Bijdwz It 1:15 - Gij Baujcingq Moq Caeuq Geij Bonj Gij Baujcingq Daeuzdaeuz

¹⁵ Dauqfanj ij guh gij saeh mij gijmaz ndaej diudik he, cingq luj senj faenhsou dih Cangqdiq de dwg boux ndei liuxliux mij gijmaz ndaej diudik he.

Bijdwz It 1:15 ပူးပေါင်းရင်းမြစ်များ

Majdaiq Saw 5:48

Sojhij faenhsou wnggai guh boux simndei liuxliux he, caemh luj Bohmbwn faenhsou yienghmwnq ndei liuxliux he.”

Gohlimzdoh Ngeih 7:1

Sojhij gak boux beixnuengx hax, yiengq, giqyienz gyoengqraeuz ndaej doenghgij baujcingq neix lo, gyoengqraeuz couh wnggai gag rox mbouj caiq famh coih; doiq ndangdaej miz haih hih, doiq aen sim mbouj ndei hih, gyoengqraeuz cungj mbouj caiq cimyex haeuj bae. Wnggai miz aen sim soenhgingq Cangqdiq he, guh boux hab'eiq habhoz Cangqdiq liuxliux he.

Hihbwzlaiz Saw 12:14

Gou naeuz faenhsou hax, faenhsou wnggai cwnqliengq caeuq vunz doxhuz, caemh ij goq cungj saenghhoz hab'eiq habhoz Cangqdiq he, aenvih hauhnaeuz mbouj goq cungj saenghhoz hab'eiq habhoz Cangqdiq he nex, couh mbouj ndaej raen Cangqdiq lo.

Yajgoz Saw 3:13

Gou naeuz hax, faenhsou miz byawz naeuz bonjfaenh dwg coengjmingz, roxsoq hih, couh mbouj wnggai rasang; wnggai soh semxsemh, wnggai guh gij saeh cingqcuek he cij deng.

Yozhanq It 3:3

Famz muengh ijsiengj luj de hih vunz cungj dwg gag gaij ndei, gaij luj de yienghmwnq ndei.

Bijdwz It 2:12

Faenhsou caeuq doenghheij mbouj rox Cangqdiq hih vunz youq itheij hih ijaeu siujsim, gangj vah guh saeh cungj ij gangj gij hab gangj he, guh gij hab guh he, yienghmwnq couh ndaej hawj doenghheij bangjlaih faenhsou guh vaihsaeh hih raen faenhsou guh ndei le, daengz bouxcawj raeuz Yehsuh Gihduz dauq daeuj hih ngoenz mwnq couh haenh Cangqdiq.

Feihlizbij Saw 1:27

Hoeng, gizsaed mboujguenj gou baenzlawz, cijaeu faenhsou guh saeh doiq vunz hab Gihduz dih ndei siuhsiz, luj boux sinq Gihduz hih vunz he, yienghneix, mboujguenj gou ndaej mbouj ndaej bae faenhsou mwnq yawj faenhsou cungj mbouj youqgaenj. Cijaeu gou ndaej dingq daengz faenhsou sinqsim gyenhdingq mbouj doeknaiq, [28a]it di cungj mbouj lau dizyinz fanjdeiq, [27b]cungj ndaej caezsim hwj vih sinq Gihduz dih ndei siuhsiz hwj roengzrengz, couh ndaej lo. [28b]Yienghneix couh cingqmingz faenhsou dwg Cangqdiq gouq hih, caemh yienh ok dizyinz gaengjdingq ngaiz satsoq lo.

Bijdwz It 2:9

Hoeng, faenhsou caeuq gyoengqde mbouj doxdoengz. Faenhsou dwg Cangqdiq soj senj hih minzcuz, dwg gij vunz aen guek de he, dwg guh Cangqdiq goengjvuengz dih goengjsae dajbwiz he, dwg gvi haeuj Cangqdiq he. Cangqdiq senj faenhsou dwg hawj faenhsou daj ndaw laep ok daeuj haeuj ndaw rongh sagsag de bae cenzgangj gij ndei raixcaix de.

Hihbwzlaiz Saw 13:5

Faenhsou caemh mbouj ndaej dam cienzcaiz; ij wnggai doiq bonjfaenh soj miz hih rox gaeuq, aenvih Cangqdiq naeuz goq naeuz: Gou yungjyenj mbouj liz faenhsou vwt faenhsou.

Dizdoh Saw 3:14

Gij vunz raeuz ij hag guh ndeisaeh, ij bang doengh boux miz nanh he, mienxndaej baenxseiq vunz cungj mij'z yungh.

Gihduz Hawj Vunz Rox 3:7

Boux de vanzlij caiq naeuz: “Mwngz ij sij saenq hawj bouxcai Feihlahdezfeih gyauqveiq; mwngz ij yienghneix sij naeuz: Boux gvi haeuj Cangqdiq, sinq ndaej goq he, dawz gij seiz Daqveiq goengjvuengz neix he, caemh hoi dou le mij'z vunz ndaej haep he, haep le caemh mij'z vunz ndaej hoi he hih boux mwnq naeuz:

Dizmohdaiq Ngeih 1:9

Cangqdiq gouq gyoengqraeuz, senj gyoengqraeuz mbouj dwg naeuz yawj gyoengqraeuz miz guh gijmaz ndeisaeh hih, dauq dwg ciuq gij cawjeiq de caeuq de dih haijliengh lah. Gij haijliengh neix, dwg de youq mijyaengz cauh mbwn cauh deih mwhde, de cix gyezdingq dunghgoq Yehsuh Gihduz ma hwj doiq gyoengqraeuz haijliengh lo,

Dizmohdaiq It 4:12

Mbouj ndaej hawj vunz yawj mwngz dwg hauxseng hwj yawj mbouj hwnj mwngz; mboujguenj mwngz gangj vah cixnaeuz guh gijmaz, aiqsim cixnaeuz sinq Yehsuh dih sim, cixnaeuz laux mbouj lauxsaed, caep mbouj caepcingq, gak yiengh cungj ij laeb ndei bangjyangq hawj gij vunz sinq Yehsuh he.

Feihlizbij Saw 3:20

Hoeng, gyoengqraeuz dwg guek gwnzmbwn hih vunz, caemh dwg daengj bouxcawj gouq raeuz dih Yehsuh Gihduz daj mwnq dauq daeuj.

Feihlizbij Saw 3:14

Gou vih ij ndaej cangjbyimj hwj roengzrengz; gij cangjbyimj neix dwg Cangqdiq dunghgoq Yehsuh Gihduz hwj daj gwnzmbwn heuh gou hwnj bae ndaej seiqseiz lix hih.

Gihduz Hawj Vunz Rox 6:10

hemq goggog naeuz: “Veijdaq dih caenhgag mwngz cij dwg caencwnz dih Cangqdiq hax, ij daengj daengz seizlaw mwngz cij saemjbuenq doenghgij vunz gaj raeuz he, hawj gyoengqde bauqwngq dawz nej?”

Bijdwz It 5:10

Hoeng, faenhsou souh goq duenh nanh he le, boux doiq vunz haijliengh raixcaix aiq vunz raixcaix dih Cangqdiq, couh dwg senj faenhsou, hawj faenhsou dunghgoq Gihduz ndaej yungjyenj najrongh dih Cangqdiq, gaengjdingq caenndang hawj faenhsou ndaej fuk hwnjdaeuj, hawj faenhsou sinqsim gyenhdingq, hawj faenhsou miz rengz mbouj doeknaiq, hawj faenhsou ndaej caep giek ndei.

Bijdwz It 3:16

Caemh ij doiq ndaej hwnj liengzsim, yienghneix couh ndaej hawj doenghheij bangjlaih faenhsou hih, couh dwg doenghheij bangjlaih faenhsou vih Gihduz hwj soj guh hih ndeisaeh hih roxnginh najnyaenq lo.

Dizdoh Saw 3:8

Gwnz neix gou soj gangj hih vah cungj dwg deng hih, cungj dwg sinq ndaej goq hih, cungj dwg doiq vunz miz ik hih. Gou muengh mwngz dwzbez gangj doenghgij saeh neix cingsuj, hawj doenghheij vunz sinq Cangqdiq he haenj guh ndeisaeh.

Dezsajloznizgyah It 2:12

Gyoengqraeuz gienq faenhsou dwg hawj faenhsou guh saeh doiq vunz cungj doiq ndaej hwnj boux senj faenhsou hawj faenhsou ndaej gaep haeuj aen guek de caeuq do gij najrongh de dih Cangqdiq.

Gihduz Hawj Vunz Rox 4:8

Seiq doenghduz neix duzduz cungj miz roek gij fwed, baixndaw baixrog cungj miz ra hwj rim bae. Gyoengqde ngwnzngoenz cungj mbouj dingz hih haenh naeuz: Singq hwx! Singq hwx! Singq hwx! Bouxcawj raeuz Cangqdiq, gaxgonq seizneix baezneix yungjyungj yenjyenj miz dih akak rengzrengz gaiqgaiq cungj ndaej guh daengz dih Cangqdiq! Singq hwx!

Lozmaj Saw 9:24

Cangqdiq soj cojgvaq hih couh dwg gyoengqraeuz; gyoengqraeuz dwg Cangqdiq daj ndaw Youzdaiq vunz caeuq linghvaih minzcuz ndaw de senj okdaeuj dih vunz.