ROMAANOM 9:18 - Yaqui

¹⁸ Junuen san ju'u Lios, juka' a' nak jiokolibae'uta, junuen a' nak jiokoline. Intok ket, jabeta juni'i, ka aamak a' eene' betchi'bo, junuen a' beje'eka a' eetua.

ROMAANOM 9:18 ပူးပေါင်းရင်းမြစ်များ

JOAN 12:40

Ju'u Lios, bibichaka, ka bibichame benasi am tawaak. Intok a jitat bem ju'une'ea'uta am u'aak. Junuen, nee betana weyemta bichaka, ka aet bem ju'uneene' betchi'bo. Intok nee betana weyemtat, ka tua junen jiaka bem aet ju'uneene' betchi'bo. Intok kia inime'e, junuen in am jinne'une' betchi'bo, ka neu bicha am waatine' betchi'bo, ti jiakai.

ROMAANOM 11:25

Taa Krijtopo nemak werim, senu weemta, inika'a kaabeta ju'uneiyaa'uta, nee enchim ju'uneiyaa i'a. Junuen enchim ka ama butti jitat enchim emo ju'uneeline' betchi'bo, juka' Ijra'el yoemrata wateku junuen, Liojta nok lutu'uriatat ka bem a' ta'aatuawaka'po, junuen bem ka a' mabetbae' betchi'bo. Taa inime'e, jume' wate ka nanau machi yoemra, kaabem be'eeka, si'imem Krijtota sualneeme a' suale'u tajtia jiba junuen anne.

EPEESIOM 1:6

Inia betchi'bo itepo, Liojta betana kaitau a tamachiatuka tu'ik itom a' ya'ariaka'u betchi'bo, jiba te aapo'iku bicha itom a' bai sae'uta, alleaka te au bicha a' teuwaa. Inika'a aapo, ju'u a' yoemiawata, tu'isi a' nake'u mak itom eaka jiapsa' betchi'bo, itom a' bittuak.