Bijdwz It 3:11 - Gij Baujcingq Moq Caeuq Geij Bonj Gij Baujcingq Daeuzdaeuz

¹¹ Bietdingh ij yiem doeg hwj guh ndei, bietdingh ij haenj hozbingz gouz hozbingz,

Bijdwz It 3:11 ပူးပေါင်းရင်းမြစ်များ

Majdaiq Saw 5:9

“Hawj vunz doxhuz hih vunz hax, miz fuk lo, aenvih Cangqdiq nginh de guh lwg.

Hihbwzlaiz Saw 12:14

Gou naeuz faenhsou hax, faenhsou wnggai cwnqliengq caeuq vunz doxhuz, caemh ij goq cungj saenghhoz hab'eiq habhoz Cangqdiq he, aenvih hauhnaeuz mbouj goq cungj saenghhoz hab'eiq habhoz Cangqdiq he nex, couh mbouj ndaej raen Cangqdiq lo.

Lozmaj Saw 14:19

Sojhij gyoengqraeuz ij cwnqliengq bae guh gij saeh hawj vunz doxhuz doxndei he, doxbang doxhoh he.

Gohlozsih Saw 3:15

Vanzlij miz, faenhsou ij hawj gij bingzan Gihduz nyok hawj faenhsou he guenjleix aen sim faenhsou, aenvih faenhsou cungj dwg Cangqdiq senj okdaeuj guhbaenz aen ndang he, doxhuz he. Vanzlij miz, faenhsou ij rox docih de.

Lozmaj Saw 14:17

aenvih guek Cangqdiq gaenhbaenj mbouj yawjnaek gij gw, dauq yawjnaek Hoenzsaenz bonjfaenh de hawj vunz simndei simsoh, doxhuz doxaiq, vuenvuen heijheij hih lah.

Lozmaj Saw 12:18

Ij cwnqliengq guh daengz caeuq vunz doxndei.

Yozhanq Sam 1:11

Cinhngaiq dih baengzyoux hax, gou naeuz hax, gaejyungh hag gij vaih he; wnggai hag gij ndei he. Guh ndei hih vunz cij suenq dwg buek vunz Cangqdiq; guh rwix guh vaih hih vunz, couh dwg naeuz de mbouj rox Cangqdiq.

Yajgoz Saw 4:17

Sojhij, gou naeuz sou ni, hauhnaeuz miz vunz rox gijlaw wnggai guh, hoeng de dauq mij bae guh, yiengq de couh dwg famh coih lo.

Hihbwzlaiz Saw 13:16

Gyoengqraeuz caemh mbouj ndaej lumz guh ndeisaeh caeuq bang vunz, aenvih yienghneix guh couh dangq gij dajbwiz Cangqdiq haenjheiq he.

Dizmohdaiq It 6:18

Mwngz caemh ij naeuz hawj gyoengqde lai guh ndeisaeh, haijliengh, nyienh'eiq bang vunz.

Gyahlahdaiq Saw 6:10

Sojhij, cijaeu gyoengqraeuz miz gihveiq, couh wnggai guh ndeisaeh, bang vunz, dwzbez dwg bang doenghheij caeuq gyoengqraeuz doxdoengz dwg sinq Gihduz he.

Gyahlahdaiq Saw 5:22

Hoeng, hauhnaeuz faenhsou hawj Hoenzsaenz Cangqdiq guenjleix faenhsou dih saenghhoz nex, faenhsou couh ndaej giet gij mak gyaeugyaeu ndeindei he lo. Gij mak neix couh dwg aiq, vuenheij, hozbingz, naenxsim, sim'unq, lauxsaed, simndei simsoh,

Lozmaj Saw 8:6

Caenhrox ndangnoh hih cij rox rai yiengh dog, hoeng rox daengz Hoenzsaenz hih dauq lix ndaej cwxcwx caihcaih,

Lozmaj Saw 7:21

Sojhij gou caenh roxnginh, gou siengj guh ndei nex, couh miz gij doegsieb he youq ndaw sim gou gauxca gou.

Lozmaj Saw 5:1

Aenvih Cangqdiq yawj sinq Yehsuh Gihduz bouxcawj raeuz hih vunz dangq dwg boux mij'z coih he, yiengq couh hawj gyoengqraeuz ndaej dunghgoq bouxcawj raeuz Yehsuh Gihduz hwj ndaej caeuq Cangqdiq doxhuz.

Yozhanq Saw 17:15

Gou mbouj gouz mwngz mbouj hawj gyoengqde bae dep aen seiqgyaiq neix hih vunz, caenhgag gouz mwngz baujhuq gyoengqde, hawj gyoengqde ndaej duet ok Sajdanq boux doegdoeg siebsieb neix ndaej lo.

Majdaiq Saw 6:13

Caemh muengh raeuz mbouj ngaiz yungx bae guh vaihsaeh; Gouq gyoengqraeuz duet ok boux simdoeg simsieb mwnq. [Aenvih caenhgag mwngz cij dwg vuengz, cij miz gienz, cij boiqndaej vunz haenh, yungjyenj haenh roengzbae. Ahmaenz.]

Majdaiq Saw 5:45

Yienghmwnq cij ndaej guh lwg Bohmbwn, aenvih Bohmbwn hawj gyangjngoenz ciuq vunz ndei, caemh ciuq vunz rwix vunz vaih; hawj fwn doek hawj vunz simndei simsoh he, caemh doek hawj vunz simdoeg simfwn he.

Lozmaj Saw 7:19

Gou siengj guh ndei, hoeng, guh mbouj daengz; mbouj siengj guh gij doegsieb he, hoeng, dauq guh daengz lo.

Luqgyah Saw 6:35

“Faenhsou ij aiq doengh boux caeuq faenhsou doxmiz haemzcaeuz he, caemh ij doiq de ndei, caemh ij ciq doxgaiq hawj de, hoeng mbouj ndaej muengh boux de boiz faenhsou. Yienghmwnq faenhsou couh ndaej cangjliq engqgya lai, caemh dwg caeuq ceiq miz gienz dih Cangqdiq guhfap doxdoengz, aenvih Cangqdiq caemh doiq doenghheij mbouj rox docih de hih caeuq guh doeg guh sieb hih vunz ndei hah.

Luqgyah Saw 6:9

Yiengq Yehsuh couh doiq doengh boux ijsiengj cingj de mwnq naeuz: “Gou cam faenhsou, youq ngoenz ngoenzyietbaeg, wnggai guh saeh ndei, cixnaeuz guh saeh yak saeh rwix; gouq vunz cixnaeuz haih vunz nej, sou naeuz?”

Luqgyah Saw 1:79

ciuq rongh hawj gij vunz lau rai, mbouj rox Cangqdiq he, yinx hawj raeuz byaij hozbingz dih roen.”

Majgoj Saw 14:7

Vunz gungz, faenhsou seizlaw bang mbouj ndaej, aenvih gyoengqde siengzseiz caeuq sou youq itheij, cijaeu faenhsou haenj. Hoeng, gou nej, gou mbouj siengzseiz caeuq sou youq hah.

Bijdwz It 3:12

aenvih Cangqdiq dwg cauqguq simndei simsoh hih vunz hih, dwg dingq gyoengqde gouzhaenh hih, dwg fanjdeiq guh doeg guh sieb hih.