Bijdwz It 2:24 - Gij Baujcingq Moq Caeuq Geij Bonj Gij Baujcingq Daeuzdaeuz

²⁴ De ngaiz ding hwnj gwnz gyaq cixcib bae rai, caenndang rap gij coih gyoengqraeuz, hawj gyoengqraeuz ndaej duet ok coih mbouj caiq ngaiz coih gaemhanh, hawj gyoengqraeuz ndaej goq cungj saenghhoz Cangqdiq haenjheiq he. Aenvih de soj souh hih sieng, faenhsou ndaej yw ndei lo.

Bijdwz It 2:24 ပူးပေါင်းရင်းမြစ်များ

Majdaiq Saw 8:17

De yienghneix guh ngamq lingz ok Hijcaiqyaq boux cenz gij vah Cangqdiq neix soj gangj hih vah: De dingj gij bingh gyoengqraeuz, bang rap gij in gyoengqraeuz.

Lozmaj Saw 6:11

Yienghneix, aeu coih ma gangj, faenhsou caemhdangq yawj bonjfaenh gaenq rai lo, hoeng, aeu Cangqdiq ma gangj, faenhsou dunghgoq Yehsuh Gihduz hwj dangq lix lo.

Yozhanq It 2:29

Giqyienz faenhsou rox de ndwn ndaej cingq he, yiengq faenhsou couh ij wnggai rox, ndwn ndaej cingq hih vunz cungj dwg lwg Cangqdiq.

Yajgoz Saw 5:16

Sojhij faenhsou ij wnggai doxnginh loek, caemh ij doxbang, boux bang boux gouz Cangqdiq; yienghmwnq Cangqdiq couh yw faenhsou lo. Simndei simsoh hih vunz caensim gouz Cangqdiq, Cangqdiq couh hawj gyoengqde ndaej ciuq ndaw sim gyoengqde soj gouz hih hawj gyoengqde ndaej doiqyienh.

Hihbwzlaiz Saw 9:28

caemh doxdoengz, gannaeuz Gihduz caemh dwg ngaiz rai mbat dog lah, hoeng, de couh ndaej bang lajmbwn haujlai vunz rap coih lo. Yiengq gangj daengz de caiq dauq daeuj, de dauq daeuj mbouj dwg vih ij caiq rap coih hwj daeuj nej, dauq dwg vih ij gouq doenghheij vunz daengj de mwnq hwj dauq daeuj lah.

Gyahlahdaiq Saw 3:13

Hoeng, Gihduz gaenq dingj gyoengqraeuz vih mbouj soenhsouj fazliz hwj ngaiz mang hih, hawj gyoengqraeuz ndaej duet ok ngaiz mang he, aenvih ndaw Singqgingh ndaw de sij naeuz: Famz ngaiz ding youq gwnz faex hih cungj dwg ngaiz mang.

Lozmaj Saw 6:2

Gou naeuz sou ni hax, gaengjdingq mbouj dwg! Ciuq miz coih ma gangj, gyoengqraeuz caemhdangq gaenq rai lo; caiq ij baenzlwh naeuz caiq famh coih haem nej?

Gohlozsih Saw 3:3

aenvih haeuj aen seiqgyaiq neix hih faenhsou hih mingh gaenq rai lo. Faenhsou sinq Gihduz le, saen hih mingh gaenq caeuq Gihduz itheij yo youq Cangqdiq mwnq lo.

Lozmaj Saw 6:13

Caemh gaej gien aen ndang faenhsou hawj coih, hawj coih ndaej aeu ma guh vaihsaeh. Fanjgoqma, dauq ij dawz aen ndang faenhsou gien hawj Cangqdiq, hawj de ndaej aeu ma guh ndeisaeh. Yienghneix guh cij mbouj vuengj Cangqdiq gouq lix vunzrai.

Yozhanq Saw 1:29

Gajlaeng, daengz daixngeih ngoenz, guh sijlij dih Yozhanq yawjraen Yehsuh byaij goqdaeuj, couh naeuz: “Neq, yawj hax, duz yiengzlwg Cangqdiq, couh dwg boux bang vunz rap coih hih boux mwnq,

Lozmaj Saw 7:6

Hoeng, seizneix Mohsih fazliz gaenq mbouj ndaej guenjciq gyoengqraeuz haem lo, aenvih aeu fazliz guenjciq raeuz ma gangj, gyoengqraeuz gaenq rai lo. Gyoengqraeuz mbouj caiq ciuq gij gaeuq hih guhfap, couh dwg naeuz mbouj caiq soenhsouj Mohsih fazliz hwj swqhaeuh Cangqdiq haem lo, dauq dwg ciuq Hoenzsaenz Cangqdiq hih gij saen hih guhfap he ma swqhaeuh Cangqdiq hih lah.

Yozhanq It 3:7

Lwg hax, gaejyungh ngaiz vunz coemx; ndwn ndaej cingq hih vunz cij dwg vunz simndei simsoh, caemh luj Yehsuh yienghmwnq simndei simsoh.

Lozmaj Saw 6:7

aenvih vunz rai le, couh ndaej duet ok coih dih guenjciq lo.

Lozmaj Saw 6:16

Faenhsou caemh gag rox, faenhsou nyienh'eiq swqhaeuh bouxlawz, dingq bouxlawz, couh dwg bouxlawz dih hoiq; mboujguenj guh coih dih hoiq haj cixnaeuz guh Cangqdiq dih hoiq, cungj dwg hoiq. Guh coih dih hoiq, dwg hawj vunz ngaiz rai he, hoeng, guh Cangqdiq dih hoiq, dwg hawj vunz ndaej youq ndaw lwgra Cangqdiq suenq dwg boux mij'z coih he.

Gohlimzdoh Ngeih 6:17

Cangqdiq vanzlij caiq naeuz: Faenhsou mbouj dep gyoengqde, ij liz gyoengqde, mbouj bungq doenghgij uekcueg yaegyad he, gou couh hawj faenhsou guh gij vunz gou lo.

Geiq Dwzbaijyienz 5:30

Ngaiz faenhsou ding hwnj gyaq cixcib bae haihrai dih Yehsuh, baujcuk baujyouh cojgoeng raeuz dih Cangqdiq gaenq hawj de dauqlix lo.

Luqgyah Saw 4:18

Gij Hoenzsaenz Cangqdiq daiq gou, aenvih de senj gou, hawj gou cenz gij ndei siuhsiz de hawj gij vunz gungz. De baij gou daeuj bauqgauq naeuz: “Ngaiz gaemh dawz hih ndaej coengq, rafangz hih yawj ndaej raen, souh yazbwz hih ndaej swqyouz,”

Majdaiq Saw 5:20

Gou saedsaeh naeuz sou ni, cizfeih faenhsou youq ndaw lwgra Cangqdiq ndaej beij gij fazliz cenhgyah caeuq ndaej beij gij vunz Fazliqcaiq baij he ndwn ndaej cingq, mbouj nex, faenhsou gaengjdingq mbouj ndaej gaep haeuj guek Cangqdiq.”

Hihbwzlaiz Saw 12:13

caemh ij coih bingz diuz roen dangqnaj faenhsou, yienghneix couh ndaej hawj gij vunz ha vaij he mbouj ngaiz laemx, dauqfanj ndaej giengz ndei hwnjdaeuj.

Geiq Dwzbaijyienz 13:29

Gyoengqde guh liux ndaw Singqgingh sij miz gvanhhih de sojmiz dih saeh le, couh daj gwnz gyaq cixcib dawz de roengz ma, coengq haeuj ndaw moh bae.

Geiq Dwzbaijyienz 10:35

Cijaeu dwg soenhgingq de, guh saeh guh gij cingqheiq he, mboujguenj dwg aen guekgyalawz dih vunz, aen minzcuzlawz dih vunz, de cungj haenj.

Hihbwzlaiz Saw 7:26

Luj yienghneix hih hab'eiq habhoz Cangqdiq hih, mij maz guh doeg guh sieb hih, mij maz ndaej diudik hih; gij vunz miz coih he duek de, de mbouj simdoengh. Ak goq mbwn bae hih goengjsae dajbwiz daeuzdaeuz neix dwg ngamj gyoengqraeuz hih.

Gohlozsih Saw 2:20

Yiengq, ciuq yienghneix ma gangj, faenhsou gaenq caeuq Gihduz doengz rai lo, caemh ndaej duet ok aen seiqgyaiq neix hih yawjfap guenjciq he lo. Hoeng, faenhsou vihmaz vanzlij ij ciuq aen seiqgyaiq neix ma saenghhoz nej? Vihmaz vanzlij ij soenhsouj

Lozmaj Saw 6:22

Hoeng, seizneix faenhsou gaenq ndaej daj ndaw coih duet okdaeuj hwj guh Cangqdiq dih hoiq lo, ndaej guh boux hab'eiq habhoz Cangqdiq he dih vunz hwj ndaej seiqseiz lix lo.

Geiq Dwzbaijyienz 10:39

“Gyoengqraeuz dwzbaijyienz cungj dwg de youq ndaw gij dieg Youzdaiq vunz caeuq Yehluqsajlaengj Singz soj guh hih saeh dih cingqyinz. Gyoengq vunz mwnq engq dawz de ding hwnj gwnz gyaq cixcib bae rai.

Majdaiq Saw 27:26

Gajlaeng, Bijlahdoh ak mbouj goq gyoengq vunzlai le, couh ngaiz ciuq gyoengqde naeuz hih yienghmwnq bae guh lo, coengq Bahlahbah boux vunzfamh mwnq, hawj gij binggyep fad Yehsuh doh Yehsuh, hawj gyoengqde cwnjbiq dawz de ding hwnj gwnz gyaq cixcib bae.

Ok Ngaihgiz 28:38

Yaqlwnz dawz baj baiz neix cug youq najbyak couh dangq naeuz de gaenq rap hwnj gij vunz Hijswzlez bwiz gou hih mwhde guh loek he lo. De ij siengzseiz dawz baj baiz neix cug youq najbyak; yienghneix gou, Yehhozvaz, caemh haenj gij vunz Hijswzlez nyok hawj gou hih doxgaiq.

Hijfuzsoj Saw 5:9

(Couh dwg naeuz rongh ndaej hawj vunz miz aen sim soh he, ndaej hawj vunz ndwn ndaej cingq, ndaej hawj vunz lauxsaed.)

Yozhanq Saw 19:1

Gyoengq vunz yienghneix hemq le, Bijlahdoh couh hawj vunz dawz diuz bien ma fad Yehsuh.

Feihlizbij Saw 1:11

Caemh muengh faenhsou baengh Yehsuh Gihduz hwj guh gij saeh ndaej yienh ok dwg gij vunz youq ndaw lwgra Cangqdiq suenq dwg mij'z coih he; yienghneix vunz couh haenh Cangqdiq, hawj Cangqdiq najrongh lo.

Majgoj Saw 15:15

Gajlaeng, Bijlahdoh ak mbouj goq gyoengq vunzlai, cix ijsiengj bungj gyoengq vunzlai hawj gyoengqde haenjheiq le, couh ciuq gyoengqde hemq hih yienghmwnq coengq Bahlahbah. Gajlaeng de couh mingqlingq hawj vunz aeu diuz bien naeng he ma fad Yehsuh, youhcaiq ajcaih vunz dawz de bae ding hwnj gwnz gyaq cixcib bae vangraeh.

Gohlimzdoh It 15:3

Gou dawz vunz cenz hawj gou ceiq cungqyauq hih siuhsiz cenz hawj faenhsou, couh dwg: Gihduz, ciuq Singqgingh ndaw de soj sij hih, vih gyoengqraeuz cueg coih hwj ngaiz rai lo,

Gohlozsih Saw 2:14

Vih ij hawj gyoengqraeuz ndaej caeuq de itheij dauqlix, de couh bang gyoengqraeuz dawz famh coih hih doiq gyoengqraeuz mbouj liq dih dangjnganq cawz bae liux, ding hwnj gwnz gyaq cixcib bae cawz liuxliux.

Hihbwzlaiz Saw 10:5

Sojhij, Gihduz daeuj daengz lajmbwn guh vunz hih mwhde, de doiq Cangqdiq naeuz: Mwngz mbouj haenj vunz soengq hih doxgaiq caeuq gij dajbwiz nej, dauq haenj aen ndang gou, mwngz soj cwnjbiq hih lah.

Hihbwzlaiz Saw 10:10

Yehsuh Gihduz, ciuq Cangqdiq dih cawjeiq, de mbat dog couh yungh aen ndang bonjfaenh de ma guh dajbwiz hwj hawj gyoengqraeuz ndaej yungjyenj ndaej guh gij vunz Cangqdiq.

Lizsij dih Gaihcij 22:6

Raengq sat le, de couh dawz gij liu hawj daeglwg de gwed; bonjfaenh de cix dawz gyoqfeiz caeuq cax. Couh yienghneix, bohlwg vunz couh hwnj bya bae noengxnoengx lo.