Bijdwz It 5:9 - Gij Baujcingq Moq Caeuq Geij Bonj Gij Baujcingq Daeuzdaeuz

⁹ Faenhsou sinq Gihduz ij gyenhdingq hwj dijgangq goq de, aenvih faenhsou rox lajmbwn sojmiz sinq Gihduz hih gak boux beixnuengx cungj caemh doxdoengz ngaiz souh nanh, cungj caemh ij dijgangq de.

Bijdwz It 5:9 ပူးပေါင်းရင်းမြစ်များ

Yajgoz Saw 4:7

Sojhij faenhsou ij dingq Cangqdiq, ij caeuq Sajdanq fangzvuengz doxngig doxdingj; yienghmwnq fangzvuengz couh daj henz ndang faenhsou deuz lo.

Geiq Dwzbaijyienz 14:22

ma geij mwnq neix gujliq gyoengq lwgsae hawj gyoengqde ij gyenhciz sinq Yehsuh, yungjyenj mbouj bienq sim, caiq naeuz gyoengqde ni naeuz: “Gyoengqraeuz ijsiengj haeuj aen guek Cangqdiq, couh bietdingh ij ngaiz souh daengz gak cungj nanh.”

Bijdwz It 2:21

Cangqdiq senj faenhsou dih muzdiz dwg ij hawj faenhsou yienghneix guh hih, aenvih Gihduz caemh vih faenhsou hwj ngaiz souh nanh, hawj faenhsou guh ndei bangjyangq, hawj faenhsou gaen de guh, hag de.

Gohlimzdoh It 10:13

Mboujgoq, faenhsou roeb daengz ngaiz yaeuh ngaiz longx hwj famh coih hih, cungj dwg caeuq sojmiz hih vunz ngaiz yaeuh ngaiz longx hih doxdoengz lah. Hoeng, Cangqdiq dwg sinq ndaej goq hih; de gaengjdingq mbouj hawj faenhsou ngaiz souh daengz yaeuh longx hwj dingx mbouj ndaej law. Dauq dwg youq mwh faenhsou ngaiz yaeuh ngaiz longx hih mwhde, hawj rengz hawj faenhsou, hawj faenhsou ndaej dingx ndaej goq, hawj faenhsou hoi diuz roen he lah.

Dizmohdaiq Ngeih 3:12

Gizsaed mwngz caemh wnggai rox, famz siengj gaen Yehsuh Gihduz hwj guh hab'eiq habhoz Cangqdiq dih vunz cungj ij ngaiz souh daengz bwkhaih.

Hijfuzsoj Saw 6:16

Mbouj danhcij yienghneix, faenhsou caemh vanzlij ij dawz doiq Gihduz dih sinqsim ma dangq guh baj doenqbaiz ma dangx ma maet Sajdanq fangzvuengz ngingz goqdaeuj dih naq dawz feiz,

Bijdwz It 3:14

Caiq hauhnaeuz faenhsou vih guh ndaej ndei ndaej cingq hwj ngaiz souh nanh hih, faenhsou cungj caemh miz fuk hih; sojhij faenhsou gaejyungh lau vunz haep, gaejyungh simvueng.

Hihbwzlaiz Saw 11:33

Doengh boux, doengh gyoengq neix cungj dwg vih sinq Cangqdiq hwj ndaej hoenxhingz doengh aen guek caeuq gyoengqde miz haemzcaeuz he, guh gij saeh hab'eiq habhoz Cangqdiq he, ndaej daengz Cangqdiq soj baujcingq he, caemh ndaej fung conghbak duz caiceij he,

Dizmohdaiq It 6:12

Mwngz souj gij saedsaeh Cangqdiq mwhde, ij wnggai luj boux bing yienghmwnq yungjgamj. Caemh ij gaem ndaet seiqseiz lix; vih hawj mwngz ndaej seiqseiz lix hwj Cangqdiq senj mwngz okdaeuj, mwngz caemh youq dangqnaj haujlai cingqyinz nginh Yehsuh dwg bouxcawj mwngz lo.

Dezsajloznizgyah It 3:3

Gyoengqraeuz baij de bae bang faenhsou, mienxndaej miz vunz ngaiz souh daengz nanh hwj doeknaiq, sinqsim mbouj gyenhdingq. Faenhsou caemh rox, gyoengqraeuz souh nanh baenjlaiz dwg Cangqdiq dih cawjeiq hih.

Hijfuzsoj Saw 4:27

mienxndaej hawj fangzvuengz miz gihveiq iu faenhsou famh coih.

Gihduz Hawj Vunz Rox 6:11

Gyoengqde yienghneix hemq naeuz le, gajlaeng gijgij hoenzsaenz cungj ndaej diuz buhbauz bieg he. Gajlaeng, caiq miz sing doiq doenghheij hoenzsaenz mwnq naeuz, hawj gyoengqde caiq daengjdaengj, daengj daengz doenghheij caeuq gyoengqde doxdoengz swqhaeuh Cangqdiq dih doenghheij beixbeix nuengxnuengx caemh ij ngaiz gaj he daeuj caeuq gyoengqde ndaej gaeuq soq le cij ndaej.

Bijdwz It 4:13

dauqfanj ij vih miz gihveiq luj Gihduz yienghmwnq souh nanh hwj angq cij deng. Yienghneix, daengz Gihduz najrongh hih mwhde, couh dwg Gihduz de dauq daeuj hih mwhde, faenhsou couh ndaej engqgya angq.

Bijdwz It 1:6

Sojhij faenhsou ij wnggai angq raixcaix, hoeng, cijmboujgoq seizneix faenhsou camqciz aiq ij roeb daengz gak cungj gaujniemq hwj roxnginh siengsim.

Gohlozsih Saw 2:5

Gannaeuz gou mbouj youq faenhsou mwnq gaen faenhsou lah, hoeng, aen sim gou cungj caemhdangq gaen faenhsou lo. Gou angq raixcaix, aenvih gou rox faenhsou daixgya cungj caezsim cungj gyenhdingq fanjdeiq gij gyaj he, sinq Gihduz hih sim caemh gyenhdingq mbouj bienq sim.

Yozhanq Saw 16:33

Gou naeuz sou ni doenghgij neix dwg ij hawj faenhsou dunghgoq gou hwj ndaej bingzan. Cijmboujgoq faenhsou youq lajmbwn ij ngaiz miz nanh, hoeng, faenhsou gaejyungh you, aenvih gou gaenq ak goq aen seiqgyaiq neix lo.”

Gihduz Hawj Vunz Rox 7:14

Gajlaeng gou han boux de naeuz: “Goengjau, mwngz rox hih.” Gajlaeng boux de couh naeuz: “Doenghheij vunz neix dwg dunghgoq daixnanh, dwg daj ndaw nanh gouq okdaeuj hih, dwg yungh gij lwed duz yiengzlwg ma swiq gij buh gyoengqde hwj bieg hih.

Luqgyah Saw 22:32

Hoeng, gou gaenq bang mwngz gouz Cangqdiq lo, gouz hawj mwngz mbouj saetsim liux; daengj mwngz dauq miz sinqsim le, ij bang heij beixnuengx mwngz, hawj gyoengqde mbouj doeknaiq.”

Gihduz Hawj Vunz Rox 1:9

Gou dwg Yozhanq, dwg caeuq faenhsou doxdoengz vih Yehsuh Gihduz hwj souh nanh, doxdoengz ndaej youq ndaw guek Cangqdiq yangjfuk, doxdoengz naenxsim mbouj doeknaiq hih beixnuengx. Caemh dwg vih ij cenz gij vah Cangqdiq caeuq vih ij guh Yehsuh dih cingqyinz hwj ngaiz boenq bae daengz aen dauj heuh Bazmoh he youq he.

Dizmohdaiq Ngeih 4:7

Gou dih saenghhoz caemh luj ywnqdungqyienz bijcaiq; gou gaenq camhgyah ciengz bijcaiq mwnq lo, caiq caemh ndaej ndei caemh caiq sat lo. Couh dwg naeuz gou baenxseiq cungj caensim swqhaeuh Cangqdiq he.

Hihbwzlaiz Saw 12:8

Yiengq, hauhnaeuz faenhsou mbouj ndaej luj doenghheij lwg Cangqdiq ndaej daengz de guenjgyauq nex, faenhsou couh dangq dwg lwgndai, mbouj dwg caen lwg de lo.