Bijdwz It 3:20 - Gij Baujcingq Moq Caeuq Geij Bonj Gij Baujcingq Daeuzdaeuz

²⁰ Doenghheij vunz neix couh dwg doenghbaez Nozyaq cauh ruz hih mwhde Cangqdiq naenxsim daengj gyoengqde gaijgoq, hoeng, gyoengqde mbouj dingq, ngaiz rai youq ndaw raemx hih doenghheij vunz mwnq lo. Mwhde ndaej haeuj ruz bae ndaej daj ndaw raemx ndaej gouq hih vunz mbouj lai, cijngamq miz bet boux lah.

Bijdwz It 3:20 ပူးပေါင်းရင်းမြစ်များ

Bijdwz Ngeih 2:5

Cangqdiq caemh mbouj nyiuz dangqlaux doenghbaez, dauq vanzlij hawj raemxdumh dumh dawz doenghheij mbouj yawjnaek de he, caenhgag baujhuq Nozyaq, boux gienq vunz hawj vunz guh vunz ndei neix hih cenz ranz bet boux lah.

Hihbwzlaiz Saw 11:7

Caemh aenvih sinq, Nozyaq sinq Cangqdiq; de dingq daengz Cangqdiq daezsingj gingjgauq de naeuz miz raemxdumh mwhde, cungjsuenq naeuz de mijyaengz raen miz ij raemxdumh dih gingjdoengh, hoeng, aenvih de miz aen sim soenhgingq Cangqdiq he, de couh cauh aen ruz he hwj hawj baenx cenz ranz de haeuj bae couh ndaej gouq. Couh vih yienghneix, sawjhawj baenx cenz lajmbwn hih vunz cungj ngaiz dingh miz coih. De nej? De dauq dwg aenvih de sinq hwj ndaej daengz Cangqdiq yawj de dangq dwg boux simndei simsoh he dih vunz.

Lizsij dih Gaihcij 6:3

Gajlaeng Yehhozvaz naeuz: “Vunz giqyienz dwg ndangnoh hih vunz, yiengq gij Hoenzsaenz gou hozbiet ij yungjyenj youq laeng gyoengqde laem; gij mingh gyoengqde caemh mbouj ndaej souh cauhgoq bakngeih bi laem lo.”

Lizsij dih Gaihcij 6:5

Yiengq, Yehhozvaz raen gij vunz cungj gig yakrwix, ndaw sim naemj hih cungj dwg gig doegdoeg siebsieb le,

Lizsij dih Gaihcij 8:18

Gajlaeng Nozyaq caeuq yah caeuq lwg caeuq bawx ok ma lo.

Lizsij dih Gaihcij 6:13

de couh doiq Nozyaq naeuz: “Gou gietdingh ij cawz vunz, aenvih gyoengqde sawjhawj lajmbwn dauqcawq cungj dwg doegdoeg siebsieb. Sojhij gou ij cawz sojmiz hih vunz caeuq lajmbwn sojmiz he.

Majdaiq Saw 7:14

Hoeng, doeng haeuj seiqseiz lix hih aen dou mwnq dwg gaeb hih, diuz roen de caemh dwg gaeb hih, cimh ndaej raen hih vunz caemh noix.”

Lizsij dih Gaihcij 7:13

Couh youq ngoenz fwn doek hunghung mwnq, Nozyaq caeuq mehyah de, caeuq sam daeglwg de, Cenj, Hamz, Yajfuz, caeuq doengh mehbawx de haeuj ndaw ruz bae lo.

Bijdwz Ngeih 3:15

Vanzlij ijaeu rox, bouxcawj raeuz hozraez naenxsim daengj couh dwg ij hawj vunz miz gihveiq ndaej gouq, couh luj gyoengqraeuz cinhngaiq dih Baujloz boux beixnuengx neix, de yungh Cangqdiq soj nyok hawj dih coengjmingz sij saenq naeuz faenhsou yienghmwnq.

Lozmaj Saw 9:22

Cangqdiq cauh vunz caemh dwg yienghneix; miz hih dwg vih ij yienh ok de dih fatheiq caeuq gij rengz de. Doenghheij vunz neix couh dangq aen vanj yaez he, Cangqdiq naenxsim yungh le, couh dawz de vwt bae; de cauh aen de dih muzdiz couh dwg ij yienghneix guh. Yiengq, giqyienz vunz caemh dwg Cangqdiq cauh okdaeuj he, miz byawz gamj naeuz de yienghneix guh mbouj ndaej nej?

Luqgyah Saw 12:32

De vanzlij doiq gij lwgsae de naeuz: “Lwg gou hax, faenhsou gaejyungh lau, aenvih Bohmbwn faenhsou de haenjheiq hawj faenhsou guenj aen guek de.

Lizsij dih Gaihcij 8:1

Cangqdiq mbouj lumz Nozyaq caeuq gaen de haeuj ndaw ruz bae hih doenghduz, couh hawj miz rumz ci, ci hawj gij raemx roengz.

Hijfuzsoj Saw 5:26

Gihduz de yienghneix guh dwg ij dunghgoq gij vah de hwj hawj gyauqveiq ndaej youq ndaw lwgra Cangqdiq bienqbaenz hab'eiq habhoz bonjfaenh de he, couh luj aeu raemx ma swiq cengh gyauqveiq yienghmwnq,

Lizsij dih Gaihcij 6:8

Hoeng, caenhgag Nozyaq youq ndaw lwgra Yehhozvaz cij dwg boux vunz ndei he.

Geiq Dwzbaijyienz 2:41

Couh youq ngoenz mwnq, doenghheij vunz sinq de soj gangj hih caemh sijlij hih daihgaiq miz samcien vunz. Couh yienghneix, ngoenz mwnq miz baenx lai vunz gaep haeuj gyoengq lwgsae bae.

Bijdwz It 1:9

Caiq aenvih faenhsou sinq de baengh de hwj le, faenhsou dih hoenzsaenz couh ndaej gouq.

Bijdwz It 1:22

Yiengq, giqyienz faenhsou dingq saedsaeh ciuq saedsaeh hwj ndaej bienqbaenz boux mij'z coih cingqcaen rox aiq vunz he lo, faenhsou couh ij luj beixnuengx caemh nginz caemh rag yienghmwnq caensim caen'eiq doxaiq.

Bijdwz It 2:25

Faenhsou doenghbaez couh dangq duz yiengz ngaiz loengj roen he, hoeng, seizneix dauq ndaej ma daengz gvi haeuj boux ciengx faenhsou baujhuq hoenzsaenz faenhsou he.

Bijdwz It 3:19

Yiengq gangj daengz hoenzsaenz Gihduz, doenghbaez de cenzgangj gij vah Cangqdiq hawj vunz ni, hoeng, gyoengqde mbouj dingq, sojhij gyoengqde dih hoenzsaenz couh ngaiz gyaeng haeuj ndaw laep mwnq Cangqdiq fad vunz mwnq bae lo.

Bijdwz It 4:19

Sojhij, doenghheij Cangqdiq hawj souh nanh hih, ij gyenhciz guh ndeisaeh roengzbae, ij dawz bonjfaenh gyau hawj sinq ndaej goq hih cauh sojmiz hih Cangqdiq.