Bijdwz It 2:22 - Gij Baujcingq Moq Caeuq Geij Bonj Gij Baujcingq Daeuzdaeuz

²² Gihduz de mij famh coih goq, caemh mij gangj gyajvah goq.

Bijdwz It 2:22 ပူးပေါင်းရင်းမြစ်များ

Hihbwzlaiz Saw 4:15

Boux goengjsae dajbwiz daeuzdaeuz neix mbouj dwg naeuz mbouj rox gyoengqraeuz siengj guh vaihsaeh hih sim, dauqfanj de caeuq gyoengqraeuz doxdoengz caemh ngaiz souh daengz yaeuh, sawq, cijmboujgoq de mij ngaiz famh coih lah.

Gohlimzdoh Ngeih 5:21

Cangqdiq hawj boux mij coih mwnq, couh dwg Gihduz, dingj gyoengqraeuz rap coih hwj hawj gyoengqraeuz ndaej youq ndaw lwgra Cangqdiq bienqbaenz mij'z coih he hih vunz.

Yozhanq It 3:5

Faenhsou caemh rox, Yehsuh dwg mij'z coih hih. De daeuj lajmbwn dwg vih ij hawj vunz youq ndaw lwgra Cangqdiq bienqbaenz mij'z coih he.

Gihduz Hawj Vunz Rox 14:5

Gyoengqde coengzlaiz mbouj gangj gyajvah, cungj dwg mij maz ndaej diudik he hih.

Yozhanq It 2:1

Cinhngaiq dih lwg gou hax, gou sij doenghgij saeh neix naeuz faenhsou ni dwg vihliux mbouj hawj faenhsou caiq famh coih. Hoeng, hauhnaeuz miz vunz famh coih nex, gyoengqraeuz miz Yehsuh Gihduz, boux mij'z coih neix, daeuj bang gyoengqraeuz, bang gyoengqraeuz youq dangqnaj Bohmbwn gangj vah.

Hihbwzlaiz Saw 9:28

caemh doxdoengz, gannaeuz Gihduz caemh dwg ngaiz rai mbat dog lah, hoeng, de couh ndaej bang lajmbwn haujlai vunz rap coih lo. Yiengq gangj daengz de caiq dauq daeuj, de dauq daeuj mbouj dwg vih ij caiq rap coih hwj daeuj nej, dauq dwg vih ij gouq doenghheij vunz daengj de mwnq hwj dauq daeuj lah.

Luqgyah Saw 23:41

Hab'eiq raeuz ngaiz ding lo, aenvih ngamqluj bauqwngq raeuz soj famh hih coih, hoeng boux neix, de mij guh vaihsaeh hah.”

Yozhanq Saw 8:46

“Faenhsou ndaw neix miz byawz ndaej cingqmingz naeuz gou dwg miz coih he nej? Mbouj miz bax! Yiengq, giqyienz gou gangj gij saedsaeh he lo, faenhsou vihmaz cungj lij mbouj sinq gou nej?

Yozhanq Saw 1:47

Song boux de yienghneix gangj le, couh byaij goq bae yawj Yehsuh. Couh youq mwh Yehsuh yawjraen Nazdanqnez byaij goq laeng de daeuj hih mwhde, de naeuz: “Neq, yawj veiq, boux mwnq cingqcaen dwg vunz Hijswzlez; de dwg boux lauxlaux saedsaed mij coemx vunz goq he.”

Luqgyah Saw 23:47

Yiengq youq mwnq miz boux Lozmaj lienzcangj he raen doenghgij saeh neix le, couh haenh Cangqdiq naeuz: “Ox! Boux neix cingqcaen dwg vunz ndei!”

Majdaiq Saw 27:19

Cingq youq mwh Bijlahdoh naengh youq mwnq aen daiz saemjbuenq mwnq ij saemjbuenq hih mwhde, mehyah Bijlahdoh baij vunz daeuj naeuz de ni naeuz: “Mwngz gaejyungh guenj gij saeh boux vunz ndei neix. Ngoenzlwenz singjngwnz gou vih boux vunz neix hwj fangxngwnzloq gij lau he; ndaw sim gou cungj roxnginh mbouj onj.”

Majdaiq Saw 27:4

“Gou hai boux vunz ndei mij'z coih he! Gou dwg miz coih hih!” Gyoengqde dingq le, han de naeuz: “Gan raeuz maz saeh hax; gijn'x dwg mwngz hih saeh!”