Bijdwz It 3:22 - Gij Baujcingq Moq Caeuq Geij Bonj Gij Baujcingq Daeuzdaeuz

²² Yehsuh Gihduz gaenq hwnj mbwn bae lo, gaenq naengh youq baixgvaz Cangqdiq lo. Sojmiz hih bouxcai Cangqdiq caeuq doenghheij gaem gienz dang ak he cungj dingq de cungj ngaiz de guenj.

Bijdwz It 3:22 ပူးပေါင်းရင်းမြစ်များ

Hihbwzlaiz Saw 9:24

Aenvih Gihduz gaenhbaenj mbouj dwg haeuj cungj cangqbungz vunz ciuq aen caen de ma guh he, dauq dwg haeuj aen gwnzmbwn cingqcaen he bae lah; de vih gyoengqraeuz hwj haeuj bae daengz Cangqdiq mwnq.

Hihbwzlaiz Saw 12:2

Gyoengqraeuz caemh wnggai dawz singjsaenz coengq youq gwnz ndang Yehsuh, aenvih de dwg daiq daeuz hawj gyoengqraeuz sinq he, caeuq hawj gyoengqraeuz ndaej gyenhciz sinq raixcaix he. De vih miz gij engqgya angq he hwj daengj de he, de couh naenxsim mbouj dawz de ngaiz ding hwnj gwnz gyaq cixcib bae rai hih dangqbaenz dwg gij saetnaj saetnyaenq he. Seizneix de gaenq ndaej naengh youq baixgvaz Cangqdiq lo.

Hihbwzlaiz Saw 10:12

Hoeng, Gihduz, de mbat dog couh dawz bonjfaenh de ma guh gij dajbwiz cueg coih he, caemh dwg ndaej yungjyenj cueg he. Gajlaeng de couh naengh youq baixgvaz Cangqdiq,

Majgoj Saw 16:19

Bouxcawj raeuz Yehsuh doiq gyoengqde gangj sat doenghgij vah neix le, couh ndaej ciep hwnj mbwn bae naengh youq baixgvaz Cangqdiq lo.

Hihbwzlaiz Saw 8:1

Gyoengqraeuz gwnz neix soj gangj daengz hih ceiq cungqyauq hih dwg, gyoengqraeuz saedsaeh miz boux goengjsae dajbwiz daeuzdaeuz he, Yehsuh; de gaenq naengh youq gwnzmbwn baixgvaz akak rengzrengz dih Cangqdiq lo.

Hihbwzlaiz Saw 6:20

Yehsuh luj Mwzgihsijdwz yienghmwnq doxdoengz guh boux goengjsae dajbwiz daeuzdaeuz he, dwg yungjyenj guh he; de gaenq youq gaxgonq gyoengqraeuz vih gyoengqraeuz hwj sien haeuj bae daengz mwnq lo.

Gohlozsih Saw 3:1

Yiengq faenhsou giqyienz gaenq caeuq Gihduz itheij dauqlix lo, faenhsou couh wnggai yawjnaek gwnzmbwn, aenvih gwnzmbwn miz Gihduz naengh youq baixgvaz Cangqdiq hwj.

Lozmaj Saw 8:38

Aenvih gou sinq, mij gijmaz ndaej laengz Cangqdiq aiq gyoengqraeuz, mboujguenj rai cix ndaej, lix cix ndaej, dwg bouxcai cix ndaej, dwg fangz yak cix ndaej, dwg seizneix cix ndaej, dwg baezneix cix ndaej, dwg miz gienz cix ndaej,

Lozmaj Saw 8:34

Caemh miz byawz ndaej dingh hawj gyoengqde miz coih nej? Yehsuh Gihduz gaenq dingj gyoengqraeuz rai lo, caemhcaiq ndaej dauqlix lo. De seizneix youq baixgvaz Cangqdiq bang gyoengqraeuz gouz Cangqdiq nex.

Majdaiq Saw 22:44

Cangqdiq doiq bouxcawj gou naeuz: ‘Naengh youq baixgvaz gou, daengj gou dawz gij dizyinz mwngz coengq youq laj din mwngz.’

Hihbwzlaiz Saw 1:3

Caemh dwg daeglwg de ndaej yienh ok Cangqdiq dih najrongh caeuq veijdaq, caemh ndaej yienh ok Cangqdiq bonjfaenh de sojmiz hih. De yungh gij akak rengzrengz bonjfaenh de daiq miz rengz hih vah ma cangjguenj sojmiz hih. De cawz coih le, couh naengh youq gwnzmbwn baixgvaz gienz akak rengzrengz dih Cangqdiq.

Gohlimzdoh It 15:24

Daengz ceiq ij gajlaeng, daengz ciqgyaiq dih ngoenz gatsat, Gihduz couh ij dawz sojmiz gvanhhih gienz hah, lingjdauj hah, guenjleix hah, doenghgij neix cawz bae; daengz mwhmwnq, de couh dawz aen guek de gyau hawj Cangqdiq Bohmbwn,

Geiq Dwzbaijyienz 3:21

Hoeng, Gihduz bietdingh ij louz youq gwnzmbwn, itcig youq daengz Cangqdiq dauqyungz dawz de soj cauh hih cungj luj gaxgonq yienghmwnq ndei cij ndaej; gij neix dwg Cangqdiq senqsi cix hawj boux cenz gij vah de naeuz vunz ni lo.

Geiq Dwzbaijyienz 1:11

doiq gyoengqde naeuz: “Gij vunz Gyahliqliq faenhsou hax, faenhsou vihmaz ij ndwn youq dineix muengh mbwn yawj mbwn nej? Boux biek faenhsou hwnj mbwn bae hih Yehsuh, faenhsou yawjraen de baenzlaw hwnj mbwn bae, baezneix de caemh dwg baenzlaw roengz ma lo.”

Majgoj Saw 12:36

hoeng, Daqveiq bonjfaenh de vanzlij gag ciuq Hoenzsaenz Cangqdiq raengq hih yienghmwnq naeuz goq naeuz: Cangqdiq doiq bouxcawj gou naeuz: ‘Naengh youq baixgvaz gou, daengj gou dawz gij dizyinz mwngz coengq youq laj din mwngz.’

Hihbwzlaiz Saw 1:13

Yiengq caiq gangj daengz bouxcai, Cangqdiq caemh coengzlaiz mij doiq bouxcailaw naeuz goq naeuz: Mwngz naengh youq baixgvaz gou bax, daengj gou dawz gij dizyinz mwngz bienqbaenz aen daengq mwngz, gawq neix.

Luqgyah Saw 20:42

Hoengq Daqveiq bonjfaenh de youq ndaw Gij Go Haenh Cangqdiq ndaw de cungj gag sij goq naeuz: Cangqdiq doiq bouxcawj gou naeuz: ‘Naengh youq baixgvaz gou,

Majdaiq Saw 28:18

Yehsuh raen gyoengqde le, couh byaij bae daengz dangqnaj gyoengqde, doiq gyoengqde naeuz: “Cangqdiq gaenq dawz gwnzmbwn lajdeih sojmiz hih gienz cungj nyok hawj gou lo.

Hihbwzlaiz Saw 1:6

Caiq gyacangq Cangqdiq baij daeglwg daeuz de daeuj lajmbwn hih mwhde, de vanzlij naeuz: Sojmiz hih bouxcai Cangqdiq cungj ij gvih de sax de.

Hihbwzlaiz Saw 4:14

Sojhij gyoengqraeuz wnggai baujciz gyenhciz nginh gyoengqraeuz soj sinq hih, aenvih gyoengqraeuz miz boux veijdaq dih goengjsae dajbwiz daeuzdaeuz he, couh dwg Yehsuh, daeglwg Cangqdiq; de gaenq hwnj mbwn bae daengz Cangqdiq mwnq lo.

Yozhanq Saw 13:32

Cangqdiq giqyienz dunghgoq Vunz dih Daiqbiuj hwj ndaej najrongh, yiengq de caemh ij dunghgoq bonjfaenh de hwj hawj Vunz dih Daiqbiuj najrongh, caemh dwg couh majcangq ij hawj de najrongh lo.”