Bijdwz It 1:22 - Gij Baujcingq Moq Caeuq Geij Bonj Gij Baujcingq Daeuzdaeuz

²² Yiengq, giqyienz faenhsou dingq saedsaeh ciuq saedsaeh hwj ndaej bienqbaenz boux mij'z coih cingqcaen rox aiq vunz he lo, faenhsou couh ij luj beixnuengx caemh nginz caemh rag yienghmwnq caensim caen'eiq doxaiq.

Bijdwz It 1:22 ပူးပေါင်းရင်းမြစ်များ

Dizmohdaiq It 1:5

Couh dwg naeuz hawj mwngz naeuz doenghheij vunz neix dih muzdiz dwg hawj vunz doxaiq. Gij aiq neix wnggai dwg daj ndaw sim vunz mij'z coih he caeuq dwg mbouj miz gijmaz doiq mbouj hwnj liengzsim he caeuq dwg miz caensim sinqsim he.

Hihbwzlaiz Saw 13:1

Faenhsou ij wnggai siengzseiz doxaiq luj caencik beixnuengx yienghmwnq doxaiq.

Yozhanq It 4:12

Mij'z vunz raen goq Cangqdiq, hoeng hauhnaeuz gyoengqraeuz doxaiq, Cangqdiq couh caeuq gyoengqraeuz youq; gyoengqraeuz doxaiq couh dwg naeuz gij aiq de dunghgoq gyoengqraeuz ma fazveih okdaeuj liuxliux lo.

Yozhanq It 4:7

Cinhngaiq dih baengzyoux hax, gyoengqraeuz caezgya ij doxaiq, aenvih aiq gij doenj de dwg dajlaeng Cangqdiq daeuj hih. Famz miz aiq hih cungj dwg Cangqdiq dih lwg caemh rox Cangqdiq.

Bijdwz It 3:8

Mboujguenj guxmaz, sungj hih ma naeuz, gou gienq faenhsou hawj faenhsou doxcaezsim, doxgvansim, doxaiq, doxhojsik, doxnyiengh, mbouj ndaej gyauhngauq.

Yajgoz Saw 4:8

Faenhsou ij wnggai siengzseiz ngeix daengz Cangqdiq, mbouj yiem Cangqdiq, yiengq Cangqdiq couh daeuj dep faenhsou gvansim faenhsou lo. Doenghheij famh coih hih vunz hax, faenhsou wnggai gaij goqma mbouj guh vaihsaeh; doenghheij yaepyaep yuekyuek siengj gaen Cangqdiq hoeng caiq siengj gaen aen seiqgyaiq neix hih vunz hax, faenhsou wnggai gaij gij siengjfap faenhsou, mbouj ndaej siengzseiz ngeix daengz aen seiqgyaiq neix.

Yozhanq It 3:23

Gij vah de couh dwg hawj gyoengqraeuz sinq daeglwg de Yehsuh Gihduz, ciuq de raengq hih yienghmwnq bae doxaiq.

Dezsajloznizgyah Ngeih 1:3

Gak boux beixnuengx hax, gyoengqraeuz wnggai siengzseiz vih faenhsou hwj docih Cangqdiq, aenvih faenhsou sinq Cangqdiq yied ngoenz yied giengz, caemh yied ngoenz yied doxaiq.

Dezsajloznizgyah It 3:12

Muengh bouxcawj raeuz hawj faenhsou miz aen sim rox doxaiq he caeuq rox aiq vunz he, caemh dwg yied ngoenz yied aiq raixcaix he, caemhdangq luj gyoengqraeuz aiq faenhsou yienghmwnq.

Yozhanq It 4:20

Hauhnaeuz miz vunz naeuz: “Gou aiq Cangqdiq,” hoeng de dauq haenq gij beixnuengx de, yiengq couh naeuz de gangj gyajvah; de cungj mij aiq de soj yawjraen hih beixnuengx, yiengq de ij baenzlaw bae aiq boux yawj mbouj ndaej raen dih Cangqdiq nej?

Bijdwz It 2:17

Faenhsou dauq ij soenhcungq sojmiz hih vunz, ij aiq sojmiz sinq bouxcawj raeuz Yehsuh Gihduz hih beixbeix nuengxnuengx, ij yawjnaek Cangqdiq, caemh ij soenhgingq dang vuengz he.

Geiq Dwzbaijyienz 15:9

Cijaeu gyoengqde sinq, Cangqdiq couh swiq cengh aen sim gyoengqde. Cangqdiq caemh mbouj faen mwngzmwngz gougou; cungj dwg yawj doxdoengz.

Yozhanq It 3:11

Faenhsou daj gaihcij cix dingqri hih, couh dwg gyoengqraeuz ij caezgya doxaiq.

Bijdwz Ngeih 1:7

yawjnaek Cangqdiq lo, caemh ij miz aen sim aiq beixnuengx he cij ndaej; miz aen sim aiq beixnuengx he lo, caemh ij rox aiq vunzlai cij ndaej.

Feihlizbij Saw 1:9

Gou soj bang faenhsou gouz hih couh dwg: muengh faenhsou miz aiqsim raixcaix hwj engqgya ndaej miz ciqsiz caeuq engqgya ndaej faenbied he,

Hijfuzsoj Saw 4:3

ij doxhuz doxlaizvangj, ij miz sim baux ndei Hoenzsaenz Cangqdiq nyok hawj hih doxhuz luj aen ndang he,

Gyahlahdaiq Saw 5:5

Hoeng, gyoengqraeuz gauq baengh Hoenzsaenz Cangqdiq, baengh sinq hwj daengj daengz gyoengqraeuz soj muengh hih ndaej youq ndaw lwgra Cangqdiq suenq dwg mij coih he,

Gihduz Hawj Vunz Rox 2:4

Hoeng, miz gienh saeh he, gou ij naeuz mwngz, couh dwg naeuz mwngz mbouj luj gaxgonq yienghmwnq miz aiqsim laem lo.

Bijdwz It 4:17

aenvih Cangqdiq saemjbuenq vunz lajmbwn hih mwhde daengz lo. Ij saemjbuenq, couh ij daj gij vunz bonjfaenh Cangqdiq gaihcij saemjbuenq. Yiengq, hauhnaeuz daj gyoengqraeuz gaihcij saemjbuenq, doenghheij mbouj sinq Cangqdiq dih ndei siuhsiz hih vunz ij baenzlawz yiengh nej?

Bijdwz It 4:8

Ceiq cungqyauq hih dwg faenhsou ij caensim doxaiq, aenvih aiq ndaej nyiuz haujlai coih.

Hihbwzlaiz Saw 11:8

Caemh aenvih sinq, Yaqbwzlahhanj sinq Cangqdiq; mwh de dingq daengz Cangqdiq hawj de bae mwnq Cangqdiq baujcingq nyok hawj de hih mwnq dieg mwnq bae, de couh bae lo. Gannaeuz mwhde de mijyaengz rox ij bae mwnqlaw lah, hoeng, de cungj ciuq Cangqdiq raengq hih yienghmwnq bae lo.

Hihbwzlaiz Saw 9:14

yiengq, ciuq luj yienghneix ma gangj, gij lwed Gihduz mbouj engqgya haz? De dunghgoq seiqseiz lix dih Hoenzsaenz Cangqdiq, dawz bonjfaenh de ma dangq guh gij dajbwiz mij maz ndaej diudik he hwj bwiz hawj Cangqdiq. Gij lwed de ndaej hawj raeuz mbouj caiq guh gij mij'z yungh he, hawj raeuz mbouj caiq saetnaj saetnyaenq hwj ndaej swqhaeuh seiqseiz lix dih Cangqdiq.

Hihbwzlaiz Saw 6:10

Aenvih Cangqdiq dwg guh goengbingz hih. Faenhsou bang goq gij vunz de, caemh dwg vanzlij giqcuz bang gyoengqde; de gaengjdingq ndaejgeiq faenhsou soj guh hih ndeisaeh caeuq faenhsou yienh ok doiq de dih aiq hih.

Gohlimzdoh Ngeih 6:6

Gyoengqraeuz dwg boux mij maz ndaej diudik he, sug gij saedsaeh Cangqdiq he, rox naenxsim he, miz liengzsim he, baengh Hoenzsaenz Cangqdiq he, caensim caen'eiq aiq vunz he,

Yozhanq Saw 15:17

Faenhsou ij doxaiq; gij neix couh dwg gou dih mingqlingq.”

Bijdwz It 3:1

Caemh doxdoengz, gangj daengz guh yah hih, faenhsou ij wnggai dingq caeuq swnh goeng gojyez bonjfaenh, yienghneix cungjsuenq naeuz miz hih gojyez, de mbouj sinq gij vah Cangqdiq hwjx, guh yah hih cungj mboujyungh gangj gijmaz; [2]gyoengqde cungj veiq vih faenhsou dih caepcingq caeuq soenhcungq vunz hwj [1b]doengh daengz sim.

Hihbwzlaiz Saw 5:9

Yiengq, giqyienz Cangqdiq hawj de ndaej bienqbaenz hab guh goengjsae dajbwiz yienghmwnq ndei liuxliux he vwz, de doiq doenghheij vunz dingq de gaen de he ma gangj, dwg yungjyenj ndaej gouq hih doenj.

Dizmohdaiq Ngeih 1:14

Caemh ij baengh youq ndaw sim raeuz dih Hoenzsaenz Cangqdiq, souj ndei de gyau hawj mwngz hih gij dijbauj mwnq.

Dizmohdaiq It 5:2

doiq doenghheij vunzbaz beij mwngz laux he caemh dwg ij luj doiq daxmeh bonjfaenh yienghmwnq; doiq lwgsau hauxseng caemh dwg ij luj doiq dahnuengx bonjfaenh, caemh ij caepcingq.

Dizmohdaiq It 4:12

Mbouj ndaej hawj vunz yawj mwngz dwg hauxseng hwj yawj mbouj hwnj mwngz; mboujguenj mwngz gangj vah cixnaeuz guh gijmaz, aiqsim cixnaeuz sinq Yehsuh dih sim, cixnaeuz laux mbouj lauxsaed, caep mbouj caepcingq, gak yiengh cungj ij laeb ndei bangjyangq hawj gij vunz sinq Yehsuh he.

Dizmohdaiq It 1:3

Mwh gou bae Majgizdoenq Saengj hih mwhde, gou gaenq raengq mwngz goq naeuz hawj mwngz giqcuz youq Hijfuzsoj youq lo; yienghmwnq, mwngz couh ndaej naeuz mbouj hawj doenghheij vunz youq mwnq cenz doenghgij mbouj hab Cangqdiq dih saedsaeh he,

Dezsajloznizgyah Ngeih 2:13

Yiengq gangj daengz gyoengqraeuz, cinhngaiq dih gak boux beixnuengx bouxcawj raeuz soj aiq dih vunz hax, gyoengqraeuz wnggai vih faenhsou hwj docih Cangqdiq, aenvih Cangqdiq daj gaihcij cix senjdingh faenhsou lo, vih ij hawj faenhsou ndaej baengh Hoenzsaenz de hwj ndaej guh gij vunz de, caemh hawj faenhsou sinq saedsaeh hwj ndaej gouq.

Gyahlahdaiq Saw 3:1

Gij vunz ngawz Gyahlahdaiq faenhsou hax! Byawz yaeuh faenhsou hax! Yehsuh Gihduz ngaiz ding hwnj gwnz gyaq cixcib bae rai, mbouj dwg gaenq ra raen youq dangqnaj faenhsou myiengxmyiengx lo mah?

Gyahlahdaiq Saw 5:7

Faenhsou doiq sinq soqlaiz cungj dwg mbouj loek hih, hoeng, seizneix miz byawz lanz faenhsou, hawj faenhsou mbouj ciuq saedsaeh bae guh nej?

Lozmaj Saw 8:13

Hauhnaeuz faenhsou ciuq ndangnoh yienghmwnq ma lix nex, gaengjdingq ngaiz rai, mij'z vah gangj hih nej. Hoeng, hauhnaeuz baengh Hoenzsaenz Cangqdiq ma cawz coih, yiengq, couh gaengjdingq ndaej lix lo,

Lozmaj Saw 2:8

Hoeng doiq doenghheij caenhrox bonjfaenh, mbouj rox daengz vunz, yiem ciuq saedsaeh he, dauq bae gouzcimh doenghheij doegsieb mbouj dwg ciuq saedsaeh he dih vunz, Cangqdiq gaengjdingq aeuqheiq, fad gyoengqde.

Lozmaj Saw 1:5

Gannaeuz gou mbouj boiqndaej de doiq gou baenxlai haijliengh lah, hoeng, gou ndaej ro de, vih de hwj guh boux dwzbaijyienz he youq lajmbwn cenzgangj gij ndei siuhsiz de, hawj gij vunz linghvaih minzcuz he dingq de, sinq de.

Yozhanq Saw 17:17

Gou gouz mwngz yungh gij saedsaeh mwngz ma hawj gyoengqde bienqbaenz boux dwzbez he, hab'eiq habhoz mwngz he; gij vah mwngz couh dwg saedsaeh.

Yozhanq Saw 15:3

Faenhsou caemhdangq doengh nge gaenq dunghgoq gou doiq faenhsou soj gangj hih vah hwj ndaej caed ngez seuqset lo.

Geiq Dwzbaijyienz 6:7

Couh yienghneix, Cangqdiq dih ndei siuhsiz cenz ndaej vaiq raixcaix; youq Yehluqsajlaengj, gij lwgsae yied ngoenz yied lai, lai vaiq hux vaiq, daiqlienz doengh boux guh dajbwiz ndaw de cungj caemh miz haujlai vunz sinq Yehsuh lo.

Yozhanq Saw 17:19

Gou vih gyoengqde hwj guh boux dwzbez he, hab'eiq habhoz mwngz he, caemh hawj gyoengqde dunghgoq saedsaeh hwj bienqbaenz boux dwzbez he, hab'eiq habhoz mwngz he.

Yajgoz Saw 1:21

Sojhij faenhsou wnggai duet ok doenghgij ya'mboujlw mwnq caeuq doenghgij doegsieb mwnq; wnggai miz aen sim docih he hwj ciep aeu Cangqdiq caeng youq ndaw sim faenhsou hih gij saedsaeh mwnq, couh dwg ndaej gouq faenhsou hih gij ndei siuhsiz mwnq.

Bijdwz It 1:2

Faenhsou dwg Cangqdiq Bohmbwn senqsi cix rox cix senjdingh okdaeuj hih lo; Hoenzsaenz de hawj faenhsou bienqbaenz boux hab'eiq habhoz Cangqdiq hwj dingq Yehsuh Gihduz, caiq baengh gij lwed Yehsuh Gihduz hwj hawj faenhsou guh gij vunz de. Muengh Cangqdiq doiq faenhsou haijliengh raixcaix, hawj faenhsou bingzan!

Bijdwz It 3:20

Doenghheij vunz neix couh dwg doenghbaez Nozyaq cauh ruz hih mwhde Cangqdiq naenxsim daengj gyoengqde gaijgoq, hoeng, gyoengqde mbouj dingq, ngaiz rai youq ndaw raemx hih doenghheij vunz mwnq lo. Mwhde ndaej haeuj ruz bae ndaej daj ndaw raemx ndaej gouq hih vunz mbouj lai, cijngamq miz bet boux lah.