Bijdwz It 2:21 - Gij Baujcingq Moq Caeuq Geij Bonj Gij Baujcingq Daeuzdaeuz

²¹ Cangqdiq senj faenhsou dih muzdiz dwg ij hawj faenhsou yienghneix guh hih, aenvih Gihduz caemh vih faenhsou hwj ngaiz souh nanh, hawj faenhsou guh ndei bangjyangq, hawj faenhsou gaen de guh, hag de.

Bijdwz It 2:21 ပူးပေါင်းရင်းမြစ်များ

Yozhanq It 2:6

Sojhij, hauhnaeuz bouxlawz naeuz bonjfaenh de dwg haeuj buek vunz Cangqdiq hih, de couh ij hag Yehsuh.

Majdaiq Saw 16:24

Yehsuh yienghneix naeuz Bijdwz le, couh doiq gyoengq lwgsae naeuz: “Hauhnaeuz faenhsou ijsiengj daeuj gaen gou hih, couh ij sijndaej diuz mingh bonjfaenh, ij ngoenzngoenz aemq aen gyaq cixcib daeuj gaen gou cij ndaej.

Yozhanq Saw 13:15

Gou guh bangjyangq hawj faenhsou dwg vih ij hawj faenhsou ciuq gou soj guh hih bae guh.

Hijfuzsoj Saw 5:2

Doiq vunz guh saeh caemh ij miz aen sim aiq vunz he, cingq luj Gihduz aiq raeuz yienghmwnq; de sijndaej diuz mingh bonjfaenh, aeu ma guh gij rang fwtfwt he hwj bwiz Cangqdiq.

Yozhanq It 3:16

Yehsuh Gihduz vih gyoengqraeuz rai. Aeu gij neix ma yawj, gyoengqraeuz couh rox gijmaz dwg aiq. Yiengq gyoengqraeuz caemh wnggai vih beixnuengx hwj sijndaej diuz mingh bonjfaenh.

Bijdwz It 2:24

De ngaiz ding hwnj gwnz gyaq cixcib bae rai, caenndang rap gij coih gyoengqraeuz, hawj gyoengqraeuz ndaej duet ok coih mbouj caiq ngaiz coih gaemhanh, hawj gyoengqraeuz ndaej goq cungj saenghhoz Cangqdiq haenjheiq he. Aenvih de soj souh hih sieng, faenhsou ndaej yw ndei lo.

Gohlimzdoh It 11:1

Faenhsou wnggai hag gou, caemh luj gou hag Gihduz yienghmwnq.

Bijdwz It 4:1

Yiengq, giqyienz Gihduz souh nanh goq lo, faenhsou caemh ij wnggai caeuq de doxdoengz miz aen sim he cwnjbiq souh nanh, aenvih ngaiz souh nanh goq hih vunz gaenq caeuq coih doxbiek, duet ok coih lo.

Feihlizbij Saw 2:5

Faenhsou wnggai miz Yehsuh Gihduz yienghmwnq hih sim.

Majdaiq Saw 11:29

Mboujgoq faenhsou ij dawz aen ek gou hawj faenhsou dawz he daeuj gaen gou hag gou, hag gou sim'unq simsoh; yienghneix, faenhsou cij ndaej sim'onj.

Lozmaj Saw 8:29

aenvih Cangqdiq gaenq sien rox byawz dwg gij vunz de, de couh senj okdaeuj lo, hawj gyoengqde caeuq daeglwg de doxluj ndaej hab'eiq habhoz de. De yienghneix guh dwg hawj daeglwg de ndaej youq haujlai beixnuengx ndaw de dang lwgdaeuz.

Geiq Dwzbaijyienz 14:22

ma geij mwnq neix gujliq gyoengq lwgsae hawj gyoengqde ij gyenhciz sinq Yehsuh, yungjyenj mbouj bienq sim, caiq naeuz gyoengqde ni naeuz: “Gyoengqraeuz ijsiengj haeuj aen guek Cangqdiq, couh bietdingh ij ngaiz souh daengz gak cungj nanh.”

Bijdwz It 3:18

Gihduz de caemh dwg yienghneix; de vih ij mbat dog couh ndaej bang gyoengqraeuz daixgya rap coih hwj ngaiz rai lo, hoeng, de coengzlaiz cungj mij famh coih goq, dauq vih gij vunz miz coih hih hwj ngaiz rai lah, vih dwg ij daiq gyoengqraeuz bae daengz Cangqdiq mwnq. De yienghneix ngaiz rai, ciuq ndangnoh ma gangj, de rai lo, hoeng, ciuq hoenzsaenz ma gangj, de dauqlix lo.

Majdaiq Saw 10:38

Mbouj aemq aen gyaq cixcib bonjfaenh daeuj gaen gou hih caemh mbouj boiqndaej guh lwgsae gou.

Bijdwz It 3:9

Mbouj ndaej vunz famh mwngz mwngz caemh famh vunz, vunz yug mwngz mwngz caemh yug vunz; dauqfanj ij hoh fuk hawj vunz, aenvih Cangqdiq senj faenhsou dwg hawj faenhsou yienghneix guh hih, dwg vih ij hawj faenhsou ndaej daengz de dih fuk hih.

Yozhanq Saw 16:33

Gou naeuz sou ni doenghgij neix dwg ij hawj faenhsou dunghgoq gou hwj ndaej bingzan. Cijmboujgoq faenhsou youq lajmbwn ij ngaiz miz nanh, hoeng, faenhsou gaejyungh you, aenvih gou gaenq ak goq aen seiqgyaiq neix lo.”

Gihduz Hawj Vunz Rox 12:11

Gyoengq beixnuengx ndaej hingz dwg baengh yiengzlwg riuz hih lwed caeuq baengh bonjfaenh gyoengqde soj cenzgangj dih gij saedsaeh Cangqdiq, sijndaej diuz mingh bonjfaenh hwj guh Yehsuh Gihduz dih cingqyinz hwj ndaej hingz hih.

Hihbwzlaiz Saw 2:10

Boux vih bonjfaenh de hwj cauh gwnzmbwn lajdeih sojmiz dih Cangqdiq, de vih ij hawj doenghheij lwg de ndaej najrongh, couh hawj Yehsuh dunghgoq souh nanh hwj ndaej guh boux ndei liuxliux dingxdaeuz gouq vunz he; de yienghneix guh dwg ngamj hih,

Dizmohdaiq Ngeih 3:12

Gizsaed mwngz caemh wnggai rox, famz siengj gaen Yehsuh Gihduz hwj guh hab'eiq habhoz Cangqdiq dih vunz cungj ij ngaiz souh daengz bwkhaih.

Bijdwz It 1:20

Yiengq, couh vih gij neix hwj Cangqdiq daj cauh mbwn cauh deih cihsenz cix gyezdingq senjdingh Gihduz lo, hoeng, vih faenhsou hwj de dauj youq ciqgyaiq dih duenh gatsat de, couh dwg seizneix, cij yienh okdaeuj lah.

Dezsajloznizgyah It 4:2

Faenhsou caemh rox gyoengqraeuz baengh bouxcawj raeuz Yehsuh Gihduz hwj cenz hawj faenhsou hih dwg gijmaz mingqlingq.

Dezsajloznizgyah It 3:3

Gyoengqraeuz baij de bae bang faenhsou, mienxndaej miz vunz ngaiz souh daengz nanh hwj doeknaiq, sinqsim mbouj gyenhdingq. Faenhsou caemh rox, gyoengqraeuz souh nanh baenjlaiz dwg Cangqdiq dih cawjeiq hih.

Geiq Dwzbaijyienz 17:3

gaijyiz naeuz Gihduz gaengjdingq ij ngaiz vunz haihrai, caemh gaengjdingq ndaej dauqlix. De vanzlij caiq doiq gyoengqde naeuz: “Gou gangj naeuz sou ni hih boux Yehsuh neix couh dwg Gihduz.”

Geiq Dwzbaijyienz 9:16

Gou caemh ij hawj de rox vih gou hwj ngaiz souh daengz geijlwh nanh.”

Luqgyah Saw 24:26

Gyoengqsou mbouj dwg gaenq rox, gaxgonq gaenq miz gangj goq naeuz Gihduz ij ngaiz vunz haih cij ndaej bienqbaenz boux veijdaq dih vuengz maz?”

Bijdwz It 4:13

dauqfanj ij vih miz gihveiq luj Gihduz yienghmwnq souh nanh hwj angq cij deng. Yienghneix, daengz Gihduz najrongh hih mwhde, couh dwg Gihduz de dauq daeuj hih mwhde, faenhsou couh ndaej engqgya angq.