Bijdwz Ngeih 2:6 - Gij Baujcingq Moq Caeuq Geij Bonj Gij Baujcingq Daeuzdaeuz

⁶ Cangqdiq vanzlij saemjbuenq Sojdohmaj caeuq Ngozmohlah, hawj song aen singz neix feiz gyemz coemh dawz liux. De yienghneix guh dwg vih ij gingjgauq doenghheij mbouj yawjnaek de he.

Bijdwz Ngeih 2:6 ပူးပေါင်းရင်းမြစ်များ

Youzdaq Saw 1:7

Vanzlij miz yiengh haem, faenhsou caemh ijaeu ndaejgeiq, mbouj ndaej lumz, couh dwg Sojdohmaj caeuq Ngozmohlah caeuq doenghheij seiqhenz singz de hih vunz, caemh luj doenghheij bouxcai mwnq, gyoengqde haenj guh gijmaz couh guh gijmaz, guh doenghgij ndaengndwet, yalw he, daengz gajlaeng ngaiz feiz gyemz byaeu liux. Gij neix couh dwg gingjgauq daezsingj gyoengqraeuz.

Gohlimzdoh It 10:11

Cangqdiq hawj gyoengqde fatseng doenghgij saeh neix, dwg vih gingjgauq gyoengqraeuz ciqgyaiq hih duenh gajlaeng de hih vunz, couh geiq sij youq ndaw Singqgingh lo.

Lizsij dih Gaihcij 19:28

De yawj roengz Sojdohmaj caeuq Ngozmohlah song mwnq neix, caeuq seiqhenz sojmiz hih dieg bae, yawjraen doengh mwnq neix cungj hoenz loedloed, guemjluemz bae, lujnaeuz oenq yiuz nwih.

Youzdaq Saw 1:15

De ij saemjbuenq sojmiz hih vunz, fad doenghheij mbouj yawjnaek Cangqdiq hih vunz, aenvih gyoengqde soj guh hih cungj dwg mbouj hab'eiq habhoz Cangqdiq, gangj gij vah daekcoih Cangqdiq he, yienghneix naeuz lo.

Majdaiq Saw 10:15

Gou saedsaeh naeuz sou ni, daengz mwh saemjbuenq hih mwhmwnq, mwnq hih vunz ij souh daengz fad hih ij camj goq gij vunz aen singz Sojdohmaj caeuq Ngozmohlah bae.”

Majdaiq Saw 11:23

“Vanzlij miz Gyahbwznungz aen singz neix. Mwngz naemqnaeuz mwngz ndaej baux hwnj mbwn bae hajx! Mij ndaej law nwjx! Mwngz ij ngaiz doek roengz vaengz bae lah. Gou youq faenhsou mwnq soj guh hih geizmiuj hih saeh, hauhnaeuz dwg youq Sojdohmaj Singz guh nex, gij vunz mwnqde gaengjdingq nginh loek gaijgoq, aen singz mwnq caemh gaengjdingq mbouj ngaiz byaeu, gaengjdingq vanzlij miz daengz seizneix.

Lozmaj Saw 9:29

Caemh luj Hijcaiqyaq naeuz goq naeuz: Hauhnaeuz mbouj dwg guenj cien bing fanh max dih Cangqdiq baujhuq gij cojgoeng raeuz, gyoengqraeuz senqsi cix luj Sojdohmaj caeuq Ngozmohlah song aen singz neix ngaiz byoeng lo.

Hihbwzlaiz Saw 4:11

Sojhij gyoengqraeuz wnggai roengzrengz cwnqliengq ndaej miz faenh yangjcouq gij yietbaeg Cangqdiq, mienxndaej miz vunz hag luj doenghbaez gij vunz Hijswzlez mbouj dingq Cangqdiq hwj ngaiz mbouj ndaej miz faenh yangjcouq gij yietbaeg Cangqdiq.