Bijdwz It 1:20 - Gij Baujcingq Moq Caeuq Geij Bonj Gij Baujcingq Daeuzdaeuz

²⁰ Yiengq, couh vih gij neix hwj Cangqdiq daj cauh mbwn cauh deih cihsenz cix gyezdingq senjdingh Gihduz lo, hoeng, vih faenhsou hwj de dauj youq ciqgyaiq dih duenh gatsat de, couh dwg seizneix, cij yienh okdaeuj lah.

Bijdwz It 1:20 ပူးပေါင်းရင်းမြစ်များ

Hijfuzsoj Saw 1:4

De simqciq youq mijyaengz cauh mbwn cauh deih cihsenz cix aiq gyoengqraeuz cix dunghgoq Yehsuh Gihduz hwj senj gyoengqraeuz, hawj gyoengqraeuz ndaej youq ndaw lwgra de bienqbaenz boux mij'z coih he, mij gijmaz ndaej diudik he.

Hihbwzlaiz Saw 9:26

Sojhij, hauhnaeuz dwg yienghneix hih nex, Gihduz de daj gaihcij cauh mbwn cauh deih doxdaeuj couh gaengjdingq ij ngaiz souh daengz haujlai mbat nanh lo. Hoeng, seizneix de youq ciqgyaiq dih duenh gatsat he, de cijngamq mbat dog couh dawz bonjfaenh de ma dangq guh gij dajbwiz hwj ndaej cawz coih lo.

Gihduz Hawj Vunz Rox 13:8

Lajmbwn sojmiz hih vunz, famz dwg daj cauh mbwn cauh deih doxdaeuj hih gij coh mij daengh youq ndaw bonj yiengzlwg ngaiz gaj hih ndaw bonjbouh miz mingh hih vunz, cungj baiq duz de.

Hihbwzlaiz Saw 1:2

yiengq seizneix youq ciqgyaiq dih duenh gajlaeng, de caiq dunghgoq daeglwg de daeuj doiq gyoengqraeuz gangj vah. De caemh dwg senqsi cix dinghlaeb hawj daeglwg de ciep aeu de sojmiz hih, caemh dunghgoq daeglwg de cauh mbwnmbwn deihdeih sojmiz hih.

Gohlozsih Saw 1:26

Gij siuhsiz neix dwg Cangqdiq yo hwnjdaeuj baenx haujlai haujlai daih mbouj hawj vunz rox hih gij miqmiz mwnq lo. Hoeng, seizneix de gaenq yienh hawj gij vunz de raen lo,

Hijfuzsoj Saw 3:11

Cangqdiq dwg ciuq gij cawjeiq bonjfaenh de yungjyenj mbouj rox bienq he ma yienghneix giqvaq hih; gij giqvaq neix dwg dingh ndei ij dunghgoq bouxcawj raeuz Yehsuh Gihduz ma yienh okdaeuj hih.

Hijfuzsoj Saw 3:9

caeuq hawj sojmiz hih vunz cungj rox Cangqdiq baenzlawz hengz gij giqvaq miqmiz bonjfaenh de. Gij giqvaq neix, daj doenghbaez cauh gwnzmbwn lajdeih sojmiz hih, Cangqdiq cix dawz gij giqvaq miqmiz neix yo hwnjdaeuj mbouj yienh hawj vunz rox he,

Gyahlahdaiq Saw 4:4

Hoeng, daengj daengz mwh hab hih mwhde, Cangqdiq couh baij daeglwg dog de daeuj, couh dwg de dunghgoq hawj vunzbaz seng de he, simqciq dwg miz Mohsih fazliz guenjciq he.

Yozhanq It 1:2

Gij mingh neix gaenq yienh okdaeuj lo; gyoengqraeuz caemh yawjraen goq, caemh ndaej cingqmingz naeuz dwg saedsaeh he. Gij mingh neix daj gaihcij cix caeuq Bohmbwn itheij he; de caemh yienh okdaeuj hawj gyoengqraeuz raen goq. Gyoengqraeuz seizneix cenz naeuz sou ni hih couh dwg gij mingh mbouj rox rai neix.

Hijfuzsoj Saw 1:10

Gij cawjeiq de dwg ciuq de dih giqvaq hih: daengj daengz de soj dingh hih mwhde baex daengz he, gwnzmbwn lajdeih sojmiz hih cungj gvi hawj bouxcawj raeuz Yehsuh Gihduz liux, youz de guenjleix.

Lozmaj Saw 3:25

Cangqdiq begbeg nyok Yehsuh Gihduz daeuj guh gij dajbwiz he hwj bang vunz rap coih, mbouj hawj vunz ngaiz fad; de yienghneix guh couh ndaej hawj vunz baengh gij lwed de hwj ndaej mienx coih. De yienghneix guh caemh dwg ij yienh ok de dwg ndwn ndaej cingq; gannaeuz gaxgonq Yehsuh mijyaengz daeuj cihsenz de nyiuz gij coih vunz lah, hoeng, cungj mbouj ndaej naeuz Cangqdiq dwg guh mbouj cingq ndwn mbouj cingq, dauq ij naeuz de dwg naenxsim hih.

Lizsij dih Gaihcij 3:15

Gou ij hawj mwngz caeuq vunzbaz miz caeuz; doengh daih gajlaeng mwngz caeuq doengh daih gajlaeng de doxhaemzcaeuz. Doengh daih gajlaeng de hih boux he ij haih ndaek raeuj mwngz, mwngz caemh ij haih gij giujdin boux de.”

Yozhanq It 3:8

Caenhrox famh coih hih couh dwg caemh buek fangzvuengz he, aenvih fangzvuengz daj gaihcij cix famh coih lo. Couh vih yienghneix, daeglwg Cangqdiq cij yienh okdaeuj, dwg ij boqvaiq fangzvuengz soj guh hih.

Yozhanq It 3:5

Faenhsou caemh rox, Yehsuh dwg mij'z coih hih. De daeuj lajmbwn dwg vih ij hawj vunz youq ndaw lwgra Cangqdiq bienqbaenz mij'z coih he.

Majdaiq Saw 25:34

“Faen ndei le, guh goengjvuengz hih couh doiq gyoengq youq baixgvaz de naeuz: ‘Doenghheij boh gou soengq fuk hawj faenhsou he hax, daeuj bax, daeuj ciep aeu daj mijyaengz cauh mbwn cauh deih cix cwnjbiq ndei hawj faenhsou hih aen guek neix bax!

Geiq Dwzbaijyienz 2:23

Cangqdiq caemh senqsi cix rox gij saeh ij fatseng he lo. De couh ciuq gij cawjeiq bonjfaenh de ma hawj vunz dawz Yehsuh gyau hawj faenhsou; gajlaeng faenhsou couh dunghgoq gij vunz yawj gij fazliz Cangqdiq mbouj hwnj rwz he ma dawz de ding hwnj gwnz gyaq cixcib bae, haih de rai.

Lozmaj Saw 8:29

aenvih Cangqdiq gaenq sien rox byawz dwg gij vunz de, de couh senj okdaeuj lo, hawj gyoengqde caeuq daeglwg de doxluj ndaej hab'eiq habhoz de. De yienghneix guh dwg hawj daeglwg de ndaej youq haujlai beixnuengx ndaw de dang lwgdaeuz.

Dizmohdaiq It 3:16

Bak faenh cih bak, mij maz ndaej ngeiz, Cangqdiq hawj raeuz rox hih gij saedsaeh neix cingqcaen dwg geizmiuj raixcaix, couh dwg: De bienq boux vunz yienghmwnq yienh hawj vunz raen, Hoenzsaenz Cangqdiq cingqmingz de dwg Gihduz. Bouxcai Cangqdiq ndaej raen de, Gij ndei siuhsiz de caemh cenz bae daengz gak guek gak dieg. Gij vunz lajmbwn cungj sinq de, De najrongh sagsag hwj ndaej ciep hwnj mbwn bae.

Hihbwzlaiz Saw 2:14

Yiengq, giqyienz gij lwg Cangqdiq dwg miz lwed miz noh hih vunz, Yehsuh daeuj daengz lajmbwn guh vunz caemh dwg miz lwed miz noh hih. Yienghneix de cij ndaej rai; dunghgoq de rai hwj cij ndaej hawj cangjguenj rai hih Sajdanq fangzvuengz luetgyeuq.

Bijdwz It 1:2

Faenhsou dwg Cangqdiq Bohmbwn senqsi cix rox cix senjdingh okdaeuj hih lo; Hoenzsaenz de hawj faenhsou bienqbaenz boux hab'eiq habhoz Cangqdiq hwj dingq Yehsuh Gihduz, caiq baengh gij lwed Yehsuh Gihduz hwj hawj faenhsou guh gij vunz de. Muengh Cangqdiq doiq faenhsou haijliengh raixcaix, hawj faenhsou bingzan!