Bijdwz It 4:14 - Gij Baujcingq Moq Caeuq Geij Bonj Gij Baujcingq Daeuzdaeuz

¹⁴ Sojhij, hauhnaeuz faenhsou vih gaen Gihduz hwj ngaiz vunz yug, ngaiz vunz yawjngawz hih, faenhsou couh miz fuk lo, aenvih yienghneix couh dwg naeuz veijdaq dih Hoenzsaenz Cangqdiq doz youq gwnz ndang faenhsou lo.

Bijdwz It 4:14 ပူးပေါင်းရင်းမြစ်များ

Bijdwz It 3:14

Caiq hauhnaeuz faenhsou vih guh ndaej ndei ndaej cingq hwj ngaiz souh nanh hih, faenhsou cungj caemh miz fuk hih; sojhij faenhsou gaejyungh lau vunz haep, gaejyungh simvueng.

Luqgyah Saw 6:22

“Vih gou, Vunz dih Daiqbiuj hwj ngaiz vunz haenq faenhsou, mbouj caeuq faenhsou doxndei, yiem faenhsou, riu faenhsou, naeuz faenhsou dwg vunz vaih hih, faenhsou miz fuk lo,

Yajgoz Saw 1:12

Dingx ndaej gaujniemq hih vunz dwg miz fuk hih, aenvih de dunghgoq gaujniemq ndaej gaeuqgwz le, couh cangjliq ndaej seiqseiz lix dih gij najrongh mwnq lo; gij najrongh neix dwg bouxcawj raeuz baujcingq hawj gij vunz aiq de he.

Majdaiq Saw 5:11

Hauhnaeuz vih gou hwj ngaiz vunz yug, ngaiz vunz haih, ngaiz vunz luenhbangh bangjlaih hih, faenhsou couh miz fuk lo.

Bijdwz It 3:16

Caemh ij doiq ndaej hwnj liengzsim, yienghneix couh ndaej hawj doenghheij bangjlaih faenhsou hih, couh dwg doenghheij bangjlaih faenhsou vih Gihduz hwj soj guh hih ndeisaeh hih roxnginh najnyaenq lo.

Gohlimzdoh Ngeih 12:10

Sojhij gou vih Gihduz hwj nyienh'eiq yienghneix mij rengz mij banqfaz, nyienh'eiq souh daengz vunz yawjngawz, souh nanh, souh bwkhaih, souh haemzhoj, aenvih gou seizlawz mij rengz mij banqfaz, seizlaw couh ndaej baengh Gihduz dih rengz hwj ndaej miz rengz lo.

Yozhanq Saw 15:21

Gyoengqde vih gou hwj ij haih faenhsou, aenvih gyoengqde mbouj rox boux baij gou daeuj hih mwnq.

Yajgoz Saw 5:11

Faenhsou caemh rox, doenghheij gyenhciz naenxsim hih vunz, gyoengqraeuz naeuz gyoengqde miz fuk lo. Faenhsou dingqri naeuz goq Yozbwz roeb daengz nanh baenzlawz gyenhciz naenxsim, caemh rox gajlaeng Cangqdiq soengq hawj de gijmaz; gij neix couh dwg yienh ok Cangqdiq dih sim'unq, hojsik vunz aiq vunz.

Geiq Dwzbaijyienz 13:45

Yiengq doenghgij vunz Youzdaiq mbouj sinq Yehsuh hih yawjraen yienghneix le, cungj rahoengz hwj ij rai bae, couh byah gij vunzlai, siengj hawj gij vunzlai mbouj sinq gij vah Baujloz, vanzlij bangjlaih Baujloz.

Bijdwz It 2:12

Faenhsou caeuq doenghheij mbouj rox Cangqdiq hih vunz youq itheij hih ijaeu siujsim, gangj vah guh saeh cungj ij gangj gij hab gangj he, guh gij hab guh he, yienghmwnq couh ndaej hawj doenghheij bangjlaih faenhsou guh vaihsaeh hih raen faenhsou guh ndei le, daengz bouxcawj raeuz Yehsuh Gihduz dauq daeuj hih ngoenz mwnq couh haenh Cangqdiq.

Hihbwzlaiz Saw 11:26

Aeu Mohsih ma yawj, youq ndaw lwgra de ndaej vih Gihduz hwj ngaiz souh nanh hih beij ndaej daengz Ngaihgiz hih saizcanj vanzlij dijbauj, aenvih de muengh baezneix dih cangjbyimj.

Gyahlahdaiq Saw 1:24

Couh vih yienghneix, gajlaeng gyoengqde couh vih gou hih saeh hwj haenh Cangqdiq.

Yozhanq Saw 9:34

Gyoengqde dingq de yienghneix gangj le, couh naeuz de naeuz: “Ndaek mwngz daj seng okdaeuj cungj dwg miz coih hih lo; gingqyienz gamj daeuj naeuz gyoengqraeuz nex!” Gyoengqde yienghneix naeuz le, couh boenq de ok veiqdangz ma lo.

Yozhanq Saw 9:28

Gyoengqde dingq de yienghneix han le, couh aeuqheiq hwj ndaq de naeuz: “Mwngz cij dwg ndaek vunz mwnq hih lwgsae huh; gyoengqraeuz dwg Mohsih dih lwgsae lah!

Yozhanq Saw 8:48

Gajlaeng doenghheij Youzdaiq vunz naeuz de naeuz: “Gyoengqraeuz naeuz mwngz dwg Sajmajliqyaq vunz, dwg ngaiz fangz doz he. Nanzdauh gyoengqraeuz naeuz loek lo mah?”

Majdaiq Saw 5:16

Caemh doxdoengz, faenhsou caemh wnggai ciuq rongh hawj vunz lajmbwn, hawj gyoengqde yawj ndaej raen faenhsou guh hih ndeisaeh hwj haenh daxboh gwnzmbwn faenhsou.”

Bijdwz Ngeih 2:2

Gannaeuz yienghneix lah, hoeng, engq miz haujlai vunz gaenhangx gyoengqde, guh doenghgij ndaengndwet yalw he, guh hwj gij saedsaeh Cangqdiq vih gyoengqde hwj ngaiz souh daengz bangjlaih.

Geiq Dwzbaijyienz 18:6

Hoeng, gij vunz Youzdaiq mbouj danhcij naeuz fanjdeiq de, vanzlij gangj gij vah gvatgvat sauqsauq he ma lengx de. Sojhij, de couh bongx gij boenqcingh gwnz buh de, doiq gyoengqde naeuz: “Gij coih faenhsou gag gvi hawj faenhsou aeu lo, caeuq gou mij maz gvanhaeh. Daj ngoenz neix hwnj, gou couh ij bae lingh aen minzcuz lo.”

Geiq Dwzbaijyienz 5:41

Gyoengq dwzbaijyienz ndaej coengq okma le, cungj angq hwj ij rai bae, aenvih gyoengqde youq ndaw lwgra Cangqdiq boiqndaej vih Yehsuh hwj ngaiz vunz yawjngawz.

Geiq Dwzbaijyienz 28:22

Hoeng, gyoengqraeuz seizneix siengj dingqdingq mwngz yawj, yawj mwngz ij miz gijmaz vah gangj, aenvih gyoengqraeuz caemh rox aen gyauqbaij neix dauqcawq cungj ngaiz vunz fanjdeiq.”

Gohlimzdoh Ngeih 4:10

Gyoengqraeuz siengzseiz cungj dwg luj Yehsuh yienghmwnq ij ngaiz vunz gaj, hoeng, mbouj ngaiz rai. Yienghneix gajlaeng vunz engqgya rox seiqseiz lix dih Yehsuh yienh youq gwnz ndang gyoengqraeuz.

Gohlimzdoh Ngeih 4:16

Sojhij gyoengqraeuz mbouj doeknaiq; cungjsuenq aen ndangnoh gyoengqraeuz menhmenh laux lo, aen sim gyoengqraeuz cungj mbouj laux, engqgya ij yied ngoenz yied oiq hwnjdaeuj.

Bijdwz It 4:16

Hoeng, hauhnaeuz faenhsou vih dwg gaep haeuj Gihduz hwj ngaiz souh nanh hih, gaejyungh saetnaj saetnyaenq, dauq ij vih dwg gaep haeuj Gihduz hwj haenh Cangqdiq cij deng,