Bijdwz It 1:17 - Gij Baujcingq Moq Caeuq Geij Bonj Gij Baujcingq Daeuzdaeuz

¹⁷ Hauhnaeuz faenhsou cwng Cangqdiq—couh dwg boux ciuq gak vunz soj guh hih ma gunghbingz gunghcingq saemjbuenq vunz dih Cangqdiq—heuh guh boh lo, yiengq, faenhsou camqciz doz youq lajmbwn hih vunz couh ij wnggai siujsim, mbouj ndaej guh gij saeh daekcoih Cangqdiq he,

Bijdwz It 1:17 ပူးပေါင်းရင်းမြစ်များ

Majdaiq Saw 6:9

Sojhij, faenhsou gouzhaenh Cangqdiq nex, ij yienghneix naeuz: Bohmbwn raeuz hax, caenhgag mwngz cij dwg caencwnz; Vunz ij soenhcungq mwngz.

Feihlizbij Saw 2:12

Cinhngaiq dih gak boux beixnuengx hax, mwh gou youq faenhsou mwnq hih mwhde, faenhsou cungj dwg dingq gou gaen gou, hoeng, seizneix gou mbouj youq faenhsou mwnq lo; faenhsou engqgya ij dingq gou, caemh wnggai yawjnaek Cangqdiq hwj roengzrengz guh daengz faenhsou ndaej gouq le ndaej ndei liuxliux he,

Gohlimzdoh Ngeih 7:1

Sojhij gak boux beixnuengx hax, yiengq, giqyienz gyoengqraeuz ndaej doenghgij baujcingq neix lo, gyoengqraeuz couh wnggai gag rox mbouj caiq famh coih; doiq ndangdaej miz haih hih, doiq aen sim mbouj ndei hih, gyoengqraeuz cungj mbouj caiq cimyex haeuj bae. Wnggai miz aen sim soenhgingq Cangqdiq he, guh boux hab'eiq habhoz Cangqdiq liuxliux he.

Hihbwzlaiz Saw 12:28

Yiengq, giqyienz gyoengqraeuz ndaej daengz aen guek mbouj ngaiz saenqdaenh doengh byoeng mwnq vwz, gyoengqraeuz couh wnggai rox docih Cangqdiq, wnggai ciuq Cangqdiq haenjheiq hih yienghmwnq bae yawjnaek Cangqdiq, soenhcungq Cangqdiq, swqhaeuh Cangqdiq.

Hijfuzsoj Saw 1:17

gouz bouxcawj raeuz Yehsuh Gihduz dih Cangqdiq, najrongh dih Bohmbwn, soengq gij Hoenzsaenz hawj faenhsou ndaej coengjmingz caeuq ndaej miz ciqsiz he hwj hawj faenhsou ndaej engqgya rox de.

Gyahlahdaiq Saw 2:6

Yiengq gangj daengz doenghheij youq gyauqveiq haemq miz mingz hih, gyoengqde doiq gou soj cenz hih ndei siuhsiz caemh mij daez gijmaz. (Dineix gou daez daengz hih doenghheij vunz neix dih yawjfap, mbouj dwg naeuz gyoengqde dwg youq gyauqveiq haemq miz gienz gangj vah hih nej, aenvih mboujguenj dwg guxmaz vunz, youq ndaw lwgra Cangqdiq bouxboux cungj dwg doxdoengz hih.)

Lozmaj Saw 11:20

Gij vah neix deng hih, mbouj loek law. Gyoengqde ngaiz raemj roengzma dwg aenvih gyoengqde mbouj sinq; mwngz ndaej ciep hwnjbae dwg aenvih mwngz sinq. Hoeng, mwngz mbouj ndaej daekeiq, dauq ij lau Cangqdiq;

Majdaiq Saw 22:16

couh baij gij lwgsae gyoengqde caeuq doenghheij vunz gaep haeuj Hihliz Dangj he bae cimh Yehsuh, cam de naeuz: “Lauxsae, gyoengqraeuz rox mwngz dwg lauxsaed hih; mboujguenj vunz baenzlawz, mwngz cungj dwg ciuq gij saedsaeh Cangqdiq ma cenz naeuz vunz ni, aenvih mwngz mbouj yawj vunz guh saeh.

Bijdwz It 2:11

Cinhngaiq dih gak boux beixnuengx hax, faenhsou dwg vunz hek camqciz doz youq lajmbwn he; gou gienq faenhsou wnggai haed aen ndang bonjfaenh. Gaejyungh vih aen ndang bonjfaenh hwj siengjmuengh gij yalw ndaengndwet he, aenvih cungj yalw siengjmuengh neix cungj dwg caeuq hoenzsaenz bonjfaenh doxngig hih.

Hihbwzlaiz Saw 4:1

Yiengq, giqyienz Cangqdiq baujcingq hawj gyoengqraeuz ndaej yangjcouq gij yietbaeg de vwz, gyoengqraeuz couh ij wnggai siujsim, mienxndaej gyoengqraeuz ndaw de miz vunz ngaiz mbouj ndaej miz faenh yangjcouq gij yietbaeg de,

Gohlozsih Saw 3:25

Hoeng, faenhsou caemh rox, bouxcawj raeuz Gihduz de doiq bouxboux cungj doxdoengz; mboujguenj byawz guh vaihsaeh hih, de cungj ciuq boux de soj guh hih ma bauqwngq hawj boux de.

Hijfuzsoj Saw 6:9

Yiengq gangj daengz guh bouxcawj hih nej, faenhsou caemh ij wnggai doiq bouxhoiq ndei, mbouj ndaej haep boux de, aenvih faenhsou caemh rox, gyoengqde caeuq faenhsou doxdoengz cungj dwg doengz caemh bouxcawj he youq gwnzmbwn; bouxcawj neix de doiq bouxboux cungj doxdoengz, mbouj faen hingzcungh.

Hijfuzsoj Saw 3:14

Sojhij gou gvih roengzbae bang faenhsou gouz [15]cauh gwnzmbwn lajdeih gak gya gak cuz dih [14b]Cangqdiq Bohmbwn.

Bijdwz It 3:15

Dauqfanj, faenhsou ij gingqbaiq Gihduz, nginh de dwg bouxcawj mwngz. Hauhnaeuz miz vunz cam faenhsou vihmaz miz muengh nex, faenhsou ij gaijyiz naeuz vunz ni, ndaw sim caemh ij cwnjbiq ndei seizlawz cungj ndaej gaijyiz naeuz vunz ni, daiqduq caemh ij ngeihheiq.

Gohlimzdoh Ngeih 5:6

Sojhij, gyoengqraeuz couh mbeihung mbouj lau. Gyoengqraeuz caemh rox, cijaeu gyoengqraeuz vanzlij dwg aen ndangnoh rox naeuh neix, gyoengqraeuz couh vanzlij dwg mbouj ndaej caeuq bouxcawj raeuz youq itheij.

Gohlimzdoh Ngeih 1:2

Muengh daxboh raeuz Cangqdiq caeuq bouxcawj raeuz Yehsuh Gihduz doiq faenhsou haijliengh, hawj faenhsou bingzan!

Lizsij dih Gaihcij 47:9

Yajgoz han naeuz: “Seiqvunz gou seizneix gaenq ndaej baksam bi lo. Seiqvunz gou youh dinj youh dwgrengz, mbouj ndaej beij cojgoeng gou miz hih vunz lix ndaej caez.”

Gohlimzdoh Ngeih 7:11

Hawjm'z yawj hux, faenhsou ciuq Cangqdiq dih cawjeiq hwj siengsim, couh hawj faenhsou gig rox hwj haenj siengj guh ndei, hawj faenhsou rox ij baenzlawz baux ndei gij mingzhiq bonjfaenh, hawj faenhsou aeuqheiq, hawj faenhsou lau, hawj faenhsou muengh ndaej raen gou, hawj faenhsou rox gvansim, hawj faenhsou rox fad vunz. Couh vih faenhsou yienghneix hwj, gou couh rox faenhsou dwg mij gijmaz loek hih.

Majdaiq Saw 16:27

Gou naeuz sou ni hax, baezneix gou, Vunz dih Daiqbiuj, ij luj Bohmbwn gou yienghmwnq najrongh sagsag hwj caeuq bouxcai de itheij daeuj. Daengz mwhmwnq, gou couh ciuq gak vunz soj guh hih, ndei hih hawj vunz ndei, rwix hih bauqwngq hawj vunz.