Bijdwz Ngeih 1:8 - Gij Baujcingq Moq Caeuq Geij Bonj Gij Baujcingq Daeuzdaeuz

⁸ Hauhnaeuz faenhsou miz doenghgij byimjdwz neix lo, caiq gyacangq mbouj dingz hih gyahgyangz roengzbae lo, yienghneix faenhsou rox bouxcawj raeuz Yehsuh Gihduz cij miz yungh, cij ndaej hawj faenhsou guh ndeisaeh.

Bijdwz Ngeih 1:8 ပူးပေါင်းရင်းမြစ်များ

Dizdoh Saw 3:14

Gij vunz raeuz ij hag guh ndeisaeh, ij bang doengh boux miz nanh he, mienxndaej baenxseiq vunz cungj mij'z yungh.

Gohlozsih Saw 3:16

Faenhsou vanzlij ij dawz gij vah Gihduz caeng youq ndaw sim faenhsou lailai laeglaeg hwj, caemh ij yungh Gihduz soj nyok hawj hih coengjmingz ma doxson doxgyienq, caemh ij miz aen sim rox boixaen he daeuj ciengq gij go ndaw Singqgingh caeuq gij go haenh Cangqdiq caeuq gij go Hoenzsaenz Cangqdiq hawj raeuz angq hwj haenh hih gij go ma haenh Cangqdiq.

Yozhanq Saw 15:2

Famz haeuj gij nge gou, hoeng, mbouj dawz mak hih, couh ngaiz de daet bae. Nge ndaej dawz mak hih, de couh caed ngez ndei, hawj nge de dawz mak engqgya lai.

Hihbwzlaiz Saw 6:12

Caemh muengh faenhsou gak boux mbouj caeggyik, ij hag doenghheij baengh sinq Gihduz hih sim caeuq baengh naenxsim hwj ndaej ciep aeu Cangqdiq baujcingq nyok hawj hih.

Feihlizbij Saw 1:9

Gou soj bang faenhsou gouz hih couh dwg: muengh faenhsou miz aiqsim raixcaix hwj engqgya ndaej miz ciqsiz caeuq engqgya ndaej faenbied he,

Dezsajloznizgyah It 4:1

Gak boux beixnuengx hax, seizneix gyoengqraeuz ij baengh bouxcawj raeuz Yehsuh Gihduz ma gienq faenhsou gouz faenhsou. Giqyienz faenhsou ndaej daengz gyoengqraeuz son faenhsou hih, caemh rox daengz ij baenzlawz guh cij ndaej daengz hawj Cangqdiq sim'angq hih, yiengq couh mbouj wnggai vih seizneix sojmiz hih hwj rox gaeuq, dauq ij engqgya lai roengzrengz cij deng.

Gohlimzdoh It 15:58

Sojhij, cinhngaiq dih gak boux beixnuengx hax, faenhsou wnggai gyenhdingq mbouj doeknaiq, ij mbouj lau dwgrengz sinhoj hwj guh gij hong bouxcawj raeuz, aenvih faenhsou rox, guh gij hong bouxcawj raeuz mbouj dwg mij'z yungh law.

Bijdwz Ngeih 1:2

Muengh faenhsou yied rox Cangqdiq caeuq bouxcawj raeuz Yehsuh, faenhsou couh yied ndaej daengz de doiq faenhsou haijliengh caeuq ndaej bingzan!

Feihliqmaenz Saw 1:6

Gou muengh mwngz rox daengz Cangqdiq dunghgoq Yehsuh Gihduz hwj nyok hawj mwngz baenxlai ndei le, hawj mwngz caeuq doenghheij sinq Yehsuh hih vunz doxcomz engqgya ndaej raen miz ndeisaeh.

Dezsajloznizgyah Ngeih 1:3

Gak boux beixnuengx hax, gyoengqraeuz wnggai siengzseiz vih faenhsou hwj docih Cangqdiq, aenvih faenhsou sinq Cangqdiq yied ngoenz yied giengz, caemh yied ngoenz yied doxaiq.

Feihlizbij Saw 2:5

Faenhsou wnggai miz Yehsuh Gihduz yienghmwnq hih sim.

Gohlimzdoh Ngeih 13:5

Faenhsou wnggai gag rox gyenjcaz bonjfaenh, gaujniemq bonjfaenh dwg mbouj dwg gaep haeuj Yehsuh Gihduz, dwg mbouj dwg gyenhciz sinq de. Yiengq cizfeih faenhsou dwg gyaj hih lwgsae, dingx mbouj ndaej gaujniemq, mijn'x faenhsou wnggai rox Yehsuh Gihduz dwg caeuq faenhsou youq hih.

Gohlozsih Saw 2:7

couh ij ciuq gij saedsaeh de bae caep giek ndei bonjfaenh, hawj bonjfaenh ndaej engqgya yied ngoenz yied giengz, yied ngoenz yied miz aen sim sinq Gihduz engqgya gyenhdingq he. Yienghneix couh ndaej yienh ok faenhsou soj hag hih. Faenhsou caemh ij engqgya miz aen sim docih de he.

Gohlimzdoh Ngeih 9:14

Faenhsou haijliengh gien ngaenz, yienghneix couh ndaej yienh ok Cangqdiq doiq vunz haijliengh raixcaix. Couh vih yienghneix, gyoengqde couh aiq faenhsou, vih faenhsou hwj gouzhaenh Cangqdiq.

Gohlimzdoh Ngeih 8:2

sojhij gyoengqde gannaeuz roeb daengz haujlai nanh, roeb daengz haujlai gaujniemq lah, hoeng, gyoengqde ciuqyiengh roxnginh sim'angq. Gannaeuz gungz raixcaix lah, hoeng, gyoengqde ciuqyiengh haijliengh raixcaix.

Dizmohdaiq It 5:13

Caiq gyacangq hauhnaeuz hawj gyoengqde daengh haeuj bae nex, cungj lau gyoengqde gajlaeng bienq gyik hwj haenj nyangz hoh ndonj hoh. Mbouj danhcij bienq gyik, vanzlij haenj guenj henzsaeh, doeng gangj sae gangj, bak lai, gangj doenghgij mbouj wnggai gangj he.

Dezsajloznizgyah It 3:12

Muengh bouxcawj raeuz hawj faenhsou miz aen sim rox doxaiq he caeuq rox aiq vunz he, caemh dwg yied ngoenz yied aiq raixcaix he, caemhdangq luj gyoengqraeuz aiq faenhsou yienghmwnq.

Gohlimzdoh Ngeih 8:7

Giqyienz faenhsou dih sinqsim hah, goujcaiz hah, ciqsiz hah, miz sim hah, doiq gyoengqraeuz dih aiqsim hah cungj gig ndei lo, yiengq gou caemh muengh faenhsou doiq gien ngaenz gij saeh ndei neix caemh wnggai yienh ok haijliengh raixcaix cij deng.

Lozmaj Saw 12:11

ij gaenz, mbouj ndaej gyik, ij naebsim bae swqhaeuh bouxcawj raeuz.

Yozhanq Saw 5:42

Gou caemh rox faenhsou gaenhbaenj mbouj miz aen sim aiq Cangqdiq he.

Majdaiq Saw 25:26

“Bouxcawj dingq de yienghneix naeuz le, ndatheiq hwj ij rai, couh doiq de naeuz: ‘Mwngz dwg bouxhoiq simdoeg simfwn gyik gyangjgyangq he! Mwngz giqyienz rox gou youqgaenj, dued aeu gij gou mij doengh fawz guh he, sou aeu gij gou mij geng mij ndaem he,

Majdaiq Saw 20:6

“Yiengq daengz yiengqhaemh haj diemjcung yienghneix, de caemh ok bae daengz hongxgvaengh, youq mwnq caemh yawjraen miz gij vunz mij hong guh he ndwn youq mwnq. De couh cam gyoengqde naeuz: ‘Vihmaz youq mwnqneix baenxngoenz mij bae guh hong nej?’

Majdaiq Saw 20:3

“Yiengq daengz haemq gyang gouj diemjcung yienghneix, de caiq ok bae, youq hongxgvaengh raen miz doenghgij vunz mij hong guh he youq mwnq guxcaemz.

Majdaiq Saw 13:22

Doengh ceh doek youq ndaw caz oen mwnq, couh dwg naeuz vunz dingq gij ndei siuhsiz lo, gajlaeng vihliux saenghhoz dih saepsaep soiqsoiq, caeuq dam cienzcaiz hwj mbouj ndaej guh gij saeh youq ndaw lwgra Cangqdiq suenq dwg miz yungh he.

Yozhanq Saw 17:3

Gij seiqseiz lix neix couh dwg ndaej rox mwngz—caenhgag mwngz cij dwg caen hih cwnz he—caeuq rox gou, Yehsuh Gihduz, mwngz baij daeuj hih.

Feihlizbij Saw 3:8

Mbouj danhcij naeuz yienghneix, gou vanzlij vih Gihduz hwj dawz sojmiz hih cungj dangq dwg coem mij yungh he, aenvih gou dawz rox bouxcawj raeuz Yehsuh Gihduz ma dangq dwg ceiq dijbauj hih. [8c]Vih ij ndaej Gihduz [9a]caeuq ndaej hawj vunz rox gou dwg gaep haeuj de hwj [8b]gou dawz sojmiz hih cungj dangq dwg lahgiz vwt deuz liux. [9b]Gou seizneix ndaej gaep haeuj de, mbouj dwg baengh soenhsouj Mohsih dih fazliz hwj gag ndaej bienqbaenz mij coih hih nej, dauq dwg baengh sinq Gihduz hwj ndaej youq ndaw lwgra Cangqdiq suenq dwg mij'z coih hih lah.

Gohlozsih Saw 1:10

Yienghneix, sawjhawj faenhsou guh saeh doiq vunz cungj doiq ndaej hwnj bouxcawj raeuz, hawj faenhsou soj guh hih cungj ndaej hawj de haenjheiq, caemh vanzlij ndaej hawj faenhsou guh gij saeh doiq vunz miz ik he, caeuq ndaej hawj faenhsou engqgya lai rox Cangqdiq.

Bijdwz Ngeih 1:3

Cangqdiq yungh gij akak rengzrengz de ma dawz gyoengqraeuz ij goq cungj saenghhoz hab'eiq habhoz de he soj yungh hih nyok hawj gyoengqraeuz lo. Gyoengqraeuz soj ndaej hih dwg vih gyoengqraeuz rox de, boux senj gyoengqraeuz daeuj hawj gyoengqraeuz ndaej miz faenh gij najrongh de caeuq ndaej yangjcouq gij haijliengh de dih Cangqdiq.

Bijdwz Ngeih 2:20

Yiengq, hauhnaeuz vunz rox bouxcawj raeuz, gouq vunz dih Yehsuh Gihduz hwj ndaej duet ok aen seiqgyaiq neix hih yalw lo, hoeng, gajlaeng caiq ngaiz aen seiqgyaiq neix hih yalw geuj dawz, gaemhanh boiz, luj yienghneix hih vunz daengz gajlaeng beij gaxgonq de engqgya camj.

Bijdwz Ngeih 3:18

Dauqfanj faenhsou dauq ij yied ngoenz yied luj bouxcawj gouq raeuz Yehsuh Gihduz yienghmwnq haijliengh, caemh ij yied ngoenz yied rox de. Muengh de yungjyenj najrongh! Ahmaenz.