Bijdwz It 3:3 - Gij Baujcingq Moq Caeuq Geij Bonj Gij Baujcingq Daeuzdaeuz

³ Faenhsou gyaeu mbouj gyaeu mbouj dwg gauq cang raeuj cangj ndang, daiq gim venj ngaenz, daenj buh gyaeu buh ndei hih nej,

Bijdwz It 3:3 ပူးပေါင်းရင်းမြစ်များ

Lozmaj Saw 12:2

Faenhsou mbouj ndaej ciuq aen seiqgyaiq neix hwng gijmaz caemh gaen hwng gijmaz, dauq ij hawj Cangqdiq gaij gij siengjfap faenhsou hwj hawj faenhsou ndaej gaijbienq goqma, hawj faenhsou ndaej faenbied gij cawjeiq Cangqdiq, hawj faenhsou rox gijmaz dwg ndei he, dwg hab'eiq habhoz Cangqdiq he, dwg mij maz ndaej diudik he.

Ok Ngaihgiz 33:4

Yehhozvaz caiq doiq Mohsih naeuz: “Mwngz ij doiq gij vunz Hijswzlez naeuz: ‘Yehhozvaz naeuz: “Faenhsou dwg nga'ngangq hih vunz; gou baex caeuq faenhsou he, couh ij dawz faenhsou gaj liux bae. Sojhij seizneix faenhsou ij dawz gwnz ndang faenhsou raek miz hih ngaexgim hah, haedfawz hah, hangqlenq hah, dungjdungj duet roengzma, yiengq gou cij rox ij baenzlawz doiq faenhsou.”’” [4]Gyoengq vunz dingqri gij vah neix le, cungj siengsim ij rai bae, gajlaeng couh mij'z vunz daiq ngaexgim hah, haedfawz hah, hangqlenq hah haem lo.

Lizsij dih Gaihcij 24:53

Baiq le, de couh aeu doenghgij raek youq gwnz hoz, gwnz fawz, gwnz rwz hih gimgim ngaenzngaenz caeuq buh soengq hawj Liqbwzgyah, caemh soengq hawj daeggo de caeuq daxmeh de haujlai dijbauj hih doxgaiq.

Lizsij dih Gaihcij 24:47

“Gw le, gou couh cam de naeuz: ‘Mwngz dwg dahlwg byawz lah?’ “De couh han naeuz: ‘Gou dwg dahlwg Bijdujliq; boh gou couh dwg daeglwg Nazhoq caeuq Mizgyah he.’ “Gou dingq le, couh aeu aen gyengx gim he raek haeuj aen ndaeng de bae, caiq dawz song aen goenhfawz daenj hawj de.

Lizsij dih Gaihcij 24:22

Daengj lozdoz gw raemx ndaej le, boux guenjgya couh dawz aen naek miz roek gwz hih gyengx gim raek ndaeng caeuq song aen naek miz song liengx geij dih goenh gim hawj dah Liqbwzgyah dawz,

Ok Ngaihgiz 38:8

De aeu doenghheij gingq doengz doengh boux vunzbaz youq bakdou cangqbungz guh swqhaeuh he ma guh buenz doengz dajswiq caeuq aen gyaq coengq buenz de.

Ok Ngaihgiz 32:2

Yaqlwnz dingq le, couh doiq gyoengqde naeuz: “Faenhsou duet aeu gij ngaexgim heij yah heij lwg faenhsou dawz daeuj hawj gou bax.”

Ok Ngaihgiz 35:22

Moix it boux nyienh'eiq soengq hih vunzsai vunzbaz cungj dawz gim daeuj lo: nep gim hah, ngaexrwz gim hah, haedfawz gim hah, gim hangqlenq hah, doenghgij neix, cungj soengq daeuj hawj Yehhozvaz.

Ok Ngaihgiz 3:22

hoeng, moix it boux Hijswzlez hih vunzbaz cungj ij bae laeng gekleiz, couh dwg gij vunzbaz Ngaihgiz caeuq gij hek vunzbaz youq ndaw ranz gyoengqde he, laeng gyoengqde heuh gyoengqde hawj doenghgij aeu gim ma guh he hah, aeu ngaenz ma guh he hah, doenghgij neix caeuq buh hah, aeu ma hawj gyoengq lwg bonjfaenh. Yienghneix, faenhsou couh ndaej dued aeu gij vunz Ngaihgiz dih gyadangq lo.”