Bijdwz Ngeih 2:2 - Gij Baujcingq Moq Caeuq Geij Bonj Gij Baujcingq Daeuzdaeuz

² Gannaeuz yienghneix lah, hoeng, engq miz haujlai vunz gaenhangx gyoengqde, guh doenghgij ndaengndwet yalw he, guh hwj gij saedsaeh Cangqdiq vih gyoengqde hwj ngaiz souh daengz bangjlaih.

Bijdwz Ngeih 2:2 ပူးပေါင်းရင်းမြစ်များ

Lozmaj Saw 2:24

Couh luj ndaw Singqgingh ndaw de sij naeuz: Vih gij Youzdaiq vunz faenhsou dih yienzyouz hwj gij mingzhiq Cangqdiq ngaiz souh daengz gij vunz linghvaih minzcuz he sai.

Youzdaq Saw 1:10

Hoeng, gou gangj naeuz hih doenghheij vunz mwnq, gyoengqde gingqyienz gamj riu doenghgij saeh bonjfaenh gyoengqde mbouj rox he; gizsaed gyoengqde soj rox hih cijmboujgoq ndaej luj doengh duz cukseng yienghmwnq, mbouj rox siengj gijmaz, cij rox ciuq gij baenjsingq bonjfaenh bae guh lah, guh hwj daengz gajlaeng gag haih bonjfaenh ngaiz satsoq.

Gihduz Hawj Vunz Rox 13:14

Duz de ndaej miz gienz bang duz daixdaeuz guh gij geizmiuj hih saeh, guh hwj ndaej coemx lajmbwn hih vunz, hawj gij vunz lajmbwn guh duz you nyaen, guh duz nyaen daixdaeuz ngaiz giemq ndaemq sieng hwj ij rai hoeng gaenq ndei hih duz nyaen mwnq.

Youzdaq Saw 1:15

De ij saemjbuenq sojmiz hih vunz, fad doenghheij mbouj yawjnaek Cangqdiq hih vunz, aenvih gyoengqde soj guh hih cungj dwg mbouj hab'eiq habhoz Cangqdiq, gangj gij vah daekcoih Cangqdiq he, yienghneix naeuz lo.

Bijdwz Ngeih 2:15

Gyoengqde vwt gij saedsaeh Cangqdiq bae gaen gij vaih gij doegsieb he, guh gij saeh daeglwg Bijwj, couh dwg Bahlanz, soj guh hih saeh he. Bahlanz haenj doenghgij de guh doeg guh sieb soj ndaej he.

Bijdwz It 2:12

Faenhsou caeuq doenghheij mbouj rox Cangqdiq hih vunz youq itheij hih ijaeu siujsim, gangj vah guh saeh cungj ij gangj gij hab gangj he, guh gij hab guh he, yienghmwnq couh ndaej hawj doenghheij bangjlaih faenhsou guh vaihsaeh hih raen faenhsou guh ndei le, daengz bouxcawj raeuz Yehsuh Gihduz dauq daeuj hih ngoenz mwnq couh haenh Cangqdiq.

Dizdoh Saw 2:8

Gangj vah wnggai gangj gij hab gangj he, guh boux mij maz ndaej diudik he, hawj doenghheij fanjdeiq mwngz hih roxnginh najmomj mij'z vah ndaej gangj bae.

Geiq Dwzbaijyienz 24:14

“Hoeng, miz gienh saeh he gou dauq ij nginh naeuz mwngz ni, couh dwg gyoengqde nginhnaeuz sinq Yehsuh gaen Yehsuh dwg mbouj deng hih, hoeng, gou cingq ngamqngamq dwg sinq de gaen de hwj bae swqhaeuh boux Cangqdiq cojgoeng raeuz. Gou caemh sinq Mohsih dih fazliz caeuq gij saw boux cenz gij vah Cangqdiq soj sij he.

Geiq Dwzbaijyienz 16:17

De itmienh gaen gyoengqraeuz, itmienh hemq vauxvaux naeuz: “Gyoengq vunz neix dwg gyoengq hoiq gienz akak rengzrengz dih Cangqdiq he, dwg daeuj cenz gij ndaej gouq dih siuhsiz he!”

Majdaiq Saw 24:24

aenvih daengz mwhmwnq, miz doengh boux gyaj dih Gihduz caeuq doengh boux gyaj dih boux cenz gij vah Cangqdiq daeuj. Gyoengqde loengh doenghgij geizmiuj he daeuj yaeuh vunz, simqciq loengh hawj gij vunz Cangqdiq senj okdaeuj he ceng di he cungj ngaiz sinq hwx; caeklaiq miz Cangqdiq baujhuq hwx.

Gihduz Hawj Vunz Rox 12:9

ngaiz daj gwnzmbwn gveng roengz doem bae lo. Duz lungz neix couh dwg duz fangzvuengz mwnq, caemh dwg heuh Sajdanq hih yaeuh baenx cenz lajmbwn hih duz ngwz laux mwnq lo. De ngaiz gveng roengz doem bae; doenghheij cai de caemh ngaiz gaen gveng roengz doem bae.

Bijdwz Ngeih 2:21

Yiengq, ciuq luj yienghneix ma yawj, hozmboujyienz coengzlaiz cungj mbouj rox ij baenzlawz goq cungj saenghhoz hab'eiq habhoz Cangqdiq he, dauq ak goq rox le caiq mbouj dawz haeuj rwz gij mingqlingq Cangqdiq hwx.

Dizdoh Saw 2:5

caemh rox ij baenzlaw caepcingq bonjfaenh, rox guenj gya, doiq vunz cix ngeihheiq cix swnh semxsemh, dingq gojyez bonjfaenh he lo, yienghneix couh mienxndaej miz vunz bangjlaih Cangqdiq dih ndei siuhsiz lo.

Dizmohdaiq It 5:14

Sojhij gou cingxnyienh doenghheij mehmaiq hauxseng he caiq haq hoh luh. Yienghmwnq gyoengqde ndaej seng lwg gyauq lwg, guenj gya, mienxndaej ngaiz doenghheij haenq Yehsuh hih vunz miz congxgon ra congxmbongq ma naeuz gyauqveiq,

Geiq Dwzbaijyienz 19:9

Hoeng, miz mbangj hih vunz simgyeng nga'ngangq, mbouj sinq, vanzlij youq dangqnaj vunzlai sai gij ndei siuhsiz Cangqdiq. Gajlaeng Baujloz ganhseiq daiq gyoengq lwgsae daj mwnq ok ma, ngoenzngoenz bae aen gyangjdangz Deihlahnuz, bae mwnq daujlwnq Cangqdiq dih ndei siuhsiz.

Geiq Dwzbaijyienz 18:26

Gannaeuz yienghneix lah, hoeng, de vanzlij dwg mbeihung hwj youq Youzdaiq veiqdangz gangj vah. Yiengq Bwzgihlah caeuq Yaqgihlah doiq gvanjbaz neix dingq de gangj le, rox de caenhgag rox Yozhanq dih sijlij lah, couh son de, hawj de engqgya lai rox gij saedsaeh Cangqdiq.

Geiq Dwzbaijyienz 14:2

Hoeng miz haujlai Youzdaiq vunz nga'ngangq mbouj sinq he yungx gij vunz linghvaih minzcuz he, yungx hawj gyoengqde dwgcaengz gij vunz sinq Yehsuh he.

Geiq Dwzbaijyienz 13:10

doiq de naeuz: “Dihduz lwg fangz yak mwngz, doegdoeg siebsieb coemxcoemx cagcag swiqswiq saksak vunz, cenmonz caeuq gij ndei he doxngig, daengz seizneix vanzlij dawz gij vah Cangqdiq ma gaijgaij gakgak hawj de mbouj deng bae!

Yozhanq Saw 14:6

Yehsuh dingq le, han naeuz: “Gou couh dwg roen, dwg saedsaeh, dwg mingh; hauhnaeuz mbouj dunghgoq gou, mij'z vunz ndaej bae daengz daxboh mwnq.

Majgoj Saw 13:22

aenvih daengz mwhde ij miz gyaj dih Gihduz caeuq gyaj dih boux cenz gij vah Cangqdiq he ok daeuj guh doenghgij geizmiuj gingjgyauj he hwj yaeuh vunz, daiqlienz gij vunz Cangqdiq senj okdaeuj he cungj siengj yaeuh.

Majgoj Saw 12:14

Gyoengqde bae daengz le, couh cam Yehsuh naeuz: “Lauxsae, gyoengqraeuz rox mwngz dwg lauxsaed hih vunz; mboujguenj guxmaz vunz mwngz cungj mbouj yawj vunz guh saeh, cungj dwg yawj doxdoengz, cungj dwg saedsaed saehsaeh cenzgangj Cangqdiq hawj vunz baenzlawz goq saedceij hih. Yiengq raeuz cam mwngz, raeuz nab ceiq hawj goengjvuengz Lozmaj deng mbouj deng nej?

Majdaiq Saw 22:16

couh baij gij lwgsae gyoengqde caeuq doenghheij vunz gaep haeuj Hihliz Dangj he bae cimh Yehsuh, cam de naeuz: “Lauxsae, gyoengqraeuz rox mwngz dwg lauxsaed hih; mboujguenj vunz baenzlawz, mwngz cungj dwg ciuq gij saedsaeh Cangqdiq ma cenz naeuz vunz ni, aenvih mwngz mbouj yawj vunz guh saeh.

Majdaiq Saw 7:14

Hoeng, doeng haeuj seiqseiz lix hih aen dou mwnq dwg gaeb hih, diuz roen de caemh dwg gaeb hih, cimh ndaej raen hih vunz caemh noix.”

Gihduz Hawj Vunz Rox 13:8

Lajmbwn sojmiz hih vunz, famz dwg daj cauh mbwn cauh deih doxdaeuj hih gij coh mij daengh youq ndaw bonj yiengzlwg ngaiz gaj hih ndaw bonjbouh miz mingh hih vunz, cungj baiq duz de.

Bijdwz Ngeih 2:12

Hoeng, doenghheij vunz neix caenh luj doenghduz mbouj rox ngeix daengz gijmaz, seng okdaeuj couh dwg hawj vunz gaemh bae gaj he. Gyoengqde bangjlaih doenghheij saeh gyoengqde mbouj rox he; baezneix gyoengqde couh ij ngaiz luj doenghduz yienghmwnq ngaiz gaj.

Lizsij dih Gaihcij 19:5

hemq Lozdwz naeuz: “Lozdwz, Lozdwz! Song boux haemhneix daeuj ndaw ranz mwngz mwnq nej, youq mwjlaw lah? Mwngz vaiqdi daiq song boux de okdaeuj; gyoengqraeuz siengj gaemh song boux de, ej song boux de!”

Geiq Dwzbaijyienz 22:4

Gou caemh haih goq, gyaeng goq doenghheij vunz sinq Yehsuh he, mboujguenj vunzsai vunzbaz, simqciq haihrai gyoengqde.

Bijdwz Ngeih 2:7

Hoeng, de dauq daj Sojdohmaj Singz gouq Lozdwz boux vunz ndei neix okma, [8]aenvih boux vunz ndei neix de youq ndaw doenghheij vunz vaih mwnq siengzseiz yawjraen, siengzseiz dingqri gyoengqde guh doenghgij doegsieb he; [7b]de siengzseiz vih doenghheij guh doeg guh sieb ndaengndwet yalw he hwj siengsim gikheiq.

Bijdwz Ngeih 2:18

aenvih gyoengqde cungj haenj gag haenh bonjfaenh, naemqnaeuz bonjfaenh cungj rem raixcaix, haenj gangj rumz gangj rengx hwj hawj doenghheij ngamqngamq gaijgoq, mbouj caiq goq yienzlaiz dih saenghhoz hih vunz hwj bae guh doenghgij ndaengndwet he.

Youzdaq Saw 1:4

Gou yienghneix naeuz dwg aenvih miz gij vunz mbouj yawjnaek Cangqdiq he gaenq caegcaeg ndonj haeuj faenhsou mwnq bae lo. Gyoengqde dawz Cangqdiq dih haijliengh ma dangq dwg ndaej seizbienh siengj guh gijmaz couh guh gijmaz, guh doenghgij mij'z naj ndaej gangj ok bak he; gyoengqde mbouj nginh bouxcawj raeuz Yehsuh Gihduz caenhgag de cij ndaej guenjciq gyoengqraeuz he. Luj cungj vunz neix ndaw Singqgingh gaenq senqsi cix sij naeuz gyoengqde ij ngaiz dingh miz coih lo.

Youzdaq Saw 1:7

Vanzlij miz yiengh haem, faenhsou caemh ijaeu ndaejgeiq, mbouj ndaej lumz, couh dwg Sojdohmaj caeuq Ngozmohlah caeuq doenghheij seiqhenz singz de hih vunz, caemh luj doenghheij bouxcai mwnq, gyoengqde haenj guh gijmaz couh guh gijmaz, guh doenghgij ndaengndwet, yalw he, daengz gajlaeng ngaiz feiz gyemz byaeu liux. Gij neix couh dwg gingjgauq daezsingj gyoengqraeuz.