bouxcawj raeuz Yehsuh Gihduz dauq daeuj hih mwhde mij maz ndaej diudik he.

Feihlizbij Saw 2:15

Yienghneix couh ndaej hawj faenhsou lauxsaed, mij guh gijmaz loek he, youq aen nienzdaiq doegsieb yalw neix guh gij lwg Cangqdiq mij maz ndaej diudik he, [16a]caemh ndaej youq lajmbwn yienh ok gij saedsaeh hawj vunz miz mingh mwnq, [15b]couh luj ndaundeiq rongh youq gwnzmbwn yienghmwnq rongh. [16b]Yienghneix daengz Gihduz dauq daeuj hih mwhde, gou couh ndaej haenh naeuz gou guh hih hong dwg miz yungh hih, mbouj begbeg nyungj hoengq lo.

Hihbwzlaiz Saw 9:28

caemh doxdoengz, gannaeuz Gihduz caemh dwg ngaiz rai mbat dog lah, hoeng, de couh ndaej bang lajmbwn haujlai vunz rap coih lo. Yiengq gangj daengz de caiq dauq daeuj, de dauq daeuj mbouj dwg vih ij caiq rap coih hwj daeuj nej, dauq dwg vih ij gouq doenghheij vunz daengj de mwnq hwj dauq daeuj lah.

Luqgyah Saw 12:43

Boux neix caemh dwg boux bouxcawj ma le, raen de caemh ciuq de raengq hih yienghmwnq bae guh hih boux mwnq lo. Yiengq luj yienghneix hih hoiq couh miz fuk lo.”

Luqgyah Saw 2:29

“Bouxcawj gou hax, gaxgonq mwngz gangj goq dih saeh seizneix gaenq ndaej raen lo! Hawj gou, bouxhoiq mwngz, rai ra caemh laep lo,

Yajgoz Saw 1:27

Dauq dwg doenghheij vunz yawjraen lwggyax, raen mehmaiq miz nanh le couh bae bang hih, caemh mbouj bae gaen aen seiqgyaiq neix hih doenghheij yalw he hih, gyoengq vunz neix soj guh hih youq ndaw lwgra Cangqdiq, Bohmbwn raeuz, dwg ndei hih, mbouj miz maz ndaej diudik hih.

Feihlizbij Saw 3:20

Hoeng, gyoengqraeuz dwg guek gwnzmbwn hih vunz, caemh dwg daengj bouxcawj gouq raeuz dih Yehsuh Gihduz daj mwnq dauq daeuj.

Majdaiq Saw 24:26

Sojhij, hauhnaeuz miz vunz doiq faenhsou naeuz: ‘Neq, Gihduz youq rogndoi,’ yiengq faenhsou gaejyungh ok bae yawj. Cixnaeuz miz vunz naeuz: ‘Neq, Gihduz youq ndaw ranz neix,’ yiengq faenhsou caemh gaejyungh sinq,

Dizmohdaiq It 6:14

gou raengq mwngz hih gij neix mwngz ij dingq, caemh ij ciuq gou raengq hih yienghmwnq bae guh, ij guh daengz mij maz ndaej diudik he, itcig daengz bouxcawj raeuz Yehsuh Gihduz dauq daeuj hih ngoenz mwnq,

Bijdwz It 1:7

Faenhsou souh daengz gaujniemq dih muzdiz dwg ij cingqmingz faenhsou sinq Gihduz hih sim dwg cingqcaen, dwg beij gij gim dunghgoq feiz ma dizlenq okdaeuj hoeng vanzlij rox vaih hih, vanzlij dijbauj lah; yienghneix faenhsou daengz mwh Yehsuh Gihduz dauq daeuj hih mwhde, faenhsou couh ndaej haenh, ndaej najrongh, ndaej hawj vunz soenhcungq faenhsou lo.

Bijdwz Ngeih 3:1

Cinhngaiq dih gak boux beixnuengx hax, gou seizneix sij daixngeih fung saenq hawj faenhsou. Gou sij hih song fung saenq cungj dwg daezsingj faenhsou, gujliq faenhsou, hawj faenhsou swhsiengj gyenqgangh,

Bijdwz Ngeih 3:16

De sij dih moix it fung saenq cungj dwen daengz gij saeh neix. Ndaw saenq de miz hih hoj rox, yiengq doenghheij vunz mbouj miz ciqsiz geijlai he simfouz he lijgaij goq daixlingh gok bae he, cingq luj gyoengqde luenh lijgaij Singqgingh dih gizdah mwnq ityiengh. Doengh cungj vunz neix couh dwg gag ra rai he.

Majdaiq Saw 25:7

“Miz vunz hemq naeuz yienghneix le, doengh dah lwgsau mwnq couh hwnq lo, caemh dawz daeng diuz hwnjdaeuj lai rongh lo.