Bijdwz Ngeih 1:12 - Gij Baujcingq Moq Caeuq Geij Bonj Gij Baujcingq Daeuzdaeuz

¹² Yiengq, gannaeuz faenhsou gaenq rox daengz gij saeh neix caeuq baujciz sinq gij saedsaeh Cangqdiq mbouj bienq sim he lo, hoeng, gou vanzlij dwg ij siengzseiz daezsingj faenhsou.

Bijdwz Ngeih 1:12 ပူးပေါင်းရင်းမြစ်များ

Yozhanq It 2:21

Gou sij saenq hawj faenhsou, mbouj dwg naeuz vih faenhsou mbouj rox gij saedsaeh Cangqdiq, dauq dwg vih faenhsou cungj rox gij saedsaeh de, caemh rox sojmiz gyaj hih mbouj dwg daj ndaw saedsaeh de ok daeuj.

Feihlizbij Saw 3:1

Ceiqhaeuq, gak boux beixnuengx hax, faenhsou wnggai vih miz bouxcawj raeuz hwj vuenheij. Gou caemh mbouj lau mazfanz hwj caiq doiqyungz daez daengz gij saeh gaxgonq gou daez goq hih, mienxndaej faenhsou miz saeh.

Gohlozsih Saw 2:7

couh ij ciuq gij saedsaeh de bae caep giek ndei bonjfaenh, hawj bonjfaenh ndaej engqgya yied ngoenz yied giengz, yied ngoenz yied miz aen sim sinq Gihduz engqgya gyenhdingq he. Yienghneix couh ndaej yienh ok faenhsou soj hag hih. Faenhsou caemh ij engqgya miz aen sim docih de he.

Youzdaq Saw 1:5

Laj neix, doenghgij saeh neix gannaeuz faenhsou gaenq rox hoh lah, hoeng, gou vanzlij ij caiq daezsingj faenhsou. Doenghbaez Cangqdiq gouq gij vunz de, couh dwg gij vunz Hijswzlez, daj Ngaihgiz ok ma, hoeng, gajlaeng de dauq dawz gyoengqde doenghheij vunz mbouj sinq de he cawz bae.

Yozhanq Ngeih 1:2

aenvih ndaw sim faenhsou caeuq ndaw sim gyoengqraeuz yungjyenj miz saedsaeh.

Bijdwz Ngeih 1:13

Gou naemj hax, gou vanzlij dwg cijaeu gou vanzlij lix youq ngoenz he, couh ij wnggai siengzseiz daezsingj faenhsou, hawj faenhsou ndaejgeiq,

Youzdaq Saw 1:17

Hoeng, gou naeuz faenhsou gak boux beixnuengx hax, faenhsou ijaeu ndaejgeiq gij dwzbaijyienz bouxcawj raeuz Yehsuh Gihduz soj gangj goq hih vah.

Youzdaq Saw 1:3

Cinhngaiq dih gak boux beixnuengx hax, gou itcig cungj siengj sij saenq hawj faenhsou, caeuq faenhsou gangjgangj gvanhhih gyoengqraeuz daixgya cungj ndaej gouq dih vaenqdiz, hoeng, gou roxnginh seizneix miz yiengh he engqgya gaenj ij sij saenq hawj faenhsou, couh dwg gou gienq faenhsou ij caenhrengz souj ndei gij saedsaeh Cangqdiq. Gij saedsaeh neix dwg Cangqdiq mbat dog couh cenz hawj liux he, couh dwg cenz hawj sojmiz hih gij vunz Cangqdiq he.

Bijdwz Ngeih 3:17

Sojhij cinhngaiq dih gak boux beixnuengx hax, giqyienz faenhsou gaenq sien rox doenghgij saeh neix lo, couh ij wnggai siujsim, mienxndaej ngaiz gij vunz vaih guh loek he yaeuh faenhsou, hawj faenhsou byaij haeuj mbouj wnggai byaij he bae, hawj faenhsou sinq Gihduz gyenhdingq bienqbaenz mbouj gyenhdingq.

Bijdwz Ngeih 3:1

Cinhngaiq dih gak boux beixnuengx hax, gou seizneix sij daixngeih fung saenq hawj faenhsou. Gou sij hih song fung saenq cungj dwg daezsingj faenhsou, gujliq faenhsou, hawj faenhsou swhsiengj gyenqgangh,

Bijdwz Ngeih 1:15

Sojhij gou couh ij cwnqliengq roengzrengz hawj faenhsou daengz gou rai le vanzlij yungjyenj ndaejgeiq doenghgij saeh neix.

Bijdwz It 5:12

Gou youq dineix gyenjdanh sij fung saenq dinj neix hawj Sihlah dawz bae hawj faenhsou. Sihlah boux beixnuengx neix gou yawj de dwg boux lauxsaed sinq ndaej goq he. Gou sij fung saenq neix dwg ij gienq faenhsou, caemh dwg ij cingqmingz Cangqdiq saedsaeh dwg aiq vunz doiq vunz haijliengh raixcaix he, sojhij, faenhsou bietdingh ij baengh de dih aiq hwj gyenhciz roengzbae mbouj doeknaiq mbouj bienq sim.

Bijdwz It 5:10

Hoeng, faenhsou souh goq duenh nanh he le, boux doiq vunz haijliengh raixcaix aiq vunz raixcaix dih Cangqdiq, couh dwg senj faenhsou, hawj faenhsou dunghgoq Gihduz ndaej yungjyenj najrongh dih Cangqdiq, gaengjdingq caenndang hawj faenhsou ndaej fuk hwnjdaeuj, hawj faenhsou sinqsim gyenhdingq, hawj faenhsou miz rengz mbouj doeknaiq, hawj faenhsou ndaej caep giek ndei.

Hihbwzlaiz Saw 13:9

Faenhsou mbouj ndaej gaen doenghheij cenz doenghgij geizheih gingjgyauj he, yaep yiengh yaep yiengh he; wnggai baengh Cangqdiq dih haijliengh hwj sinqsim gyenhdingq cij deng, caemh mbouj ndaej baengh gvanhhih gij gw dih gveihdingq, aenvih baengh gij gveihdingq neix hih vunz gaenhbaenj mbouj ndaej gijmaz ik.

Hihbwzlaiz Saw 10:32

Faenhsou wnggai ndaejgeiq, mwh faenhsou ngamq rox Yehsuh Gihduz, ngamq rox gij ndei siuhsiz Cangqdiq hih mwhmwnq, gannaeuz faenhsou souh baenx haujlai nanh lah, hoeng, dauq ndaej gyenhciz roengzbae baujciz mbouj bienq sim.

Dizmohdaiq Ngeih 1:6

Sojhij gou daezsingj mwngz, mwngz ij dawz Cangqdiq dunghgoq gij fawz gou oemj fawz hawj mwngz goq hih gij bonjsaeh mwnq caiq hwng hwnjdaeuj,

Dizmohdaiq It 4:6

Yiengq, hauhnaeuz mwngz dawz doenghgij saeh neix naeuz doenghheij gyoengq beixnuengx ni nex, mwngz couh suenq dwg Yehsuh Gihduz hih bouxhoiq ndei he lo, dwg daj mwngz soj sinq soj dingq hih gij saedsaeh mwnq hwj beizyangj okdaeuj he lo.

Geiq Dwzbaijyienz 16:5

Gyoengqde yienghneix guh le, sawjhawj gak gyauqveiq dih vunz sinq Gihduz caemh gyenhdingq, vunz caemh yied ngoenz yied lai.

Gohlozsih Saw 1:5

Gij neix cungj dwg coengz faenhsou doiq Cangqdiq vih faenhsou youq gwnzmbwn louz fuk hawj faenhsou hwj miz muengh he; faenhsou miz muengh dwg daj faenhsou yienzlaiz dingq daengz gij vah saedsaeh, couh dwg Cangqdiq dih ndei siuhsiz, couh miz muengh he lo.