Bijdwz It 5:10 - Gij Baujcingq Moq Caeuq Geij Bonj Gij Baujcingq Daeuzdaeuz

¹⁰ Hoeng, faenhsou souh goq duenh nanh he le, boux doiq vunz haijliengh raixcaix aiq vunz raixcaix dih Cangqdiq, couh dwg senj faenhsou, hawj faenhsou dunghgoq Gihduz ndaej yungjyenj najrongh dih Cangqdiq, gaengjdingq caenndang hawj faenhsou ndaej fuk hwnjdaeuj, hawj faenhsou sinqsim gyenhdingq, hawj faenhsou miz rengz mbouj doeknaiq, hawj faenhsou ndaej caep giek ndei.

Bijdwz It 5:10 ပူးပေါင်းရင်းမြစ်များ

Gohlimzdoh Ngeih 4:17

Gyoengqraeuz camqciz souh daengz hih di nanh neix, cingq dwg ij hawj gyoengqraeuz ndaej yungjyenj engqgya lai dih najrongh lah.

Dezsajloznizgyah Ngeih 3:3

Hoeng, bouxcawj raeuz Yehsuh Gihduz dwg sinq ndaej goq hih; de gaengjdingq hawj faenhsou miz rengz, baujhuq faenhsou ndaej duet ok doenghheij doegsieb he.

Youzdaq Saw 1:24

Cangqdiq cij dwg gouq gyoengqraeuz hih bouxcawj. [24]De ndaej baujhuq faenhsou, mbouj hawj faenhsou ngaiz famh coih, hawj faenhsou ndaej guh boux mij gijmaz ndaej diudik he, ndaej angq vaujvauq hwj ndwn youq dangqnaj de. [25]Muengh dunghgoq bouxcawj raeuz Yehsuh Gihduz, najrongh miz vi miz rengz miz gienz daj gaihcij daengz seizneix daengz yungjyenj cungj dwg gvi hawj caenhgag de cij dwg Cangqdiq he! Ahmaenz.

Dizmohdaiq It 6:12

Mwngz souj gij saedsaeh Cangqdiq mwhde, ij wnggai luj boux bing yienghmwnq yungjgamj. Caemh ij gaem ndaet seiqseiz lix; vih hawj mwngz ndaej seiqseiz lix hwj Cangqdiq senj mwngz okdaeuj, mwngz caemh youq dangqnaj haujlai cingqyinz nginh Yehsuh dwg bouxcawj mwngz lo.

Dezsajloznizgyah Ngeih 2:17

gujliq faenhsou, nyok rengz hawj faenhsou, hawj faenhsou ndaej gangj gij doiq vunz miz ik caeuq guh sojmiz hih ndeisaeh.

Gohlimzdoh Ngeih 13:11

Gak boux beixnuengx hax, couh yienghneix bax. Gou muengh faenhsou vuenheij, caemh muengh faenhsou gaijgoq hwj ndaej guh boux ndei liuxliux he; wnggai rox doxvued, doxcaezsim, doxhuz doxaiq he. Yienghneix aiq caeuq hawj vunz hozbingz dih Cangqdiq couh caeuq faenhsou youq.

Gohlimzdoh It 1:9

Cangqdiq dwg saedsaeh hih sinq ndaej goq hih; de senj faenhsou hawj faenhsou ndaej caeuq daeglwg de, bouxcawj raeuz Yehsuh Gihduz, guh beixnuengx.

Dezsajloznizgyah It 2:12

Gyoengqraeuz gienq faenhsou dwg hawj faenhsou guh saeh doiq vunz cungj doiq ndaej hwnj boux senj faenhsou hawj faenhsou ndaej gaep haeuj aen guek de caeuq do gij najrongh de dih Cangqdiq.

Lozmaj Saw 16:25

Cangqdiq ndaej yungh gou soj cenzgangj hih gvanhhih Yehsuh Gihduz dih ndei siuhsiz hwj hawj faenhsou ndaej sinqsim gyenhdingq. Gij ndei siuhsiz neix coengzlaiz cungj mij'z vunz rox goq,

Bijdwz Ngeih 1:3

Cangqdiq yungh gij akak rengzrengz de ma dawz gyoengqraeuz ij goq cungj saenghhoz hab'eiq habhoz de he soj yungh hih nyok hawj gyoengqraeuz lo. Gyoengqraeuz soj ndaej hih dwg vih gyoengqraeuz rox de, boux senj gyoengqraeuz daeuj hawj gyoengqraeuz ndaej miz faenh gij najrongh de caeuq ndaej yangjcouq gij haijliengh de dih Cangqdiq.

Bijdwz It 1:15

Dauqfanj ij guh gij saeh mij gijmaz ndaej diudik he, cingq luj senj faenhsou dih Cangqdiq de dwg boux ndei liuxliux mij gijmaz ndaej diudik he.

Feihlizbij Saw 4:13

Gou baengh nyok rengz hawj gou hih bouxcawj, mboujguenj baenzlawz, gijmaz saeh, gou cungj ndaej guh.

Dizmohdaiq Ngeih 2:10

Vih yienghneix, gou nyienh'eiq vih gij vunz Cangqdiq senj okdaeuj he hwj souh sojmiz hih nanh, hawj gyoengqde ndaej sinq Yehsuh Gihduz hwj ndaej gouq caeuq ndaej seiqseiz najrongh.

Dezsajloznizgyah Ngeih 2:14

Cangqdiq vih yienghneix hwj couh dunghgoq gyoengqraeuz soj cenz hih ndei siuhsiz hwj senj faenhsou, hawj faenhsou ndaej do gij rongh bouxcawj raeuz Yehsuh Gihduz.

Luqgyah Saw 22:32

Hoeng, gou gaenq bang mwngz gouz Cangqdiq lo, gouz hawj mwngz mbouj saetsim liux; daengj mwngz dauq miz sinqsim le, ij bang heij beixnuengx mwngz, hawj gyoengqde mbouj doeknaiq.”

Dizmohdaiq Ngeih 1:9

Cangqdiq gouq gyoengqraeuz, senj gyoengqraeuz mbouj dwg naeuz yawj gyoengqraeuz miz guh gijmaz ndeisaeh hih, dauq dwg ciuq gij cawjeiq de caeuq de dih haijliengh lah. Gij haijliengh neix, dwg de youq mijyaengz cauh mbwn cauh deih mwhde, de cix gyezdingq dunghgoq Yehsuh Gihduz ma hwj doiq gyoengqraeuz haijliengh lo,

Gohlozsih Saw 2:7

couh ij ciuq gij saedsaeh de bae caep giek ndei bonjfaenh, hawj bonjfaenh ndaej engqgya yied ngoenz yied giengz, yied ngoenz yied miz aen sim sinq Gihduz engqgya gyenhdingq he. Yienghneix couh ndaej yienh ok faenhsou soj hag hih. Faenhsou caemh ij engqgya miz aen sim docih de he.

Lozmaj Saw 15:5

Muengh boux soengq hawj naenxsim caeuq gujliq dih Cangqdiq hawj faenhsou ndaej caezsim doxhuz bae hag Yehsuh Gihduz,

Yozhanq It 2:25

Gij neix couh dwg de baujcingq hawj raeuz dih seiqseiz lix hih lo.

Hihbwzlaiz Saw 9:15

Couh vih yienghneix, Gihduz guh boux cungqgyan gij baujcingq lienz diuzgyenq moq he; de vih ij hawj sojmiz Cangqdiq senjdingh okdaeuj hih vunz ndaej daengz Cangqdiq baujcingq nyok hawj hih mbouj rox naeuh hih gyadangq, couh aeu rai ma cueg gij vunz veizfanj gij gveihdingq gaeuq hwj famh coih he.

Lozmaj Saw 15:13

Muengh boux hawj vunz miz muengh hih Cangqdiq, vih faenhsou sinq de hwj dawz vuenheij caeuq bingzan caeng youq ndaw sim faenhsou rimrim bae, hawj faenhsou dunghgoq gij rengz Hoenzsaenz de hwj ndaej miz muengh raixcaix.

Lozmaj Saw 9:11

Yiengq youq mwh song laeq lwg neix vanzlij mijyaengz seng, ndei yak vanzlij mijyaengz ndaej guh haem, Cangqdiq vih ij doiqyienh gij giqvaq bonjfaenh de, couh senj laeq lwg iq de;

Bijdwz It 4:11

Byawz miz caiz cenzgangj gij vah Cangqdiq hih, couh ij ciuq gij vah Cangqdiq bae gangj; byawz miz caiz ndaej bang vunz hih, couh ij yungh Cangqdiq nyok hawj hih rengz bae bang vunz. Yienghneix, couh ndaej hawj sojmiz hih dunghgoq Yehsuh Gihduz hwj ndaej hawj Cangqdiq najrongh lo. Muengh akak rengzrengz najrongh yungjyenj cungj dwg gvi hawj Cangqdiq! Ahmaenz.

Lozmaj Saw 9:24

Cangqdiq soj cojgvaq hih couh dwg gyoengqraeuz; gyoengqraeuz dwg Cangqdiq daj ndaw Youzdaiq vunz caeuq linghvaih minzcuz ndaw de senj okdaeuj dih vunz.

Gohlimzdoh It 1:10

Gak boux beixnuengx hax, gou baengh bouxcawj raeuz Yehsuh Gihduz gienq faenhsou, gouz faenhsou wnggai doxhuz; mbouj ndaej doxceng, mbouj ndaej faen banghbaij, ij caezsim,

Bijdwz It 4:10

Faenhsou gak vunz cungj ndaej daengz Cangqdiq nyok hawj hih bonjsaeh, cijmboujgoq gak vunz ndaej hih mbouj doxdoengz; faenhsou ij ciuq Cangqdiq soj nyok hawj hih bae doxbang.