Bijdwz Ngeih 2:19 - Gij Baujcingq Moq Caeuq Geij Bonj Gij Baujcingq Daeuzdaeuz

¹⁹ Gyoengqde baujcingq hawj vunz swqyouz, hoeng, bonjfaenh dauq gag guh gij yalw famh coih he hwj bienqbaenz coih dih hoiq—aenvih vunz ngaiz guxmaz guenjciq, couh dwg guxmaz dih hoiq lo.

Bijdwz Ngeih 2:19 ပူးပေါင်းရင်းမြစ်များ

Yozhanq Saw 8:34

Yehsuh dingq le, han gyoengqde naeuz: “Gou saedsaeh naeuz sou ni, moix it boux famh coih hih vunz cungj dwg guh hoiq coih.

Gyahlahdaiq Saw 5:13

Gak boux beixnuengx hax, Cangqdiq senj heuh faenhsou dwg ij hawj faenhsou ndaej swqyouz, mbouj dwg naeuz ij hawj faenhsou dawz swqyouz ma dangq ndaej seizbienh guh gij ndaengndwet hih nej, dauq dwg hawj faenhsou miz aiqsim hwj doxbang lah,

Bijdwz It 2:16

Gannaeuz faenhsou dwg boux swqyouz vunz he lah, hoeng, faenhsou dwg bouxhoiq Cangqdiq hah. Sojhij mbouj ndaej naemqnaeuz bonjfaenh dwg boux swqyouz vunz he hwj le couh ndaej seizbienh guh doenghgij doegsieb he.

Gyahlahdaiq Saw 5:1

Gihduz vih ij hawj gyoengqraeuz ndaej swqyouz hwj de gaenq gaijfangq gyoengqraeuz lo, sojhij gyoengqraeuz ij gyenhgyez cagaenj gij swqyouz neix; gaejyungh caiq hawj guh hoiq hih aen ek neix gaemhanh gyoengqraeuz haem lo.

Dizdoh Saw 3:3

Dizdoh hax, gou vihmaz ij yienghneix naeuz, dwg aenvih gyoengqraeuz gaxgonq caemh mbouj rox gij saeh Yehsuh, ngawz, nga'ngangq, ngaiz fangzvuengz coemx, cungj dwg ngaiz gak cungj yaya yongqyongq siengjmuengh caeuq gwgw angqangq hwj ciemq youq ndaw sim, siengzseiz miz gij doegsieb he, rahoengz he, doxhaenq he.

Dizmohdaiq Ngeih 2:26

hawj doenghheij vunz fanjdeiq mwngz ngaiz fangzvuengz gaemh dawz bae ciuq fangzvuengz bae guh hih, hawj gyoengqde ndaej singqsag goqdaeuj, ndaej duet ok ndaw fawz fangzvuengz.

Bijdwz Ngeih 2:20

Yiengq, hauhnaeuz vunz rox bouxcawj raeuz, gouq vunz dih Yehsuh Gihduz hwj ndaej duet ok aen seiqgyaiq neix hih yalw lo, hoeng, gajlaeng caiq ngaiz aen seiqgyaiq neix hih yalw geuj dawz, gaemhanh boiz, luj yienghneix hih vunz daengz gajlaeng beij gaxgonq de engqgya camj.

Geiq Dwzbaijyienz 19:16

Gajlaeng boux ngaiz fangz yak doz mwnq couh diuq hwnjdaeuj uj gyoengqde ceihfug gyoengqde, uj hwj gyoengqde sieng gwnz sieng laj bae, buh cix lig hwj luklakrag liux, hawj gyoengqde loxgenz loxgangh daj ndaw ranz riq deuz hwj maetlaenq bae.

Bijdwz Ngeih 1:4

Aenvih de yienghneix veijdaq, haijliengh, sojhij de couh baujcingq nyok hawj gyoengqraeuz ceiq dijbauj ceiq veijdaq he, hawj gyoengqraeuz ndaej duet ok aen seiqgyaiq neix hih siengjmuengh yalw hawj vunz ngaiz satsoq he hwj hawj gyoengqraeuz ndaej miz faenh miz gij baenjsingq Cangqdiq.