Bijdwz It 1:6 - Gij Baujcingq Moq Caeuq Geij Bonj Gij Baujcingq Daeuzdaeuz

⁶ Sojhij faenhsou ij wnggai angq raixcaix, hoeng, cijmboujgoq seizneix faenhsou camqciz aiq ij roeb daengz gak cungj gaujniemq hwj roxnginh siengsim.

Bijdwz It 1:6 ပူးပေါင်းရင်းမြစ်များ

Yajgoz Saw 1:2

Gak boux beixnuengx hax, faenhsou roeb daengz gak cungj gaujniemq hih, ij wnggai nginh dwg gienh saeh ndei he hwj sim'angq;

Bijdwz It 5:10

Hoeng, faenhsou souh goq duenh nanh he le, boux doiq vunz haijliengh raixcaix aiq vunz raixcaix dih Cangqdiq, couh dwg senj faenhsou, hawj faenhsou dunghgoq Gihduz ndaej yungjyenj najrongh dih Cangqdiq, gaengjdingq caenndang hawj faenhsou ndaej fuk hwnjdaeuj, hawj faenhsou sinqsim gyenhdingq, hawj faenhsou miz rengz mbouj doeknaiq, hawj faenhsou ndaej caep giek ndei.

Lozmaj Saw 12:12

Mboujguenj daengj hajx cixnaeuz muengh, cungj ij miz aen sim vuenheij he; miz nanh ij naenxsim; gouz Cangqdiq ij miz sinqsim.

Lozmaj Saw 5:2

Caemh aenvih gyoengqraeuz sinq, yiengq couh ndaej dunghgoq Yehsuh Gihduz hwj mbeihung ciep aeu Cangqdiq nyok hawj dih aiq, hawj gyoengqraeuz ndaej miz muengh do aeu gij rongh Cangqdiq, hawj gyoengqraeuz ndaej angq raixcaix.

Majdaiq Saw 5:12

Faenhsou wnggai riuriu angqangq, aenvih youq gwnzmbwn Cangqdiq ij miz haujlai cangj hawj faenhsou, caemh aenvih youq dangq gaxgonq faenhsou caemh miz boux cenz gij vah Cangqdiq caemh yienghneix ngaiz vunz haih goq.”

Yozhanq Saw 16:33

Gou naeuz sou ni doenghgij neix dwg ij hawj faenhsou dunghgoq gou hwj ndaej bingzan. Cijmboujgoq faenhsou youq lajmbwn ij ngaiz miz nanh, hoeng, faenhsou gaejyungh you, aenvih gou gaenq ak goq aen seiqgyaiq neix lo.”

Yozhanq Saw 16:22

Caemh doxdoengz, faenhsou seizneix gannaeuz miz youheiq lah, hoeng, daengj daengz gou dauqlix caiq ndaej raen faenhsou hih mwhde, faenhsou couh angq vaujvauq lo; mbouj danhcij yienghneix, faenhsou sim'angq hih mij vunz ndaej dued aeu bae.

Majdaiq Saw 11:28

“Daeuj bax, doenghheij cienfanh dwgrengz sinhoj hih vunz hax, faenhsou daeuj gaen gou bax. Gou ndaej hawj faenhsou duet ok dwgrengz sinhoj hwj ndaej yietbaeg hih.

Lozmaj Saw 5:11

Mbouj danhcij naeuz gyoengqraeuz dunghgoq bouxcawj raeuz Yehsuh Gihduz hwj gaenq ndaej caeuq Cangqdiq doxhuz, caemh vanzlij dunghgoq de hwj hawj gyoengqraeuz ndaej vih Cangqdiq sim'angq.

Geiq Dwzbaijyienz 14:22

ma geij mwnq neix gujliq gyoengq lwgsae hawj gyoengqde ij gyenhciz sinq Yehsuh, yungjyenj mbouj bienq sim, caiq naeuz gyoengqde ni naeuz: “Gyoengqraeuz ijsiengj haeuj aen guek Cangqdiq, couh bietdingh ij ngaiz souh daengz gak cungj nanh.”

Luqgyah Saw 10:20

Hoeng, faenhsou gaejyungh vih fangz fug faenhsou hwj angq; faenhsou wnggai ij dwg vih gij coh faenhsou ndaej daengh haeuj ndaw guek Cangqdiq bae hwj angq cij deng.”

Bijdwz It 4:7

Sojmiz hih couh ij daengz gatsat lo, sojhij faenhsou ij siujsim ij baujciz daezsingj, gag rox haed bonjfaenh, yienghneix couh ndaej haemq ndei gouzhaenh Cangqdiq lo.

Yajgoz Saw 4:9

Gou naeuz sou ni hax, faenhsou mbouj wnggai vih aen seiqgyaiq neix hwj riuriu angqangq, dauq ij vih faenhsou mbouj ndaej guh daengz hab'eiq habhoz Cangqdiq hwj ienqienq youyou daejdaej, siengsim siengsim cij deng.

Gohlimzdoh Ngeih 4:17

Gyoengqraeuz camqciz souh daengz hih di nanh neix, cingq dwg ij hawj gyoengqraeuz ndaej yungjyenj engqgya lai dih najrongh lah.

Yajgoz Saw 1:9

Gungzndangj hih beixnuengx hax, wnggai angq, aenvih faenhsou youq ndaw lwgra Cangqdiq suenq dwg najrongh hih.

Feihlizbij Saw 3:3

Gizsaed cingqcaen gozlij hih mbouj dwg gyoengqde nej, dauq dwg gyoengqraeuz lah, aenvih gyoengqraeuz baengh Hoenzsaenz Cangqdiq hwj baiq Cangqdiq, vih miz Gihduz hwj haenh, mbouj dwg baengh ndangnoh hwj guh hab'eiq habhoz Cangqdiq hih nej.

Gohlimzdoh Ngeih 6:10

lujnaeuz siengsim, hoeng, dauq vuenheij; lujnaeuz gungz, hoeng, dauq ndaej hawj haujlai vunz fouq; lujnaeuz mij saek yiengh, hoeng, dauqfanj yienghyiengh cungj miz.

Dezsajloznizgyah It 1:6

faenhsou caemh hag gyoengqraeuz caeuq bouxcawj raeuz Yehsuh Gihduz; gannaeuz faenhsou roeb daengz nanh lah, hoeng, ciuqyiengh miz Hoenzsaenz Cangqdiq hawj hih angq, ciuqyiengh dingq gij vah Cangqdiq.

Feihlizbij Saw 4:4

Faenhsou wnggai baengh bouxcawj raeuz hwj siengzseiz vuenheij. Gou caiq naeuz mbat haem, faenhsou ij wnggai vuenheij!

Gyahlahdaiq Saw 5:22

Hoeng, hauhnaeuz faenhsou hawj Hoenzsaenz Cangqdiq guenjleix faenhsou dih saenghhoz nex, faenhsou couh ndaej giet gij mak gyaeugyaeu ndeindei he lo. Gij mak neix couh dwg aiq, vuenheij, hozbingz, naenxsim, sim'unq, lauxsaed, simndei simsoh,

Feihlizbij Saw 2:26

De siengj faenhsou raixcaix; de rox naeuz faenhsou rox de bingh le, de engqgya roxnginh sim mbouj onj.

Luqgyah Saw 2:10

Gajlaeng bouxcai mwnq doiq gyoengqde naeuz: “Gaejyungh lau, gaejyungh lau! Daengj gwh naeuz sou ni gienh saeh ndei he; gienh saeh ndei neix ndaej hawj lajmbwn sojmiz dih vunz cungj gig vuenheij he.

Luqgyah Saw 1:47

Ndaw sim gou dwg vih de gouq gou hwj angq!

Majdaiq Saw 26:37

De yienghneix raengq le, couh daiq Bijdwz caeuq song daeglwg Sihbiqdaiq, Yajgoz caeuq Yozhanq, bae. Mwhneix ndaw sim de caemh gaihcij you, siengsim lo.

Bijdwz It 3:17

Yiengq, hauhnaeuz faenhsou vih guh ndeisaeh hwj ngaiz souh nanh, caemh dwg Cangqdiq dih cawjeiq hih, couh giengz goq vih guh vaihsaeh hwj ngaiz souh nanh hih.