Bijdwz It 1:7 - Gij Baujcingq Moq Caeuq Geij Bonj Gij Baujcingq Daeuzdaeuz

⁷ Faenhsou souh daengz gaujniemq dih muzdiz dwg ij cingqmingz faenhsou sinq Gihduz hih sim dwg cingqcaen, dwg beij gij gim dunghgoq feiz ma dizlenq okdaeuj hoeng vanzlij rox vaih hih, vanzlij dijbauj lah; yienghneix faenhsou daengz mwh Yehsuh Gihduz dauq daeuj hih mwhde, faenhsou couh ndaej haenh, ndaej najrongh, ndaej hawj vunz soenhcungq faenhsou lo.

Bijdwz It 1:7 ပူးပေါင်းရင်းမြစ်များ

Yajgoz Saw 1:12

Dingx ndaej gaujniemq hih vunz dwg miz fuk hih, aenvih de dunghgoq gaujniemq ndaej gaeuqgwz le, couh cangjliq ndaej seiqseiz lix dih gij najrongh mwnq lo; gij najrongh neix dwg bouxcawj raeuz baujcingq hawj gij vunz aiq de he.

Bijdwz It 4:12

Cinhngaiq dih gak boux beixnuengx hax, faenhsou gaejyungh vih roeb daengz nanh dih gaujniemq hwj geizheih, lujnaeuz yienghneix mbouj dwg cingqcangz he,

Lozmaj Saw 2:7

Daengz saemjbuenq mwhde, de couh ij hawj doenghheij vih siengj ndaej daengz najrongh caeuq seiqseiz lix hwj gyenhciz guh ndeisaeh dih vunz, hawj gyoengqde mbouj rox rai, hawj gyoengqde seiqseiz caeuq de youq.

Gohlimzdoh It 3:13

daengz mwhde swhmboujyienz loh okdaeuj, aenvih daengz ngoenz saemjbuenq vunz lajmbwn hih ngoenz mwnq dwg daiq miz feiz he; gij feiz neix dwg ndaej yienh ok gak vunz soj dab guh hwnq hwnjbae hih dauqdaej dwg baenzlaw yiengh.

Youzdaq Saw 1:24

Cangqdiq cij dwg gouq gyoengqraeuz hih bouxcawj. [24]De ndaej baujhuq faenhsou, mbouj hawj faenhsou ngaiz famh coih, hawj faenhsou ndaej guh boux mij gijmaz ndaej diudik he, ndaej angq vaujvauq hwj ndwn youq dangqnaj de. [25]Muengh dunghgoq bouxcawj raeuz Yehsuh Gihduz, najrongh miz vi miz rengz miz gienz daj gaihcij daengz seizneix daengz yungjyenj cungj dwg gvi hawj caenhgag de cij dwg Cangqdiq he! Ahmaenz.

Bijdwz Ngeih 1:4

Aenvih de yienghneix veijdaq, haijliengh, sojhij de couh baujcingq nyok hawj gyoengqraeuz ceiq dijbauj ceiq veijdaq he, hawj gyoengqraeuz ndaej duet ok aen seiqgyaiq neix hih siengjmuengh yalw hawj vunz ngaiz satsoq he hwj hawj gyoengqraeuz ndaej miz faenh miz gij baenjsingq Cangqdiq.

Bijdwz It 2:4

Faenhsou ij wnggai gaep haeuj bouxcawj raeuz Yehsuh Gihduz, aenvih de dangq dwg lix hih rin; gannaeuz vunz vwt de yiem de lah, hoeng, Cangqdiq dauq yawj de dij, senj de ma guh ngauq rin mbouj ndaej noix he.

Majdaiq Saw 25:21

“Bouxcawj dingq le, couh doiq de naeuz: ‘Mwngz guh ndaej ndei lo! Mwngz cingqcaen dwg bouxhoiq ndei he. Aenvih mwngz guh gij saeh iq he cungj ndaej hawj vunz coengqsim, gou ij hawj mwngz guenj gij saeh engqgya hung he. Daeuj, haeuj daeuj caeuq gou itheij yangjcouq bax!’

Gihduz Hawj Vunz Rox 3:10

Aenvih mwngz gyenhciz ciuq gou gangj hih yienghmwnq bae guh, sojhij daengz baezneix lajmbwn sojmiz hih vunz cungj souh daengz daixnanh, cungj ngaiz sawq hih mwhde, gou gaengjdingq ij baujhuq mwngz.

Gihduz Hawj Vunz Rox 2:10

Gou naeuz mwngz ni, mwngz gaej lau mwngz ij ngaiz souh daengz hih nanh, couh dwg fangzvuengz ij dawz faenhsou ndaw de geij boux bae gyaeng, bae sawq, bwkhaih cib ngoenz. Mwngz cungj ij gyenhciz, rai cungj mbouj lau; yienghmwnq gou couh nyok cangjbyimj hawj mwngz ndaej seiqseiz lix.

Gihduz Hawj Vunz Rox 1:7

Gou naeuz sou ni, cenz lajmbwn sojmiz hih vunz cungj ij yawjraen de caeuq gij fwj daj gwnzmbwn roengz daeuj, daiqlienz ndaemq de hih vunz cungj ij yawjraen de. De daeuj hih mwhde, lajmbwn sojmiz hih minzcuz cungj siengsim gikheiq hwj daej. Doenghgij saeh neix gaengjdingq ij fatseng. Ahmaenz.

Gohlimzdoh It 4:5

Sojhij faenhsou cungj mbouj ndaej youq bouxcawj raeuz mijyaengz dauq daeuj cihsenz gag luenh bingz vunz. Daengj daengz de dauq daeuj mwhde, de swhmboujyienz byoq gij miqmiz vunz, loh ok vunz dih siengjfap. Daengz mwhmwnq, Cangqdiq gaengjdingq ciuq gak vunz boiqndaej haenh hih ma haenh.

Geiq Dwzbaijyienz 8:20

Bijdwz raen de yienghneix le, couh doiq de naeuz: “Mwngz caeuq gij ngaenz mwngz got rai bax! Mwngz gingqyienz luenh siengj, siengj aeu ngaenz ma cawx gij fuk Cangqdiq!

Yozhanq Saw 12:26

Gou youq mwnqlaw, bouxhoiq gou caemh ij youq mwnqlaw. Couh dwg naeuz byawz siengj daeuj swqhaeuh gou hih, couh bietdingh ij daeuj gaen gou. Swqhaeuh gou hih vunz, daxboh gaengjdingq hawj de ndaej najrongh.”

Yozhanq Saw 5:44

Faenhsou caenhrox yawjnaek doxhaenh, dauq mbouj dawz haeuj rwz boux caencwnz mwnq haenh mbouj haenh faenhsou; yiengq ij baenzlaw bae sinq gou nej?

Luqgyah Saw 12:33

Sojhij, faenhsou ij sijndaej dawz gij doxgaiq faenhsou hai bae, dawz gij ngaenz faen hawj vunz gungz, vih bonjfaenh cwnjbiq aen ngaenzbau mbouj rox vaih, mbouj rox naeuh he, youq gwnzmbwn ngaenz yungh mbouj rox liux he, aenvih gwnzmbwn mbouj miz caeg, caemh mbouj miz non sae.

Majdaiq Saw 25:23

“Bouxcawj dingq le, caemh doiq de naeuz: ‘Mwngz guh ndaej ndei lo! Mwngz cingqcaen dwg bouxhoiq ndei he. Aenvih mwngz guh gij saeh iq he cungj ndaej hawj vunz coengqsim, gou ij hawj mwngz guenj gij saeh engqgya hung he. Daeuj, haeuj daeuj caeuq gou itheij yangjcouq bax!’

Majdaiq Saw 19:28

Yehsuh dingq le, caiq doiq gyoengqde naeuz: “Gou saedsaeh naeuz sou ni, daengj daengz Cangqdiq dauqyungz dawz de soj cauh hih cungj luj gaxgonq yienghmwnq ndei boiz bae, gou, Vunz dih Daiqbiuj, couh naengh youq aen lungzeij rongh sagsag he, daengz mwhde, faenhsou gaen gou hih vunz caemh ij ndaej naengh youq cibngeih aen eij gwnz de hwj saemjbuenq gij vunz Hijswzlez dih cibngeih aen cuz lo.

Gihduz Hawj Vunz Rox 3:18

Sojhij gou vanzlij dwg gienq mwngz laeng gou cawx gij gim gaenq dizlenq goq he suenq lox, yienghmwnq hawj mwngz ndaej bienqbaenz cingqcaen fouqmiz he, hawj mwngz ndaej cawx buh bieg, ndaej daenj hwj cw aen ndangnoh hawj vunz rox saetnaj saetnyaenq mwngz, caemh ndaej cawx yw ra ma cat cehra mwngz, hawj mwngz yawj ndaej raen.

Bijdwz Ngeih 1:1

Gou dwg Sihmaenz-Bijdwz, dwg bouxhoiq Yehsuh Gihduz, caemh dwg boux dwzbaijyienz de he. Gou sij saenq hawj faenhsou doenghheij caeuq gyoengqraeuz doxdoengz vih Cangqdiq raeuz, bouxcawj gouq vunz dih Yehsuh Gihduz, ndwn ndaej cingq hih hwj ndaej miz aen sim dijbauj sinq Gihduz hih hwj sij hih.

Bijdwz It 2:7

Sojhij doiq faenhsou doenghheij sinq de hih vunz ma gangj, Gihduz, ngauq rin neix dwg dijbauj hih, hoeng, doiq doenghheij mbouj sinq de hih vunz ma gangj, Gihduz, ngauq rin neix couh dangq luj youq ndaw Singqgingh ndaw de soj sij naeuz hih: Doenghheij canghranz dajcaep yiem de vwt de he, seizneix dauq dwg ngauq rin gok ranz mbouj ndaej noix he.

Bijdwz It 1:5

Cangqdiq vih faenhsou sinq de hwj de couh yungh gij akak rengzrengz de ma baujhuq faenhsou, hawj faenhsou ndaej de soj cwnjbiq hih, couh dwg youq ngoenz gatsat yienh hawj gyoengqraeuz rox ndaej gouq dwg baenxlai dih ndei.

Luqgyah Saw 17:30

“Daengz gou, Vunz dih Daiqbiuj, yienh okdaeuj hih mwhde caemh doxdoengz.

Lozmaj Saw 2:10

hoeng sojmiz guh ndei he, Cangqdiq dauq haenh gyoengqde, hawj gyoengqde roxnginh najrongh, roxnginh sim'onj, daixit, sien dwg gij vunz Youzdaiq, gajlaeng cij daengz gij vunz linghvaih minzcuz he.

Lozmaj Saw 8:19

Sojmiz cauh okdaeuj hih cungj ba'mboujmuengh gyoengq lwg Cangqdiq yienh okdaeuj,

Bijdwz It 1:13

Sojhij, faenhsou ij singqsag guh ndei cwnjbiq, wnggai miz sinqsim, mbouj doeknaiq hwj muengh daengj daengz Yehsuh Gihduz dauq daeuj hih mwhde doiq faenhsou haijliengh.

Bijdwz It 4:13

dauqfanj ij vih miz gihveiq luj Gihduz yienghmwnq souh nanh hwj angq cij deng. Yienghneix, daengz Gihduz najrongh hih mwhde, couh dwg Gihduz de dauq daeuj hih mwhde, faenhsou couh ndaej engqgya angq.

Bijdwz It 5:1

Gou dwg gyauqveiq dih lingjdauj, caemh dwg caenra raen Gihduz souh nanh he, caiq dwg ndaej yangjcouq de baezneix ij yienh okdaeuj hih veijdaq he. Gou gienq faenhsou gak boux gyauqveiq dih lingjdauj,

Bijdwz Ngeih 3:14

Sojhij cinhngaiq dih gak boux beixnuengx hax, giqyienz faenhsou muengh daengj doenghgij saeh neix, couh ij wnggai roengzrengz hawj faenhsou mij maz loek, mij maz ndaej diudik he, mij naeuz mboujeiqseiq he hwj caeuq Cangqdiq doxhuz.