Bijdwz It 2:5 - Gij Baujcingq Moq Caeuq Geij Bonj Gij Baujcingq Daeuzdaeuz

⁵ Faenhsou gaep haeuj de, caemh bienqbaenz ngauq rin lix he, Cangqdiq caemh aeu ma hwnq aen ranz hawj Hoenzsaenz bonjfaenh de. Faenhsou caemh guh goengjsae dajbwiz hwj daeuj swqhaeuh Cangqdiq, caiq dunghgoq Yehsuh Gihduz hwj guh gij hab'eiq habhoz Cangqdiq he ma dajbwiz soengq hawj de.

Bijdwz It 2:5 ပူးပေါင်းရင်းမြစ်များ

Bijdwz It 2:9

Hoeng, faenhsou caeuq gyoengqde mbouj doxdoengz. Faenhsou dwg Cangqdiq soj senj hih minzcuz, dwg gij vunz aen guek de he, dwg guh Cangqdiq goengjvuengz dih goengjsae dajbwiz he, dwg gvi haeuj Cangqdiq he. Cangqdiq senj faenhsou dwg hawj faenhsou daj ndaw laep ok daeuj haeuj ndaw rongh sagsag de bae cenzgangj gij ndei raixcaix de.

Gohlimzdoh It 3:9

aenvih gyoengqraeuz dwg gij hoiq guh gij hong Cangqdiq he; faenhsou dangq dwg Cangqdiq dih reihnaz. Faenhsou caemhdangq dwg aen ranz Cangqdiq.

Gihduz Hawj Vunz Rox 5:10

Hawj gyoengqde ndaej bienqbaenz gij vunz aen guek Cangqdiq, Guh boux goengjsae dajbwiz Cangqdiq; Gyoengqde ij youq lajmbwn guh vuengz gaem gienz.

Gohlimzdoh It 3:16

Nanzdauh faenhsou mbouj rox faenhsou dangq dwg gunghdenq Cangqdiq, Hoenzsaenz Cangqdiq youq ndaw faenhsou youq mah?

Hihbwzlaiz Saw 3:6

Hoeng, Gihduz dwg daeglwg Cangqdiq, dwg guenjleix Cangqdiq cenz ranz sojmiz hih. Yiengq, hauhnaeuz gyoengqraeuz baujciz mbouj lau, gyenhciz sinq gyoengqraeuz soj muengh hih nginhnaeuz dwg najrongh hih nex, gyoengqraeuz couh dwg ndaw ranz Cangqdiq hih vunz lo.

Gihduz Hawj Vunz Rox 20:6

Doenghheij ndaej haeuj daixit mbat dauqlix hih vunz dwg miz fuk hih, dwg gij vunz Cangqdiq hih. Gyoengqde mbouj caiq ngaiz rai daixngeih mbat haem lo; gyoengqde ij ndaej guh goengjsae dajbwiz Cangqdiq caeuq Gihduz he, caemh ij caeuq Gihduz itheij guh vuengz cien bi.

Gohlimzdoh It 6:19

Faenhsou wnggai rox, aen ndangdaej faenhsou dwg gunghdenq Hoenzsaenz Cangqdiq he. Aenvih Hoenzsaenz Cangqdiq dwg Cangqdiq nyok hawj faenhsou he, sojhij Hoenzsaenz Cangqdiq youq gwnz ndang faenhsou youq. Couh vih yienghneix hwj, aen ndang faenhsou mbouj caenhgag dwg aen ndang faenhsou, caemh dwg aen ndang Cangqdiq hah.

Lozmaj Saw 12:1

Sojhij, gak boux beixnuengx hax, giqyienz Cangqdiq yienghneix cojgvaq gyoengqraeuz, gou naeuz faenhsou, faenhsou ij dawz bonjfaenh faenhsou ma dangq guh gij dajbwiz hab'eiq habhoz Cangqdiq he, couh dwg naeuz faenhsou ij naebsim swqhaeuh Cangqdiq; faenhsou wnggai yienghneix gingqbaiq cij deng.

Gihduz Hawj Vunz Rox 1:6

de hawj gyoengqraeuz ndaej laeb baenz aen guek he, hawj raeuz ndaej guh boux goengjsae dajbwiz daxboh de, Cangqdiq. Muengh najrongh caeuq gienzveih cungj yungjyungj yenjyenj gvi hawj de! Ahmaenz.

Feihlizbij Saw 4:18

Seizneix gou gaenq miz gou soj ij yungh hih lo; mbouj danhcij naeuz yienghneix, vanzlij miz daiq lai lai lo, aenvih gou daj ndaw fawz Hijbahfuzdiz ciep ndaej daengz faenhsou baij de soengq daeuj hawj gou hih, luj gij dajbwiz rang fwtfwt he, Cangqdiq haenjheiq he he.

Gohlimzdoh Ngeih 6:16

Duz you ij baenzlawz ndaej coengq youq gunghdenq Cangqdiq nej? Gyoengqraeuz dwg gunghdenq seiqseiz lix dih Cangqdiq, cingq luj Cangqdiq naeuz: Gou ij caeuq gij vunz gou doxcaeuq youq, gou ij caeuq gyoengqde miz laizvangj. Gou ij guh gyoengqde dih Cangqdiq, gyoengqde caemh ij guh gij vunz gou.

Gihduz Hawj Vunz Rox 3:12

Ndaej hingz hih vunz, gou ij hawj de bienqbaenz diuz saeu ndaw gunghdenq Cangqdiq gou, hawj de ndaej seiqseiz youq mwnq. Gou caemh ij youq gwnz ndang de sij gij coh Cangqdiq gou, caeuq gij coh moq gou, caeuq gij coh aen singz Cangqdiq gou, couh dwg daj gwnzmbwn Cangqdiq gou mwnq roengz daeuj hih aen singz moq Yehluqsajlaengj.

Lozmaj Saw 15:16

hawj gou ndaej youq ndaw linghvaih minzcuz ndaw de guh boux cenzgangj gvanhhih Yehsuh Gihduz dih ndei siuhsiz he, couh dwg naeuz ndaej guh luj boux bang vunz guh dajbwiz he, yienghneix haemq ndei ndaej hawj gij vunz linghvaih minzcuz he dunghgoq Hoenzsaenz Cangqdiq hwj ndaej bienqbaenz gij dajbwiz hab'eiq habhoz Cangqdiq, Cangqdiq haenjheiq he.

Gohlozsih Saw 3:17

Mboujguenj faenhsou guh gijmaz cixnaeuz gangj gijmaz, cungj ij hij gij coh bouxcawj raeuz, caeuq baengh de daeuj docih Cangqdiq Bohmbwn.

Feihlizbij Saw 2:17

Sojhij cungjsuenq naeuz gou seizneix ngaiz vwt mingh, hawj gij lwed bonjfaenh gou ma dangq guh gij laeuj dajbwiz hwj raix youq gwnz gij dajbwiz faenhsou yungh sinqsim ma guh he, gou cungj angq, mbouj danhcij naeuz yienghneix, caemh vanzlij ndaej hawj faenhsou caeuq gou angq haem hwx.

Bijdwz It 4:11

Byawz miz caiz cenzgangj gij vah Cangqdiq hih, couh ij ciuq gij vah Cangqdiq bae gangj; byawz miz caiz ndaej bang vunz hih, couh ij yungh Cangqdiq nyok hawj hih rengz bae bang vunz. Yienghneix, couh ndaej hawj sojmiz hih dunghgoq Yehsuh Gihduz hwj ndaej hawj Cangqdiq najrongh lo. Muengh akak rengzrengz najrongh yungjyenj cungj dwg gvi hawj Cangqdiq! Ahmaenz.

Feihlizbij Saw 1:11

Caemh muengh faenhsou baengh Yehsuh Gihduz hwj guh gij saeh ndaej yienh ok dwg gij vunz youq ndaw lwgra Cangqdiq suenq dwg mij'z coih he; yienghneix vunz couh haenh Cangqdiq, hawj Cangqdiq najrongh lo.

Ok Ngaihgiz 19:6

faenhsou ij gvi hawj gou, guh gij vunz aen guek gou, guh gij vunz dajbwiz gou.’ Doenghgij vah neix mwngz ij naeuz gij vunz Hijswzlez ni.”

Gyahlahdaiq Saw 6:10

Sojhij, cijaeu gyoengqraeuz miz gihveiq, couh wnggai guh ndeisaeh, bang vunz, dwzbez dwg bang doenghheij caeuq gyoengqraeuz doxdoengz dwg sinq Gihduz he.

Bijdwz It 4:17

aenvih Cangqdiq saemjbuenq vunz lajmbwn hih mwhde daengz lo. Ij saemjbuenq, couh ij daj gij vunz bonjfaenh Cangqdiq gaihcij saemjbuenq. Yiengq, hauhnaeuz daj gyoengqraeuz gaihcij saemjbuenq, doenghheij mbouj sinq Cangqdiq dih ndei siuhsiz hih vunz ij baenzlawz yiengh nej?