Bijdwz It 1:12 - Gij Baujcingq Moq Caeuq Geij Bonj Gij Baujcingq Daeuzdaeuz

¹² Hoeng, Hoenzsaenz de hawj gyoengqde rox gyoengqde soj cenz hih ndei siuhsiz gaenhbaenj mbouj dwg vih gyoengqde aen nienzdaiq mwnq, dauq dwg vih faenhsou aen nienzdaiq neix hih lah. Seizneix de daj gwnzmbwn baij Hoenzsaenz de daeuj hawj vunz cenz gij ndei siuhsiz neix naeuz faenhsou ni. Gij ndei siuhsiz neix baenxlai ndei, daiqlienz bouxcai Cangqdiq cungj siengj rox cingsuj.

Bijdwz It 1:12 ပူးပေါင်းရင်းမြစ်များ

Yozhanq Saw 15:26

“Gou ij daj daxboh mwnq baij boux ndaej bang faenhsou he daeuj, couh dwg daj daxboh mwnq daeuj hih miz saedsaeh dih Hoenzsaenz. De daeuj mwhde, de ndaej cingqmingz gou.

Hijfuzsoj Saw 3:10

muzdiz dwg ij dunghgoq seizneix hih gyauqveiq, hawj doenghheij youq gwnzmbwn gaem gienz dang ak hih rox Cangqdiq baenxlai coengjmingz.

Gohlimzdoh It 2:10

Hoeng, Cangqdiq dunghgoq Hoenzsaenz bonjfaenh de hwj yienh hawj raeuz rox lo, aenvih Hoenzsaenz Cangqdiq rox sojmiz hih saeh; de yawj gijmaz cungj cingx goq gingq bohliz bae, daiqlienz ndaw sim Cangqdiq dih gij iqswh laeglaeg de, de cungj caemh rox.

Hihbwzlaiz Saw 4:2

aenvih gyoengqraeuz caemh caeuq gij vunz Hijswzlez doxdoengz, gaenq ndaej dingq daengz gij ndei siuhsiz Cangqdiq lo, cijmboujgoq gyoengqde dingq le, mij dawz haeuj rwz, mbouj sinq, sojhij doiq gyoengqde gangj mij'z maz ikcawq.

Majgoj Saw 16:15

De gvaiq gyoengqde le, vanzlij doiq gyoengqde naeuz: “Faenhsou ij bae daengz ciqgyaiq gak dieg bae cenzgangj naeuz sojmiz hih vunz ni Cangqdiq dih ndei siuhsiz.

Bijdwz It 1:25

caenhgag gij vah Cangqdiq cij yungjyenj mbouj rox cied, cij seiqseiz miz. Gij vah neix couh dwg soj cenz hawj faenhsou hih ndei siuhsiz lo.

Gihduz Hawj Vunz Rox 5:11

Gyoengqde yienghneix ciengq le, gajlaeng, gou vanzlij caiq yawjraen caemh dingqri youq seiqhenz aen lungzeij mwnq caeuq seiq duz doenghduz mwnq caeuq doengh boux boux gangj vah couh baenz mwnq miz ciencien fanhfanh boux bouxcai Cangqdiq

Gohlimzdoh Ngeih 6:6

Gyoengqraeuz dwg boux mij maz ndaej diudik he, sug gij saedsaeh Cangqdiq he, rox naenxsim he, miz liengzsim he, baengh Hoenzsaenz Cangqdiq he, caensim caen'eiq aiq vunz he,

Gohlimzdoh Ngeih 1:22

De caemh youq gwnz ndang gyoengqraeuz guh geiqhauh hwj, couh dwg de hawj gij Hoenzsaenz de doz youq gwnz ndang gyoengqraeuz, cingqmingz gyoengqraeuz dwg gvi hawj de dih baengzgawq.

Lozmaj Saw 15:19

hawj gou ndaej daj Yehluqsajlaengj itcig daengz Hijliqguj, dauqcawq bae cenzgangj gvanhhih Yehsuh Gihduz dih ndei siuhsiz.

Geiq Dwzbaijyienz 2:33

Seizneix Yehsuh gaenq naengh youq Cangqdiq dih mbiengj baixgvaz de lo, naengh mwnq ceiq ndei ceiq miz naj he. De ciep aeu gij Cangqdiq daxboh de, soj baujcingq he, couh dwg ciep aeu Hoenzsaenz Cangqdiq coengq roengzdaeuj hawj vunz, couh dwg faenhsou seizneix soj yawjraen hih soj dingqri hih.”

Hihbwzlaiz Saw 2:4

Cangqdiq caiq guh gak cungj geizmiuj hih saeh caeuq dunghgoq Hoenzsaenz bonjfaenh de ciuq gij cawjeiq bonjfaenh de ma nyok bonjsaeh hawj vunz. De yungh yienghneix ma cingqmingz hwj cingqmingz gyoengqde dih cingqmingz.

Gyahlahdaiq Saw 1:16

Miz mbat he, de gingqyienz haenjheiq hawj daeglwg de yienh hawj gou raen, hawj gou rox de, hawj gou ndaej yiengq linghvaih minzcuz hih vunz cenzgangj daeglwg de dih ndei siuhsiz. Mwhde, gou gaenhbaenj mij cam guxmaz vunz, caemh mij hawj guxmaz vunz son gou,

Gyahlahdaiq Saw 1:12

Gij ndei siuhsiz neix mbouj dwg vunz cenz hawj gou hih, caemh mbouj dwg vunz son gou hih, dauq dwg Yehsuh Gihduz hawj gou rox hih lah.

Lozmaj Saw 10:15

Mijyaengz baij vunz goq haem, ij baenzlawz cenzgangj nej? Caemh luj ndaw Singqgingh ndaw de sij naeuz: Boux cenz Cangqdiq dih ndei siuhsiz hih dij raixcaix!

Lozmaj Saw 1:17

Aenvih gij ndei siuhsiz neix ndaej hawj vunz rox baenzlaw ndaej youq ndaw lwgra Cangqdiq bienqbaenz boux mij'z coih he. Gij neix cungj dwg gauq sinq yiengh dog cij ndaej, caemh luj ndaw Singqgingh sij naeuz: Youq ndaw lwgra Cangqdiq bienqbaenz boux mij'z coih he, cungj dwg gauq sinq cij ndaej miz mingh he.

Luqgyah Saw 15:10

Sojhij, gou naeuz sou ni hax, caemh doxdoengz, boux vunz miz coih he de gaijgoq gaij ndei le, bouxcai Cangqdiq caemh yienghmwnq angq.”

Majdaiq Saw 11:25

Yehsuh gangj daengz dineix le, couh naeuz: “Bohmbwn hax, gaemguenj gwnzmbwn caeuq lajdeih hih mwngz hax! Gou haenh mwngz, aenvih mwngz mbouj hawj doengh boux coengjmingz miz vaenzvaq he rox gij saeh neix, dauq loh hawj doengh boux luj lwgngez yienghmwnq lauxsaed he rox lah.

Dezsajloznizgyah It 2:9

Gak boux beixnuengx hax, faenhsou gaengjdingq ndaejgeiq gyoengqraeuz, vih ij dawz gij ndei siuhsiz Cangqdiq cenz hawj faenhsou, guh hwj gyoengqraeuz ngwnzngoenz cungj dwgrengz guh hong, vih mbouj siengj hawj faenhsou ciengx gyoengqraeuz rap gyoengqraeuz.

Luqgyah Saw 9:6

Yehsuh raengq sat le, gyoengqde couh bae lo. Gyoengqde bae daengz gak aen mbanj bae cenzgangj aen guek Cangqdiq dih ndei siuhsiz caeuq bang vunz yw bingh.

Luqgyah Saw 2:26

Hoenzsaenz Cangqdiq gaenq hawj de rox daengz, youq de mijyaengz rai cihsenz, ndaej raen daengz Gihduz, Cangqdiq baij daeuj dih vuengz.

Majdaiq Saw 16:17

Yehsuh dingq le, couh doiq de naeuz: “Sihmaenz, daeglwg Yozhanq, mwngz miz fuk lo! Aenvih hawj mwngz rox gij saedsaeh neix hih mbouj dwg vunz, dauq dwg daxboh gwnzmbwn gou naeuz mwngz ni lah.

Majdaiq Saw 11:27

De haenh daengz dineix le, vanzlij naeuz: “Sojmiz hih cungj dwg boh gou hawj gou he. Cawzok daxboh, mij'z vunz rox daeglwg dwg byawz, caemh cawzok lwg caeuq lwg nyienh'eiq naeuz vunz ni hih, mijn'x caemh mij'z vunz rox daxboh dwg byawz.

Ok Ngaihgiz 25:20

Song duz gihluqbwz naj doiq naj yawj roengz fagoemqcoih aj fwed hwj goemq aen de.

Hihbwzlaiz Saw 11:13

Gwnz neix daez daengz hih doenghheij vunz neix, caemh aenvih gyoengqde sinq Cangqdiq raixcaix, gyoengqde miz sinqsim daengj muengh Cangqdiq doiq gyoengqde baujcingq, gyoengqde caemh nginh gyoengqde caemh luj bouxhek yienghmwnq doz youq vaihdieg youq. Gyoengqde daengz rai cungj dwg sinq Cangqdiq, hoeng cijmboujgoq mijyaengz ndaej daengj daengz Cangqdiq doiq gyoengqde dih gij baujcingq mwnq lah.

Lozmaj Saw 1:15

Sojhij gou cungj siengj dawz gij ndei siuhsiz neix cenz hawj faenhsou youq Lozmaj hih vunz.

Geiq Dwzbaijyienz 16:10

Yiengq Baujloz rox naeuz gij neix dwg Cangqdiq daezsingj de, hawj de bae Majgizdoenq cenzgangj Cangqdiq dih ndei siuhsiz he, sojhij gyoengqraeuz couh cwnjbiq bae Majgizdoenq lo.

Geiq Dwzbaijyienz 10:44

Bijdwz vanzlij gangj doenghgij vah neix hih mwhde, Hoenzsaenz Cangqdiq couh hwnj gwnz ndang gyoengq vunz daeuj dingq mwnq bae lo.

Geiq Dwzbaijyienz 8:25

Couh yienghneix, Bijdwz caeuq Yozhanq youq mwnq guh cingqyinz, cenzgangj Cangqdiq dih ndei siuhsiz. Gajlaeng, song boux de couh maj Yehluqsajlaengj lo; gyoengqde itmienh maj, itmienh youq Sajmajliqyaq dih doenghheij mbanj he cenzgangj Cangqdiq dih ndei siuhsiz.

Geiq Dwzbaijyienz 4:31

Gyoengqde ngamq gouz sat, sawqmwh gyoengqde youq mwnq gouz Cangqdiq haenh Cangqdiq hih mwnq dieg mwnq doenghdwd hwnjdaeuj. Couh yienghneix, gyoengqde bouxboux cungj doz miz Hoenzsaenz Cangqdiq. Gajlaeng gyoengqde couh mbeihung hwnjdaeuj cenzgangj Cangqdiq dih ndei siuhsiz,

Geiq Dwzbaijyienz 4:8

Hoeng mwhneix Hoenzsaenz Cangqdiq doz youq gwnz ndang Bijdwz hwj rim bae; de couh han gyoengqde naeuz:

Dizmohdaiq It 3:16

Bak faenh cih bak, mij maz ndaej ngeiz, Cangqdiq hawj raeuz rox hih gij saedsaeh neix cingqcaen dwg geizmiuj raixcaix, couh dwg: De bienq boux vunz yienghmwnq yienh hawj vunz raen, Hoenzsaenz Cangqdiq cingqmingz de dwg Gihduz. Bouxcai Cangqdiq ndaej raen de, Gij ndei siuhsiz de caemh cenz bae daengz gak guek gak dieg. Gij vunz lajmbwn cungj sinq de, De najrongh sagsag hwj ndaej ciep hwnj mbwn bae.

Bijdwz It 4:6

Cingq vih yienghneix, Cangqdiq dih ndei siuhsiz caemh cenz hawj doenghheij seizneix gaenq rai hih; yienghneix, gyoengqde gannaeuz luj sojmiz hih vunz doxdoengz ngaiz souh daengz saemjbuenq hwj ngaiz rai lah, hoeng, seizneix gyoengqde dih hoenzsaenz dauq ndaej caeuq Cangqdiq itheij lix.