Bijdwz Ngeih 1:3 - Gij Baujcingq Moq Caeuq Geij Bonj Gij Baujcingq Daeuzdaeuz

³ Cangqdiq yungh gij akak rengzrengz de ma dawz gyoengqraeuz ij goq cungj saenghhoz hab'eiq habhoz de he soj yungh hih nyok hawj gyoengqraeuz lo. Gyoengqraeuz soj ndaej hih dwg vih gyoengqraeuz rox de, boux senj gyoengqraeuz daeuj hawj gyoengqraeuz ndaej miz faenh gij najrongh de caeuq ndaej yangjcouq gij haijliengh de dih Cangqdiq.

Bijdwz Ngeih 1:3 ပူးပေါင်းရင်းမြစ်များ

Bijdwz It 5:10

Hoeng, faenhsou souh goq duenh nanh he le, boux doiq vunz haijliengh raixcaix aiq vunz raixcaix dih Cangqdiq, couh dwg senj faenhsou, hawj faenhsou dunghgoq Gihduz ndaej yungjyenj najrongh dih Cangqdiq, gaengjdingq caenndang hawj faenhsou ndaej fuk hwnjdaeuj, hawj faenhsou sinqsim gyenhdingq, hawj faenhsou miz rengz mbouj doeknaiq, hawj faenhsou ndaej caep giek ndei.

Dizmohdaiq Ngeih 1:9

Cangqdiq gouq gyoengqraeuz, senj gyoengqraeuz mbouj dwg naeuz yawj gyoengqraeuz miz guh gijmaz ndeisaeh hih, dauq dwg ciuq gij cawjeiq de caeuq de dih haijliengh lah. Gij haijliengh neix, dwg de youq mijyaengz cauh mbwn cauh deih mwhde, de cix gyezdingq dunghgoq Yehsuh Gihduz ma hwj doiq gyoengqraeuz haijliengh lo,

Lozmaj Saw 8:32

Cangqdiq daiqlienz daeglwg dog de cungj sijndaej, sijndaej hawj de vih gyoengqraeuz hwj rai; yiengq de mbouj engqgya dawz sojmiz hih cungj nyok hawj gyoengqraeuz maz?

Gohlimzdoh Ngeih 12:9

Hoeng, bouxcawj raeuz dauq doiq gou naeuz: “Cijaeu gou aiq mwngz, couh ndaej lo, aenvih gou ndaej miz rengz hawj vunz youq mwh mij rengz mij banqfaz he, ndaej raen hamq hah.” Couh vih yienghneix hwj, gou engq haenj gag haenh bonjfaenh mij rengz mij banqfaz, yienghneix couh ndaej hawj vunz yawjraen gij rengz Gihduz yienh youq gwnz ndang gou hah.

Bijdwz It 2:21

Cangqdiq senj faenhsou dih muzdiz dwg ij hawj faenhsou yienghneix guh hih, aenvih Gihduz caemh vih faenhsou hwj ngaiz souh nanh, hawj faenhsou guh ndei bangjyangq, hawj faenhsou gaen de guh, hag de.

Dezsajloznizgyah Ngeih 2:14

Cangqdiq vih yienghneix hwj couh dunghgoq gyoengqraeuz soj cenz hih ndei siuhsiz hwj senj faenhsou, hawj faenhsou ndaej do gij rongh bouxcawj raeuz Yehsuh Gihduz.

Bijdwz It 2:9

Hoeng, faenhsou caeuq gyoengqde mbouj doxdoengz. Faenhsou dwg Cangqdiq soj senj hih minzcuz, dwg gij vunz aen guek de he, dwg guh Cangqdiq goengjvuengz dih goengjsae dajbwiz he, dwg gvi haeuj Cangqdiq he. Cangqdiq senj faenhsou dwg hawj faenhsou daj ndaw laep ok daeuj haeuj ndaw rongh sagsag de bae cenzgangj gij ndei raixcaix de.

Dezsajloznizgyah It 2:12

Gyoengqraeuz gienq faenhsou dwg hawj faenhsou guh saeh doiq vunz cungj doiq ndaej hwnj boux senj faenhsou hawj faenhsou ndaej gaep haeuj aen guek de caeuq do gij najrongh de dih Cangqdiq.

Dezsajloznizgyah It 4:7

Cangqdiq senj gyoengqraeuz mbouj dwg ij hawj raeuz goq cungj saenghhoz yalw neix law, dauq dwg ij hawj raeuz guh boux hab'eiq habhoz de hih lah.

Bijdwz It 1:15

Dauqfanj ij guh gij saeh mij gijmaz ndaej diudik he, cingq luj senj faenhsou dih Cangqdiq de dwg boux ndei liuxliux mij gijmaz ndaej diudik he.

Hijfuzsoj Saw 4:1

Gou vih swqhaeuh bouxcawj raeuz hwj ngaiz gyaeng hwnjdaeuj he, sojhij gou gienq faenhsou: giqyienz Cangqdiq senj faenhsou, faenhsou couh ij guh gij hab'eiq habhoz Cangqdiq he.

Gohlimzdoh It 1:9

Cangqdiq dwg saedsaeh hih sinq ndaej goq hih; de senj faenhsou hawj faenhsou ndaej caeuq daeglwg de, bouxcawj raeuz Yehsuh Gihduz, guh beixnuengx.

Bijdwz Ngeih 1:2

Muengh faenhsou yied rox Cangqdiq caeuq bouxcawj raeuz Yehsuh, faenhsou couh yied ndaej daengz de doiq faenhsou haijliengh caeuq ndaej bingzan!

Bijdwz Ngeih 1:5

Couh vih yienghneix hwj faenhsou ij engqgya lai roengzrengz; faenhsou mbouj danhcij ij miz aen sim sinq Gihduz he, caemh vanzlij ijaeu byimjdwz ndei; byimjdwz ndei, caemh vanzlij ijaeu miz ciqsiz cij ndaej;

Bijdwz It 3:9

Mbouj ndaej vunz famh mwngz mwngz caemh famh vunz, vunz yug mwngz mwngz caemh yug vunz; dauqfanj ij hoh fuk hawj vunz, aenvih Cangqdiq senj faenhsou dwg hawj faenhsou yienghneix guh hih, dwg vih ij hawj faenhsou ndaej daengz de dih fuk hih.

Gohlozsih Saw 1:16

Gwnzmbwn lajdeih sojmiz hih, yawj ndaej raen hih, yawj mbouj ndaej raen hih, guh vuengz hih, guenjciq hih, dang ak hih, gaem gienz hih, sojmiz hih dungjdungj cungj dwg dunghgoq de, vih de hwj cauh he.

Dizmohdaiq It 4:8

Gou lauxsaed naeuz mwngz ni, [8]duenqlenq ndangdaej danghyienz miz ndeicawq, hoeng, guh hab'eiq habhoz Cangqdiq hih vunz hwj duenqlenq miz ik engqgya lai, aenvih ndaej guh daengz hab'eiq habhoz Cangqdiq hih, seiq neix seiq laeng cungj ndaej hawj mwngz miz fuk; [9b]gou gangj hih doengh gawq vah neix, mwngz wnggai sinq.

Hijfuzsoj Saw 4:4

aenvih aen ndang, caenhgag miz aen ndang dog, Hoenzsaenz, caenhgag miz Hoenzsaenz dog, cingq luj Cangqdiq senj faenhsou daeuj hawj faenhsou ndaej doxdoengz muengh cungj he.

Feihlizbij Saw 4:8

Ceiqhaeuq, gak boux beixnuengx hax, gou vanzlij miz geij gawq vah ij gienq faenhsou, gienq faenhsou lailai ngeixngeix doenghheij saedsaeh he, caepcingq he, ndwn ndaej cingq he, lauxsaed he, doxaiq he, mingzsingh ndei he, mij maz ndaej diudik he, boiqndaej haenh he.

Majdaiq Saw 28:18

Yehsuh raen gyoengqde le, couh byaij bae daengz dangqnaj gyoengqde, doiq gyoengqde naeuz: “Cangqdiq gaenq dawz gwnzmbwn lajdeih sojmiz hih gienz cungj nyok hawj gou lo.

Hihbwzlaiz Saw 1:3

Caemh dwg daeglwg de ndaej yienh ok Cangqdiq dih najrongh caeuq veijdaq, caemh ndaej yienh ok Cangqdiq bonjfaenh de sojmiz hih. De yungh gij akak rengzrengz bonjfaenh de daiq miz rengz hih vah ma cangjguenj sojmiz hih. De cawz coih le, couh naengh youq gwnzmbwn baixgvaz gienz akak rengzrengz dih Cangqdiq.

Bijdwz It 1:5

Cangqdiq vih faenhsou sinq de hwj de couh yungh gij akak rengzrengz de ma baujhuq faenhsou, hawj faenhsou ndaej de soj cwnjbiq hih, couh dwg youq ngoenz gatsat yienh hawj gyoengqraeuz rox ndaej gouq dwg baenxlai dih ndei.

Lozmaj Saw 9:24

Cangqdiq soj cojgvaq hih couh dwg gyoengqraeuz; gyoengqraeuz dwg Cangqdiq daj ndaw Youzdaiq vunz caeuq linghvaih minzcuz ndaw de senj okdaeuj dih vunz.

Geiq Luqdwz 3:11

De caiq naeuz: “Lwg hah, mwngz gaejyungh heiq; mwngz soj gouz hih, gou gaengjdingq nganhbaiz ndei hawj mwngz. Gij vunz ndaw singz cungj rox naeuz mwngz dwg boux aeueiq bouxlaux he, gw dauhleix caemh gig roxsoq he.

Feihlizbij Saw 3:8

Mbouj danhcij naeuz yienghneix, gou vanzlij vih Gihduz hwj dawz sojmiz hih cungj dangq dwg coem mij yungh he, aenvih gou dawz rox bouxcawj raeuz Yehsuh Gihduz ma dangq dwg ceiq dijbauj hih. [8c]Vih ij ndaej Gihduz [9a]caeuq ndaej hawj vunz rox gou dwg gaep haeuj de hwj [8b]gou dawz sojmiz hih cungj dangq dwg lahgiz vwt deuz liux. [9b]Gou seizneix ndaej gaep haeuj de, mbouj dwg baengh soenhsouj Mohsih dih fazliz hwj gag ndaej bienqbaenz mij coih hih nej, dauq dwg baengh sinq Gihduz hwj ndaej youq ndaw lwgra Cangqdiq suenq dwg mij'z coih hih lah.

Bijdwz Ngeih 1:6

miz ciqsiz lo, caemh ijaeu gag rox haed bonjfaenh cij ndaej; rox gag haed bonjfaenh lo, caemh ijaeu rox naenxsim cij ndaej; rox naenxsim lo, caemh ijaeu yawjnaek Cangqdiq cij ndaej;

Bijdwz Ngeih 1:8

Hauhnaeuz faenhsou miz doenghgij byimjdwz neix lo, caiq gyacangq mbouj dingz hih gyahgyangz roengzbae lo, yienghneix faenhsou rox bouxcawj raeuz Yehsuh Gihduz cij miz yungh, cij ndaej hawj faenhsou guh ndeisaeh.

Bijdwz Ngeih 1:10

Sojhij, gak boux beixnuengx hax, faenhsou wnggai engqgya lailai roengzrengz, guh daengz gwnz neix dih geij yiengh neix; yienghneix couh ndaej cingqmingz faenhsou saedsaeh dwg Cangqdiq soj dingh soj senj hih vunz lo. Hauhnaeuz faenhsou yienghneix guh, couh gaengjdingq yungjyenj mbouj ngaiz byaij loek lo.

Bijdwz Ngeih 2:20

Yiengq, hauhnaeuz vunz rox bouxcawj raeuz, gouq vunz dih Yehsuh Gihduz hwj ndaej duet ok aen seiqgyaiq neix hih yalw lo, hoeng, gajlaeng caiq ngaiz aen seiqgyaiq neix hih yalw geuj dawz, gaemhanh boiz, luj yienghneix hih vunz daengz gajlaeng beij gaxgonq de engqgya camj.

Bijdwz Ngeih 3:18

Dauqfanj faenhsou dauq ij yied ngoenz yied luj bouxcawj gouq raeuz Yehsuh Gihduz yienghmwnq haijliengh, caemh ij yied ngoenz yied rox de. Muengh de yungjyenj najrongh! Ahmaenz.