Bijdwz It 5:5 - Gij Baujcingq Moq Caeuq Geij Bonj Gij Baujcingq Daeuzdaeuz

⁵ Caemh doxdoengz, gou seizneix gienq faenhsou doenghheij hauxseng he, faenhsou ij wnggai dingq doenghheij nienzgeij laux he. Hoeng, faenhsou daixgya mboujguenj bouxlaux hauxseng cungj mbouj ndaej gyauhngauq, ij rox doxbang, aenvih Cangqdiq fanjdeiq gyauhngauq hih vunz, doiq doenghheij mbouj gyauhngauq hih vunz haijliengh.

Bijdwz It 5:5 ပူးပေါင်းရင်းမြစ်များ

Yajgoz Saw 4:6

Sojhij de engqgya aiq raeuz bang raeuz, couh luj ndaw Singqgingh ndaw de soj sij hih: Cangqdiq fanjdeiq gij vunz rasang he, dauq bang gij vunz mbouj rasang he.

Hijfuzsoj Saw 5:21

Vanzlij miz, faenhsou caemh ij wnggai miz aen sim yawjnaek Gihduz he hwj doxdingq, doxnyiengh.

Lozmaj Saw 12:10

Ij doxndiep doxaiq luj beixnuengx caen nginz caen rag faenhsou, dawz vunz coengq youq daixit, ij rox doxnyiengh,

Feihlizbij Saw 2:3

Faenhsou mboujguenj guh gijmaz, cungj mbouj ndaej caenh ngeix daengz bonjfaenh, mbouj ndaej luj bit raeuj va yienghmwnq siengj hawj vunz haenh. Wnggai mbouj rasang, wnggai yawj vunz beij bonjfaenh giengz.

Gohlozsih Saw 3:12

Cangqdiq aiq faenhsou senj faenhsou daeuj guh gij vunz hab'eiq habhoz de, sojhij faenhsou wnggai miz aen sim hojsik vunz he, sim'unq mbouj gyauhngauq, soh semxsemh cix naenxsim he.

Lozmaj Saw 13:14

Faenhsou wnggai hawj bouxcawj raeuz Yehsuh Gihduz baux aen ndang faenhsou; gaejyungh caenhrox vih aen ndangdaej bonjfaenh hwj guh gij mbouj hab guh he.

Bijdwz It 4:5

Yiengq, doenghheij vunz neix, gyoengqde gaengjdingq ij yiengq boux saemjbuenq vunzlix caeuq vunzrai dih Cangqdiq gyauhdaiq.

Hihbwzlaiz Saw 13:17

Faenhsou caemh ij dingq doenghheij daiq faenhsou he, ij ciuq gij vah gyoengqde bae guh, aenvih gyoengqde dwg hen caeuq baujhuq gij hoenzsaenz faenhsou he, caemh dwg ij yiengq Cangqdiq veiqbauq he. Faenhsou ij dingq gyoengqde, sawjhawj gyoengqde guh gij hong gyoengqde hih mwhde mbouj simfanz, roxnginh haenjheiq; hauhnaeuz gyoengqde simfanz, doiq faenhsou caemh mij maz ik.

Bijdwz It 4:1

Yiengq, giqyienz Gihduz souh nanh goq lo, faenhsou caemh ij wnggai caeuq de doxdoengz miz aen sim he cwnjbiq souh nanh, aenvih ngaiz souh nanh goq hih vunz gaenq caeuq coih doxbiek, duet ok coih lo.

Luqgyah Saw 22:26

Hoeng, faenhsou mbouj wnggai yienghneix. Dauqfanj, faenhsou ndaw neix bouxlawz dang ceiq ak hih, dauq ij luj lwgngez; bouxlawz dang daeuzdaeuz hih, dauqfanj ij luj bouxhoiq.

Dizmohdaiq It 5:1

Mwngz doiq doenghheij vunzsai beij mwngz laux he ij soenhcungq; miz gijmaz, mbouj ndaej gvaiqnaeuz de ndaek. Doiq gyoengqde ij luj doiq daxboh bonjfaenh yienghmwnq menhmenh naeuz, ndeindei naeuz; doiq vunzsai hauxseng caemh dwg ij luj doiq boux beixnuengx bonjfaenh;

Bijdwz It 3:8

Mboujguenj guxmaz, sungj hih ma naeuz, gou gienq faenhsou hawj faenhsou doxcaezsim, doxgvansim, doxaiq, doxhojsik, doxnyiengh, mbouj ndaej gyauhngauq.