Bijdwz It 1:3 - Gij Baujcingq Moq Caeuq Geij Bonj Gij Baujcingq Daeuzdaeuz

³ Bouxcawj raeuz Yehsuh Gihduz dih Cangqdiq daxboh wnggai haenh hih! De hojsik gyoengqraeuz raixcaix; de dunghgoq bouxcawj raeuz Yehsuh Gihduz daj rai ndaej dauqlix hwj hawj gyoengqraeuz ndaej dauqyungz seng, hawj gyoengqraeuz ndaej miz saen hih mingh, hawj gyoengqraeuz miz muengh raixcaix,

Bijdwz It 1:3 ပူးပေါင်းရင်းမြစ်များ

Bijdwz It 1:23

Faenhsou wnggai yienghneix guh, aenvih Cangqdiq hawj faenhsou ndaej doiqyungz seng, ndaej doiqyungz miz mingh. Faenhsou ndaej doiqyungz seng, ndaej miz saen dih mingh, mbouj dwg daj rox rai hih, miz lwed miz noh hih vunz seng hih, dauq dwg daj gij vah Cangqdiq miz mingh hih yungjyenj mbouj rox cied hih ndaej miz saen dih mingh lah.

Yozhanq It 5:4

aenvih lwg Cangqdiq cungj ndaej giengz goq lajmbwn sojmiz hih. Hawj gyoengqraeuz ndaej giengz goq lajmbwn hih couh dwg gyoengqraeuz hih sinq Gihduz dih sim.

Lozmaj Saw 15:13

Muengh boux hawj vunz miz muengh hih Cangqdiq, vih faenhsou sinq de hwj dawz vuenheij caeuq bingzan caeng youq ndaw sim faenhsou rimrim bae, hawj faenhsou dunghgoq gij rengz Hoenzsaenz de hwj ndaej miz muengh raixcaix.

Hijfuzsoj Saw 1:7

De baenxlai aiq baenxlai haijliengh, simqciq sijndaej daeglwg dog de vih cueg gij coih gyoengqraeuz hwj riuz lwed.

Gohlimzdoh Ngeih 1:3

Bouxcawj raeuz Yehsuh Gihduz dih Cangqdiq daxboh wnggai haenh hih! De dwg hojsik vunz dih Cangqdiq, dwg vued vunz dih Bohmbwn.

Yozhanq It 3:3

Famz muengh ijsiengj luj de hih vunz cungj dwg gag gaij ndei, gaij luj de yienghmwnq ndei.

Lozmaj Saw 12:12

Mboujguenj daengj hajx cixnaeuz muengh, cungj ij miz aen sim vuenheij he; miz nanh ij naenxsim; gouz Cangqdiq ij miz sinqsim.

Yozhanq It 2:29

Giqyienz faenhsou rox de ndwn ndaej cingq he, yiengq faenhsou couh ij wnggai rox, ndwn ndaej cingq hih vunz cungj dwg lwg Cangqdiq.

Hijfuzsoj Saw 1:3

Docih bouxcawj raeuz Yehsuh Gihduz dih Cangqdiq daxboh; de dunghgoq Yehsuh Gihduz hwj dawz gwnzmbwn gak yiengh hih fuk nyok hawj gyoengqraeuz.

Ok Ngaihgiz 34:6

Gajlaeng Yehhozvaz daj dangqnaj Mohsih goq bae, couh naeuz: “Gou dwg Yehhozvaz! Gou dwg miz cojgvaq caiq sim'unq he dih Cangqdiq, mbouj laizluenh fatheiq, cix lauxsaed cix aiq vunz raixcaix he dih Cangqdiq.

Hijfuzsoj Saw 3:20

Muengh boux miz bonjsaeh cauhgoq gyoengqraeuz soj siengj soj gouz hih yienh youq laeng gyoengqraeuz dih Cangqdiq,

Hijfuzsoj Saw 1:17

gouz bouxcawj raeuz Yehsuh Gihduz dih Cangqdiq, najrongh dih Bohmbwn, soengq gij Hoenzsaenz hawj faenhsou ndaej coengjmingz caeuq ndaej miz ciqsiz he hwj hawj faenhsou ndaej engqgya rox de.

Bijdwz It 3:21

Ciengz raemxdumh neix, dwg beijgangj gyoengqraeuz sijlij lo, hoeng, sijlij mbouj dwg naeuz swiq aen ndang faenhsou cengh hwj ndaej gouq nej, dauq dwg daiqbiuj faenhsou gouz Cangqdiq hawj faenhsou bienqbaenz mij gijmaz doiq mbouj hwnj liengzsim he, dwg baengh Yehsuh Gihduz dauqlix hwj ndaej gouq hih lah.

Dizmohdaiq It 1:14

Mbouj danhcij naeuz yienghneix, bouxcawj raeuz Yehsuh Gihduz vanzlij doiq gou haijliengh raixcaix, hawj gou ndaej sinq de caeuq ndaej miz aiqsim.

Hijfuzsoj Saw 2:4

Hoeng, hojsik vunz dih Cangqdiq, de baenxlai aiq gyoengqraeuz,

Yajgoz Saw 1:18

De ciuq gij cawjeiq bonjfaenh de yungh gij saedsaeh ndei siuhsiz de ma hawj raeuz ndaej dauqlix, hawj gyoengqraeuz ndaej guh daixit buek de doiqyungz cauh he hwj guh gij vunz de.

Dizdoh Saw 2:13

daengj daengz raeuz soj muengh hih gij ronghndongq boux gouq raeuz dih Yehsuh Gihduz, veijdaq dih Cangqdiq, yienh okdaeuj.

Gohlimzdoh It 15:20

Hoeng, gizsaed Gihduz gaenq daj rai ndaej dauqlix lo. De dwg sojmiz vunzrai ndaw de dih daixit boux ndaej dauqlix; de dwg dauqlix dih baengzgawq.

Gohlimzdoh It 13:13

Hoeng, mboujguenj guxmaz, sinq, muengh, aiq, sam cungj neix dwg yungjyenj miz hih; sam cungj neix, aiq ceiq dwg veijdaq hih.

Yozhanq It 3:9

Lwg Cangqdiq dwg mbouj famh coih hih, aenvih gyoengqde miz gij singqciz Cangqdiq; giqyienz Cangqdiq dwg daxboh gyoengqde, gyoengqde couh mbouj famh coih.

Hihbwzlaiz Saw 3:6

Hoeng, Gihduz dwg daeglwg Cangqdiq, dwg guenjleix Cangqdiq cenz ranz sojmiz hih. Yiengq, hauhnaeuz gyoengqraeuz baujciz mbouj lau, gyenhciz sinq gyoengqraeuz soj muengh hih nginhnaeuz dwg najrongh hih nex, gyoengqraeuz couh dwg ndaw ranz Cangqdiq hih vunz lo.

Dezsajloznizgyah It 1:3

caemh siengzseiz ngeix daengz faenhsou vih sinq bouxcawj raeuz Yehsuh Gihduz hwj soj guh hih, vih aiq hwj roengzrengz guh hong caeuq vih doiq de miz muengh hwj rox gyenhciz naenxsim.

Gohlozsih Saw 1:27

muzdiz dwg ij hawj gij vunz de rox gij miqmiz neix doiq linghvaih minzcuz hih vunz dwg baenxlai dih veijdaq, baenxlai dih miz ik. Gij miqmiz neix couh dwg ndaw sim faenhsou miz Gihduz, sawjhawj faenhsou miz muengh ndaej miz faenh yangjcouq Cangqdiq dih najrongh.

Lozmaj Saw 8:24

Gyoengqraeuz ndaej gouq hih vunz cungj miz yienghneix muengh. Cijmboujgoq yawj ndaej raen hih mbouj suenq muengh; miz byawz bae muengh gij yawj ndaej raen hih nex?

Lozmaj Saw 8:11

Yiengq, hauhnaeuz hawj Yehsuh Gihduz ndaej dauqlix dih Cangqdiq, de dih Hoenzsaenz youq ndaw sim faenhsou nex, boux hawj Gihduz ndaej daj rai dauqlix dih Cangqdiq caemh ij dunghgoq youq ndaw sim faenhsou hih gij Hoenzsaenz mwnq hawj rox rai hih aen ndang faenhsou ndaej dauqlix hwnjdaeuj.

Yozhanq Saw 1:13

Guh lwg Cangqdiq hih vunz mbouj dwg ciuq swqyienz yienghmwnq seng daeuj hih, cixnaeuz dwg vunz caeuq vunz yienghmwnq miz lwed miz noh miz muengh hih yienghmwnq seng, dauq dwg baengh Cangqdiq ndaej seng daeuj hih lah.

Yoznaz Saw 4:2

Yienghneix de couh ienq naeuz: “Yehhozvaz Cangqdiq hax, mwh gou lij youq ranz mwhde, mbouj dwg naeuz goq, hauhnaeuz gou bae Niznizveih nex, saehcingz gaengjdingq bienqbaenz yienghneix hah? Gou senqsi rox mwngz dwg hojsik vunz dih Cangqdiq, caiq hozraez mbouj geijhoz rox fatheiq, miz baenxbienh dih aiq seiqseiz mbouj bienq, caemh sim daiq unq lai. Yienzlaiz mwngz naeuz ij fad, hoeng seizneix cungj mbouj raen fad. Yienzlaiz gou siengj deuz bae Dahswh couh dwg vih yienghneix.

Yozhanq It 5:18

Gyoengqraeuz rox gij lwg Cangqdiq mbouj dwg caenhrox famh coih hih, aenvih daeglwg Cangqdiq hen gyoengqde hwj, mbouj hawj Sajdanq, boux guh doeg guh sieb neix, haih gyoengqde.

Yozhanq It 5:1

Famz sinq Yehsuh dwg Gihduz, Cangqdiq baij daeuj dih vuengz hih, cungj dwg lwg Cangqdiq. Aiq boh hih vunz caemh aiq lwg boh de.

Gohlozsih Saw 1:23

Hoeng faenhsou bietdingh ij baujciz sinq faenhsou soj sinq hih, mbouj doeknaiq hwj sinq gij ndei siuhsiz mwh faenhsou ngamq dingq daengz couh sinq he hih, caemh mbouj ndaej hawj vunz ingjyangj faenhsou hwj lumz gij fuk ndei siuhsiz hawj vunz miz muengh he. Gij ndei siuhsiz neix seizneix gaenq cenz bae baenx cenz lajmbwn lo; gou Baujloz couh dwg bouxhoiq Cangqdiq cenz gij ndei siuhsiz neix he lo.

Lozmaj Saw 5:10

Yiengq caiq giqyienz daeglwg Cangqdiq rai ndaej hawj gij dizyinz Cangqdiq ndaej caeuq Cangqdiq doxhuz vwz, de dauqlix, mbouj engqgya hawj vunz ndaej gouq maz?

Lozmaj Saw 4:25

Yehsuh vih ij cueg gij coih gyoengqraeuz hwj ngaiz rai, hoeng, Cangqdiq hawj de dauqlix dwg vih ij hawj raeuz youq ndaw lwgra Cangqdiq suenq dwg boux mij'z coih he dih vunz.

Yozhanq It 4:7

Cinhngaiq dih baengzyoux hax, gyoengqraeuz caezgya ij doxaiq, aenvih aiq gij doenj de dwg dajlaeng Cangqdiq daeuj hih. Famz miz aiq hih cungj dwg Cangqdiq dih lwg caemh rox Cangqdiq.

Dezsajloznizgyah It 4:13

Gak boux beixnuengx hax, gangj daengz doenghheij vunz Gihduz gaenq rai he, gyoengqraeuz muengh faenhsou rox gyoengqde baezneix dih cingzgvangq, mienxndaej faenhsou luj doenghheij mbouj miz muengh hih vunz yienghmwnq siengsim.

Gyahlahdaiq Saw 6:16

Famz ciuq gij dauhleix neix bae guh hih vunz couh dwg cingqcaen gij vunz Hijswzlez lo; muengh Cangqdiq hawj gyoengqde bingzan, hojsik gyoengqde.

Dezsajloznizgyah Ngeih 2:16

Muengh bouxcawj raeuz Yehsuh Gihduz, caeuq aiq gyoengqraeuz doiq gyoengqraeuz haijliengh, yungjyenj nai gyoengqraeuz, hawj gyoengqraeuz miz muengh dih Cangqdiq Bohmbwn

Bijdwz It 1:13

Sojhij, faenhsou ij singqsag guh ndei cwnjbiq, wnggai miz sinqsim, mbouj doeknaiq hwj muengh daengj daengz Yehsuh Gihduz dauq daeuj hih mwhde doiq faenhsou haijliengh.

Bijdwz It 1:21

Faenhsou dunghgoq de hwj sinq boux hawj de daj rai ndaej dauqlix caiq hawj de ndaej najrongh dih Cangqdiq; sojhij faenhsou sinq caeuq miz muengh dungjdungj cungj dwg Cangqdiq.

Bijdwz It 3:5

aenvih doenghbaez doenghheij vunzbaz gaep haeuj Cangqdiq gauq muengh Cangqdiq baengh Cangqdiq he hih doenghheij vunzbaz neix, gyoengqde dwg yienghneix sawjhawj bonjfaenh ndaej suenq gyaeu hih lah, gyoengqde cungj dwg dingq swnh goeng gojyez bonjfaenh he,

Bijdwz It 3:15

Dauqfanj, faenhsou ij gingqbaiq Gihduz, nginh de dwg bouxcawj mwngz. Hauhnaeuz miz vunz cam faenhsou vihmaz miz muengh nex, faenhsou ij gaijyiz naeuz vunz ni, ndaw sim caemh ij cwnjbiq ndei seizlawz cungj ndaej gaijyiz naeuz vunz ni, daiqduq caemh ij ngeihheiq.