Bijdwz It 4:13 - Gij Baujcingq Moq Caeuq Geij Bonj Gij Baujcingq Daeuzdaeuz

¹³ dauqfanj ij vih miz gihveiq luj Gihduz yienghmwnq souh nanh hwj angq cij deng. Yienghneix, daengz Gihduz najrongh hih mwhde, couh dwg Gihduz de dauq daeuj hih mwhde, faenhsou couh ndaej engqgya angq.

Bijdwz It 4:13 ပူးပေါင်းရင်းမြစ်များ

Lozmaj Saw 8:17

Yiengq, giqyienz gyoengqraeuz bienqbaenz caen lwg Cangqdiq vwz, gyoengqraeuz couh ndaej caeuq Gihduz doxdoengz ndaej yangjcouq gij fuk Cangqdiq. Sojhij, hauhnaeuz gyoengqraeuz seizneix caeuq daeglwg de Gihduz caez souh nanh nex, baezneix gyoengqraeuz couh ndaej caeuq de caez najrongh lo.

Lozmaj Saw 5:3

Mbouj danhcij naeuz yienghneix, vanzlij ndaej hawj gyoengqraeuz youq mwh miz nanh mwhde caemh ciuqyiengh angq, aenvih gyoengqraeuz rox souh nanh ndaej hawj gyoengqraeuz baenzlaw rox naenxsim mbouj doeknaiq,

Feihlizbij Saw 3:10

Seizneix gou muengh ndaej rox Gihduz caeuq ndaej caenndang rox gij akak rengzrengz dauqlix de, caemh muengh ndaej luj de yienghmwnq souh nanh, yienghmwnq ngaiz rai.

Gohlimzdoh Ngeih 1:7

Gyoengqraeuz sinq faenhsou mbouj veiq hawj raeuz saetmuengh hih, aenvih raeuz rox faenhsou caeuq raeuz doengz souh nanh, caemh doengz ndaej vued.

Bijdwz It 5:10

Hoeng, faenhsou souh goq duenh nanh he le, boux doiq vunz haijliengh raixcaix aiq vunz raixcaix dih Cangqdiq, couh dwg senj faenhsou, hawj faenhsou dunghgoq Gihduz ndaej yungjyenj najrongh dih Cangqdiq, gaengjdingq caenndang hawj faenhsou ndaej fuk hwnjdaeuj, hawj faenhsou sinqsim gyenhdingq, hawj faenhsou miz rengz mbouj doeknaiq, hawj faenhsou ndaej caep giek ndei.

Gohlimzdoh Ngeih 4:10

Gyoengqraeuz siengzseiz cungj dwg luj Yehsuh yienghmwnq ij ngaiz vunz gaj, hoeng, mbouj ngaiz rai. Yienghneix gajlaeng vunz engqgya rox seiqseiz lix dih Yehsuh yienh youq gwnz ndang gyoengqraeuz.

Dizmohdaiq Ngeih 2:12

Hauhnaeuz gyoengqraeuz gyenhciz sinq de mbouj doeknaiq, Gyoengqraeuz couh ndaej caeuq de dang vuengz lo. Yiengq, caiq hauhnaeuz gyoengqraeuz mbouj nginh de nex, De caemh mbouj nginh raeuz lo.

Gohlimzdoh Ngeih 4:17

Gyoengqraeuz camqciz souh daengz hih di nanh neix, cingq dwg ij hawj gyoengqraeuz ndaej yungjyenj engqgya lai dih najrongh lah.

Geiq Dwzbaijyienz 5:41

Gyoengq dwzbaijyienz ndaej coengq okma le, cungj angq hwj ij rai bae, aenvih gyoengqde youq ndaw lwgra Cangqdiq boiqndaej vih Yehsuh hwj ngaiz vunz yawjngawz.

Gihduz Hawj Vunz Rox 1:9

Gou dwg Yozhanq, dwg caeuq faenhsou doxdoengz vih Yehsuh Gihduz hwj souh nanh, doxdoengz ndaej youq ndaw guek Cangqdiq yangjfuk, doxdoengz naenxsim mbouj doeknaiq hih beixnuengx. Caemh dwg vih ij cenz gij vah Cangqdiq caeuq vih ij guh Yehsuh dih cingqyinz hwj ngaiz boenq bae daengz aen dauj heuh Bazmoh he youq he.

Bijdwz It 5:1

Gou dwg gyauqveiq dih lingjdauj, caemh dwg caenra raen Gihduz souh nanh he, caiq dwg ndaej yangjcouq de baezneix ij yienh okdaeuj hih veijdaq he. Gou gienq faenhsou gak boux gyauqveiq dih lingjdauj,

Gohlozsih Saw 1:24

Gou, Baujloz, gannaeuz vih faenhsou hwj ngaiz souh nanh lah, hoeng, gou dauq roxnginh sim'angq, aenvih youq gwnz ndangnoh gou souh daengz hih sienghaih couh dangq dwg bangbouj Gihduz mijyaengz rap liux hih nanh lah; gij neix couh dwg vih gyauqveiq, aen ndang Gihduz hwj souh nanh hih.

Majdaiq Saw 16:27

Gou naeuz sou ni hax, baezneix gou, Vunz dih Daiqbiuj, ij luj Bohmbwn gou yienghmwnq najrongh sagsag hwj caeuq bouxcai de itheij daeuj. Daengz mwhmwnq, gou couh ciuq gak vunz soj guh hih, ndei hih hawj vunz ndei, rwix hih bauqwngq hawj vunz.

Majdaiq Saw 5:12

Faenhsou wnggai riuriu angqangq, aenvih youq gwnzmbwn Cangqdiq ij miz haujlai cangj hawj faenhsou, caemh aenvih youq dangq gaxgonq faenhsou caemh miz boux cenz gij vah Cangqdiq caemh yienghneix ngaiz vunz haih goq.”

Bijdwz It 1:13

Sojhij, faenhsou ij singqsag guh ndei cwnjbiq, wnggai miz sinqsim, mbouj doeknaiq hwj muengh daengj daengz Yehsuh Gihduz dauq daeuj hih mwhde doiq faenhsou haijliengh.

Geiq Dwzbaijyienz 16:25

Yiengq daihgaiq daengz gyangjngwnz, Baujloz caeuq Sihlah song boux de gouz Cangqdiq, ciengq go haenh Cangqdiq. Gij vunzfamh ndaw de caemh yaek rwz hwj dingq song boux de gangj, dingq song boux de ciengq.

Majdaiq Saw 25:34

“Faen ndei le, guh goengjvuengz hih couh doiq gyoengq youq baixgvaz de naeuz: ‘Doenghheij boh gou soengq fuk hawj faenhsou he hax, daeuj bax, daeuj ciep aeu daj mijyaengz cauh mbwn cauh deih cix cwnjbiq ndei hawj faenhsou hih aen guek neix bax!

Majdaiq Saw 25:31

Yehsuh gangj sat doenghgij saeh neix le, caiq naeuz: “Mwh Vunz dih Daiqbiuj youq ndaw rongh sagsag myig myiengzmyiengz caeuq sojmiz hih bouxcai Cangqdiq daeuj hih mwhde, dwg naengh youq aen lungzeij rongh sagsag he.

Majdaiq Saw 25:23

“Bouxcawj dingq le, caemh doiq de naeuz: ‘Mwngz guh ndaej ndei lo! Mwngz cingqcaen dwg bouxhoiq ndei he. Aenvih mwngz guh gij saeh iq he cungj ndaej hawj vunz coengqsim, gou ij hawj mwngz guenj gij saeh engqgya hung he. Daeuj, haeuj daeuj caeuq gou itheij yangjcouq bax!’

Majdaiq Saw 25:21

“Bouxcawj dingq le, couh doiq de naeuz: ‘Mwngz guh ndaej ndei lo! Mwngz cingqcaen dwg bouxhoiq ndei he. Aenvih mwngz guh gij saeh iq he cungj ndaej hawj vunz coengqsim, gou ij hawj mwngz guenj gij saeh engqgya hung he. Daeuj, haeuj daeuj caeuq gou itheij yangjcouq bax!’

Gihduz Hawj Vunz Rox 1:7

Gou naeuz sou ni, cenz lajmbwn sojmiz hih vunz cungj ij yawjraen de caeuq gij fwj daj gwnzmbwn roengz daeuj, daiqlienz ndaemq de hih vunz cungj ij yawjraen de. De daeuj hih mwhde, lajmbwn sojmiz hih minzcuz cungj siengsim gikheiq hwj daej. Doenghgij saeh neix gaengjdingq ij fatseng. Ahmaenz.

Luqgyah Saw 17:30

“Daengz gou, Vunz dih Daiqbiuj, yienh okdaeuj hih mwhde caemh doxdoengz.

Majgoj Saw 8:38

Youq aen nienzdaiq doegsieb mbouj miz sim gaen Cangqdiq neix, famz miz vunz dawz gou caeuq dawz gij vah gou ma dangqbaenz mij naj doiq vunz, saetnaj saetnyaenq hih nex, daengz mwh gou, Vunz dih Daiqbiuj, daeuj hih mwhde, gou luj Bohmbwn yienghmwnq najrongh, caeuq bouxcai de itheij daeuj, daengz mwhmwnq, gou caemh mbouj nginh boux de; nginh de caemh roxnginh saetnaj saetnyaenq.”

Lozmaj Saw 8:18

Gou nginhnaeuz gyoengqraeuz seizneix souh hih nanh beij baezneix ij yienh hawj raeuz hih najrongh mbouj suenq guxmaz.

Gohlimzdoh Ngeih 1:5

Cingq luj gyoengqraeuz yied vih Gihduz hwj souh nanh hih, Cangqdiq yied dunghgoq Gihduz hwj daeuj vued gyoengqraeuz.

Bijdwz It 2:21

Cangqdiq senj faenhsou dih muzdiz dwg ij hawj faenhsou yienghneix guh hih, aenvih Gihduz caemh vih faenhsou hwj ngaiz souh nanh, hawj faenhsou guh ndei bangjyangq, hawj faenhsou gaen de guh, hag de.

Youzdaq Saw 1:24

Cangqdiq cij dwg gouq gyoengqraeuz hih bouxcawj. [24]De ndaej baujhuq faenhsou, mbouj hawj faenhsou ngaiz famh coih, hawj faenhsou ndaej guh boux mij gijmaz ndaej diudik he, ndaej angq vaujvauq hwj ndwn youq dangqnaj de. [25]Muengh dunghgoq bouxcawj raeuz Yehsuh Gihduz, najrongh miz vi miz rengz miz gienz daj gaihcij daengz seizneix daengz yungjyenj cungj dwg gvi hawj caenhgag de cij dwg Cangqdiq he! Ahmaenz.