Bijdwz Ngeih 1:6 - Gij Baujcingq Moq Caeuq Geij Bonj Gij Baujcingq Daeuzdaeuz

⁶ miz ciqsiz lo, caemh ijaeu gag rox haed bonjfaenh cij ndaej; rox gag haed bonjfaenh lo, caemh ijaeu rox naenxsim cij ndaej; rox naenxsim lo, caemh ijaeu yawjnaek Cangqdiq cij ndaej;

Bijdwz Ngeih 1:6 ပူးပေါင်းရင်းမြစ်များ

Bijdwz Ngeih 1:3

Cangqdiq yungh gij akak rengzrengz de ma dawz gyoengqraeuz ij goq cungj saenghhoz hab'eiq habhoz de he soj yungh hih nyok hawj gyoengqraeuz lo. Gyoengqraeuz soj ndaej hih dwg vih gyoengqraeuz rox de, boux senj gyoengqraeuz daeuj hawj gyoengqraeuz ndaej miz faenh gij najrongh de caeuq ndaej yangjcouq gij haijliengh de dih Cangqdiq.

Hihbwzlaiz Saw 10:36

Vih ij ciphengz Cangqdiq dih cawjeiq hwj ndaej daengz Cangqdiq dih soj baujcingq hih, faenhsou bietdingh ij gyenhciz naenxsim,

Luqgyah Saw 21:19

cijaeu faenhsou gyenhciz mbouj bienq sim, couh ndaej baux gij hoenzsaenz faenhsou lo.”

Hihbwzlaiz Saw 12:1

Yiengq, giqyienz miz baenx lai vunz cingqmingz sinq Cangqdiq lai luj miz fwj daeuj guem gyoengqraeuz vwz, gyoengqraeuz couh wnggai yoengq sojmiz gaz dawz gyoengqraeuz hih caeuq ep gyoengqraeuz dih coih hih hwj miz aen sim gyenhdingq he bae byaij diuz roen Cangqdiq yinx hawj gyoengqraeuz byaij he.

Gohlimzdoh It 9:25

Yiengq, famz camhgyah bijcaiq hih vunz cungj ij dunghgoq yiemzgwz ywnqlenq. Gyoengqde yienghneix guh cijmboujgoq dwg siengj hingz ndaej gij cangjbyimj rox naeuh rox lanh hih lah; hoeng, gyoengqraeuz siengj hingz hih gij cangjbyimj mwnq dauq dwg yungjyenj mbouj rox naeuh hih.

Dizdoh Saw 2:2

ij naeuz doenghheij vunz laux vunzsai he, naeuz hawj gyoengqde ij gag rox haed bonjfaenh, ij rox gag caepcingq bonjfaenh, ij guh boux hawj vunz soenhgingq he, ij miz aen sim sinq Gihduz he, ij miz aiqsim, ij miz naenxsim; doenghgij neix cungj ij gyenhciz roengzbae.

Gyahlahdaiq Saw 5:23

soh semxsemh, rox gag haed bonjfaenh. Luj doenghgij neix, coengzlaiz mbouj miz guxmaz fazliz gimqcij goq.

Gihduz Hawj Vunz Rox 14:12

Hoeng gangj daengz doenghheij soenhsouj Cangqdiq dih mingqlingq, sinq Yehsuh hih doenghheij vunz Cangqdiq, gyoengqde ijaeu gyenhciz naenxsim.

Gihduz Hawj Vunz Rox 2:2

Gou rox mwngz soj guh hih dwgrengz caeuq gyenhciz roengzbae, caemh rox mwngz dwgcaengz vunz rwix vunz vaih. Mwngz caemh caz goq doenghheij gag naeuz bonjfaenh dwg dwzbaijyienz he, caz ndaej ok gyoengqde dwg gyaj hih, doenghheij vunz mwnq.

Dizdoh Saw 1:8

haenj daih hek, haenj ndeisaeh, gag caepcingq bonjfaenh, guh saeh gangj vah ndwn ndaej cingq, yawjnaek Cangqdiq, rox naenxsim,

Dezsajloznizgyah It 1:3

caemh siengzseiz ngeix daengz faenhsou vih sinq bouxcawj raeuz Yehsuh Gihduz hwj soj guh hih, vih aiq hwj roengzrengz guh hong caeuq vih doiq de miz muengh hwj rox gyenhciz naenxsim.

Gohlozsih Saw 1:11

Gyoengqraeuz vanzlij gouz Cangqdiq, gouz de yungh gij veijdaq dih akak rengzrengz de ma hawj faenhsou ndaej engqgya miz rengz, ndaej engqgya gyenhdingq, hawj faenhsou vuenvuen heijheij cix rox naenxsim,

Gohlimzdoh Ngeih 6:4

Dauqfanj gyoengqraeuz soj guh hih cungj dwg yienh ok gyoengqraeuz dwg bouxhoiq Cangqdiq. [4c]Gyoengqraeuz mboujguenj roeb daengz gijmaz nanh, haemzhoj, gungz, [5]ngaiz vunz doh, ngaiz vunz gyaeng, ngaiz vunz nauh luenh, ngaiz guh hong dwgrengz sinhoj, ngaiz mbouj ndaej ninz, ngaiz iek, [4b]gyoengqraeuz cungj naenxsim roengzbae.

Lozmaj Saw 8:25

Hoeng hauhnaeuz gyoengqraeuz muengh gij yawj mbouj raen hih, couh ij hozraez, naenxsim daengj cij ndaej.

Lozmaj Saw 2:7

Daengz saemjbuenq mwhde, de couh ij hawj doenghheij vih siengj ndaej daengz najrongh caeuq seiqseiz lix hwj gyenhciz guh ndeisaeh dih vunz, hawj gyoengqde mbouj rox rai, hawj gyoengqde seiqseiz caeuq de youq.

Geiq Dwzbaijyienz 24:25

Hoeng couh youq Baujloz gangj daengz gvanhhih guh vunz ij guh vunz ndei, guh vunz mbouj ndaej siengj guh gijmaz couh guh gijmaz, caeuq baezneix Cangqdiq ij saemjbuenq vunz dih gij saeh neix le, Feihlizswh roxnginh raen lau ij rai bae, yiengq couh doiq Baujloz naeuz: “Mwngz seizneix ndaej maj lo; daengj gou ndaej hoengq menhcij caiq heuh mwngz daeuj.”

Luqgyah Saw 8:15

Hoeng doengh ceh doek youq ndaw doem biz mwnq nex, couh dwg gij vunz simndei simsoh mwnq. Gyoengqde dingq gij vah Cangqdiq le, couh caeng youq ndaw sim laeglaeg hwj. Cungj vunz neix mbouj lau dwgrengz sinhoj, ndaej guh gij saeh youq ndaw lwgra Cangqdiq miz yungh he.”

Lozmaj Saw 15:4

Ndaw Singqgingh ndaw de soj sij hih cungj dwg vih ij son raeuz hwj sij hih, dwg vih ij hawj raeuz ndaej dunghgoq naenxsim caeuq ndaej baengh ndaw Singqgingh ndaw de dih gujliq hwj ndaej miz muengh.

Gihduz Hawj Vunz Rox 13:10

Ij ngaiz gaemh dawz hih vunz gaengjdingq ngaiz gaemh dawz; ij ngaiz giemq ndaemq rai hih gaengjdingq ij ngaiz rai youq bakgyiemq. Sojhij naeuz dwg gij vunz Cangqdiq hih ijaeu miz naenxsim caeuq miz sinqsim.

Gihduz Hawj Vunz Rox 1:9

Gou dwg Yozhanq, dwg caeuq faenhsou doxdoengz vih Yehsuh Gihduz hwj souh nanh, doxdoengz ndaej youq ndaw guek Cangqdiq yangjfuk, doxdoengz naenxsim mbouj doeknaiq hih beixnuengx. Caemh dwg vih ij cenz gij vah Cangqdiq caeuq vih ij guh Yehsuh dih cingqyinz hwj ngaiz boenq bae daengz aen dauj heuh Bazmoh he youq he.

Bijdwz Ngeih 3:11

Giqyienz sojmiz hih cungj ij luj yienghneix ngaiz byaeu liux vwz, yiengq faenhsou guh vunz couh ij wnggai guh gij hab'eiq habhoz Cangqdiq he, yawjnaek Cangqdiq he hwj

Hihbwzlaiz Saw 6:15

Sojhij Yaqbwzlahhanj couh hozraez naenxsim hwj daengj. Gajlaeng cingqgawq gwhraix, cingqgawq luj Cangqdiq soj baujcingq hih yienghmwnq.

Hihbwzlaiz Saw 6:12

Caemh muengh faenhsou gak boux mbouj caeggyik, ij hag doenghheij baengh sinq Gihduz hih sim caeuq baengh naenxsim hwj ndaej ciep aeu Cangqdiq baujcingq nyok hawj hih.

Dizdoh Saw 1:1

Vih doxdoengz sinq cungj he hwj ndaej guh caen lwg gou hih Dizdoh: [1]Gou dwg Baujloz, dwg bouxhoiq Cangqdiq caeuq boux dwzbaijyienz Yehsuh Gihduz he, dwg Cangqdiq baij daeuj bang gij vunz de senj okdaeuj he, hawj gyoengqde sinqsim gyenhdingq, mbouj doeknaiq, hawj gyoengqde rox gij saedsaeh Cangqdiq—gij saedsaeh neix dwg ndaej hawj vunz guh daengz hab'eiq habhoz Cangqdiq he [2]caeuq ndaej hawj vunz rox ndaej seiqseiz lix he. Gij seiqseiz lix neix dwg coengz boux gangj vah saedsaeh he dih Cangqdiq daj senqsi cix dapwngq le [3]caiq youq mwh hab de hih mwhde, dunghgoq cenzgangj gij ndei siuhsiz hwj ndaej hawj vunz rox he. Gou couh dwg ciuq boux gouq raeuz dih Cangqdiq dih mingqlingq bae guh gij hong cenzgangj Cangqdiq dih ndei siuhsiz he. [4b]Muengh Cangqdiq Bohmbwn caeuq boux gouq raeuz dih Yehsuh Gihduz doiq mwngz haijliengh, hawj mwngz bingzan!

Dizmohdaiq Ngeih 3:5

Gyoengqde gyajcang yawjnaek Cangqdiq sinq Cangqdiq; gizsaed gyoengqde gaenhbaenj mbouj dawz haeuj rwz de, mbouj sinq de. Luj doengh gyoengq vunz neix, mwngz mbouj ndaej cimyex haeuj bae.

Dizmohdaiq It 6:11

Dizmohdaiq hax, mwngz dwg gvi haeuj Cangqdiq he; luj doenghgij saeh neix mwngz mbouj ndaej cimyex haeujbae, ij cwnqliengq guh boux lauxsaed simndei simsoh, soh semxsemh, guh boux hab'eiq habhoz Cangqdiq he, sinq Yehsuh he, miz aiqsim, rox gyenhciz mbouj doeknaiq he.

Dizmohdaiq It 6:6

Gizsaed, caensim caen'eiq swqhaeuh Cangqdiq caeuq doiq miz gijmaz cungj rox gaeuq he mbouj damsim he doenghheij vunz neix cij suenq dwg cingqcaen fouqmiz he,

Dizmohdaiq It 6:3

Miz hih vunz son vunz son gij mbouj doengz gij saedsaeh Cangqdiq he; doenghgij vunz neix dwg mbouj nginh gij vah bouxcawj raeuz Yehsuh Gihduz dwg saedsaeh he, gangj daengz hab'eiq Cangqdiq, gyoengqde caemh mbouj dawz haeuj rwz.

Dizmohdaiq It 3:16

Bak faenh cih bak, mij maz ndaej ngeiz, Cangqdiq hawj raeuz rox hih gij saedsaeh neix cingqcaen dwg geizmiuj raixcaix, couh dwg: De bienq boux vunz yienghmwnq yienh hawj vunz raen, Hoenzsaenz Cangqdiq cingqmingz de dwg Gihduz. Bouxcai Cangqdiq ndaej raen de, Gij ndei siuhsiz de caemh cenz bae daengz gak guek gak dieg. Gij vunz lajmbwn cungj sinq de, De najrongh sagsag hwj ndaej ciep hwnj mbwn bae.

Dizmohdaiq It 2:10

Cijaeu guh saeh ndei, bonjfaenh couh boiqndaej gag naeuz: “Gou dwg hab'eiq habhoz Cangqdiq hih vunzbaz” lo.

Dizmohdaiq It 2:2

Caemh doxdoengz, gyoengq lwgsae caemh ij vih gak aen guek dih lingjdauj gouzhaenh Cangqdiq, caeuq vih sojmiz miz gienz hih vunz hwj gouzhaenh Cangqdiq; yienghmwnq couh ndaej hawj raeuz goq an'onj caeuq bingzdingh dih saedceij, caemh ndaej hawj raeuz guh gij hab'eiq habhoz Cangqdiq he, caeuq ndaej daengz vunz dih soenhgingq.

Dezsajloznizgyah Ngeih 3:5

Muengh bouxcawj raeuz daiq faenhsou, hawj faenhsou ndaej luj Cangqdiq yienghmwnq miz aiqsim, luj Gihduz yienghmwnq gyenhciz naenxsim.

Dezsajloznizgyah Ngeih 1:4

Couh vih yienghneix, gyoengqraeuz youq Cangqdiq hih gak aen gyauqveiq cungj haenh faenhsou, haenh faenhsou youq roeb daengz sojmiz hih bwkhaih sojmiz hih nanh, hoeng, vanzlij gyenhciz naenxsim caeuq sinq Gihduz.

Lizsij dih Gaihcij 5:24

Cangqdiq couh ciep de bae; gij vunz couh mbouj raen de haem lo, aenvih de baenx seiqvunz cungj haenj dingq Cangqdiq gaen Cangqdiq.