Bijdwz It 2:9 - Gij Baujcingq Moq Caeuq Geij Bonj Gij Baujcingq Daeuzdaeuz

⁹ Hoeng, faenhsou caeuq gyoengqde mbouj doxdoengz. Faenhsou dwg Cangqdiq soj senj hih minzcuz, dwg gij vunz aen guek de he, dwg guh Cangqdiq goengjvuengz dih goengjsae dajbwiz he, dwg gvi haeuj Cangqdiq he. Cangqdiq senj faenhsou dwg hawj faenhsou daj ndaw laep ok daeuj haeuj ndaw rongh sagsag de bae cenzgangj gij ndei raixcaix de.

Bijdwz It 2:9 ပူးပေါင်းရင်းမြစ်များ

Gihduz Hawj Vunz Rox 1:6

de hawj gyoengqraeuz ndaej laeb baenz aen guek he, hawj raeuz ndaej guh boux goengjsae dajbwiz daxboh de, Cangqdiq. Muengh najrongh caeuq gienzveih cungj yungjyungj yenjyenj gvi hawj de! Ahmaenz.

Gihduz Hawj Vunz Rox 5:10

Hawj gyoengqde ndaej bienqbaenz gij vunz aen guek Cangqdiq, Guh boux goengjsae dajbwiz Cangqdiq; Gyoengqde ij youq lajmbwn guh vuengz gaem gienz.

Dizmohdaiq Ngeih 1:9

Cangqdiq gouq gyoengqraeuz, senj gyoengqraeuz mbouj dwg naeuz yawj gyoengqraeuz miz guh gijmaz ndeisaeh hih, dauq dwg ciuq gij cawjeiq de caeuq de dih haijliengh lah. Gij haijliengh neix, dwg de youq mijyaengz cauh mbwn cauh deih mwhde, de cix gyezdingq dunghgoq Yehsuh Gihduz ma hwj doiq gyoengqraeuz haijliengh lo,

Bijdwz It 2:5

Faenhsou gaep haeuj de, caemh bienqbaenz ngauq rin lix he, Cangqdiq caemh aeu ma hwnq aen ranz hawj Hoenzsaenz bonjfaenh de. Faenhsou caemh guh goengjsae dajbwiz hwj daeuj swqhaeuh Cangqdiq, caiq dunghgoq Yehsuh Gihduz hwj guh gij hab'eiq habhoz Cangqdiq he ma dajbwiz soengq hawj de.

Dizdoh Saw 2:14

De vih ij cueg raeuz, hawj raeuz ndaej duet ok sojmiz hih doenghgij doegdoeg siebsieb he hwj sijndaej diuz mingh bonjfaenh, hawj raeuz ndaej guh boux youq ndaw lwgra Cangqdiq suenq dwg boux mij'z coih he, hawj raeuz ndaej gvi haeuj de, hawj gyoengqraeuz ndaej bienqbaenz boux haenj guh ndeisaeh he.

Geiq Dwzbaijyienz 26:18

Gou baij mwngz bae laeng gyoengqde mwnq, hawj gyoengqde singqsag hwnjdaeuj, hawj gyoengqde ndaej daj ndaw laep cienq daengz mwnq rongh he, ndaej daj Sajdanq mwnq duet ok gij gaemhanh de, ndaej bae daengz ndaw rumq Cangqdiq mwnq bae, youhcaiq vih sinq gou hwj ndaej mienx coih, ndaej caeuq gij vunz sinq gou he doxdoengz ndaej gaep haeuj guek Cangqdiq.’”

Gihduz Hawj Vunz Rox 20:6

Doenghheij ndaej haeuj daixit mbat dauqlix hih vunz dwg miz fuk hih, dwg gij vunz Cangqdiq hih. Gyoengqde mbouj caiq ngaiz rai daixngeih mbat haem lo; gyoengqde ij ndaej guh goengjsae dajbwiz Cangqdiq caeuq Gihduz he, caemh ij caeuq Gihduz itheij guh vuengz cien bi.

Majdaiq Saw 5:16

Caemh doxdoengz, faenhsou caemh wnggai ciuq rongh hawj vunz lajmbwn, hawj gyoengqde yawj ndaej raen faenhsou guh hih ndeisaeh hwj haenh daxboh gwnzmbwn faenhsou.”

Gohlozsih Saw 1:13

aenvih de gaenq gouq gyoengqraeuz duet ok laep saengxsaengx dih guenjciq, daiq gyoengqraeuz haeuj aen guek de aiq hih daeglwg de bae guh gij vunz de,

Gohlimzdoh It 3:17

Sojhij, hauhnaeuz miz vunz byaeu gunghdenq Cangqdiq nex, Cangqdiq gaengjdingq byaeu boux de, aenvih gunghdenq Cangqdiq dwg Cangqdiq youq he. Faenhsou dangq dwg gunghdenq Cangqdiq.

Geiq Dwzbaijyienz 20:28

“Faenhsou ij gag guenj ndei bonjfaenh; Hoenzsaenz Cangqdiq gaenq laeb faenhsou, hawj faenhsou luj boux ciengx yiengz yienghmwnq daeuj guenj ndei aen gyauqveiq de lo, aenvih gyauqveiq dwg Cangqdiq aeu gij lwed daeglwg de ma cueg ma hih.

Feihlizbij Saw 3:14

Gou vih ij ndaej cangjbyimj hwj roengzrengz; gij cangjbyimj neix dwg Cangqdiq dunghgoq Yehsuh Gihduz hwj daj gwnzmbwn heuh gou hwnj bae ndaej seiqseiz lix hih.

Majdaiq Saw 4:16

Doenghgij vunz luj youq ndaw laep hih vunz hax, couh ij yawjraen rongh sagsag lo. Doenghheij vunz lau rai he hax, couh ij miz rongh ciuq dawz lo.

Bijdwz It 1:2

Faenhsou dwg Cangqdiq Bohmbwn senqsi cix rox cix senjdingh okdaeuj hih lo; Hoenzsaenz de hawj faenhsou bienqbaenz boux hab'eiq habhoz Cangqdiq hwj dingq Yehsuh Gihduz, caiq baengh gij lwed Yehsuh Gihduz hwj hawj faenhsou guh gij vunz de. Muengh Cangqdiq doiq faenhsou haijliengh raixcaix, hawj faenhsou bingzan!

Luqgyah Saw 1:79

ciuq rongh hawj gij vunz lau rai, mbouj rox Cangqdiq he, yinx hawj raeuz byaij hozbingz dih roen.”

Lozmaj Saw 9:24

Cangqdiq soj cojgvaq hih couh dwg gyoengqraeuz; gyoengqraeuz dwg Cangqdiq daj ndaw Youzdaiq vunz caeuq linghvaih minzcuz ndaw de senj okdaeuj dih vunz.

Geiq Dwzbaijyienz 26:28

Yaqgihbaq dingq le, han Baujloz naeuz: “Nanzdauh mwngz gangj geij gawq vah couh ndaej gangj hawj gou guh Yehsuh dih lwgsae lo mah.”

Bijdwz It 4:11

Byawz miz caiz cenzgangj gij vah Cangqdiq hih, couh ij ciuq gij vah Cangqdiq bae gangj; byawz miz caiz ndaej bang vunz hih, couh ij yungh Cangqdiq nyok hawj hih rengz bae bang vunz. Yienghneix, couh ndaej hawj sojmiz hih dunghgoq Yehsuh Gihduz hwj ndaej hawj Cangqdiq najrongh lo. Muengh akak rengzrengz najrongh yungjyenj cungj dwg gvi hawj Cangqdiq! Ahmaenz.

Hijfuzsoj Saw 1:6

De yienghneix dunghgoq de ceiq aiq dih daeglwg dog de hwj begbeg nyok aiq hawj gyoengqraeuz, hawj gyoengqraeuz haenh de, haenh de haijliengh raixcaix.

Hijfuzsoj Saw 1:14

Gij Hoenzsaenz neix dwg Cangqdiq baujcingq baezneix hawj gij vunz de hih baengzgawq, daengj daengz mwh gij vunz de ndaej cueg okma hih mwhde cij hawj. De yienghneix guh dwg ij hawj gij vunz de haenh de najrongh.

Yozhanq Saw 17:19

Gou vih gyoengqde hwj guh boux dwzbez he, hab'eiq habhoz mwngz he, caemh hawj gyoengqde dunghgoq saedsaeh hwj bienqbaenz boux dwzbez he, hab'eiq habhoz mwngz he.

Hijfuzsoj Saw 3:21

muengh de youq gyauqveiq youq Yehsuh Gihduz mwnq seiqseiq daihdaih yungjyungj yenjyenj najrongh! Ahmaenz.