Bijdwz Ngeih 1:1 - Gij Baujcingq Moq Caeuq Geij Bonj Gij Baujcingq Daeuzdaeuz

¹ Gou dwg Sihmaenz-Bijdwz, dwg bouxhoiq Yehsuh Gihduz, caemh dwg boux dwzbaijyienz de he. Gou sij saenq hawj faenhsou doenghheij caeuq gyoengqraeuz doxdoengz vih Cangqdiq raeuz, bouxcawj gouq vunz dih Yehsuh Gihduz, ndwn ndaej cingq hih hwj ndaej miz aen sim dijbauj sinq Gihduz hih hwj sij hih.

Bijdwz Ngeih 1:1 ပူးပေါင်းရင်းမြစ်များ

Dizdoh Saw 2:13

daengj daengz raeuz soj muengh hih gij ronghndongq boux gouq raeuz dih Yehsuh Gihduz, veijdaq dih Cangqdiq, yienh okdaeuj.

Gohlimzdoh Ngeih 4:13

Singqgingh ndaw de sij naeuz: Gou sinq, sojhij gou cenzgangj. Caemh doxdoengz, aenvih gyoengqraeuz sinq gij saedsaeh Cangqdiq, sojhij gyoengqraeuz couh cenzgangj naeuz vunz ni.

Yozhanq Saw 12:26

Gou youq mwnqlaw, bouxhoiq gou caemh ij youq mwnqlaw. Couh dwg naeuz byawz siengj daeuj swqhaeuh gou hih, couh bietdingh ij daeuj gaen gou. Swqhaeuh gou hih vunz, daxboh gaengjdingq hawj de ndaej najrongh.”

Lozmaj Saw 1:12

Gou yienghneix naeuz, gizsaed dwg siengj hawj faenhsou caeuq gou cungj caezgya ndaej miz gyenhdingq dih sinqsim sinq Gihduz, ndaej caezgya doxbang doxson.

Bijdwz Ngeih 1:4

Aenvih de yienghneix veijdaq, haijliengh, sojhij de couh baujcingq nyok hawj gyoengqraeuz ceiq dijbauj ceiq veijdaq he, hawj gyoengqraeuz ndaej duet ok aen seiqgyaiq neix hih siengjmuengh yalw hawj vunz ngaiz satsoq he hwj hawj gyoengqraeuz ndaej miz faenh miz gij baenjsingq Cangqdiq.

Bijdwz It 1:1

Cinhngaiq dih gak boux beixnuengx hax, gou dwg Bijdwz, dwg Yehsuh Gihduz dih boux dwzbaijyienz he. Gou sij saenq hawj doenghheij Cangqdiq senj okdaeuj hih vih deuznanh hwj faensanq bae daengz Baenjduh hah, Gyahlahdaiq hah, Gyahbaqdohgyah hah, Yaqsiqyaq hah, Biqdeihniz hah doenghheij aen saengj neix doz youq hih lwgsae.

Hijfuzsoj Saw 4:11

De nyok hawj vunz hih caiz mbouj doxdoengz: miz hih ndaej guh dwzbaijyienz, miz hih ndaej guh boux boux cenz gij vah Cangqdiq he, miz hih ndaej guh boux cenzgangj gij ndei siuhsiz de he, vanzlij miz hih ndaej guh boux gyauqveiq lingjdauj caeuq guh lauxsae son gij saedsaeh de he;

Lozmaj Saw 1:1

Gou dwg Baujloz, dwg bouxhoiq Yehsuh Gihduz, caemh dwg Cangqdiq senj daeuj guh boux dwzbaijyienz cenzgangj Cangqdiq dih ndei siuhsiz he.

Luqgyah Saw 1:47

Ndaw sim gou dwg vih de gouq gou hwj angq!

Bijdwz It 5:1

Gou dwg gyauqveiq dih lingjdauj, caemh dwg caenra raen Gihduz souh nanh he, caiq dwg ndaej yangjcouq de baezneix ij yienh okdaeuj hih veijdaq he. Gou gienq faenhsou gak boux gyauqveiq dih lingjdauj,

Dizmohdaiq Ngeih 1:5

Gou rox mwngz cungj dwg cingqcaen sinq Yehsuh hih, aenvih mwngz miz daxdai mwngz Lozhij caeuq daxmeh mwngz Youjnizgih yienghmwnq sinq Yehsuh dih sim.

Geiq Dwzbaijyienz 15:14

Daxbaenh Sihmaenz gangj naeuz faenhsou ni cingsuj gaxgonq Cangqdiq baenzlawz gvansim linghvaih minzcuz, baenzlawz daj ndaw gyoengqde senj vunz okdaeuj gvi hawj bonjfaenh de.

Majdaiq Saw 10:2

Laj neix couh dwg cibngeih boux lwgsae de dih coh; cibngeih boux lwgsae neix, gyoengqde caemh heuh cibngeih boux dwzbaijyienz: Daixit boux couh dwg Sihmaenz (Sihmaenz caemh heuh Bijdwz), gajlaeng daengz daegnuengx de, Anhdwzlez. Gajlaeng daengz song daeglwg Sihbiqdaiq, Yajgoz caeuq Yozhanq.

Bijdwz It 2:7

Sojhij doiq faenhsou doenghheij sinq de hih vunz ma gangj, Gihduz, ngauq rin neix dwg dijbauj hih, hoeng, doiq doenghheij mbouj sinq de hih vunz ma gangj, Gihduz, ngauq rin neix couh dangq luj youq ndaw Singqgingh ndaw de soj sij naeuz hih: Doenghheij canghranz dajcaep yiem de vwt de he, seizneix dauq dwg ngauq rin gok ranz mbouj ndaej noix he.

Bijdwz It 1:7

Faenhsou souh daengz gaujniemq dih muzdiz dwg ij cingqmingz faenhsou sinq Gihduz hih sim dwg cingqcaen, dwg beij gij gim dunghgoq feiz ma dizlenq okdaeuj hoeng vanzlij rox vaih hih, vanzlij dijbauj lah; yienghneix faenhsou daengz mwh Yehsuh Gihduz dauq daeuj hih mwhde, faenhsou couh ndaej haenh, ndaej najrongh, ndaej hawj vunz soenhcungq faenhsou lo.

Dizdoh Saw 1:1

Vih doxdoengz sinq cungj he hwj ndaej guh caen lwg gou hih Dizdoh: [1]Gou dwg Baujloz, dwg bouxhoiq Cangqdiq caeuq boux dwzbaijyienz Yehsuh Gihduz he, dwg Cangqdiq baij daeuj bang gij vunz de senj okdaeuj he, hawj gyoengqde sinqsim gyenhdingq, mbouj doeknaiq, hawj gyoengqde rox gij saedsaeh Cangqdiq—gij saedsaeh neix dwg ndaej hawj vunz guh daengz hab'eiq habhoz Cangqdiq he [2]caeuq ndaej hawj vunz rox ndaej seiqseiz lix he. Gij seiqseiz lix neix dwg coengz boux gangj vah saedsaeh he dih Cangqdiq daj senqsi cix dapwngq le [3]caiq youq mwh hab de hih mwhde, dunghgoq cenzgangj gij ndei siuhsiz hwj ndaej hawj vunz rox he. Gou couh dwg ciuq boux gouq raeuz dih Cangqdiq dih mingqlingq bae guh gij hong cenzgangj Cangqdiq dih ndei siuhsiz he. [4b]Muengh Cangqdiq Bohmbwn caeuq boux gouq raeuz dih Yehsuh Gihduz doiq mwngz haijliengh, hawj mwngz bingzan!

Feihlizbij Saw 1:29

Cangqdiq hawj faenhsou mbouj danhcij sinq caeuq baengh Gihduz, caemh hawj faenhsou vih de hwj souh nanh,

Hijfuzsoj Saw 4:5

Gyoengqraeuz caenhgag miz bouxcawj dog, caemh dwg caenhgag sinq cungj he, caemh caenhgag sijlij cungj he.

Hijfuzsoj Saw 3:5

Doenghbaez Cangqdiq mij hawj saek boux rox gij giqvaq miqmiz neix goq, hoeng, seizneix de dunghgoq Hoenzsaenz bonjfaenh de hwj yienh hawj gij dwzbaijyienz de caeuq boux cenz gij vah de rox.

Gyahlahdaiq Saw 2:8

Aenvih boux hawj Bijdwz miz bonjsaeh ndaej guh boux dwzbaijyienz cenz ndei siuhsiz hawj gij vunz Youzdaiq hih Cangqdiq, de caemh hawj gou ndaej miz bonjsaeh, hawj gou ndaej guh boux dwzbaijyienz cenz ndei siuhsiz hawj linghvaih minzcuz he.

Gohlimzdoh Ngeih 5:21

Cangqdiq hawj boux mij coih mwnq, couh dwg Gihduz, dingj gyoengqraeuz rap coih hwj hawj gyoengqraeuz ndaej youq ndaw lwgra Cangqdiq bienqbaenz mij'z coih he hih vunz.

Gohlimzdoh It 15:9

aenvih gou youq ndaw gyoengq dwzbaijyienz ndaw de dwg boux ceiq yawj mbouj hwnj rwz he, ceiq yaqyuij he, mbouj boiqndaej guh dwzbaijyienz he, aenvih gaxgonq gou bwkhaih Cangqdiq dih gyauqveiq goq.

Gohlimzdoh It 9:1

Nanzdauh gou mbouj dwg swqyouz hih haj? Gou mbouj dwg dwzbaijyienz haj? Gou mbouj dwg raen goq bouxcawj raeuz Yehsuh Gihduz hih haj? Faenhsou mbouj dwg gou guh gij hong bouxcawj raeuz dih baengzgawq haj?

Gohlimzdoh It 1:30

Hoeng, gyoengqraeuz ndaej baengh Cangqdiq hwj ndaej caeuq Yehsuh Gihduz doxhuz. Gyoengqraeuz caemh rox Cangqdiq baij Gihduz daeuj gouq vunz dwg coengjmingz raixcaix, gyoengqraeuz dunghgoq de hwj hawj gyoengqraeuz ndaej youq ndaw lwgra Cangqdiq suenq dwg boux mij'z coih he, ndaej guh boux hab'eiq habhoz Cangqdiq he, caemh dunghgoq de hwj gyoengqraeuz ndaej cueg ma lo.

Lozmaj Saw 1:17

Aenvih gij ndei siuhsiz neix ndaej hawj vunz rox baenzlaw ndaej youq ndaw lwgra Cangqdiq bienqbaenz boux mij'z coih he. Gij neix cungj dwg gauq sinq yiengh dog cij ndaej, caemh luj ndaw Singqgingh sij naeuz: Youq ndaw lwgra Cangqdiq bienqbaenz boux mij'z coih he, cungj dwg gauq sinq cij ndaej miz mingh he.

Yozhanq Saw 20:21

Gajlaeng Yehsuh youhcaiq doiq gyoengqde naeuz: “Muengh faenhsou bingzan! Boh baenzlaw baij gou daeuj, gou caemh baenzlaw baij faenhsou bae.”

Yozhanq Saw 1:42

De yienghneix naeuz le, vanzlij daiq daeggo de Sihmaenz bae laeng Yehsuh. Yehsuh raen le, couh cimyawj Sihmaenz naeuz: “Mwngz couh dwg Sihmaenz daeglwg Yozhanq laj; baezneix mwngz ij gaij coh heuh Gihfaz ndaej lo.” (‘Gihfaz’ caemh dwg ‘Bijdwz;’ gij iqswh de couh dwg ‘rin.’)

Luqgyah Saw 11:49

Cangqdiq senqsi cix rox faenhsou, sojhij de naeuz goq: Gou ij baij boux cenz gij vah gou caeuq baij dwzbaijyienz bae gyoengqde mwnq, hoeng, doengh boux gou baij bae he miz mbangj hih vunz ngaiz gyoengqde haih, miz mbangj hih vunz ngaiz gyoengqde gaj.

Majdaiq Saw 4:18

Miz baez he, Yehsuh youq henz huz Gyahliqliq byaij. Yiengq de yawjraen miz song boux beixnuengx youq ndaw huz dwk bya. Song boux de couh dwg Sihmaenz (Sihmaenz caemh heuh Bijdwz) caeuq daegnuengx de Anhdwzlez; song boux de yienzlaiz dwg canghdwkbya he.

Feihlizbij Saw 1:1

Gou Baujloz caeuq Dizmohdaiq, bouxhoiq Yehsuh Gihduz, sij saenq hawj doenghheij youq Feihlizbij guenjleix gyauqveiq he caeuq doenghheij vunz guh gij hong gyauqveiq he caeuq gizdah hih vih sinq Yehsuh Gihduz hwj dwg gij vunz Cangqdiq hih.

Yajgoz Saw 1:1

Gou dwg Yajgoz, dwg bouxhoiq Cangqdiq, caemh dwg bouxhoiq bouxcawj raeuz Yehsuh Gihduz; faensanq youq gak dieg hih cibngeih aen cuz hih gij vunz Cangqdiq, faenhsou ndei!

Youzdaq Saw 1:1

Gou dwg Youzdaq, dwg daegnuengx Yajgoz, dwg bouxhoiq Yehsuh Gihduz. Seizneix gou sij saenq hawj faenhsou doenghheij Cangqdiq Bohmbwn senjdingh okdaeuj he, aiq he, Yehsuh Gihduz goqhoh he.