Bijdwz It 3:21 - Gij Baujcingq Moq Caeuq Geij Bonj Gij Baujcingq Daeuzdaeuz

²¹ Ciengz raemxdumh neix, dwg beijgangj gyoengqraeuz sijlij lo, hoeng, sijlij mbouj dwg naeuz swiq aen ndang faenhsou cengh hwj ndaej gouq nej, dauq dwg daiqbiuj faenhsou gouz Cangqdiq hawj faenhsou bienqbaenz mij gijmaz doiq mbouj hwnj liengzsim he, dwg baengh Yehsuh Gihduz dauqlix hwj ndaej gouq hih lah.

Bijdwz It 3:21 ပူးပေါင်းရင်းမြစ်များ

Majgoj Saw 16:16

Gou naeuz sou ni, doenghheij vunz sinq he caemh sijlij he couh ndaej gouq lo, hoeng, doenghheij vunz mbouj sinq he couh ij ngaiz dingh miz coih lo.

Geiq Dwzbaijyienz 2:38

Gajlaeng Bijdwz han gyoengqde naeuz: “Faenhsou gak vunz cungj ij daj ndaw sim nginh loek gaijgoq, caemh ij nginh Yehsuh Gihduz hwj sijlij; yienghmwnq gij coih faenhsou couh ndaej mienx lo, caemh ndaej miz Hoenzsaenz Cangqdiq soengq hawj he lo,

Gyahlahdaiq Saw 3:27

aenvih faenhsou sojmiz sijlij gvi haeuj Gihduz hih vunz cungj yienh ok Gihduz dih singqcingz, luj Gihduz doz youq gwnz ndang nwih.

Geiq Dwzbaijyienz 22:16

Yaqnaznizyaq vanzlij caiq naeuz: ‘Yienghn'x mwngz seizneix vanzlij ngaiznged guxmaz laem nej? Vaiq bae hij gij mingzhiq Yehsuh bae sijlij bax, swiq cengh gij coih mwngz bae bax!’”

Hijfuzsoj Saw 5:26

Gihduz de yienghneix guh dwg ij dunghgoq gij vah de hwj hawj gyauqveiq ndaej youq ndaw lwgra Cangqdiq bienqbaenz hab'eiq habhoz bonjfaenh de he, couh luj aeu raemx ma swiq cengh gyauqveiq yienghmwnq,

Bijdwz It 1:3

Bouxcawj raeuz Yehsuh Gihduz dih Cangqdiq daxboh wnggai haenh hih! De hojsik gyoengqraeuz raixcaix; de dunghgoq bouxcawj raeuz Yehsuh Gihduz daj rai ndaej dauqlix hwj hawj gyoengqraeuz ndaej dauqyungz seng, hawj gyoengqraeuz ndaej miz saen hih mingh, hawj gyoengqraeuz miz muengh raixcaix,

Gohlimzdoh It 12:13

Mboujguenj gyoengqraeuz dwg Youzdaiq vunz haj cixnaeuz dwg Hihlaz vunz, dwg guh hoiq haj cixnaeuz dwg swqyouz vunz, cungj dwg dunghgoq gij Hoenzsaenz dog sijlij hwj ndaej gaep haeuj buek vunz he, bienqbaenz aen ndangdaej he, caemh dwg doxdoengz ndaej yangjcouq gij Hoenzsaenz dog he, couh dangq luj vunzlai doxdoengz caemh gw aen cingj raemx he.

Gohlozsih Saw 2:12

aenvih faenhsou sijlij hih mwhde gaenq suenq dwg caeuq Gihduz doengz moek lo, caemh aenvih faenhsou sinq gij rengz boux hawj de ndaej dauqlix dih Cangqdiq hwj caemh ndaej caeuq Gihduz itheij dauqlix lo.

Majdaiq Saw 28:19

Sojhij faenhsou couh ij bae cenz naeuz lajmbwn sojmiz hih minzcuz ni, hawj lajmbwn sojmiz hih vunz cungj daeuj guh gij lwgsae gou, caemh hawj gyoengqde sijlij hwj ndaej cingqmingz gyoengqde dwg gij vunz Bohmbwn caeuq gij vunz daeglwg Bohmbwn caeuq gij vunz Hoenzsaenz Bohmbwn.

Hihbwzlaiz Saw 9:24

Aenvih Gihduz gaenhbaenj mbouj dwg haeuj cungj cangqbungz vunz ciuq aen caen de ma guh he, dauq dwg haeuj aen gwnzmbwn cingqcaen he bae lah; de vih gyoengqraeuz hwj haeuj bae daengz Cangqdiq mwnq.

Dizmohdaiq It 6:12

Mwngz souj gij saedsaeh Cangqdiq mwhde, ij wnggai luj boux bing yienghmwnq yungjgamj. Caemh ij gaem ndaet seiqseiz lix; vih hawj mwngz ndaej seiqseiz lix hwj Cangqdiq senj mwngz okdaeuj, mwngz caemh youq dangqnaj haujlai cingqyinz nginh Yehsuh dwg bouxcawj mwngz lo.

Gohlimzdoh Ngeih 7:1

Sojhij gak boux beixnuengx hax, yiengq, giqyienz gyoengqraeuz ndaej doenghgij baujcingq neix lo, gyoengqraeuz couh wnggai gag rox mbouj caiq famh coih; doiq ndangdaej miz haih hih, doiq aen sim mbouj ndei hih, gyoengqraeuz cungj mbouj caiq cimyex haeuj bae. Wnggai miz aen sim soenhgingq Cangqdiq he, guh boux hab'eiq habhoz Cangqdiq liuxliux he.

Gohlimzdoh It 4:6

Gak boux beixnuengx hax, vih faenhsou hwj gou dawz gou caeuq Yaqbohloz ma guh beijgangj goq, siengj hawj faenhsou ndaej dajlaeng raeuz rox gawq vah neix dih iqswh, couh dwg: “Mbouj ndaej cauhgoq ndaw Singqgingh soj sij hih,” mienxndaej faenhsou gag haenh bonjfaenh naeuz “gou gaen byawzbyawz, gou gaen byawzbyawz,” yienghneix yawjhwnj boux mbouj hwnj boux.

Geiq Dwzbaijyienz 16:33

Haemh mwnq boux guenj gyenhyuz mwnq caemh bang song boux de swiq gij baksieng gwnz ndang gyoengqde. Gajlaeng boux de caeuq ndaw ranz de couh majcangq sijlij lo.

Geiq Dwzbaijyienz 8:36

Couh yienghneix, Feihliq doq bae doq gangj naeuz de ni. Gajlaeng ngamqluj bae daengz mwnq he miz raemx, boux de couh naeuz: “Aeq, yawj veiq! Mwnq miz raemx hwj; gou ndaej mbouj ndaej youq mwnq sijlij hax?”

Lozmaj Saw 5:14

Hoeng, daj Yaqdangh daengz mijyaengz miz Mohsih fazliz dih cizdaiq, rai ndaej guenjciq vunz; cungjsuenq naeuz famh gij mbouj dwg luj Yaqdangh famh hih cungj mingqlingq mwnq hwjx, cungj deuz mbouj ok ngaiz rai. Gihduz boux neix, couh dwg boux yienzlaiz Cangqdiq gangj goq naeuz de baezneix ij daeuj he, caeuq Yaqdangh boux neix cungj doxdoengz doiq vunz miz ingjyangj,

Hihbwzlaiz Saw 11:19

Yaqbwzlahhanj sinq Cangqdiq ndaej hawj vunzrai dauqlix, sojhij cungjsuenq naeuz Hijsaj rai lo, de caemh sinq Cangqdiq caemh gaengjdingq hawj de ndaej dauqlix. Gizsaed doiq Yaqbwzlahhanj ma gangj, Hijsaj caemhdangq gaenq rai lo, gajlaeng caemhcaiq ndaej dauqlix lo.

Gohlimzdoh Ngeih 1:12

Gyoengqraeuz saedsaeh naeuz sou ni, bingz liengzsim ma gangj, gyoengqraeuz guh saeh doiq vunz cungj dwg lauxsaed simndei simsoh hih, dwzbez dwg caeuq faenhsou dih gvanhaeh engqgya dwg yienghneix. Sojmiz hih cungj dwg baengh Cangqdiq dih haijliengh hih, mbouj dwg baengh bonjfaenh dih coengjmingz hih.

Dizmohdaiq It 1:5

Couh dwg naeuz hawj mwngz naeuz doenghheij vunz neix dih muzdiz dwg hawj vunz doxaiq. Gij aiq neix wnggai dwg daj ndaw sim vunz mij'z coih he caeuq dwg mbouj miz gijmaz doiq mbouj hwnj liengzsim he caeuq dwg miz caensim sinqsim he.

Hihbwzlaiz Saw 9:14

yiengq, ciuq luj yienghneix ma gangj, gij lwed Gihduz mbouj engqgya haz? De dunghgoq seiqseiz lix dih Hoenzsaenz Cangqdiq, dawz bonjfaenh de ma dangq guh gij dajbwiz mij maz ndaej diudik he hwj bwiz hawj Cangqdiq. Gij lwed de ndaej hawj raeuz mbouj caiq guh gij mij'z yungh he, hawj raeuz mbouj caiq saetnaj saetnyaenq hwj ndaej swqhaeuh seiqseiz lix dih Cangqdiq.

Hihbwzlaiz Saw 10:22

caiq saj lwed hwj hawj gyoengqraeuz doiq ndaej hwnj liengzsim, caeuq yungh raemx ma swiq cengh aen ndang gyoengqraeuz vwz, gyoengqraeuz couh wnggai caensim caeuq miz sinqsim raixcaix hwj bae dep Cangqdiq,

Hihbwzlaiz Saw 13:18

Ceiqhaeuq, cingj faenhsou bang gyoengqraeuz gouzhaenh Cangqdiq bax! Aenvih gyoengqraeuz gag rox gyoengqraeuz soj guh hih cungj dwg doiq ndaej hwnj liengzsim hih; gyoengqraeuz caemh muengh gyoengqraeuz guh saeh guh ndaej deng.

Bijdwz It 3:16

Caemh ij doiq ndaej hwnj liengzsim, yienghneix couh ndaej hawj doenghheij bangjlaih faenhsou hih, couh dwg doenghheij bangjlaih faenhsou vih Gihduz hwj soj guh hih ndeisaeh hih roxnginh najnyaenq lo.

Yozhanq Saw 13:9

Sihmaenz-Bijdwz dingq yienghneix le, couh naeuz: “Bouxcawj hax, hauhnaeuz dwg yienghneix nex, mwngz mbouj danhcij ij gag swiq gij ha gou nej, daiqlienz gij fawz ndaek raeuj gou cungj ij swiq cij ndaej!”

Geiq Dwzbaijyienz 8:37

[Feihliq han de naeuz: “Hauhnaeuz mwngz cingqcaen sinq nex, ndaej hah.” Boux de couh doq naeuz: “Gou sinq, gou sinq Yehsuh Gihduz dwg lwg Cangqdiq.”]