Bijdwz It 1:5 - Gij Baujcingq Moq Caeuq Geij Bonj Gij Baujcingq Daeuzdaeuz

⁵ Cangqdiq vih faenhsou sinq de hwj de couh yungh gij akak rengzrengz de ma baujhuq faenhsou, hawj faenhsou ndaej de soj cwnjbiq hih, couh dwg youq ngoenz gatsat yienh hawj gyoengqraeuz rox ndaej gouq dwg baenxlai dih ndei.

Bijdwz It 1:5 ပူးပေါင်းရင်းမြစ်များ

Feihlizbij Saw 1:6

Yiengq, giqyienz Cangqdiq gaenq youq gwnz ndang faenhsou guh gij saeh ndei hih lo, gou sinq de gaengjdingq giqcuz guh roengzbae, itcig guh daengz Yehsuh Gihduz dauq daeuj hih ngoenz mwnq gaengjdingq ndaej guh liuxliux.

Hijfuzsoj Saw 2:8

Faenhsou ndaej gouq dwg vih Cangqdiq dih haijliengh hwj faenhsou sinq de cij ndaej gouq; mbouj dwg faenhsou gag ndaej law, dauq dwg Cangqdiq begbeg nyok hawj hih lah;

Bijdwz It 1:13

Sojhij, faenhsou ij singqsag guh ndei cwnjbiq, wnggai miz sinqsim, mbouj doeknaiq hwj muengh daengj daengz Yehsuh Gihduz dauq daeuj hih mwhde doiq faenhsou haijliengh.

Youzdaq Saw 1:1

Gou dwg Youzdaq, dwg daegnuengx Yajgoz, dwg bouxhoiq Yehsuh Gihduz. Seizneix gou sij saenq hawj faenhsou doenghheij Cangqdiq Bohmbwn senjdingh okdaeuj he, aiq he, Yehsuh Gihduz goqhoh he.

Hihbwzlaiz Saw 9:28

caemh doxdoengz, gannaeuz Gihduz caemh dwg ngaiz rai mbat dog lah, hoeng, de couh ndaej bang lajmbwn haujlai vunz rap coih lo. Yiengq gangj daengz de caiq dauq daeuj, de dauq daeuj mbouj dwg vih ij caiq rap coih hwj daeuj nej, dauq dwg vih ij gouq doenghheij vunz daengj de mwnq hwj dauq daeuj lah.

Dizmohdaiq Ngeih 3:15

caiq gyacangq mwngz caemh rox mwngz daj lij iq cix sug Singqgingh lo. Gij Singqgingh neix ndaej hawj vunz singqsag goqdaeuj hwj sinq Yehsuh Gihduz hwj ndaej gouq.

Gyahlahdaiq Saw 2:20

Ciuq yienghneix ma gangj, gou gaenq caeuq Gihduz caez ding youq gwnz gyaq cixcib rai lo; seizneix hih gou gaenq mij dwg yienzlaiz hih gou lo, dauq dwg dauqlix dih Gihduz doz youq gwnz ndang gou lah. Sojhij gou seizneix dwg baengh sinq daeglwg Cangqdiq hwj saenghhoz he, aenvih de aiq gou, simqciq sijndaej diuz mingh bonjfaenh de.

Yozhanq Saw 17:15

Gou mbouj gouz mwngz mbouj hawj gyoengqde bae dep aen seiqgyaiq neix hih vunz, caenhgag gouz mwngz baujhuq gyoengqde, hawj gyoengqde ndaej duet ok Sajdanq boux doegdoeg siebsieb neix ndaej lo.

Dizdoh Saw 2:13

daengj daengz raeuz soj muengh hih gij ronghndongq boux gouq raeuz dih Yehsuh Gihduz, veijdaq dih Cangqdiq, yienh okdaeuj.

Hijfuzsoj Saw 3:17

Gou muengh Gihduz vih faenhsou sinq de hwj caeuq faenhsou youq, hawj faenhsou miz aiq luj miz rag yienghmwnq youq ndaw sim faenhsou gaenj dwtdwt,

Lozmaj Saw 11:20

Gij vah neix deng hih, mbouj loek law. Gyoengqde ngaiz raemj roengzma dwg aenvih gyoengqde mbouj sinq; mwngz ndaej ciep hwnjbae dwg aenvih mwngz sinq. Hoeng, mwngz mbouj ndaej daekeiq, dauq ij lau Cangqdiq;

Yozhanq Saw 12:48

Doengh boux yiem gou, mbouj nginh gou hih, mbouj siengj dingq gij vah gou hih, couh ij ngaiz saemjbuenq; gou soj gangj hih vah, daengz ngoenz gatsat, couh ndaej cingqmingz de miz coih,

Yozhanq Saw 5:24

Yehsuh vanzlij caiq naeuz: “Gou saedsaeh naeuz sou ni, mboujguenj byawz dingq gij vah gou caiq sinq boux baij gou daeuj hih, couh ndaej seiqseiz lix, mbouj ngaiz dingh miz coih, caemh ndaej daj rai ndaej dauqlix.

Youzdaq Saw 1:24

Cangqdiq cij dwg gouq gyoengqraeuz hih bouxcawj. [24]De ndaej baujhuq faenhsou, mbouj hawj faenhsou ngaiz famh coih, hawj faenhsou ndaej guh boux mij gijmaz ndaej diudik he, ndaej angq vaujvauq hwj ndwn youq dangqnaj de. [25]Muengh dunghgoq bouxcawj raeuz Yehsuh Gihduz, najrongh miz vi miz rengz miz gienz daj gaihcij daengz seizneix daengz yungjyenj cungj dwg gvi hawj caenhgag de cij dwg Cangqdiq he! Ahmaenz.

Yozhanq It 3:2

Cinhngaiq dih baengzyoux hax, seizneix gyoengqraeuz gaenq dwg lwg Cangqdiq lo, hoeng gyoengqraeuz lij mbouj rox guh lwg de ij baenzlaw yiengh; caenhgag rox daengj daengz mwh he, gyoengqraeuz couh ndaej luj de baenx ndei, aenvih gyoengqraeuz gaengjdingq ndaej raen de cingsuj.

Hihbwzlaiz Saw 6:12

Caemh muengh faenhsou gak boux mbouj caeggyik, ij hag doenghheij baengh sinq Gihduz hih sim caeuq baengh naenxsim hwj ndaej ciep aeu Cangqdiq baujcingq nyok hawj hih.

Gohlimzdoh Ngeih 1:24

Gij neix mbouj dwg naeuz gyoengqraeuz ijsiengj guenjciq faenhsou, hawj faenhsou ij sinq gijmaz cij ndaej law, dauq dwg ijsiengj bang faenhsou, hawj faenhsou sim'angq lah, aenvih faenhsou sinq Cangqdiq gaeuq gyenhdingq lo.

Yozhanq Saw 4:14

hoeng, famz gw goq gij raemx gou hawj he hih vunz couh ndaej yungjyenj mbouj rox hozhawq, aenvih gou hih gij raemx neix ij youq gwnz ndang de bienqbaenz aen cingjraemx riuz mbouj rox sat, hawj de ndaej seiqseiz lix.”

Lozmaj Saw 8:18

Gou nginhnaeuz gyoengqraeuz seizneix souh hih nanh beij baezneix ij yienh hawj raeuz hih najrongh mbouj suenq guxmaz.

Gohlimzdoh It 1:21

Caenhgag Cangqdiq cij dwg cingqcaen coengjmingz he; de itmienh hawj aen seiqgyaiq neix hih vunz mij banqfaz dunghgoq gij coengjmingz bonjfaenh ma rox de, itmienh dunghgoq gyoengqraeuz soj cenz hih, couh dwg ciuq aen seiqgyaiq neix hih vunz ma yawj suenq dwg mazmwnh hih gij siuhsiz neix, ma gouq doenghheij sinq Yehsuh hih vunz.

Feihlizbij Saw 4:7

yienghneix Cangqdiq gaengjdingq dunghgoq Yehsuh Gihduz hwj dawz vunz ngeix mbouj daengz dih bingzan nyok hawj faenhsou; gij bingzan neix dwg ndaej baux aen sim faenhsou gyenhdingq mbouj you, ndaej an'onj hih.

Bijdwz It 4:13

dauqfanj ij vih miz gihveiq luj Gihduz yienghmwnq souh nanh hwj angq cij deng. Yienghneix, daengz Gihduz najrongh hih mwhde, couh dwg Gihduz de dauq daeuj hih mwhde, faenhsou couh ndaej engqgya angq.

Bijdwz It 5:1

Gou dwg gyauqveiq dih lingjdauj, caemh dwg caenra raen Gihduz souh nanh he, caiq dwg ndaej yangjcouq de baezneix ij yienh okdaeuj hih veijdaq he. Gou gienq faenhsou gak boux gyauqveiq dih lingjdauj,

Bijdwz Ngeih 1:3

Cangqdiq yungh gij akak rengzrengz de ma dawz gyoengqraeuz ij goq cungj saenghhoz hab'eiq habhoz de he soj yungh hih nyok hawj gyoengqraeuz lo. Gyoengqraeuz soj ndaej hih dwg vih gyoengqraeuz rox de, boux senj gyoengqraeuz daeuj hawj gyoengqraeuz ndaej miz faenh gij najrongh de caeuq ndaej yangjcouq gij haijliengh de dih Cangqdiq.