Bijdwz It 4:11 - Gij Baujcingq Moq Caeuq Geij Bonj Gij Baujcingq Daeuzdaeuz

¹¹ Byawz miz caiz cenzgangj gij vah Cangqdiq hih, couh ij ciuq gij vah Cangqdiq bae gangj; byawz miz caiz ndaej bang vunz hih, couh ij yungh Cangqdiq nyok hawj hih rengz bae bang vunz. Yienghneix, couh ndaej hawj sojmiz hih dunghgoq Yehsuh Gihduz hwj ndaej hawj Cangqdiq najrongh lo. Muengh akak rengzrengz najrongh yungjyenj cungj dwg gvi hawj Cangqdiq! Ahmaenz.

Bijdwz It 4:11 ပူးပေါင်းရင်းမြစ်များ

Gohlimzdoh It 10:31

Hoeng, daengj gou naeuz sou ni vih guxmaz bax. Mboujguenj faenhsou gw gijmaz cixnaeuz guh gijmaz, cungj ij wnggai ngeix daengz hawj Cangqdiq najrongh.

Hijfuzsoj Saw 6:10

Ceiqhaeuq gou vanzlij miz vah ij raengq faenhsou: faenhsou wnggai baengh Cangqdiq dih akak rengzrengz hwj guh boux vunz gyenhgyangz he.

Bijdwz It 4:10

Faenhsou gak vunz cungj ndaej daengz Cangqdiq nyok hawj hih bonjsaeh, cijmboujgoq gak vunz ndaej hih mbouj doxdoengz; faenhsou ij ciuq Cangqdiq soj nyok hawj hih bae doxbang.

Geiq Dwzbaijyienz 7:38

Caemh dwg boux Mohsih neix, couh dwg mwh de caeuq sojmiz Hijswzlez vunz—gij cojgoeng raeuz—doz youq rogndoi hih mwhde, youq gwnz bya Sihnaiq bouxcai Cangqdiq doiq de gangj vah, gyau gij vah Cangqdiq ndaej hawj vunz lix he hawj de, hawj de ndaej cenz roengzma hawj raeuz he.

Hijfuzsoj Saw 4:29

Mbouj ndaej gangj gij vah ya'mboujlw he; wnggai gangj gij vah ndaej bang vunz doiq vunz miz ik he.

Lozmaj Saw 3:2

Gou naeuz sou ni, ciuq saedsaeh ma gangj, gak cungj ndeicawq cungj miz. Daixit couh dwg Cangqdiq dawz gij vah de gyau hawj gyoengqde sij roengzma baujhuq.

Yajgoz Saw 1:19

Gak boux beixnuengx hax, faenhsou wnggai rox, wnggai sijsaeq dingq vunz gangj, gaejyungh gaenj gangj gijmaz vah, caemh gaejyungh singqheiq gaenj fatheiq,

Gohlozsih Saw 4:6

Caeuq gyoengqde gangj vah ij swnh semxsemh, ij hawj gyoengqde doiq faenhsou soj gangj hih roxnginh ndeidingq hwj haenjheiq dingq bae, couh dangq luj byaek dwk gyu—dwk boiqliuh ngamj le, feihgw, hawj vunz haenj gw yienghmwnq—caemh ij rox baenzlaw han vunz cam dih vaenqdiz.

Gohlimzdoh It 12:4

Hoenzsaenz Cangqdiq nyok hawj vunz dih bonjsaeh miz haujlai cungj, hoeng, cungjcungj cungj dwg coengz gij Hoenzsaenz dog nyok hawj he.

Bijdwz It 2:5

Faenhsou gaep haeuj de, caemh bienqbaenz ngauq rin lix he, Cangqdiq caemh aeu ma hwnq aen ranz hawj Hoenzsaenz bonjfaenh de. Faenhsou caemh guh goengjsae dajbwiz hwj daeuj swqhaeuh Cangqdiq, caiq dunghgoq Yehsuh Gihduz hwj guh gij hab'eiq habhoz Cangqdiq he ma dajbwiz soengq hawj de.

Hihbwzlaiz Saw 5:12

Baenjlaiz faenhsou senqsi cix wnggai bae son vunz lo, hoeng, faenhsou gingqyienz vanzlij ij hawj vunz doiqyungz dawz Cangqdiq gangj goq hih ceiq gihbaenj hih dauhleix gangj naeuz sou ni. Faenhsou engq bienqbaenz luj lwgnding yienghmwnq, cij rox gw nauq, mij rox gw hawq gw seuq.

Dizmohdaiq It 6:16

Caenhgag de mbouj rox rai hih, Youq mwnq vunz dep mbouj ndaej hih ndaw rongh ndaw de hih, Mij'z vunz ndaej raen goq hih, Caemh mij'z vunz ndaej yawjraen hih Cangqdiq. Muengh najrongh caeuq seiqseiz gienz akak rengzrengz cungj gvi hawj de! Ahmaenz.

Dizmohdaiq It 1:17

Muengh soenhgingq najrongh cungj gvi hawj Cangqdiq; Cangqdiq dwg seiqseiz lix mbouj rox rai, aeu ra ma yawj mbouj raen, caenhgag de cij dwg vuengz cij dwg Cangqdiq he! Ahmaenz.

Gohlimzdoh It 3:10

Gou dwg baengh Cangqdiq nyok hawj gou dih bonjsaeh hwj ndaej luj boux gyenqcuzswh yienghmwnq coengjmingz he, ndaej roengz ndei hauxranz, hawj vunz ndaej youq gwnz de dab hwnq hwnjbae. Hoeng gak vunz ijaeu siujsim cij ndaej baenzlaw youq gwnz de dab hwnq hwnjbae.

Majdaiq Saw 6:13

Caemh muengh raeuz mbouj ngaiz yungx bae guh vaihsaeh; Gouq gyoengqraeuz duet ok boux simdoeg simsieb mwnq. [Aenvih caenhgag mwngz cij dwg vuengz, cij miz gienz, cij boiqndaej vunz haenh, yungjyenj haenh roengzbae. Ahmaenz.]

Bijdwz It 5:11

Muengh gienz akak rengzrengz yungjyungj yenjyenj gvi hawj Cangqdiq! Ahmaenz.

Yajgoz Saw 1:26

Yiengq, hauhnaeuz miz cungj vunz he, de gag naeuz bonjfaenh de dwg yawjnaek Cangqdiq hih, hoeng de dauq doeng gangj sae gangj, mij guenj ndei conghbak bonjfaenh, luj yienghneix hih vunz dwg gag yaeuh bonjfaenh hih; de dih yawjnaek dwg mij'z yungh hih.

Feihlizbij Saw 2:11

cungj nginh naeuz Yehsuh Gihduz dwg bouxcawj, cungj haenh Cangqdiq Bohmbwn najrongh.

Hijfuzsoj Saw 5:20

Mboujguenj guxmaz, faenhsou cungj ij hij gij mingzhiq bouxcawj raeuz Yehsuh Gihduz ma docih Cangqdiq, Bohmbwn raeuz.

Gohlimzdoh It 6:20

Aenvih faenhsou dwg Cangqdiq yungh gauhgyaq cueg ma he, sojhij faenhsou wnggai youq gwnz ndang faenhsou yienh ok gij ndei he, mbouj hawj Cangqdiq saetnaj, wnggai hawj de najrongh.

Lozmaj Saw 11:36

Aenvih sojmiz hih cungj dwg daj de daeuj, baengh de, gvi haeuj de. Muengh najrongh yungjyenj gvi hawj Cangqdiq! Ahmaenz.

Feihlizbij Saw 1:11

Caemh muengh faenhsou baengh Yehsuh Gihduz hwj guh gij saeh ndaej yienh ok dwg gij vunz youq ndaw lwgra Cangqdiq suenq dwg mij'z coih he; yienghneix vunz couh haenh Cangqdiq, hawj Cangqdiq najrongh lo.

Gohlimzdoh Ngeih 9:13

Dunghgoq faenhsou haijliengh gien ngaenz gij ndeisaeh neix, couh ndaej cingqmingz faenhsou mbouj danhcij sinq bonjfaenh faenhsou soj cenz hih Gihduz dih ndei siuhsiz, caemh vanzlij ndaej cingqmingz faenhsou caemh dwg ciuq gij ndei siuhsiz neix bae guh. Aenvih faenhsou haijliengh nyok ngaenz hawj gyoengqde caeuq hawj vunz, yiengq couh ndaej hawj Cangqdiq najrongh lo.

Lozmaj Saw 16:27

Muengh dunghgoq Yehsuh Gihduz, najrongh yungjyenj gvi hawj gaiqgaiq cungj rox hih caenhgag de cij dwg Cangqdiq hih! Ahmaenz.

Yozhanq Saw 13:31

Youzdaq ok bae le, Yehsuh couh naeuz: “Seizneix Vunz dih Daiqbiuj ndaej najrongh lo; Cangqdiq youq gwnz ndang Vunz dih Daiqbiuj caemh ndaej najrongh lo.

Lozmaj Saw 12:3

Sojhij, gou baengh Cangqdiq hawj gou hih gienz, hawj gou ndaej doiq faenhsou gak boux naeuz: Gaejyungh gag naemqnaeuz bonjfaenh ak raixcaix, dauq ij ciuq Cangqdiq soj nyok hawj bonjfaenh hih geijlai doiq Gihduz dih sinqsim ma dag bonjfaenh.

Gohlimzdoh Ngeih 2:17

Gyoengqraeuz mbouj luj haujlai vunz, dawz gij vah Cangqdiq ma dangq guh doenghgij ndaej hai ndaej cawx he nej, dauq dwg Cangqdiq senj gyoengqraeuz, baij gyoengqraeuz hawj gyoengqraeuz caensim caen'eiq caeuq baengh Yehsuh Gihduz dih gienz hwj cenz gij vah Cangqdiq lah.

Hijfuzsoj Saw 1:19

Gou caemh gouz de hawj faenhsou ndaej rox daengz de doiq gyoengqraeuz doenghheij sinq de hih vunz soj guh hih baenxlai veijdaq baenxlai rengz. Gij rengz gij veijdaq neix

Dezsajloznizgyah It 2:4

dauq dwg Cangqdiq gaujniemq goq gyoengqraeuz, gyoengqraeuz ndaej gaeuqgwz hih lah, de baij gyoengqraeuz bae cenz gij ndei siuhsiz de. Gyoengqraeuz cenz gij ndei siuhsiz neix mbouj dwg ij bungj vunz hawj vunz sim'angq law, dauq dwg ij hawj rox aen sim gyoengqraeuz dih Cangqdiq sim'angq lah.

Dizdoh Saw 2:1

Dizdoh hax, mwngz ij ciuq gij sinq ndaej goq hih saedsaeh ma son vunz,

Dizdoh Saw 2:15

Dizdoh hax, mwngz ij dawz doenghgij saeh neix gangj naeuz vunz ni cingsuj; mwngz miz gienz gienq vunz naeuz vunz—mbouj hawj vunz yawj mbouj hwnj mwngz.

Hihbwzlaiz Saw 13:7

Faenhsou caemh ijaeu ngeix daengz doenghbaez daiq faenhsou, cenz gij vah Cangqdiq naeuz faenhsou ni hih vunz; ij hag gyoengqde miz sinqsim, louzsim gyoengqde baenxseiq vunz dwg baenzlaw saenghhoz, dwg baenzlaw ndaej doiq vunz miz ik.

Bijdwz It 2:12

Faenhsou caeuq doenghheij mbouj rox Cangqdiq hih vunz youq itheij hih ijaeu siujsim, gangj vah guh saeh cungj ij gangj gij hab gangj he, guh gij hab guh he, yienghmwnq couh ndaej hawj doenghheij bangjlaih faenhsou guh vaihsaeh hih raen faenhsou guh ndei le, daengz bouxcawj raeuz Yehsuh Gihduz dauq daeuj hih ngoenz mwnq couh haenh Cangqdiq.

Bijdwz It 4:16

Hoeng, hauhnaeuz faenhsou vih dwg gaep haeuj Gihduz hwj ngaiz souh nanh hih, gaejyungh saetnaj saetnyaenq, dauq ij vih dwg gaep haeuj Gihduz hwj haenh Cangqdiq cij deng,