Bijdwz It 5:12 - Gij Baujcingq Moq Caeuq Geij Bonj Gij Baujcingq Daeuzdaeuz12 Gou youq dineix gyenjdanh sij fung saenq dinj neix hawj Sihlah dawz bae hawj faenhsou. Sihlah boux beixnuengx neix gou yawj de dwg boux lauxsaed sinq ndaej goq he. Gou sij fung saenq neix dwg ij gienq faenhsou, caemh dwg ij cingqmingz Cangqdiq saedsaeh dwg aiq vunz doiq vunz haijliengh raixcaix he, sojhij, faenhsou bietdingh ij baengh de dih aiq hwj gyenhciz roengzbae mbouj doeknaiq mbouj bienq sim. အခန်းကိုကြည့်ပါ။ |
Hoeng mboujguenj baenzlawz yiengh, cungj mbouj ndaej laengz gou; diuz mingh gou doiq gou ma gangj gaenhbaenj mbouj suenq guxmaz, cijaeu byaij sat diuz roen gou, couh dwg guh ndei gij hong bouxcawj raeuz Yehsuh gyau hawj gou hih, ndaej cenzgangj Cangqdiq haijliengh aiq vunz dih ndei siuhsiz couh ndaej lo.
Cinhngaiq dih gak boux beixnuengx hax, gou itcig cungj siengj sij saenq hawj faenhsou, caeuq faenhsou gangjgangj gvanhhih gyoengqraeuz daixgya cungj ndaej gouq dih vaenqdiz, hoeng, gou roxnginh seizneix miz yiengh he engqgya gaenj ij sij saenq hawj faenhsou, couh dwg gou gienq faenhsou ij caenhrengz souj ndei gij saedsaeh Cangqdiq. Gij saedsaeh neix dwg Cangqdiq mbat dog couh cenz hawj liux he, couh dwg cenz hawj sojmiz hih gij vunz Cangqdiq he.
Ceiqhaeuq, gangj daengz gou, vih ij hawj faenhsou rox gou youq duenh neix dih cingzgvangq, Deihgihguj boux beixnuengx neix, de gaengjdingq dawz gou sojmiz hih saeh gangj naeuz sou ni liux hih. Deihgihguj de dwg boux beixnuengx vunz haenj he, dwg boux lauxsaed sinq ndaej goq hih guh gij hong bouxcawj raeuz he.
Gajlaeng gyoengq dwzbaijyienz caeuq gyauqveiq dih lingjdauj caeuq gyauqveiq sojmiz hih vunz couh gyezdingq senj vunz, baij vunz gaen Baujloz caeuq Bahnazbah bae dieg Siqliqyaq dih Anhdizah Singz. Gyoengqde yienghneix gyezdingq le, couh senj boux vunz heuh Youzdaq (caemh heuh Bahsajbah) caeuq senj Sihlah. Song boux neix youq ndaw gyoengq vunz sinq Yehsuh he dwg guh lingjdauj he.