Bijdwz Ngeih 1:16 - Gij Baujcingq Moq Caeuq Geij Bonj Gij Baujcingq Daeuzdaeuz

¹⁶ Gaxgonq gyoengqraeuz gangj naeuz sou ni bouxcawj raeuz Yehsuh Gihduz dih bonjsaeh caeuq de dauq daeuj hih saeh hih gaenhbaenj mbouj dwg gag cauh goqsaeh cej daixbauq, dauq dwg gyoengqraeuz caenra raen de dih veijdaq lah,

Bijdwz Ngeih 1:16 ပူးပေါင်းရင်းမြစ်များ

Yozhanq It 4:14

Gyoengqraeuz raen goq, caemh ndaej cingqmingz, Cangqdiq baij daeglwg de daeuj lajmbwn, dwg daeuj guh boux gouq vunz he.

Yozhanq Saw 1:14

Gij vah Cangqdiq bienqbaenz miz lwed miz noh hih vunz; de youq laeng gyoengqraeuz youq. Gyoengqraeuz yawjraen gij rongh de, gij veijdaq de; gij rongh neix couh dwg daeglwg dog Cangqdiq Bohmbwn cij ndaej he. De dwg sinq ndaej goq he, haijliengh raixcaix he, gig aiq vunz he.

Dizmohdaiq It 1:4

caeuq naeuz gyoengqde mbouj hawj gyoengqde doiq doenghgij gojgaeq doenghbaez he caeuq doenghheij gyabouh raez rangxrangh he maezgae, aenvih doenghgij neix cungj dwg cauh hawj vunz doxeuq, gaenhbaenj mbouj ndaej bang vunz hawj vunz ciuq Cangqdiq dih giqvaq ma guh. Hoeng, gij giqvaq neix dwg gauq sinq Yehsuh cij ndaej guh daengz he.

Dizmohdaiq It 4:7

Mwngz gaej dingq gij gojgaeq boq ien he hwj mbouj dawz haeuj rwz Cangqdiq; wnggai vih hawj bonjfaenh bienqbaenz boux hab'eiq habhoz Cangqdiq he hwj gyenhciz duenqlenq bonjfaenh.

Gohlimzdoh It 2:4

Gou soj gangj soj cenz hih mbouj dwg baengh coengjmingz cixnaeuz baengh ndeidingq hih vah, dauq dwg baengh Hoenzsaenz Cangqdiq yienh ok dih rengz hwj

Hijfuzsoj Saw 4:14

Daengz mwhmwnq, gyoengqraeuz couh mbouj caiq luj lwgngez yienghmwnq mbouj rox faenbied gijmaz hwj dingq daengz doenghgij vunz gyaujvaz he sauqyauz gijmaz couh sinq gijmaz he lo, caemh mbouj caiq sim mbouj dingh hwj luj vunz youq ndaw bohlangq yienghmwnq rumz ci hwj fan foedfoed bae lo.

Gohlimzdoh It 1:17

Gihduz senj gou baij gou mbouj dwg hawj gou bang vunz sijlij, dauq dwg hawj gou cenzgangj gij ndei siuhsiz Cangqdiq lah. Gou cenz gij ndei siuhsiz Cangqdiq mwhde caemh mbouj dwg gauq vunz dih coengjmingz hwj siengj okdaeuj hih nej, mijn'x Gihduz ngaiz ding hwnj gwnz gyaq cixcib bae couh bienqbaenz mij'z yungh lo.

Gihduz Hawj Vunz Rox 1:7

Gou naeuz sou ni, cenz lajmbwn sojmiz hih vunz cungj ij yawjraen de caeuq gij fwj daj gwnzmbwn roengz daeuj, daiqlienz ndaemq de hih vunz cungj ij yawjraen de. De daeuj hih mwhde, lajmbwn sojmiz hih minzcuz cungj siengsim gikheiq hwj daej. Doenghgij saeh neix gaengjdingq ij fatseng. Ahmaenz.

Dizdoh Saw 1:14

hawj gyoengqde cij mbouj bae dingq doenghgij Youzdaiq vunz hih doenghgij gojgaeq doenghbaez he caeuq doenghheij gveihdingq gij vunz yiem saedsaeh dingh okdaeuj he.

Youzdaq Saw 1:14

Doengh cungj vunz neix, Yaqdangh dih daixcaet daih lan, Hijnoz, gaenq cenz gij vah Cangqdiq naeuz goq naeuz: Yawj veiq, bouxcawj daiq ciencien fanhfanh bouxcai de caeuq de itheij daeuj!

Dezsajloznizgyah Ngeih 2:9

Boux doegsieb neix ij daeuj guh gij hong Sajdanq fangzvuengz, guh gak cungj geizmiuj gyaj gingjdoengh he,

Gohlimzdoh Ngeih 4:2

gaengjdingq mbouj guh doenghgij saetnaj saetnyaenq mij'z naj doiq vunz he, mbouj coemx vunz yaeuh vunz, mbouj doeng gaij sae gaij gij vah Cangqdiq lo, dauq dwg guh gij doiq ndaej hwnj Cangqdiq he hwj mingzmingz begbeg hih dawz gij saedsaeh Cangqdiq cenzgangj naeuz vunz ni, yienghneix hwj hawj vunz gag naemjnaemj yawj deng mbouj deng.

Gohlimzdoh Ngeih 2:17

Gyoengqraeuz mbouj luj haujlai vunz, dawz gij vah Cangqdiq ma dangq guh doenghgij ndaej hai ndaej cawx he nej, dauq dwg Cangqdiq senj gyoengqraeuz, baij gyoengqraeuz hawj gyoengqraeuz caensim caen'eiq caeuq baengh Yehsuh Gihduz dih gienz hwj cenz gij vah Cangqdiq lah.

Majdaiq Saw 28:18

Yehsuh raen gyoengqde le, couh byaij bae daengz dangqnaj gyoengqde, doiq gyoengqde naeuz: “Cangqdiq gaenq dawz gwnzmbwn lajdeih sojmiz hih gienz cungj nyok hawj gou lo.

Dezsajloznizgyah It 2:19

Gizsaed gyoengqraeuz soj muengh hih caeuq sim'angq hih cingq dwg faenhsou lo; faenhsou couh dwg youq mwh bouxcawj raeuz Yehsuh Gihduz dauq daeuj hih mwhde, youq dangqnaj de soj haenh hih cangjbyimj lo,

Feihlizbij Saw 3:21

De ij yungh gij akak rengzrengz ndaej guenjciq sojmiz he ma hawj aen ndangnoh rox naeuh gyoengqraeuz bienqbaenz luj aen ndang bonjfaenh de yienghmwnq ndei ndwtndwt rongh sagsag.

Gohlimzdoh It 5:4

Yiengq, daengz faenhsou doxcomz hih mwhde, aenvih gou caemhdangq caeuq faenhsou youq bang faenhsou, caeuq miz gij rengz bouxcawj raeuz Yehsuh Gihduz caeuq faenhsou youq, faenhsou couh ij hij gij mingzhiq Yehsuh bouxcawj raeuz ma

Gohlimzdoh It 2:1

Gak boux beixnuengx hax, mwh gou bae daengz faenhsou mwnq cenzgangj gij siuhsiz Cangqdiq vunz mijyaengz dingq goq he hih mwhde, gaenhbaenj mbouj dwg gangj doenghgij vah gyaeu cixnaeuz iqswh laeg he,

Gohlimzdoh It 1:23

hoeng, gyoengqraeuz soj cenzgangj hih cingq dwg Gihduz ngaiz ding hwnj gwnz gyaq cixcib bae rai hih gij saeh neix lah. Gij saeh neix, aeu gij vunz Youzdaiq ma yawj, dwg daekcoih gyoengqde he; aeu gij vunz Hihlaz ma yawj, dwg haeuj gij mazmwnh he.

Gohlimzdoh It 1:7

Sojhij faenhsou youq daengj bouxcawj raeuz Yehsuh Gihduz dauq daeuj hih mwhde, mboujguenj guxmaz cungj mbouj noix Hoenzsaenz Cangqdiq soj nyok hawj hih.

Lozmaj Saw 1:4

hoeng, aenvih Hoenzsaenz Cangqdiq hawj de daj rai ndaej dauqlix, de yungh gij akak rengzrengz bonjfaenh de ma cingqmingz de, yienghneix couh mingzmingz ndaej hawj vunz rox de dwg daeglwg Cangqdiq, dwg bouxcawj raeuz Yehsuh Gihduz, Cangqdiq baij daeuj dih vuengz.

Yozhanq Saw 17:2

Cingq luj mwngz dawz gij gienz guenjleix sojmiz vunz he nyok hawj de yienghmwnq, hawj de ndaej hawj doenghheij vunz mwngz nyok hawj de he ndaej seiqseiz lix.

Majdaiq Saw 24:27

aenvih gou, Vunz dih Daiqbiuj, dauq daeuj hih mwhde, caenh luj byajmyig yienghmwnq daj baixdoeng myig daengz baixsae.

Majdaiq Saw 24:3

Gajlaeng, Yehsuh bae daengz bya Gamjlamj le, couh hwnj gwnz de bae naengh. Yiengq, gyoengq lwgsae de caiq goq bae caegcaeg cam de naeuz: “Lauxsae, yiengq daengz seizlawz fatseng gij saeh mwnq nej? Mwngz dauq daeuj caeuq ciqgyaiq dih ngoenz gatsat he ij miz gijmaz gingjdoengh nej?”

Majdaiq Saw 16:28

Gou caiq naeuz sou ni, faenhsou ndaw neix hih vunz miz mbangj hih vunz youq de lij lix hih mwhde gaengjdingq ndaej raen Vunz dih Daiqbiuj daeuj dang vuengz.”

Majdaiq Saw 16:27

Gou naeuz sou ni hax, baezneix gou, Vunz dih Daiqbiuj, ij luj Bohmbwn gou yienghmwnq najrongh sagsag hwj caeuq bouxcai de itheij daeuj. Daengz mwhmwnq, gou couh ciuq gak vunz soj guh hih, ndei hih hawj vunz ndei, rwix hih bauqwngq hawj vunz.

Majdaiq Saw 17:1

Gij saeh neix goq roek ngoenz le, Yehsuh daiq Bijdwz caeuq Yajgoz caeuq daegnuengx de Yozhanq sam boux neix hwnj aen bya sang he bae.

Majgoj Saw 13:26

Daengz mwhmwnq, gij vunz ij yawjraen Vunz dih Daiqbiuj rongh sagsag myig myiengzmyiengz cienfanh miz vi miz rengz he caeuq gij fwj daj gwnzmbwn roengz daeuj.

Majgoj Saw 14:62

Yehsuh dingq le, han naeuz: “Dwg hah, gou couh dwg. Baezneix faenhsou gaengjdingq ij yawjraen Vunz dih Daiqbiuj naengh youq baixgvaz gienz akak rengzrengz dih Cangqdiq, caemh ij yawjraen de caeuq gij fwj daj gwnzmbwn roengz daeuj.”

Luqgyah Saw 1:2

Gyoengqde dwg gaenhgiq doengh boux daj gaihcij cix caenra raen hih cenz okdaeuj hih bien baenz saw lo.

Luqgyah Saw 9:43

Yiengq youq mwnq sojmiz hih vunz raen yienghneix le, cungj doeksaet, geizheih Cangqdiq dih bonjsaeh. Youq mwh gyoengq vunz vanzlij doeksaet geizheih Yehsuh soj guh hih saeh dih mwhde, Yehsuh doiq gyoengq lwgsae de naeuz:

Bijdwz Ngeih 2:3

Aenvih gyoengqde damsim, sojhij couh gag cauh ndaek cungj goqsaeh he hwj yaeuh faenhsou, coemx faenhsou aeu cienzcaiz. Doengh cungj vunz neix Cangqdiq senqsi cix dingh ij saemjbuenq gyoengqde lo, gyoengqde caemh gaengjdingq ij satsoq vaiq.