Bijdwz It 1:2 - Gij Baujcingq Moq Caeuq Geij Bonj Gij Baujcingq Daeuzdaeuz

² Faenhsou dwg Cangqdiq Bohmbwn senqsi cix rox cix senjdingh okdaeuj hih lo; Hoenzsaenz de hawj faenhsou bienqbaenz boux hab'eiq habhoz Cangqdiq hwj dingq Yehsuh Gihduz, caiq baengh gij lwed Yehsuh Gihduz hwj hawj faenhsou guh gij vunz de. Muengh Cangqdiq doiq faenhsou haijliengh raixcaix, hawj faenhsou bingzan!

Bijdwz It 1:2 ပူးပေါင်းရင်းမြစ်များ

Dezsajloznizgyah Ngeih 2:13

Yiengq gangj daengz gyoengqraeuz, cinhngaiq dih gak boux beixnuengx bouxcawj raeuz soj aiq dih vunz hax, gyoengqraeuz wnggai vih faenhsou hwj docih Cangqdiq, aenvih Cangqdiq daj gaihcij cix senjdingh faenhsou lo, vih ij hawj faenhsou ndaej baengh Hoenzsaenz de hwj ndaej guh gij vunz de, caemh hawj faenhsou sinq saedsaeh hwj ndaej gouq.

Bijdwz It 1:22

Yiengq, giqyienz faenhsou dingq saedsaeh ciuq saedsaeh hwj ndaej bienqbaenz boux mij'z coih cingqcaen rox aiq vunz he lo, faenhsou couh ij luj beixnuengx caemh nginz caemh rag yienghmwnq caensim caen'eiq doxaiq.

Hihbwzlaiz Saw 12:24

bae daengz dangqnaj Yehsuh, boux guh Cangqdiq caeuq vunz laeb hih gij baujcingq lienz diuzgyenq moq hih boux cungqgyan neix, bae daengz mwnq saj lwed mwnq; gij lwed neix beij gij lwed Yaqbwz gouz Cangqdiq vanzlij miz ik.

Lozmaj Saw 11:2

Cangqdiq gaenhbaenj mbouj vwt gij vunz de senqsi cix senj okdaeuj he. Faenhsou mbouj rox ndaw Singqgingh sij miz gvanhhih Hijliqyaq boux cenz gij vah Cangqdiq neix haz? De youq dangqnaj Cangqdiq gauq gij vunz Hijswzlez naeuz:

Bijdwz Ngeih 1:2

Muengh faenhsou yied rox Cangqdiq caeuq bouxcawj raeuz Yehsuh, faenhsou couh yied ndaej daengz de doiq faenhsou haijliengh caeuq ndaej bingzan!

Geiq Dwzbaijyienz 2:23

Cangqdiq caemh senqsi cix rox gij saeh ij fatseng he lo. De couh ciuq gij cawjeiq bonjfaenh de ma hawj vunz dawz Yehsuh gyau hawj faenhsou; gajlaeng faenhsou couh dunghgoq gij vunz yawj gij fazliz Cangqdiq mbouj hwnj rwz he ma dawz de ding hwnj gwnz gyaq cixcib bae, haih de rai.

Lozmaj Saw 16:26

hoeng, seiqseiz lix dih Cangqdiq ciuq gij cawjeiq bonjfaenh de ma hawj boux cenz gij vah de sij okdaeuj hawj vunz rox. De yienghneix guh dwg siengj hawj lajmbwn sojmiz hih minzcuz cungj sinq de dingq de.

Dizmohdaiq Ngeih 2:10

Vih yienghneix, gou nyienh'eiq vih gij vunz Cangqdiq senj okdaeuj he hwj souh sojmiz hih nanh, hawj gyoengqde ndaej sinq Yehsuh Gihduz hwj ndaej gouq caeuq ndaej seiqseiz najrongh.

Gohlimzdoh It 6:11

Faenhsou ndaw de miz hih vunz doenghbaez couh dwg yienghneix, hoeng, seizneix faenhsou gaenq dunghgoq bouxcawj raeuz Yehsuh Gihduz caeuq baengh Cangqdiq dih Hoenzsaenz hwj ndaej mienx coih, ndaej youq ndaw lwgra Cangqdiq suenq dwg boux mij'z coih he, ndaej guh gij vunz Cangqdiq he lo.

Majgoj Saw 13:27

De ij baij bouxcai Cangqdiq bae daengz ciqgyaiq gak dieg bae hawj doenghheij vunz de senj okdaeuj he daeuj doxcomz.

Majgoj Saw 13:20

Yiengq, hauhnaeuz Cangqdiq mbouj gemj doengh ngoenz nanh dawz he nex, couh mij'z vunz ndaej lix roengzbae. Cijmboujgoq nex, Cangqdiq vih gij vunz de senj okdaeuj he hwj gaenq dawz doengh ngoenz mwnq gemj noix lo.

Hihbwzlaiz Saw 10:22

caiq saj lwed hwj hawj gyoengqraeuz doiq ndaej hwnj liengzsim, caeuq yungh raemx ma swiq cengh aen ndang gyoengqraeuz vwz, gyoengqraeuz couh wnggai caensim caeuq miz sinqsim raixcaix hwj bae dep Cangqdiq,

Lozmaj Saw 16:19

Daixgya cungj rox faenhsou dingq gij vah Cangqdiq, sojhij gou vih faenhsou hwj sim'angq. Gou muengh faenhsou doiq ndeisaeh singqsag, doiq vaihsaeh moengxcwenx.

Lozmaj Saw 8:33

Miz byawz ndaej gauq gij vunz Cangqdiq senj okdaeuj he nej? Cangqdiq gaenq senhbuq gyoengqde mij'z coih lo!

Luqgyah Saw 18:7

Daiqlienz goeng yawj mbouj hwnj vunz neix cungj vanzlij yienghneix naemj lo, nanzdauh Cangqdiq doiq doenghheij vunz de senj okdaeuj he, ngwnzngoenz cungj gouz de hih, mbouj leix mbouj langh mbouj bang gyoengqde hajx?

Majdaiq Saw 24:24

aenvih daengz mwhmwnq, miz doengh boux gyaj dih Gihduz caeuq doengh boux gyaj dih boux cenz gij vah Cangqdiq daeuj. Gyoengqde loengh doenghgij geizmiuj he daeuj yaeuh vunz, simqciq loengh hawj gij vunz Cangqdiq senj okdaeuj he ceng di he cungj ngaiz sinq hwx; caeklaiq miz Cangqdiq baujhuq hwx.

Majdaiq Saw 24:22

Gou naeuz sou ni, doengh ngoenz cainanh neix, hauhnaeuz mbouj dwg Cangqdiq gemj bae nex, gaenhbaenj mij'z vunz ndaej lix roengzbae. Cangqdiq vih gij vunz de senj okdaeuj he, de couh gemj doengh ngoenz cainanh mwnq.”

Bijdwz It 2:9

Hoeng, faenhsou caeuq gyoengqde mbouj doxdoengz. Faenhsou dwg Cangqdiq soj senj hih minzcuz, dwg gij vunz aen guek de he, dwg guh Cangqdiq goengjvuengz dih goengjsae dajbwiz he, dwg gvi haeuj Cangqdiq he. Cangqdiq senj faenhsou dwg hawj faenhsou daj ndaw laep ok daeuj haeuj ndaw rongh sagsag de bae cenzgangj gij ndei raixcaix de.

Hihbwzlaiz Saw 11:28

Caemh aenvih sinq, de vih sinq Cangqdiq hwj souj aen ciet Bienqgoqbae, caemh ciuq Cangqdiq raengq hih yienghmwnq bae raengq gij vunz Hijswzlez gaj yiengzlwg hwj dawz gij lwed de ma hoz haeuj begdou caeuq goemqdou bae, mienxndaej gij lwgdaeuz gij vunz Hijswzlez ngaiz bouxcai Cangqdiq gaj.

Lozmaj Saw 15:16

hawj gou ndaej youq ndaw linghvaih minzcuz ndaw de guh boux cenzgangj gvanhhih Yehsuh Gihduz dih ndei siuhsiz he, couh dwg naeuz ndaej guh luj boux bang vunz guh dajbwiz he, yienghneix haemq ndei ndaej hawj gij vunz linghvaih minzcuz he dunghgoq Hoenzsaenz Cangqdiq hwj ndaej bienqbaenz gij dajbwiz hab'eiq habhoz Cangqdiq, Cangqdiq haenjheiq he.

Lozmaj Saw 8:13

Hauhnaeuz faenhsou ciuq ndangnoh yienghmwnq ma lix nex, gaengjdingq ngaiz rai, mij'z vah gangj hih nej. Hoeng, hauhnaeuz baengh Hoenzsaenz Cangqdiq ma cawz coih, yiengq, couh gaengjdingq ndaej lix lo,

Lozmaj Saw 1:7

Gou sij fung saenq neix dwg sij hawj gij vunz faenhsou youq Lozmaj Cangqdiq aiq he, caemh dwg Cangqdiq senj ma guh gij vunz de he. Muengh daxboh raeuz Cangqdiq caeuq bouxcawj raeuz Yehsuh Gihduz doiq faenhsou haijliengh, soengq bingzan hawj faenhsou!

Lozmaj Saw 1:5

Gannaeuz gou mbouj boiqndaej de doiq gou baenxlai haijliengh lah, hoeng, gou ndaej ro de, vih de hwj guh boux dwzbaijyienz he youq lajmbwn cenzgangj gij ndei siuhsiz de, hawj gij vunz linghvaih minzcuz he dingq de, sinq de.

Geiq Dwzbaijyienz 15:18

Gij neix dwg Cangqdiq daj gaihcij cix gangj hih lo.”

Youzdaq Saw 1:2

Muengh Cangqdiq hojsik faenhsou raixcaix, aiq faenhsou raixcaix, hawj faenhsou bingzan raixcaix!

Hihbwzlaiz Saw 5:9

Yiengq, giqyienz Cangqdiq hawj de ndaej bienqbaenz hab guh goengjsae dajbwiz yienghmwnq ndei liuxliux he vwz, de doiq doenghheij vunz dingq de gaen de he ma gangj, dwg yungjyenj ndaej gouq hih doenj.

Gohlozsih Saw 3:12

Cangqdiq aiq faenhsou senj faenhsou daeuj guh gij vunz hab'eiq habhoz de, sojhij faenhsou wnggai miz aen sim hojsik vunz he, sim'unq mbouj gyauhngauq, soh semxsemh cix naenxsim he.

Gohlimzdoh Ngeih 13:14

Muengh bouxcawj raeuz Yehsuh Gihduz doiq faenhsou haijliengh, Cangqdiq aiq faenhsou, caemh muengh Hoenzsaenz Cangqdiq doz youq gwnz ndang faenhsou, caeuq faenhsou youq!

Gohlimzdoh Ngeih 10:5

ndaej hoenxhingz gak cungj lanz mbouj hawj vunz rox gij saedsaeh Cangqdiq he hih lah, couh dwg naeuz doenghgij dauhleix gij vunz gag naemqnaeuz bonjfaenh coengjmingz raixcaix he, rasang he, vanzlij miz caemh ndaej hingz goq doenghheij caeuq Cangqdiq doxngig he, caemh ndaej hawj vunz dingq Gihduz he.

Lozmaj Saw 11:28

Gyoengqde fanjdeiq gij ndei siuhsiz Cangqdiq; couh vih yienghneix hwj faenhsou couh ndaej gij ndei siuhsiz Cangqdiq. Hoeng, Cangqdiq ciuqyiengh soengq fuk hawj gyoengqde, aiq gyoengqde, aenvih gij cojgoeng gyoengqde dwg de senqsi cix senj okdaeuj he,

Geiq Dwzbaijyienz 20:32

“Seizneix gou dawz faenhsou gyau hawj Cangqdiq. Gou muengh faenhsou dawz gou soj gangj naeuz sou ni hih gij ndei siuhsiz mwnq geiq youq ndaw sim hwj ndaej bienqbaenz boux lwgsae yied ngoenz yied ndei he, hawj faenhsou caemh ndaej daengz Cangqdiq vih gij vunz bonjfaenh de hwj cwnjbiq hih gij fuk mwnq.

Dizdoh Saw 1:1

Vih doxdoengz sinq cungj he hwj ndaej guh caen lwg gou hih Dizdoh: [1]Gou dwg Baujloz, dwg bouxhoiq Cangqdiq caeuq boux dwzbaijyienz Yehsuh Gihduz he, dwg Cangqdiq baij daeuj bang gij vunz de senj okdaeuj he, hawj gyoengqde sinqsim gyenhdingq, mbouj doeknaiq, hawj gyoengqde rox gij saedsaeh Cangqdiq—gij saedsaeh neix dwg ndaej hawj vunz guh daengz hab'eiq habhoz Cangqdiq he [2]caeuq ndaej hawj vunz rox ndaej seiqseiz lix he. Gij seiqseiz lix neix dwg coengz boux gangj vah saedsaeh he dih Cangqdiq daj senqsi cix dapwngq le [3]caiq youq mwh hab de hih mwhde, dunghgoq cenzgangj gij ndei siuhsiz hwj ndaej hawj vunz rox he. Gou couh dwg ciuq boux gouq raeuz dih Cangqdiq dih mingqlingq bae guh gij hong cenzgangj Cangqdiq dih ndei siuhsiz he. [4b]Muengh Cangqdiq Bohmbwn caeuq boux gouq raeuz dih Yehsuh Gihduz doiq mwngz haijliengh, hawj mwngz bingzan!

Gohlimzdoh It 1:30

Hoeng, gyoengqraeuz ndaej baengh Cangqdiq hwj ndaej caeuq Yehsuh Gihduz doxhuz. Gyoengqraeuz caemh rox Cangqdiq baij Gihduz daeuj gouq vunz dwg coengjmingz raixcaix, gyoengqraeuz dunghgoq de hwj hawj gyoengqraeuz ndaej youq ndaw lwgra Cangqdiq suenq dwg boux mij'z coih he, ndaej guh boux hab'eiq habhoz Cangqdiq he, caemh dunghgoq de hwj gyoengqraeuz ndaej cueg ma lo.

Majgoj Saw 13:22

aenvih daengz mwhde ij miz gyaj dih Gihduz caeuq gyaj dih boux cenz gij vah Cangqdiq he ok daeuj guh doenghgij geizmiuj gingjgyauj he hwj yaeuh vunz, daiqlienz gij vunz Cangqdiq senj okdaeuj he cungj siengj yaeuh.

Majdaiq Saw 24:31

Daengz mwhmwnq, gou couh hawj miz sing boq gywnhhauh yiengj, couh baij bouxcai gou bae daengz ciqgyaiq gak dieg bae heuh doenghgij vunz gou senj okdaeuj he daeuj doxcomz.”

Yozhanq Ngeih 1:13

Gyoengqraeuz gyauqveiq, Cangqdiq senj dih gyauqveiq, caeuq gyauqveiq sojmiz hih vunz cungj cam faenhsou ndei.

Yozhanq Ngeih 1:1

Gou dwg boux vunz laux gangj vah vunz couh dingq he; gou sij saenq hawj Cangqdiq senj hih gyauqveiq caeuq gyauqveiq sojmiz hih vunz. Gou caensim aiq faenhsou, hoeng, mbouj gag gou aiq faenhsou law; sojmiz rox saedsaeh he dih vunz cungj caemh aiq faenhsou,

Bijdwz It 1:14

Faenhsou ijaeu luj gij lwg Cangqdiq yienghmwnq naeuzdingq; mbouj ndaej luj doenghbaez yienghmwnq ngawzngad, moengxcwenx gijmaz cungj mbouj rox hwj siengj guh gijmaz couh guh gijmaz.

Bijdwz It 1:19

dauq dwg baengh Gihduz dijbauj dih lwed lah; gij lwed de couh luj gij lwed duz yiengzlwg ndei ndwtndwt giencangq he.

Bijdwz It 1:20

Yiengq, couh vih gij neix hwj Cangqdiq daj cauh mbwn cauh deih cihsenz cix gyezdingq senjdingh Gihduz lo, hoeng, vih faenhsou hwj de dauj youq ciqgyaiq dih duenh gatsat de, couh dwg seizneix, cij yienh okdaeuj lah.