Bijdwz Ngeih 1:10 - Gij Baujcingq Moq Caeuq Geij Bonj Gij Baujcingq Daeuzdaeuz

¹⁰ Sojhij, gak boux beixnuengx hax, faenhsou wnggai engqgya lailai roengzrengz, guh daengz gwnz neix dih geij yiengh neix; yienghneix couh ndaej cingqmingz faenhsou saedsaeh dwg Cangqdiq soj dingh soj senj hih vunz lo. Hauhnaeuz faenhsou yienghneix guh, couh gaengjdingq yungjyenj mbouj ngaiz byaij loek lo.

Bijdwz Ngeih 1:10 ပူးပေါင်းရင်းမြစ်များ

Bijdwz Ngeih 3:17

Sojhij cinhngaiq dih gak boux beixnuengx hax, giqyienz faenhsou gaenq sien rox doenghgij saeh neix lo, couh ij wnggai siujsim, mienxndaej ngaiz gij vunz vaih guh loek he yaeuh faenhsou, hawj faenhsou byaij haeuj mbouj wnggai byaij he bae, hawj faenhsou sinq Gihduz gyenhdingq bienqbaenz mbouj gyenhdingq.

Hihbwzlaiz Saw 6:11

Hoeng, gou muengh faenhsou gak boux cungj yienghneix roengzrengz roengzbae, sawjhawj faenhsou soj muengh hih cungj ndaej doiqyienh.

Bijdwz Ngeih 1:5

Couh vih yienghneix hwj faenhsou ij engqgya lai roengzrengz; faenhsou mbouj danhcij ij miz aen sim sinq Gihduz he, caemh vanzlij ijaeu byimjdwz ndei; byimjdwz ndei, caemh vanzlij ijaeu miz ciqsiz cij ndaej;

Dizmohdaiq Ngeih 2:19

Hoeng, Cangqdiq dih saedsaeh couh luj hauxranz yienghmwnq gaenj dwtdwt, it di cungj mbouj doengh; gwnz de dik miz: “Cangqdiq rox doenghgij vunz de” caeuq: “Famz gaep haeuj Cangqdiq hih vunz cungj mbouj wnggai guh doenghgij doegsieb he.”

Gihduz Hawj Vunz Rox 22:14

“Famz saeg gij buh bonjfaenh cengh hih vunz miz fuk lo! Gyoengqde miz gienz ndaej gw gij mak go faex hawj vunz miz mingh mwnq. Mbouj danhcij yienghneix, caemh vanzlij ndaej daj baksingz haeuj singz bae.

Bijdwz It 1:5

Cangqdiq vih faenhsou sinq de hwj de couh yungh gij akak rengzrengz de ma baujhuq faenhsou, hawj faenhsou ndaej de soj cwnjbiq hih, couh dwg youq ngoenz gatsat yienh hawj gyoengqraeuz rox ndaej gouq dwg baenxlai dih ndei.

Bijdwz It 1:2

Faenhsou dwg Cangqdiq Bohmbwn senqsi cix rox cix senjdingh okdaeuj hih lo; Hoenzsaenz de hawj faenhsou bienqbaenz boux hab'eiq habhoz Cangqdiq hwj dingq Yehsuh Gihduz, caiq baengh gij lwed Yehsuh Gihduz hwj hawj faenhsou guh gij vunz de. Muengh Cangqdiq doiq faenhsou haijliengh raixcaix, hawj faenhsou bingzan!

Hihbwzlaiz Saw 6:19

Yiengq, gyoengqraeuz miz gij muengh neix le, couh luj miz gij hawj gyoengqraeuz hoenzsaenz ndaej nganhcenz he, ndaej gaenj dwtdwt he, luj miz maxvangzding yienghmwnq ding hwj gaenj dwtdwt he. Gij muengh neix dunghgoq fanyiemz cangqbungz Cangqdiq, haeuj bae daengz mwnq Cangqdiq youq he.

Majdaiq Saw 22:14

Yehsuh gangj daengz dineix le, couh naeuz: “Ndaej heuh daeuj hih vunz lai, hoeng, ndaej senj daengz hih vunz noix.”

Lozmaj Saw 11:29

aenvih Cangqdiq soengq couh soengq, senj couh senj, mbouj rox gaijbienq.

Yajgoz Saw 2:10

Mboujguenj byawz famh fazliz hih diuz he, yiengq de couh dangq famh fazliz sojmiz hih lo.

Bijdwz Ngeih 1:3

Cangqdiq yungh gij akak rengzrengz de ma dawz gyoengqraeuz ij goq cungj saenghhoz hab'eiq habhoz de he soj yungh hih nyok hawj gyoengqraeuz lo. Gyoengqraeuz soj ndaej hih dwg vih gyoengqraeuz rox de, boux senj gyoengqraeuz daeuj hawj gyoengqraeuz ndaej miz faenh gij najrongh de caeuq ndaej yangjcouq gij haijliengh de dih Cangqdiq.

Bijdwz Ngeih 3:14

Sojhij cinhngaiq dih gak boux beixnuengx hax, giqyienz faenhsou muengh daengj doenghgij saeh neix, couh ij wnggai roengzrengz hawj faenhsou mij maz loek, mij maz ndaej diudik he, mij naeuz mboujeiqseiq he hwj caeuq Cangqdiq doxhuz.

Youzdaq Saw 1:24

Cangqdiq cij dwg gouq gyoengqraeuz hih bouxcawj. [24]De ndaej baujhuq faenhsou, mbouj hawj faenhsou ngaiz famh coih, hawj faenhsou ndaej guh boux mij gijmaz ndaej diudik he, ndaej angq vaujvauq hwj ndwn youq dangqnaj de. [25]Muengh dunghgoq bouxcawj raeuz Yehsuh Gihduz, najrongh miz vi miz rengz miz gienz daj gaihcij daengz seizneix daengz yungjyenj cungj dwg gvi hawj caenhgag de cij dwg Cangqdiq he! Ahmaenz.